Kolumb Hristofor
Hristofor Kolumb (ital.: Cristoforo Colombo, isp.: Cristóbal Colón; sünd. vl 1451 elokun 26. da redukun 31. päividen keskes, Genui (vai Korsikansar', om versijoid), Genujan Tazovaldkund — kol. 20. semendku 1506, Val'jadolid, Ispanii) — merimatkadai-ispanijalaine i uziden maiden tenavaidai. Tetas händast Amerikan avaidusen tagut evropalaižiden täht (1492) tobjimalaz.
Vodel 1492 Kolumb tegihe ezmäižen ristitun, ken läbiti Atlantižen valdmeren pohjoižen mašurupoliškon subtropižes da tropižes vöiš. Hän kävui Kariban merhe i zavodi Amerikan avaidamižen processan, avaiži Keskuzamerikad i Suviamerikad. Kolumb löuzi kaik Sured Antiližed sared, Pened Antiližed sared, Bagaman sarišton palan da Trinidad-sar'. Vikingoiden erineden, löutud territorijad saiba tetabut evropalaižiden keskes i zavodiba Amerikan kolonizacijad evropalaižil.