Sarajevo
Lidnanznam![]() |
Flag![]() |
Valdkund | Bosnii da Gercegovin |
Eläjiden lugu (2013) | 275,524 ristitud |
Pind | 141,5 km² |
![]() | |
Pämez' | Abdulah Skaka (uhoku 2017—) |
Telefonkod | +387−33 |
Aigvö | tal'vel UTC+1, kezal UTC+2 |
Sarajevo (mugažo bosnijan, serban da horvatan kelil; serban kelen kirillican kirjamil: Сарајево; turk.: Saraybosna) om Bosnijan da Gercegovinan pälidn da kaikiš suremb lidn. Se om Sarajevon kantonan administrativine keskuz da pala mugažo.
Istorii
[vajehta | vajehtada lähtetekst]Eländpunktan aluz om pandud vl 1462 kuti Bosna-Sarai (turk.: saray «pert'kulu»). Lidn vastsi Tal'veližid Olimpižid vändoid vl 1984. Voziden 1992−1995 sodan aigan Istočno Sarajevo-lidn om olmas eriži ani suvhe, i Sarajevon serbine ristitišt poleni lujas formaližikš.
Geografijan andmused
[vajehta | vajehtada lähtetekst]Sarajevo sijadase valdkundan keskuzpalan suvipäivnouzmas, mägidenkeskeižes katl'uses, Miläck-jogen randoil (36 km, bosn., serb. i horv. Miljacka, Dunain oigedpol'ne bassein), 550 m ü.m.t. keskmäižel korktusel.
Klimat om ven Keskmeren valatoitusenke. Voden keskmäine lämuz om +11,1 C°, kezakun-elokun +19..+21 C°, tal'vkun-uhokun +0,6..+2,4 C°. Ekstremumad oma −26,4 C° i +40,7 C°. Kezaaigan minimum om −3,2 C°, tal'vaigan maksimum om +21,4 C°. Paneb sadegid 950 mm vodes, läz tazomäras kuidme, enamba semendkus-kezakus i sügüz'kus-tal'vkus (85..91 mm kus), vähemba elokus (63 mm). Voib panda lunt redukuspäi sulakuhusai, haloid kezaaigan miččel taht kul.
Kantonan nell' municipalitetad oma lidnan paloikš: Centar, Novi Grad, Novo Sarajevo, Stari Grad.
Eläjad
[vajehta | vajehtada lähtetekst]Vn 2013 Bosnijan da Gercegovinan rahvahanlugemižen mödhe lidnan eläjiden lugu oli 275 524 ristitud. Ühthižen lidnan kaikiš suremb ristitišt oli 527 tuhad eläjid vl 1991. Kaik 555 tuhad ristituid elihe vl 2013 ezilidnoidenke 3350 km² pindal.
Rahvahad (ozutadud rahvahudenke vl 2013): bosnijalaižed — 81 %, horvatijalaižed — 5 %, serbalaižed — 4 %, toižed rahvahad — 10 %.
Galerei
[vajehta | vajehtada lähtetekst]-
Novi Grad Igman-mägenke tagamal (2010)
-
BBI-torguindkeskuz da ofispert' vl 2013
-
Lidnan merii i Rahvahaline kirjišt (2013)
-
Päraudtestancijan i avtovagzalan torg vl 2011
-
«Sarajevo City Center» (om saudud vl 2014), vn 2016 nägu evrejan kaumžomaspäi
Sebruzlidnad
[vajehta | vajehtada lähtetekst]Barselon, Ispanii (vspäi 2000)
Kair, Egipt (2006)
Lüblän, Slovenii (2002)
Skopje, Pohjoižmakedonii (2006)
Zagreb, Horvatii (2001)
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst]- Lidnan oficialine sait (sarajevo.ba). (bosn.) (horv.) (serb.) (angl.)
![]() |
Sarajevo Vikiaitas |
Evropan pälidnad | ||
Afinad | Amsterdam | Andorr la Vel'j | Baku | Belgrad | Berlin | Bern | Bratislav | Brüssel' | Budapešt | Buharest | Dublin | Hel'sinki | Jerevan | Kijev | Kišinöv | Kopenhagen | Lissabon | London | Lüblän | Lüksemburg-lidn | Madrid | Minsk | Monako-lidn | Moskv | Nikosii | Oslo | Pariž | Podgoric | Prag | Reikjavik | Rig | Rim | San Marino-lidn | Sarajevo | Skopje | Sofii | Stokhol'm | Zagreb | Tallidn | Tbilis | Tiran-lidn | Vaduc | Vallett | Varšav | Vatikan | Ven | Vil'nüs | ||