ՔՊ նախկին պատգամավոր, ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Ադրբեջանական քարոզչական հեռուստաընկերություններից մեկի այս տեսանյութը փաստում է, որ Ալմա-Աթայի հռչակագրի մասին Փաշինյանի խոսույթը «բլեֆ» է.
Ադրբեջանը որևէ մտադրություն չունի ճանաչելու ՀՀ տարածքային ամբողջականությունը, ավելին՝ այն պահին, երբ Փաշինյանը Արցախն ու ՀՀ-ն Իրանին ու Վրաստանին կապող միջպետական ճանապարհների վրա առկա ստրատեգիական կետերը ճանաչեց Ադրբեջանի մաս, Ալիևն Հայաստանի Հանրապետությունը սկսեց կոչել «Արևմտյան Ադրբեջան»։
Հիմա ադրբեջանական ողջ քարոզչական դաշտն ու պետական համակարգը լծված են մեր պետության ու տարածքների հաշվին իրենց համար գոյություն չունեցող «պատմական հայրենիք» կառուցելով։ Հենց սրան է հանգեցրել Փաշինյանի ու նրա թիմի ապաշնորհ քաղաքականությունը, որն արժեզրկում է խաղաղությունն առհասարակ՝ ստեղծելով նոր ռիսկեր Հայաստանի համար։
Կարդացեք նաև
