Azərbaycan nefti və qazı: Çexiyanın enerji şaxələndirməsi strategiyasının açarı

Azərbaycan prezidenti İlham Əliyev və Avropa Komissiyasının (AK) rəhbəri Ursula fon der Lyayen tərəfindən Bakıda enerji sektorunda strateji tərəfdaşlıq haqqında Anlaşma Memorandumunun imzalanmasından 2 il ötür.

İyulun ilk həftəsi beynəlxalq miqyaslı mühüm hadisələrlə - inadkar Macarıstanın Aİ-yə sədrliyinin başlaması, Astanada Şanxay Əməkdaşlıq Təşkilatının (ŞƏT) sammiti, Türkdilli Dövlətlər Təşkilatı liderlərinin Şuşada qeyri-rəsmi sammiti ilə yadda qaldı. Burada iştirakçılar siyasi problemləri müzakirə etməklə yanaşı, bu təşkilatların rəhbərləri beynəlxalq nəqliyyat və enerji layihələrinin həyata keçirilməsi ilə iqtisadi gələcək haqqında danışıblar.

Bakı Enerji Forumunun ilk günündə qaz, bərpa olunan enerji və “yaşıl” texnologiyalar diqqət mərkəzində olub. Bununla belə, təbii qaz Macarıstanın “MVM Group” şirkəti ilə Azərbaycanın dövlət müəssisəsi olan “Cənub Qaz Dəhlizi” QSC arasında mühüm sazişin imzalanmasından sonra diqqəti xüsusilə cəlb etməyə başlayıb.

Avropa İttifaqının Ukraynada apardığı müharibəyə görə Rusiya Federasiyasına qarşı iki il ərzində 13 sanksiya paketi qəbul etməsi Rusiyanın karbohidrogen ixracını çətinləşdirib və onu bu strateji məhsulları ən azı ucuz qiymətlərlə satmaq üçün “boşluqlar” axtarmağa məcbur edib.