Giografia del Camerun

El Camerun el xe no Stato de l'Africa sentrale. El ga na superfice de 475.440 km² (na olta e meza l’Italia) e el xe bagnà da l’Oceano Atlantico, sol golfo del Biafra, un golfo minore rentro el pi grande golfo de Guinea.

Dati generali

Confini

El Camerun el confina col Ciad (1.094 km), co la Republica Centrafricana (797 km), a sud con la Republica del Congo (523 km), con el Gabon (298 km) e la Guinea Equatoriale (189 km), e a nord-ovest co la Nizeria (1.690 km).

Teren

Le pianure de la costa le xe cuerte da foreste par na fasia de 15 — 80 km. Le foreste le finise do i altipiani i scominsia. El Monte Camerun (4070 m a.l.m.)el ga na masa grosa e da l’osidente del paexe el riva fin su la costa.

Idrografia

Fiumi

I fiumi pi inportanti i xe el Wouri, el Sanaga, el Nyong e el Ntem. I fiumi Dja e el Kadei i se buta in tel Fiume Congo. En tel nord del paese se cata el Benue chel se buta in tel Fiume Nizer e el Logone chel va a finir in tel Lago Ciad.

Laghi

La parte camerunexe del Lago Ciad el xe la sola distes de àcue interne de interese. Se cata, parò, tanti laghi picenini.

Clima

So la costa el clima el xe caldo e umino. Qi se cata la zona pi umida del pianeta: a Debundscha, a i pié del monte Camerun, la piova mèdia anuale la xe de 10.290 mm.

Portałi