ՀՅԴ ԳՄ անդամ Գերասիմ Վարդանյանի գործով որոշակի տվյալներ կան, որոնք Վարդանյանի պաշտպան Բենիկ Գալստյանը չի ցանկանում այս փուլում անդրադառնալ կամ հրապարակել:
«Որովհետեւ դրանով բազմաթիվ գործողություններ ունենք անելու: Հիշյալ ձայնագրությունների օրինական լինելու հանգամանքով պայմանավորված, որպես թույլատրելի ապացույցի օգտագործման առումով եւ այլն: Ինձ համար միանշանակ չէ, որ այդ ձայնագրությունները ԱԱԾ-ն է արել: Եթե ԱԱԾ-ն ձայնագրություններն արած լիներ, եթե ինձ մոտ նման ենթադրություն լիներ, նույնիսկ մի տեղ ուրախ կլինեի:
Բայց եթե ԱԱԾ-ն իրականացրած լիներ որպես օպերատիվ հետախուզական մարմին, ընդ որում նման հնարավորություն ունի նաեւ ոստիկանությունն ու Հակակոռուպցիոն կոմիտեն: Եթե իրենք կատարած լինեին, պետք է լիներ համապատասխան դատարանի որոշում, համապատասխան ընթացակարգի պահպանում եւ այլն: Բայց իմ մոտ տպավորություն է, որ Հայաստանում իշխանություններին մոտ որոշակի խումբ անձինք ունեն բավականին լուրջ ռեսուրսներ, որոնց օգտագործմամբ կարող են իրականացնել նաեւ գաղտնալսումներ, «ներքին դիտում» գործողություններ: Ինչը խոսում է այն մասին, որ մի բան այն չէ այս երկրում, որովհետեւ վաղը կարող են ինձ լսել, ուրիշներին լսել»:
Կարդացեք նաև
Արփինե ՍԻՄՈՆՅԱՆ
