Sufrajo universałe
El sufrajo universałe el ze el derito de voto de l'intiera popołasion de un Stato, indipendentemente da ła so orìzene, rasa, seso, età, credo rełijozo o stato sociałe.
Sibè che el tèrmano "sufrajo universałe" el fuse za stà includesto in granda parte de łe costitusion libarałi del XIX secoło, finmente al XX secoło, i stai libarałi i stabiłiva oncora limitasion de voto par seso e "rasa". Atualmente, inte el liveło internasionałe, l'ùgnoło limite acetà al sufrajo universałe el ze cueło de stabiłir na età mìnema par votar.
Inte el 1789, el podere pułìtego el ghea scumisià a devegner inte łe man dei presidenti e de łe càmare dei raprezentanti, fazindo vegner necesàrio regołamentare el so sistema ełetorałe. Par tuto el XIX e el XX secoło i se ga afermà sistemi ełetorałi che inte i primi tenpi i zera tanto restrenzesti e circoscrivesti a na élite, finmente rivar a stabiłir sistemi de reconosimento universałe del voto. Siben no tuti i paezi i gàpia traersà faze e restrision conpagne, o inte l'isteso órdene de avegnimento, in tèrmani zenerałi el sufrajo universałe in senso totałe el ze sta istituio dopo de un'evołusion traerso dei seventi sistemi:
- Sufrajo censuàrio (o "restrenzesto") : i vota solché i ómani che i ga na sèrie de condision ezistensiałi de educasion, de rèdito e de clase sociałe;
- Sufrajo mascułin cuałifegà (normalmente ciamà "universałe" da łe Costitusion che i ło aprova): inte el cuało i połe votare tuti i ómani boni de lèzar e scrìvar;
- Sufrajo femenin : reconosimento del derito de voto a łe done; Prima a tute chełe done maridae, che łe sìpia bone de lèzar e co propietà, e inte un secondo tenpo a łe done sìngle.
- Sufrajo sensa descriminasion rasiałe : el derito de voto el ze garantio a tute łe persone, sensa descriminasion rasiałi e gnanca de etnia o orìzene nasionałe.
- Sufrajo sensa cualìfega : inte el cuało se stabiłise el derito de voto de tute łe persone, sensa descriminar dal so liveło de istrusion, analfabeti conprendesti.
Notasion
[canbia | canbia el còdaxe]
Altri projeti
[canbia | canbia el còdaxe]Wikimedia Commons el detien imàjini o altri file so sufrajo universałe
Linganbi foresti
[canbia | canbia el còdaxe]
Controło de autorità | BNF (FR) cb121940473 (data) |
---|