დამდეგი ახალი წელი მიულოცა დღეს  პარლამენტის აპარატის თანამშრომლებს საქართველოს პარლამენტის თავმჯდომარემ, დავით ბაქრაძემ.

დავით ბაქრაძე ახალი წლის მოახლოებასთან დაკავშირებით ტრადიციისამებრ ნუცუბიძის ქუჩაზე მდებარე  ჩვილ ბავშვთა სახლს ეწვია და მის აღსაზრდელებს დამდეგი ახალი წელი მიულოცა. ბავშვებისთვის კოსტიუმირებული წარმოდგენა გაიმართა. დავით ბაქრაძემ და პარლამენტის აპარატის უფროსმა, დავით ჯანიაშვილმა ბავშვთა სახლის აღსაზრდელებს  საჩუქრები გადასცეს და ტკბილეული დაურიგეს.

საქართველოს კონტროლის პალატამ კორპორატიულ შეხვედრაზე 2010 წლის გაწეული სამუშაოები შეაჯამა. ღონისძიება კონტროლის პალატის თბილისის ოფისში გაიმართა, რომელსაც პარლამენტის თავმჯდომარე, დავით ბაქრაძე საფინანსო-საბიუჯეტო კომიტეტის თავმჯდომარე, ზურაბ მელიქიშვილი, დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, გიორგი მელაძე და კონტროლის პალატის თანამშრომლები დაესწრნენ.

თავისუფალი დემოკრატები აფხაზეთისა და სამაჩაბლოს ომის ვეტერანთათვის შეღავათების აღდგენის ინიციატივით გამოდიან. ამის შესახებ პარლამენტის წევრმა, გიორგი ცაგარეიშვილმა დღევანდელ ბრიფინგზე განაცხადა.

საფინანსო–საბიუჯეტო კომიტეტის სხდომაზე მთავრობის დადგენილების პროექტი და ფინანსთა მინისტრის ბრძანების პროექტები მოისმინეს. განსახილველი საკითხები სხდომაზე ფინანსთა სამინისტროს ფინანსური პოლიტიკის დეპარტამენტის უფროსმა, გიორგი ყაველაშვილმა წარმოადგინა.

"ქრისტიან-დემოკრატები" ხელისუფლებას კომუნალური გადასახადების შემცირებას   სთხოვენ. აღნიშნულ საკითხთან დაკავშირებით, გიორგი ახვლედიანმა და  ლევან ვეფხვაძემ დღეს პრესკონფერენცია გამართეს.

საქართველოს პარლამენტის თავმჯდომარის მოადგილე რუსუდან კერვალიშვილი სამგორის რაიონის მზრუნველობამოკლებულ ბავშვთა სახლ "სათნოებას" ესტუმრა და  საქველმოქმედო აქციაში მონაწილეობა მიიღო.

საქართველოს პარლამენტის შენობის წინ საახალწლო ნაძვის ხე აინთო. ცერემონიას ქვეყნის პრეზიდენტი მიხეილ სააკაშვილი, პარლამენტის წევრები და თბილისის ხელისუფლების წარმომადგენლები დაესწრნენ.

პროექტის "ოკუპაცია” ფარგლებში რეჟისორმა ლევან ახობაძემ უკვე რამდენიმე  დოკუმენტური ფილმი გადაიღო. გადამღები ჯგუფის მიერ მოპოვებული მასალების შესახებ  ინფორმაცია დეპუტატებმა დღეს ტერიტორიული მთლიანობის აღდგენის საკითხთა დროებითი კომისიის სხდომაზე მოისმინეს.

ანტიკრიზისული საბჭოს ექსპერტები დევნილების კომპაქტურად ჩასახლებულ ადგილების მონიტორინგს და საცხოვრებელი პირობების გაცნობას კვლავაც აგრძელებენ. ამის შესახებ განცხადება ანტიკრიზისული საბჭოს თავმჯდომარემ, გია თორთლაძემ დღევანდელ ბრიფინგზე გააკეთა. მისი განცხადებით, ექსპერტები ყველა ჩასახლების პუნქტს დეტალურად შეისწავლიან და მოამზადებენ ანგარიშს იქ არსებულ ვითარებასთან დაკავშირებით.

სპორტისა და ახალგაზრდულ საქმეთა კომიტეტის საშემოდგომო სესიის მუშაობა შეაფასეს დღეს კომიტეტის საორგანიზაციო სხდომაზე.

დევნილების დედაქალაქიდან განსახლებასთან დაკავშირებით სამუშაო ჯგუფის შექმნას ითხოვს ფრაქცია ”ქრისტიან-დემოკრატების” წევრი, პარლამენტის ვიცე-სპიკერი ლევან ვეფხვაძე.  

ბიუროს 2010 წლის ბოლო სხდომაზე პარლამენტის თავმჯდომარემ, დავით ბაქრაძემ დამდეგი ახალი წელი მიულოცა პარლამენტის წევრებს და ჟურნალისტებს.

პარლამენტის დარგობრივი ეკონომიკისა და ეკონომიკური პოლიტიკის კომიტეტთან საინვესტიციო კანონმდებლობაზე მომუშავე ჯგუფი შეიქმნა, რომლის მიზანია საინვესტიციო კანონმდებლობის დახვეწა. ჯგუფის შემადგენლობაში სახელმწიფო ორგანიზაციებისა და ბიზნესსექტორის წარმომადგენლები შედიან. ჯგუფის პირველი შეხვედრა დარგობრივი ეკონომიკისა და ეკონომიკური პოლიტიკის კომიტეტში დღეს გაიმართა.

ანტიკრიზიული საბჭოს  სხდომაზე დღეს ეკონომიკისა და მდგრადი განვითარების მინისტრთან, ვერა ქობალიასთან ერთად დეპუტატებმა საქართველოს მდგრადი განვითარების ეროვნული სტრატეგიის შემუშავების  შესახებ იმსჯელეს.

პარლამენტის ბიურომ უცხოეთში მცხოვრებ თანამემამულეებთან ურთიერთობის კომიტეტის რეორგანიზაციის შედეგად შექმნილი დიასპორისა და კავკასიის საკითხთა კომიტეტის თავმჯდომარედ ნუგზარ წიკლაურის კანდიდატურა დაარეგისტრირა.

მომავალი წლის იანვრიდან კანონი "მიწების მელიორაციის შესახებ" ძალადაკარგულად გამოცხადდება. ამის შესახებ კანონპროექტი აგრარულ საკითხთა კომიტეტის სხდომაზე დღეს უკვე საბოლოო – მესამე მოსმენით განიხილეს. კომიტეტის წევრებს რედაქციული ხასიათის შენიშვნები არ გამოუთქვამთ და პარლამენტის სხდომაზე მის გატანას ერთხმად დაუჭირეს მხარი.

საქართველოს მოქალაქეებს ევროკავშირის ქვეყნების ვიზების გამარტივებული პროცედურით მიღება, სავარაუდოდ, მომავალი წლის თებერვალ–მარტიდან შეეძლებათ. ამის თაობაზე საგარეო საქმეთა სამინისტროს საკონსულო დეპარტამენტის დირექტორმა გიორგი ტაბატაძემ  ევროპასთან ინტეგრაციის კომიტეტის დღევანდელ სხდომაზე განაცხადა, სადაც საქართველო-ევროკავშირს შორის ვიზის გამარტივებისა და რეადმისიის ხელშეკრულებების ირგვლივ არსებული მდგომარეობის შესახებ ინფორმაცია მოისმინეს.