Meri Lennart
Lennart-Georg Meri (mugažo estin kelel; sünd. 29. keväz'ku 1929, Tallidn, Estinma — kol. 14. keväz'ku 2006, sigä-žo) oli kirjutai, režissör, valdkundan šingotai, Estinman Tazovaldkundan kahtenz' prezident vll 1992−2001. Edel sidä radoi Estinman röunantagaižiden azjoiden ministran vozil 1990−1992.
Mez' oli sündnu diplomatan kanzha. Estin NST:n arvostadud kirjutai (1979). Tallidnan lendimport om nimitadud hänen oiktastuseks vl 2009.
Biografii
[vajehta | vajehtada lähtetekst]Vl 1941 Lennart Merin kanz oli deportiruidud Sibirihe. Küksendan aigan Merin mel'hetartuz toižidennoks suomalaiž-ugrilaižiden kelidennoks sündui, ned kuluiba hänes ümbri. Matkadandad i suomalaiž-ugrilaižiden rahvahiden heimolaižuz oliba hänen töiden pätemaks elon hätkte.
Merin kanz jäi elegiš i pördui Estinmaha, siš Lennart Meri sai opendust Tartun universitetan istorijan i keliden fakul'tetas, kändihe sen pästnikaks parahimidenke arvznamoidenke vl 1953. Nevondkundaližen politikan jono ei laskend hänele rata istorikan, ka Meri radaškanzi dramaturgan Tartun Vanemuine-teatras, sid' lavastajan Estin radios.