Uzum Click to‘lov tizimi bilan birlashishdan voz kechib, o‘z ekotizimida xizmatlarni rivojlantirishga e’tibor qaratishga qaror qildi. Bu haqda kompaniyaning “Gazeta.uz"ga kelib tushgan press-relizida aytiladi.
“Kompaniya o‘z platformasi doirasida fintex va ye-commerce servislarini yanada rivojlantirishni rejalashtirmoqda, bu esa bir tomondan maksimal samaradorlik va yagona fokusni ta’minlash, boshqa tomondan esa — mahsulot, brend va umumiy strategiyani amalga oshirishni to‘liq nazorat qilish imkonini beradi”, — deyiladi xabarda.
“Uzum bir yil ichida fintex yo‘nalishi jamoasini kuchaytirdi va aktivlarni sotib olish va birlashtirish jarayonlarini yakunladi. Bularning barchasi ekotizimga M&A (birlashish va singdirish) bitimlari orqali emas, balki organik ravishda rivojlanib, hozirgi o‘sish templarini saqlab qolishga imkon beradi”, — ta’kidladi kompaniya.
Bir yil avval Uzum va Click kompaniyalari birlashish rejalarini e’lon qilgandi va tegishli ekspertiza (investitsiyadan oldingi tekshiruv) jarayonini boshlagandi, shundan so‘ng Uzum va Click bitimni tasdiqlash uchun Raqobatni rivojlantirish va iste’molchilar huquqlarini himoya qilish qo‘mitasiga ariza berishi kerak edi. Ammo investitsiyadan oldingi tekshiruv natijalariga ko‘ra Uzum birlashmaslik va o‘z ekotizimi va brendi doirasida servislarni rivojlantirishga e’tibor qaratish to‘g‘risida qaror qabul qildi, dedi kompaniya.
