İstintaq Təcridxanasında Anar Məmmədlinin səhhəti pisləşib
İstintaq Təcridxanasında Anar Məmmədlinin səhhəti pisləşib
Seçkilərin Monitorinqi və Demokratiyanın Tədrisi Mərkəzinin (SMDT) həbsdə olan rəhbəri Anar Məmmədlinin səhhəti pisləşib. Bu barədə hüquqşünasın yaxınları 1 saylı Bakı İstintaq Təcridxanasında onunla görüşdükdən sonra bildiriblər.
Həbsindən əvvəl Məmmədli müntəzəm inhalyasiya tələb edən obstruktiv bronxitdən müalicə olunurdu. Həbsdən sonra təmiz havadan daimi məhrumiyyət şəraitində onun vəziyyəti pisləşməkdə davam edir. O, nəfəs darlığı və boğulmalardan əziyyət çəkir.
İki il əvvəl Məmmədliyə fəqərəarası L4-L5 disklərinin və fəqərəarası L5-S1 disklərinin yırtığı diaqnozu qoyulub. İndi Məmmədli xüsusi ortopedik döşəkdə yatmaq imkanından məhrum olduğuna görə onun güclü ağrıları olur.
Saxlanma şəraiti onun normal gündəlik gəzintilərinə, təmiz hava udmasına mane olur.
İstintaq Təcridxanasının rəhbərliyi onun üçün ortopedik döşəyi qəbul etmir, ondan istifadə ağrıları azaldardı.
Yaxınları müalicəsini davam etdirməsi üçün onun dərhal azad olunmasını zəruri hesab edirlər.
* Anar Məmmədli aprelin 30-da əvvəlcədən əlbir olmuş bir qrup şəxs tərəfindən qaçaqmalçılıq (AR CM-in 206.3.2-ci mad.) ittihamı ilə həbs olunub. İlkin olaraq o, "Abzas Media-nın işi" üzrə cəlb olunmuşdu. Sonradan onun işi ayrıca icraata ayrılıb.
Çoxsaylı beynəlxalq təşkilatlar, ABŞ Dövlət Departamenti Azərbaycan hökumətini Anar Məmmədlini və həbsdə olan digər jurnalistləri və fəalları dərhal azad etməyə çağırıb.
Xatırladaq ki, son bir neçə ay ərzində 17 fəala və jurnalistə qarşı cinayət işi açılıb, onlardan 15-i həbsdədir.
-
- Cəmiyyət
- 25 İyun 2024 14:15
Siyasət
-
“Aİ İşgəncənin və Qeyri-insani və ya ləyaqəti alçaldan rəftar və cəzanın qarşısının alınması üzrə Avropa Komitəsinin (CPT) 114-cü plenar iclasında (iyul 2024) Azərbaycanla bağlı qəbul edilmiş ictimai bəyanatı nəzərə alır.
-
Sentyabrın 11-də Mərkəzi Seçki Komissiyasının Nəsimi-Yasamal 22-ci seçki dairəsinin üç seçki məntəqəsində aşkar edilmiş pozuntularla əlaqədar olaraq növbədənkənar parlament seçkilərinin nəticələrini ləğv edib. Lakin bu qərar ümumilikdə 36 seçki məntəqəsi olan dairə üzrə seçkilərin ümumi nəticəsinə təsir etməyib.
-
Bu gün Bakı Apellyasiya Məhkəməsi tədqiqatçı Bəhruz Səmədovun mənzilində qanunsuz axtarış aparılması ilə bağlı şikayətinə baxıb və Səbail Rayon Məhkəməsinin 5 sentyabr tarixli qərarını qüvvədə saxlayıb. Bu barədə Turan-a vəkil Zibeydə Sadıqova bildirib.
-
"Bu gün səfir Mark Libby başda olmaqla, ABŞ səfirliyinin əməkdaşları Nyu-Yorkda 11 sentyabr hücumlarında həlak olmuş 2977 günahsız insanın xatirəsini yad etmək üçün toplaşıblar.
Rəy yaz