Дам олиш кунлари ҳаво бироз булутли, баъзи жойларда ўзгарувчан бўлади, лекин ёғингарчилик кутилмайди. Ҳарорат кечаси +7…+12, кундузи 22…+29 даража бўлади. Айрим жойларда шамол кучайиши, чанг-тўзонлар кузатилиши мумкин.
Бош прокуратура Баскетбол федерациясида 489 млн сўм маблағ талон-торож қилинганини аниқлади. Ташкилот ижрочи директори, ишлар бошқарувчиси ва биринчи вице-президенти жазога тортилди. Аввалроқ Сузиш федерациясида ҳам ўғриликлар ҳақида хабар берилган эди.
Умидбек Ражабов 2023 йилда «Тошшаҳарнур» ДУК раҳбари лавозимидан озод этилганди. 8 ойдан сўнг у яна ўша ишга қайтиб, раҳбар вазифасини бажарувчи этиб тайинланди.
Ўзаро ишончни мустаҳкамлаш йўлида давлатлар бир-бирларининг ички ишларига аралашмаслик тамойилига амал қилиш муҳим, деди Ўзбекистон ТИВ раҳбари Бахтиёр Саидов Россия ТИВ раҳбари Сергей Лавров билан учрашув якунида.
Ўзбекистон Африканинг яна бир давлати — Ботсвана билан дипломатик алоқа ўрнатди. Аввалги кунларда Бурунди, Кабо-Верде ва Сейшел ороллари билан ҳам бу борада ҳужжатлар имзоланганди.
Жиззах шаҳрида Yandex Go хизмати иш бошлади. Дастлабки босқичда сафарнинг минимал нархи 2500 сўмдан бошланади.
Музработ туманида Lacetti ҳайдовчиси бошқарувни йўқотиб йўл четига чиқиб кетган ва газ қувурига келиб урилган. Оқибатда газ сизиб чиққан ва 915 та хонадон таъминотдан вақтинча узиб қўйилган. Воқеадан бир кун ўтиб газ етказиб бериш босқичма-босқич тикланган.
Тошкент вилояти Бўстонлиқ туманида бир-бирига туташ иккита ҳовли уй ёниб кетди. Ёнғинни ўчиришга 4 та экипаж ва 3 та сув ташувчи транспорт жалб этилди. Жароҳатланганлар йўқ, ҳодиса сабаби ва зарар миқдори аниқланмоқда.
Лондонда ЕТТБнинг Озарбайжондаги ваколатхонасини бошқарган ва ўз ватанида кўплаб ижтимоий лойиҳаларни амалга оширган ўзбекистонлик Камола Махмудова вафот этди. «Газета.uz» 2022 йилда ундан интервью олганди.
Британия музейида дунёнинг 29 та коллекциясидан 300 дан ортиқ экспонатлар, жумладан, Ўзбекистондан 14 та буюм намойиш этиладиган Silk Roads кўргазмаси очилди. Экспозиция Ипак йўли бўйлаб милодий 500−1000 йиллардаги маданий алоқалар ёритилган. Кўргазма 2025 йил 23 февралгача давом этади.
Май ойида Kia Stinger ҳайдовчиси Тошкентдаги автотюнинг устахонаси ҳудудидаги пойга вақтида avtotuning_uz Instagram саҳифаси асосчисини уриб юборган, у шифохонага олиб кетилаётганда ҳалок бўлганди. Августда у 3 йиллик қамоққа ҳукм қилинганди, аммо апелляция суди жазони енгиллаштириб, уни озод қилди.
Жаҳонга машҳур Zaha Hadid Architects компанияси Янги Тошкентдаги Халқаро илмий-тадқиқот маркази, Адабиёт музейи ва Миллий мақом марказини ўз ичига олган мажмуа лойиҳасини яратди. Чирчиқ дарёси соҳилида дам олиш зонаси ташкил этилади. Лойиҳалар президентга тақдим этилди.
БМТда нутқ сўзлаган ташқи ишлар вазири, Тошкент мактабларидан биридаги ҳолатга «расмий тушунтириш» сўраган Россия, пенсия тизимини ислоҳ қилиш бўйича концепция, Нью-Йорк мэрининг Ўзбекистон билан эҳтимолий алоқалари ва бошқалар — «Газета.uz»нинг кунлик дайжестида.
ҚХВ фермер ва кластерлар ўртасидаги муносабатларни тартибга солиш, пахта етказиб бериш шартномаларини бекор қилиш бўйича ҳудудий бошқармалар ва уларнинг раҳбарларига ҳеч қандай кўрсатма бермаганини маълум қилди. Вазирлик маълумотларига кўра, фермерларнинг 90 фоизи аллақачон шартномаларини янгилаган.
Ўзбекистонда ўтаётган футзал бўйича 2024 йилги мундиалнинг нимчорак финалида навбатдаги сенсациялар қайд этилди: Қозоғистон амалдаги жаҳон чемпиони Португалияни мағлуб этди. Марокаш эса жаҳон чемпионатларида Эронни мағлуб эта олган Африканинг илк вакилига айланди.
Академик Воҳидов номидаги тиббиёт маркази 50 йиллиги муносабати билан президент соғлиқни сақлаш тизимидаги самарали меҳнати учун қатор тиббиёт ходимларини фахрий унвон ва орденлар билан мукофотлади.
Нью-Йорк мэри Эрик Адамс коррупциявий жиноятда айбланмоқда. Прокурорлар унинг 2021 йилги сайлов кампаниясини молиялаштириш манбаларини текширмоқда. Расмийлар Адамснинг бир қанча давлатлар, жумладан, Ўзбекистон билан алоқалари ҳақида маълумот сўраган.
Исроил АҚШ, Европа Иттифоқи ва Яқин Шарқда масштаблироқ урушнинг олдини олишга уринаётган бошқа иттифоқчиларнинг «Ҳизбуллоҳ» билан уч ҳафталик сулҳ таклифини рад этди.
Maff компанияси Тошкентда янги катта шоурум очди. Майдони 1200 кв. м. бўлган янги шоурумда ташриф буюрувчилар 17 та жаҳон брендлар маҳсулотлари билан танишиши мумкин.
Ўзбекистон Журналистлар уюшмаси «Энг яхши миллий контент» танлови ғолибларини эълон қилди. Танловнинг интернет-журналистика йўналишидаги «Энг яхши миллий контент учун» номинациясида «Газета.uz» журналисти Гулираъно Мусаева ғолиб деб топилди.
Қўшимча имкониятларга эга булиш учун сайтда рўйхатдан ўтинг