Černogorsk
Lidnanznam![]() |
Flag![]() |
Valdkund | Venäma |
Eläjiden lugu (2021) | 75,745 ristitud |
Pind | 117,87 km² |
![]() | |
Pämez' | Vasilii Belonogov (uhoku 2010—) |
Telefonkod | +7−39 031-xx-xxx |
Avtokod | 19 |
Aigvö | UTC+7 (MSK+4) |
Černogorsk (hak.: Харатас, ven.: Черного́рск) om Venäman lidn da lidnümbrik Hakasijan Tazovaldkundas. Se om tazovaldkundan kahtenz' surtte lidn, Abakan-pälidnan pohjoine kaimdailidn.
Istorii
[vajehta | vajehtada lähtetekst]Eländpunktan aluz om pandud vl 1907 kuti Černogorskije Kopi-žilo samha kivihil't. Vl 1936 ühtištadihe žilod lähevenujidenke kaivuzžiloidenke da anttihe lidnan statusad udenke nügüdläiženke nimenke. Vll 1942−1955 kävutihe türmatud mehiden radod kaivuziš, heiden lugumär saihe 12 tuhazesai aigoidme.
Černogorskan ižandusen päsarak om kivihilen samine tähäsai, mugažo kohenduzmehanine tegim radab (SUEK-kompanijan pala vspäi 2023, kaivuzmašinoiden paloiden valamine), om sauvondan kompanijoid, sauvondmaterialiden pästand tegese (raudbetontegesiden tegim[1], savičun tegim om sauvomas[2]), bentonitan edheotand[3] om avaitud sijaližel torhudel, sömtegimišton edheotandad (olud, konditerižed tegesed), gofrokartonpakuitesen tegim.
Geografijan andmused
[vajehta | vajehtada lähtetekst]Lidn seižub tazovaldkundan päivnouzmas, vides kilometras Jenisei-jogen hural randalpäi, Minusinskan katl'uses, 260 m ü.m.t. keskmäižel korktusel.
Matkad lidnan röunaspäi Abakanan röunhasai om viž kilometrad suvhe. Lidnanvuitte Ust'-Abakan-žilo sijadase Černogorskan da Jenisein keskes.
Tobmuz
[vajehta | vajehtada lähtetekst]Lidnanvuitte Prigorsk-žilo mülüb Černogorskan lidnümbrikho mugažo (2392 rist. vl 2017).
Lidnümbrikon tobmuden pämez' om sen Administracijan pämez'. Lidnan Deputatoiden nevondkundan ezimez' om Tatjana Gricaenko vn 2012 keväz'kuspäi.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 72 147 ristitud. Kaik 74 698 eläjad oli lidnas vl 2017. Kaikiš suremb ristitišt lidnan oli läz 80 tuhad eläjid vozil 1986−1998 i 75 419 eläjad vl 2020.
Ortodoksižen hristanuskondan seičeme pühäpertid[4] oma saudud lidnas: viž jumalanpertid, valatusiden pühäpert' i časoun'.
Lapsiden opendusen aluzkundad oma 25 päivkodid, 12 školad, viž ližaopendusen aluzkundad. Černogorskan mehaniž-tehnologine tehnikum[5] i kaivuzsauvondan tehnikum[6] oma lidnan professionaližen opendusen aluzkundoikš.
Galerei
[vajehta | vajehtada lähtetekst]-
Muštnik ezmäižen kaivuden Vera Balandina-alusenpanijale (2013)
-
Muštnik pölištunuzile kaivajile i Pühän Jumalanmaman sündundan jumalanpert' (om saudud vll 1989−1992) tagamal, vn 2013 nägu
-
Muštnik Birm-garnizonan sodaaviaškolan lendajile vl 2013
-
Škol nomer nell' (2006)
-
Znam lidnan röunal vl 2002
Homaičendad
[vajehta | vajehtada lähtetekst]- ↑ Černogorskan raudbetontegesiden tegimen sait (gbk-1khakassia.ru). (ven.)
- ↑ Černogorskan savičuntegimen sait (kz-mir.ru). (ven.)
- ↑ «Bentonit Hakasii»-kompanijan sait (b-kh.ru). (ven.) (angl.)
- ↑ Černogorskan pühäpertid sobory.ru-saital. (ven.)
- ↑ Černogorskan mehaniž-tehnologižen tehnikuman sait (spo-chmtt.ru). (ven.)
- ↑ Černogorskan kaivuzsauvondan tehnikuman sait (pu8-chernogorsk.ru). (ven.)
Irdkosketused
[vajehta | vajehtada lähtetekst]![]() |
Černogorsk Vikiaitas |
Hakasijan Tazovaldkundan lidnad | ||
Abakan | Abaz | Černogorsk | Sajanogorsk | Sorsk | ||