«Ի՞նչ է նշանակում՝ հայ մարդիկ այսօր Բաքվի բանտերում են. ամեն մեկս ենք էնտեղ, մեր հավաքական ներկայությունն է Բաքվի բանտում։ Էդ անարգանքը, էդ անպատվությունը բոլորիս վրա է»,- «Ազատության» հրապարակի հարակից տարածում, լրագրողների հետ զրույցում ասաց Բագրատ սրբազան Գալստանյանը՝ պատասխանելով Բաքվի բանտերում գտնվող Արցախի ռազմաքաղաքական ղեկավարների, առհասարակ, Բաքվում գերեւարված մեր հայրենակիցների մասին հարցին։ Նա հիշեցրեց, որ հայաստանյան բանտերում է քաղբանտարկյալներ ունենք։
Իսկ Բաքվի բանտերում Արցախի ռազմաքաղաքական ղեկավարների եւ հայ ռազմագերիների առկայությունը նա համարում է բոլորիս ամոթը։ Սրբազանը հիշեց նաեւ, թե ինչպե՞ս էին այժմ գերեվարված Արցախի ռազմաքաղաքական ղեկավարները Նիկոլ Փաշինյանին Արցախում ընդունում․ «Էդ մարդկանց հետ ինքը հաց է կերել, ուղղաթիռով իջնում էր՝ դիմավորում էին, գրկախառնվում էին, ցատկում էին․․․»։
Բաքվի բանտերում գերեւարվածներին ազատելու գործիքները սրբազանի գնահատմամբ, ՀՀ իշխանության ձեռքին է եւ այս առումով նրանց անգործությունը Հուդայի վարք համարեց, քանի որ ոչինչ չի արվում՝ Բաքվի բանտից մեր հայրենակիցներին դուրս բերելու համար․ «Սա Հուդայի պատմությունն է։ Էդ մարդկանց հետ նստել են, հաց ու աղ են կիսել, ով գիտի՝ լիտրերով օղի են խմել՝ Արցախի թթի օղի»։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
