Kubrik Stenli
Stenli Kubrik (angl.: Stanley Kubrick [ˈkuːbrɪk]; sünd. 26. heinku 1928, Nju Jorkan Manhetten-rajon, Nju Jork-štat, AÜV, — kol. 7. keväz'ku, 1999, Čailduikberi-erižpert', Hartfordan grafkund, Anglii, Sur' Britanii) oli amerikaine i britanine fil'miden režissör, prodüser da scenarist, mugažo fotograf i šahmatoiden navedii školan igäspäi. Tegi kirjoiden ekranizacijoid tobjimalaz.
Biografii
[vajehta | vajehtada lähtetekst]Stenli oli sündnu evrejalaižiden pereheze ezmäižen lapsen, kazvoi Nju Jorkan Bronks-rajonas. Džeikob Leonard Kubrik (1902−1985) oli tat, Sedi Gertruda Perveler (1903−1985) oli mam, molembiden ezitatad libuiba Keskuzližes i Päivnouzmaižes Evropaspäi.
Nor' Kubrik ei voind ühtneda üläopendusen aluzkundha vähähkon ehtmižen tagut školas, sid' radaškanzi «Look»-aiglehtesen fotografal i vändi šahmatoil rahoiže näht. Vspäi 1951 tegeškanzi fil'mid, ezmäi lühüdpiduzližid i ičeze rahoiden mänetamal. Vl 1962 sirdi Surhe Britanijha fil'mdamha «Lolita»-sädust amerikaižen cenzuran taguiči. Oli nainu kaks' kerdad. Režissöran arhiv kaičeze Londonan Čomamahtoiden universitetas.
Fil'mografii režissöraks
[vajehta | vajehtada lähtetekst]Alemba kaik täuz'piduzližed fil'mad oma mainitadud. Kubrik oli läz kaikiden niiden prodüseraks i scenarijan kirjutajaks-ki päpaloin.
- «Varu i himoituz» (1953, angl.: Fear and Desire)
- «Rikojan čoksuine» (1955, Killer’s Kiss)
- «Rikond» (1956, The Killing)
- «Hoštusen takaižed» (1957, Paths of Glory)
- «Spartak» (1960, Spartacus)
- «Lolita» (1962, mugažo anglijan kelel)
- «Streindžlav-doktor vai kut minä heitin varud i armastaškanzin bombad» (1964, Dr. Strangelove or: How I Learned to Stop Worrying and Love the Bomb)
- «2001. voz': Kosmine odissei» (1968, 2001: A Space Odyssey) — fil'm sai Oskarad parahimiš vizualizacijan effektoiš
- «Pandud kävutamižhe apel'sin» (1971, A Clockwork Orange)
- «Barri Lindon» (1975, Barry Lyndon)
- «Säind» (1980, The Shining)
- «Ünäine metalline kor'» (1987, Full Metal Jacket)
- «Avaros umbištadud sil'midenke» (1999, Eyes Wide Shut)
Homaičendad
[vajehta | vajehtada lähtetekst]- Кубрик_Стэнли_//_[[:ru:Большая_советская_энциклопедия_(третье_издание)|Большая_советская_энциклопедия]]:_[в_30_т.]
_/_под_ред._[[:ru:Прохоров,_Александр_Михайлович|А. М. Прохорова]]_—_3-е_изд._—_ :_[[:ru:Большая_российская_энциклопедия_(издательство)|Советская_энциклопедия]],_1973._—_Т. 13_:_Конда_—_Кун._—_С. 549–550.М.