ಬೆಂಗಳೂರು: ನಮ್ಮ ಮೆಟ್ರೋ ಮೂರನೇ ಹಂತದ ಹೆಬ್ಬಾಳ - ಸರ್ಜಾಪುರ ಮಾರ್ಗಕ್ಕೆ ಸಂಬಂಧಿಸಿದಂತೆ ವಿಸ್ತೃತ ಯೋಜನಾ ವರದಿ (ಡಿಪಿಆರ್) ಸಲ್ಲಿಕೆಯಾಗಿದೆ. ಈ ಮೂಲಕ ಕೆಲ ವರ್ಷಗಳಲ್ಲಿಯೇ ಮತ್ತೊಂದು ಹೊಸ ಮೆಟ್ರೋ ಮಾರ್ಗ ಬರುವುದು ನಿಶ್ಚಿತ.ರಾಜಧಾನಿ ಬೆಂಗಳೂರಿನ ಸಂಚಾರ ದಟ್ಟಣೆ ತಗ್ಗಿಸಲು ನಮ್ಮ ಮೆಟ್ರೋ ಸಾಕಷ್ಟು ಪ್ರಯೋಜನಕಾರಿಯಾಗಿದೆ. ಹೊಸ ಹೊಸ ಮಾರ್ಗಗಳನ್ನುಆರಂಭಿಸಲು ಯೋಜನೆ ರೂಪಿಸುತ್ತಿದೆ. 2022-23ನೇ ಸಾಲಿನ ಬಜೆಟ್‌ನಲ್ಲಿ ಅಂದಿನ ಸಿಎಂ ಬಸವರಾಜ ಬೊಮ್ಮಾಯಿ ಅವರು ಹೆಬ್ಬಾಳ-ಸರ್ಜಾಪುರ ವಯಾ ಅಗರ, ಕೋರಮಂಗಲ ನಮ್ಮ ಮೆಟ್ರೋ ಯೋಜನೆಯನ್ನು ಘೋಷಣೆ ಮಾಡಿದ್ದರು. ಆಗ ಅಂದಾಜು ವೆಚ್ಚ 15 ಸಾವಿರ ಕೋಟಿ ರೂ. ಎಂದು ಅಂದಾಜಿಸಲಾಗಿತ್ತು. ಸದ್ಯ ಬಿಎಂಆರ್ಸಿಎಲ್ ಈ ಮಾರ್ಗದ ವಿಸ್ತೃತ ಯೋಜನಾ ವರದಿ ( ಡಿಪಿಆರ್ ) ಸಿದ್ಧಪಡಿಸಿದೆ.
16,500 ಕೋಟಿ ರೂ. ವೆಚ್ಚ
28 ನಿಲ್ದಾಣಗಳನ್ನು ಒಳಗೊಂಡಿರುವ 37 ಕಿ. ಮೀ ಇರುವ ಈ ಮಾರ್ಗದ ನಿರ್ಮಾಣಕ್ಕೆ ಅಂದಾಜು 16,500 ಕೋಟಿ ರೂಪಾಯಿ ವೆಚ್ಚವಾಗಲಿದೆ ಎಂದು ಅಂದಾಜಿಸಲಾಗಿದೆ. ಸರ್ಕಾರವು ಈ ಡಿಪಿಆರ್‌ಗೆ ಅನುಮೋದನೆ ನೀಡಿದರೆ ಅಗತ್ಯ ಭೂಮಿ ವಶಪಡಿಸಿಕೊಂಡು ಕಾಮಗಾರಿ ಆರಂಭವಾಗಲಿದೆ.ನಿರೀಕ್ಷಿತ 28 ಮೆಟ್ರೋ ನಿಲ್ದಾಣಗಳು ಯಾವುವು?
- ಸರ್ಜಾಪುರ
- ಕಾಡ ಅಗ್ರಹಾರ ರಸ್ತೆ
- ಸೋಮಾಪುರ
- ದೊಮ್ಮಸಂದ್ರ
- ಮುತ್ತನಲ್ಲೂರು ಕ್ರಾಸ್
- ಕೊಡತಿ ಗೇಟ್
- ಅಂಬೇಡ್ಕರ್ ನಗರ
- ದೊಡ್ಡಕನ್ನಳ್ಳಿ
- ಕೈಕೊಂಡನಹಳ್ಳಿ
- ಬೆಳ್ಳಂದೂರು ಗೇಟ್
- ಅಗರ
- ಜಕ್ಕಸಂದ್ರ
- ಕೋರಮಂಗಲ 3ನೇ ಬ್ಲಾಕ್
- ಕೋರಮಂಗಲ 2ನೇ ಬ್ಲಾಕ್
- ಡೈರಿ ಸರ್ಕಲ್
- ನಿಮ್ಹಾನ್ಸ್
- ಶಾಂತಿ ನಗರ
- ಟೌನ್ ಹಾಲ್
- ಕೆಆರ್ ಸರ್ಕಲ್
- ಬಸವೇಶ್ವರ ಸರ್ಕಲ್
- ಬೆಂಗಳೂರು ಗಾಲ್ಫ್ ಕೋರ್ಸ್‌
- ಪ್ಯಾಲೇಸ್ ಗುಟ್ಟಹಳ್ಳಿ
- ಮೇಖ್ರಿ ಸರ್ಕಲ್
- ವೆಟರ್ನರಿ ಕಾಲೇಜ್
- ಗಂಗಾ ನಗರ
- ಹೆಬ್ಬಾಳ
