Այս մարդիկ անամոթաբար, լկտի, ցինիկ ձեւով հարցը տանում են դեպի Գարեգին 2-րդ Վեհափառին: Այս մասին այսօր հրավիրված ասուլիսում ասաց «Տավուշը հանուն հայրենիքի» շարժման առաջնորդ Բագրատ սրբազանը՝ պատասխանելով հայտարարություններին, թե շարժման հետեւում կանգնած է Մայր Աթոռ Սուրբ Էջմիածինը։
«Մայր Աթոռը արդարությանն աջակցել է, դատապարտել է բռնությունները, բայց Եկեղեցին, որպես ինստիտուտ, այս շարժման մեջ որեւէ ներգրավվածություն չունի»,-ասաց սրբազանը։
Նրա խոսքով՝ երբ մայիսին հայտարարել է իր անձնական որոշման մասին, համարվել է, որ եկեղեցին չի կարող ակտիվ ներգրավված լինել քաղաքականության մեջ․ «Ես ընդունել եմ դա, բայց ես նաեւ անձնական որոշում եմ կայացրել ու խնդրել եմ Հայոց հայրապետին, որ դադարեցնի իմ ծառայությունները: Այդ սառեցնելու մասն էլ դարձավ ծաղրանքի առարկա: Մարդիկ, չհասկացան, քանի որ կենսագրություն չունեն, սկսեցին ծաղրել՝ «սառցազան»։ Դադարեցվել է իմ ծառայությունները, ես շատ դժվար ու ծանր որոշում եմ կայացրել, Մայր Աթոռն էլ ինքն է որոշելու՝ ինչպես անի, ինչպես չանի, բնական է դա, բայց որ ներգրավված է գործընթացների մեջ՝ ոչ, շարժման մեջ ներգրավված է՝ ոչ»:
Բագրատ սրբազանը, ինչպես նախկինում էր ասել, այսօր էլ նշեց՝ վարչապետ կդառնա մեկ պայմանով՝ երբ ժողովուրդը ցանկանա եւ Վեհափառ Հայրապետը օրհնի․ «Այդ ժամից հետո Վեհափառ Հայրապետը ասել է՝ քո անձնական որոշումն է. դու ես որոշելու ու ես ընդունել եմ դա։ Այո, իրենք որոշակի իմաստով իմ նկատմամբ մտահոգություն են ունեցել այս ամբողջ շարժման հետ կապված»։
Կարդացեք նաև
Նելլի ԲԱԲԱՅԱՆ
