Gavman blong Solomon Islands hem se, hem garem plande tumas long olketa regional organisation wea staka selen nao hem go fo ranem olketa and no eni gud samting nomoa hem kam aot long samfala long ollketa.
Permenent Secretary blong Foreign Affairs, Collin Beck hem se hem garem abaot 9fala main regional organisation distaem and olketa save hoholem staka tumas long olketa enikaen miting and workshop wea iusim ap plande risosis tumas.
Mr Beck hem se Solomon Islands hem laek fo olketa katem daon namba blong olketa regional organisation ia or muvum samfala go andanit long narawan.
So hem se sapos disfala Regional Architecture review hem no stretem disfala konsen, bae Solomon Islands hem daonem representation blong hem or witro nao from samfala long olketa.
Image Details
Ol flag blong ol Pacific Islands Forum kantri (PIF photo)
In this episode