Kerč

Kerč
Керчь (ven.)
Керч (ukr.)
Керич / Keriç (krim.-tat.)

Lidnanznam	Flag
Valdkund	Venäma - de fakto Ukrain - de jure]]
Eläjiden lugu (2019)	151,025 ristitud
Pind	107,63 km²
Pämez'	Nikolai Gusakov (kezaku 2017—)
Telefonkod	+7−36 561, ende +380−6561
Aigvö	UTC+3

Kerč (ven.: Керчь [ˈkʲɛrtɕ], ukr.: Керч, krim.-tat.: Керич / Keriç) om lidn da lidnümbrik Kriman päivnouzmas. Vägilidn. Se om pol'saren koumanz' lidn eläjiden lugun mödhe.

Istorii

Eländpunktan aluz om pandud kuti Amuižen Grekanman Pantikapei-kolonii (amuižgrek.: Παντικάπαιον Pantikapaion) vll 610−590 EME. Pantikapei oli Bosporan car'kundan pälidnaks vll 480 e.m.e. — 500 m.e..

Toižen mail'man sodan aigan lidnan viž kudendest oli pandud mantazole, eläjiden seičemendez oli amptud i völ seičemendez todud ajaden Germanijha. Okkupacii tuli lophu vn 1944 11. päiväl sulakud.

Geografijan andmused

Lidn sijadase Kerčin sal'men lodehližel randal (ühtenzoitab Mustmert Azovmerenke), 0..91 m korktusil, 10 m ü.m.t. keskmäižel korktusel. Mitridat-mägi om lidnan keskuzpalas.

Klimat om subtropine, kontinentan valatoitusenke. Keza om päivoikaz lujas, tal'vaig om pil'vekaz lujas. Voden keskmäine lämuz om +11,9 C°, heinkun-elokun +24,0..+24,1 C°, kezakun i sügüz'kun +21,2 i +18,6 C°, tal'vkun-uhokun +0,7..+2,8 C°. Ekstremumad oma −23,7 C° (viluku, uhoku) i +37,9 C° (heinku, eloku). Kezaaigan minimum om +2,8 C° (kezaku), tal'vaigan maksimum om +19,4 C° (tal'vku). Ei voi panda halad kezakus-sügüz'kus (sügüz'kun minimum om +1,0 C°). Paneb sadegid 429 mm vodes, läz tazomäras kuidme, enamba kezakus (53 mm), vähemba uhokus-semendkus (29..33 mm kus), heinkus (33 mm) i redukus (31 mm). Paneb lunt 30 päiväd tal'ves. Läz ei oleskele lumikatet tal'vaigan (kahthe santimetrhasai). Kun keskmäine relätivine nepsuz vajehtase 65..71 % röunoiš kezakus-sügüz'kus, 83..86 % kül'mkus-uhokus.

Tobmuz

Kerč om lidnümbrikon üks'jäižeks eländpunktaks.

Edeline lidnan pämez' om Oleg Osadčii (1998−2014).

Eläjad

Vl 2014 Kerčin eläjiden lugu oli 144 600 ristituid, läz 70 % heišpäi oma venälaižed etnižikš. Kaikiš suremb lidnan ristitišt oli 174 365 eläjad vl 1989.

Rahvahad (enamba 0,4 % vl 2014): venänikad — 84,7 %, ukrainalaižed — 8,2 %, krimantatarlaižed — 0,9 %, totarlaižed — 0,7 %, vaugedvenälaižed — 0,7 %, armenijalaižed — 0,4 %, toižed rahvahad — 1,4 %, rahvahuden ozutandata — 3,0 %.

Irdkosketused

• Lidnannevondkundan oficialine sait (горсовет-керчь.рф). (ven.)
• Lidnan Administracijan oficialine sait (керчь-город.рф). (ven.)