Эли Дюкоммен
Эли Дюкоммен | |
---|---|
![]() | |
Туган телдә исем | Эли Дюкоммен фр. Elie Ducommun |
Туган | 18 февраль 1833 Женева, Швейцария |
Үлгән | 7 декабрь 1906 (73 яшь) Берн, Швейцария |
Күмү урыны | Брегмартен зираты[d][1] |
Милләт | швейцарияле |
Ватандашлыгы | ![]() |
Һөнәре | журналист, тынычлык өчен көрәшүче |
Бүләк һәм премияләре | ![]() |
Эли Дюкоммен (фр. Elie Ducommun; 18 февраль 1833 ел, Женева, Швейцария — 7 декабрь 1906 ел, Берн, Швейцария) — Швейцария журналисты, тынычлык өчен көрәшүче, 1902 елда Шарль Альбер Гоба белән берлектә Тынычлык өчен Нобель премиясе лауреаты.
Биография
[үзгәртү | вики-текстны үзгәртү]Эли Дюкоммен 1833 елның 18 февралендә Женевада туа. Ул сәгать төзәтүче гаиләсендә өч баланың иң кечкенәсе була. Югары белеме булуга карамастан, 17 яшендә үк ул бер бай гаиләдә өй укытучысы булып эшли башлый. Өч елдан соң мәктәптә укытырга тотына, ә ике ел үткәч «Женева күзәтүе» фр. Revue de Geneve журналының мөхәрире итеп куела. Аның журналдагы эшчәнлеге аңа 1858 елда Женева кантонының вице-канцлеры, биш елдан канцлеры булырга мөмкинлек бирә.
1865 елда, Бернга күчкәч, Дюкоммен «Прогресс» дигән журнал оештыра. 1868 елдан алып ул «Европаның кушма штатлары» фр. Les Etats-Unis d'Europe дигән мәгълүмати бюллетень мөхәрире була, аны Халыкара тынычлык һәм азатлык лигасы нәшер итә. 1891 елда ул Шарль Альбер Гоба белән бергә Халыкара тынычлык бюросын оештыра. Бюро Европа пацифистик оешмаларының хәрәкәтләрен координацияләгән. Бу эшчәнлекләре өчен алар икесе дә 1902 елда Тынычлык өчен Нобель премиясенә лаек булалар.
Эли Дюкоммен шулай ук шагыйрь һәм тәрҗемәче дә була. 1886 елда ул «Соңгы елмаюлар» дигән шигырьләр җыентыгын нәшер итә. Шулай ук ул төзелеп яткан Юра-Берн-Люцерн тимер юлының 1875 елдан алып 1903 елга кадәр генераль сәркатибе дә була.
Эли Дюкоммен 1906 елның 7 декабрендә Бернда вафат була.
Сылтамалар
[үзгәртү | вики-текстны үзгәртү]- Биография Эли Дюкоммена 2011 елның 9 сентябрь көнендә архивланган. (рус.)
- Эли Дюкоммен в энциклопедии «Кругосвет»(үле сылтама) (рус.)
1901–1925 елларда Тынычлык өчен Нобель премиясе лауреатлары |
|
---|---|
Анри Дюнан / Фредерик Пасси (1901) • Эли Дюкоммен / Шарль Альбер Гоба (1902) • Уильям Рандал Кример (1903) • ХКИ (1904) • Берта Зутнер (1905) • Теодор Рузвельт (1906) • Эрнесто Теодоро Монета / Луи Рено (1907) • Клас Понтус Арнольдсон / Фредрик Байер (1908) • Огюст Беернар / Поль Анри д’Эстурнель де Констан (1909) • ХТБ (1910) • Тобиас Ассер / Альфред Герман Фрид (1911) • Элиу Рут (1912) • Анри Лафонтен (1913) • ХКХК (1917) • Томас Вудро Вильсон (1919) • Леон Виктор Огюст Буржуа (1920) • Карл Яльмар Брантинг / Кристиан Ланге (1921) • Фритьоф Нансен (1922) • Джозеф Остин Чемберлен / Чарлз Гейтс Дауэс (1925) | |
Тулы исемлек | (1901–1925) | (1926–1950) | (1951–1975) | (1976–2000) | (2001–2025) |
- ↑ 1,0 1,1 Find A Grave — 1996.