Иқтисодиёт
Туман ҳокимлари ўз ҳудудларида маҳсулот кўпайтиришга ҳисобдор бўлади
Президент бундан буён туман ҳокимлари ўз ҳудудларида маҳсулот ишлаб чиқаришни кўпайтиришга масъул бўлишини маълум қилди. Қолаверса, Сайхунобод, Уйчи, Зарбдор ва Ғиждувон туманларининг тадбиркорликни ривожлантириш, аҳолини иш билан таъминлаш борасидаги тажрибасини кенгайтириш бўйича кўрсатма берилди.
Пахта-тўқимачилик кластерлари учун кредитларни тўлаш муддати яна узайтирилди
2022 йилда пахта хомашёсининг ички ва жаҳон нархлари ўртасидаги катта фарқ туфайли Ўзбекистон кластерларига 6 трлн сўм зарар етган. Ўтган августда уларнинг қарзларини тўлаш муддати бир йилга узайтирилганди. Президент кредит тўлаш муддатини 2025 йил 1 апрелгача узайтириш тўғрисида қарор қабул қилди.
Биринчи яримйилликда ЯИМ 6,4 фоизга кўпайди — президент
2024 йилнинг биринчи олти ойида ялпи ички маҳсулот 6,4 фоизга кўпайди. Бюджет даромадлари 113 трлн сўмга етиб, 14 фоизга ўсди. 1,6 млн аҳоли расмий банд бўлди, дейилади президент раислигидаги йиғилишда.
Ўзбекистон туристларни жалб қилиш учун ТТЖдан 50 млн доллар кредит олади
Шавкат Мирзиёевга туризм инфратузилмасини яхшилашга доир таклифлар тақдимот қилинди. Хорижий туристларни жалб қилиш учун туризм ташкилотларини айланма маблағ билан таъминлашга ТТЖдан 50 млн доллар кредит линияси очилади. У йиллик 17 фоиз ставкада, 2 йиллик имтиёзли давр билан 10 йилга ажратилади.
Қурилиш материалларида таклифнинг ошиши янги бинолар нархини пасайтиради — МБ
Ички бозорда қурилиш материалларининг таклифи ошиб бормоқда, бу нархлар барқарорлашувига ва янги уй-жойлар нархи пасайишига таъсир кўрсатмоқда, деб таъкидлади Марказий банк. Регулятор импорт қурилиш материалларида нарх хавфини кўрмаяпти.
МБ Qulay Pul тўлов тизими операторининг лицензиясини қайтариб олди
Марказий банк Qulay Pul тўлов тизими оператори ва ўз тўлов тизимини йўлга қўйишни режалаштирган UzPost шуъба корхонасининг лицензияларини чақириб олди.
Кўчмас мулк бозоридаги фаолликнинг пасайиши «вазиятнинг барқарорлашуви» билан боғлиқ — МБ
МБ апрель-июнь ойларида уй-жой сотуви бўйича шартномалар сонининг қисқаришини «бозордаги вазиятнинг барқарорлашуви» билан боғлади. Регуляторнинг фикрича, уй-жой савдоси ва ижараси нархларининг ўсиш суръати ўртасидаги тафовутнинг ошиши сотиб олиш ва сотиш нархларининг пасайишига олиб келиши мумкин.
Korzinka «энг арзон нарх» ҳақидаги рекламани қоидабузарлик деб ҳисобламаслигини билдирди
Korzinka супермаркетлар тармоғи «энг арзон нарх» иборасидан фойдаланишни қоидабузарлик деб ҳисобламаслигини таъкидлади. Компанияга кўра, дастур «вақтинчалик реклама эмас, балки янги нарх стратегияси» бўлиб, унда энг паст нархлар «узоқ муддатли ва ҳар куни» таклиф этилади.
Ипотека бозори қисқармоқда, банк ипотека ставкалари эса кўтарилмоқда — Марказий банк
Биринчи ярим йилликда Ўзбекистонда ипотека кредитлари ҳажми қарийб 2 фоизга — 6,88 трлн сўмга, олувчилар сони эса 17,3 фоизга қисқарди. Шу билан бирга, ажратилган ипотека кредитларининг ўртача миқдори ва банк фоиз ставкалари ҳам ошди.
Ўзбекистонда BYD Seagull ва E2 электромобилларини ишлаб чиқариш режалаштирилмоқда
BYD Uzbekistan Factory хитойлик ҳамкорлар билан Ўзбекистонда янги автомобиль моделларини ишлаб чиқариш бўйича шартномалар тузди. BYD Seagull ва E2 эҳтимолий ишлаб чиқариш учун тақдим этилган ва лабораторияларда синовдан ўтказилмоқда.
UzAuto Motors`нинг яқин қариндошлар иштирок этган 1,3 млрд сўмлик тендери бекор қилинади
Антикоррупция агентлиги UzAuto Motors ўтказган 1,3 млрд сўмлик давлат харидида қонун бузилиши ҳолатини аниқлади. Тендерда иштирок этган икки корхона раҳбарлари яқин қариндош бўлган. Ҳозирда харид натижаларини бекор қилиш, айбдорларга чора кўриш ишлари олиб борилмоқда.
Солиқ тўловчилар учун сунъий интеллектга асосланган виртуал ёрдамчи ишга туширилди
Солиқ қўмитаси сунъий интеллектга асосланган DavrOn номли виртуал ёрдамчини ишга туширди. У солиқ тўловчиларга тегишли маълумотлар ва солиқ ва солиққа тортиш масалалари бўйича персонал маслаҳатлар бериши мумкин. Бу қўмитанинг СИга асосланган учинчи хизматидир.
Муомаладаги нақд пуллар улуши ва картадаги пулни нақдлаштириб олиш камаймоқда — МБ
Январь-июнь ойларида умумий пул тушумлари 385 трлн сўмни ташкил этиб, ўтган йилга қараганда 30 фоизга ўсди. Банк карталаридаги пулларнинг 23 фоизи нақдлаштириб олинди (2023 йилнинг мос даврида 24 фоиз эди). Нақд пуллар улуши 3,7 фоиз бандга пасайиб, 21,1 фоизни ташкил қилди.
Ўзбекистонда газ «заправка»лар учун қўшимча талаблар белгиланди
Энди янги АГТКШлар қуриш учун табиий газ тармоқларига уланиш бўйича техник шартлар ва лицензия фақат Вазирлар Маҳкамаси билан келишилган ҳолда Энергетика вазирлигининг тақдимномасига кўра берилади. 1 январдан бошлаб эса «UZINFOCOM» автоматлаштирилган тизимларига уланиш талаби мажбурий ҳисобланади.
Тўқимачилик ва ёғ кластерлари нархларни сунъий ошириб, 20 млрд сўм асоссиз даромад олгани аниқланди
Рақобат қўмитаси 40 га яқин пахта тўқимачилик ва ёғ-мой кластерлари томонидан юқори ликвидли ва монопол маҳсулотларнинг нархлари сунъий оширилганини аниқлади. Улар маҳсулотларни биржага жойлаштириш қоидаларини бузиб, 20 млрд сўм асоссиз даромад олган. Кластерларга нисбатан иш очилди.
Рақобат қўмитаси «Бухоро ҳудудий электр тармоқлари»га нисбатан иш қўзғатди
Рақобат қўмитаси томонидан «Бухоро ҳудудий электр тармоқлари» АЖга нисбатан иш қўзғатилди. Корхона «Баҳоуддин Нақшбанд» ёдгорлик мажмуаси маркази учун электр энергия тарифларини ошириб қўллаган. Бунинг оқибатида 115 млн сўмлик қўшимча тўлов ҳисобланган.
Уй-жой бозоридаги фаоллик пасайиб, нархлар ўсиши секинлаша бошлади
Йил бошидан буён Ўзбекистон уй-жой бозорида савдолар сони 5,7 фоизга камайди. Нархларнинг ўсиш суръати секинлаша бошлади ва ўтган ойда атиги 0,3 фоизга ошди, Тошкентда эса ҳар квадрат метр учун 1142 долларгача — 1,1 фоизга пасайди.
Ўзбекистоннинг консолидациялашган бюджети ижроси ташқи аудитдан ўтказилади
Ўзбекистоннинг консолидациялашган бюджети ижроси ташқи аудитдан ўтказилади ва натижаси бўйича тегишли хулосалар тайёрланади. Шунингдек, 2025 йилдан устав фондида (устав капиталида) давлат улуши 50 фоиз ва ундан ортиқ бўлган йирик ташкилотлар фаолиятини аудитдан ўтказиш амалиёти йўлга қўйилади.
Июнда енгил автомобиллар савдоси 2021 йил охиридан бери энг паст даражага тушди
Июнь ойи якунига кўра, Ўзбекистонда 77,6 мингта енгил автомобиль олди-сотдиси рўйхатга олинди, бу 2021 йил декабридан бери энг паст кўрсаткичдир. Энг юқори пасайиш минилган автомобилларга тўғри келди.
Фарғона вилоятида раҳбарлар ҳар куни 5 нафар тадбиркорни қабул қилади
Фарғона вилоятида раҳбарларнинг масъулиятини ошириш бўйича янги тизим жорий этилади, деди президент Қувадаги йиғилишда. Вилоят ҳокими, унинг ўринбосарлари, 19 та туман ва шаҳар ҳокимлари ҳар куни 5 нафар тадбиркор ва инвесторни қабул қилиб, уларнинг муаммоларини ҳал этади.
Энг кўп ўқилган хабарлар | Сўнгги янгиликлар
- Ўзбекистонда газ «заправка»лар учун қўшимча талаблар белгиланди
- UzAuto Motors`нинг яқин қариндошлар иштирок этган 1,3 млрд сўмлик тендери бекор қилинади
- Korzinka «энг арзон нарх» ҳақидаги рекламани қоидабузарлик деб ҳисобламаслигини билдирди
- Ўзбекистонда BYD Seagull ва E2 электромобилларини ишлаб чиқариш режалаштирилмоқда
Қўшимча имкониятларга эга булиш учун сайтда рўйхатдан ўтинг