«Док-1 Макс» иши: Ҳиндистонлик тадбиркор яна бир яроқсиз дорига рухсат олиш учун $33 минг берганини тан олди
Чоршанба куни «Док-1 Макс» иши бўйича судда айбланувчи хиндистонлик тадбиркор яроқсиз ва ҳужжатлари шубҳали «Кураракс» дорисини Ўзбекистонда рўйхатдан ўтказиш ишлари учун масъул давлат ташкилотида ишловчи амалдорга 33 минг доллар берганини тан олди.
«Док-1 Макс» иши бўйича судни жонли эфирда узатиш тақиқланди
16 август куни «Док-1 Макс» иши доирасида бўлиб ўтаётган судда аввалига «Qalampir.uz» ҳамда «Kun.uz» нашрларини айбсизлик презумпциясига амал қилмаганликда айблаган судланувчиларнинг адвокатлари тушдан кейин «Газета.uz»нинг жонли эфирини тўхтатишни сўради. Суд уларнинг сўровини қаноатлантирди.
Андижонда 21 ёшли аёл ўзини осиб ўлдиргани айтилмоқда. Унинг отаси эса бунга шубҳа қиляпти
15 июль куни Олтинкўл туманида 21 ёшли аёл яшаш хонадонида ўзини осиб, вафот этгани айтилмоқда. Унинг отаси «Газета.uz»га ўлим сабабларидан шубҳаланаётгани ва қизининг мурдасида тан жароҳатлари бўлганини маълум қилди. «Фарзандимнинг ўзини заҳарлаши ва жароҳат етказишига умуман ишонмайман», — деди у.
14 марта судланган тадбиркор 2 мингдан ортиқ фуқарони чув туширди. Ҳукумат муаммони қандай ҳал қилмоқчи?
Ўзбекистон бош вазири Абдулла Арипов «Aziya Invest Favorit» МЧЖга пул тўлаб, уйларини ололмаётган фуқаролар билан учрашди. 14 марта судланган компания раҳбари Ҳайрулла Хатамов ва унинг оила аъзоларига тегишли 200 млрд сўмлик мулк хатланди. Ҳукумат муаммони ҳал қилиш юзасидан ўз таклифини билдирди.
Ташландиқ жойда қандай қилиб яшил боғ барпо этиш мумкин? Репортаж
Яшнобод тумани Алимкент кўчасидаги собиқ трамвай йўллари ўрни кўплаб йиллар мобайнида ташландиқ ҳолатга келиб қолди. Ҳозир эса бу ерда — дарахтлар, буталар ва узумлар экилган. Биз унга ким ғамхўрлик қилаётгани ва одамлар тошга айланган шаҳардаги янги оазис ҳақида қандай фикрдалигини ўргандик.
Абдуқодир Мўминов суди: яна 8 нафар жабрланувчи кўрсатма берди
Абдуқодир Мўминов иши бўйича суднинг иккинчи кунида 8 нафар жабрланувчининг кўрсатмаси тингланди. Блогер мурожаатчиларнинг муаммосини ёритиш учун пул олганига изоҳ берар экан, «текин ишласак, қандай ишлаймиз?» деди. Айбланувчининг онаси эса ҳозирча суд ишидан қониқиш ҳосил қилаётганини айтмоқда.
Уч давлат ёшларини бирлаштирган майдон: Андижонда IT оромгоҳ бўлиб ўтмоқда
Андижонда Тожикистон, Қирғизистон ва Ўзбекистон ёш IT мутахассислари учун «Digital Valley» оромгоҳи бўлиб ўтмоқда. 60 нафар йигит-қиз 5 кун давомида дастурлаш, график дизайн ва рақамли маркетинг бўйича маҳоратларини оширади, халқаро компаниялар вакиллари билан ўзаро фикр алмашади.
Оҳангарондаги янги маиший чиқинди полигони йил охиригача ишга тушади
Президентнинг 2019 йилдаги топшириғи бўйича қурилиши белгиланган Оҳангарондаги янги маиший чиқинди полигони йил охирига қадар ишга тушади. 30 гектардан иборат майдонда метан газ йиғувчи қувурлар ва чиқинди суюқликларини тортувчи насослар бўлиши ҳисобига ерга зарар етмаслиги ваъда қилинмоқда.
«Пойтахт ичидаги автобан». «Қўйлиқ» бозори олдидан видеорепортаж
«Қўйлиқ» бозори йўлида 2021 йилдан бери қурилиш ишлари олиб бориляпти. Ҳозирча Тошкент ҳалқа автомобиль йўлини кенгайтириш учун йўл ўтказгичнинг бир қисми битказилди. Бажарилаётган ишлардан шароитлар фақат машиналар учун яратилаётгани, пиёдалар учун эса қулайликлар деярли йўқлигини кўриш мумкин.
«Эски» Ўзбекистон қолдиқлари. Фоторепортаж
Биз «Янги Ўзбекистон» томон шиддат билан илдамлаб кетмоқдамиз. Бироқ бизни ҳамон «эски»сининг қолдиқлари қуршаб турибди. Шиорлар, темир панжаралар, арчалар, валюта айирбошловчилар, «газондан юрманг белгилари» ва бошқа қолдиқлар — «Газета.uz» фоторепортажида.
Ўзбекистонга Чехиядан биринчи LET L-410 самолёти келтирилди
Тошкент халқаро аэропортида Чехиядан сотиб олинган биринчи LET L-410 самолёти кутиб олинди. У маҳаллий авиақатновлар учун мўлжалланган бўлиб, 19 нафар йўловчини сиғдира олади. Илк рейс келаси ҳафта Самарқанд шаҳрига амалга оширилади.
«Бизга кислород керак». Тошкентдаги маҳалла аҳолиси 18 минг дарахт кесилишидан хавотирда
Президент қарори ва фармони билан пойтахтдаги Ипакчилик илмий-тадқиқот институти Андижонга кўчирилмоқда. Институтга яқин жойда яшовчи аҳоли эса 18 мингга яқин дарахтлар тақдиридан хавотирда. Улар «Газета.uz» билан суҳбатда ҳукуматга мурожаат қилиб, ҳудудни миллий боғга айлантириб беришни сўради.
«Йилдан-йилга мигрантларнинг кетиши эмас, қайтиши ортмоқда» — Беҳзод Мусаев
Бандлик вазири Беҳзод Мусаев йилдан-йилга ўзбекистонлик мигрантларнинг мамлакатдан кетиши эмас, қайтиши сони ортиб бораётганини айтди. Унга кўра, мигрантлар 2 млн нафарни ташкил этмоқда. 2022−2023 йилларда ташкилий тарзда 60 минг киши ишга жўнатилган ва уларнинг ўртача маоши 1200 доллар бўлган.
Видео: Тошкентдаги Шимолий вокзалолди майдони реконструкция қилинди
Пойтахтдаги Шимолий вокзалолди майдон таъмирланиб, автотураргоҳ кенгайтирилди, пиёдалар йўлакчалари ва йўллар асфальт қилинди. Ён-атрофдаги яшил ҳудудлар ободонлаштирилди. «Газета.uz» видеорепортажи.
Ўзбекистон сув тежовчи технологияларни жорий қилиш бўйича Марказий Осиёда 1, дунёда 13-ўринда — сув хўжалиги вазири
Сув хўжалиги вазири Шавкат Хамраев Ўзбекистон сув тежовчи технологияларни жорий қилиш бўйича Марказий Осиёда биринчи, Осиёда тўртинчи ва дунёда 13-ўринда турганини маълум қилди. Айни вақтда мамлакатдаги суғориладиган майдонларнинг 28 фоизида сув тежовчи технологиялар жорий қилиб бўлинган.
Тиббиёт йўналишидан «суперконтракт» бутунлай олиб ташланадими? ССВ раҳбари жавоби
Тиббиёт йўналишидаги «суперконтракт» масаласида фикрим ижобий эмас, деди соғлиқни сақлаш вазири Амрилло Иноятов. Унинг сўзларига кўра, тиббиёт соҳасига киришда «суперконтракт»ни бутунлай йўқотиш бўйича ҳукуматга таклиф киритилган. Қолаверса, сиртқи таълимни очиш ҳам режалаштирилмаяпти.
Минимал истеъмол харажатлари июль ойида эълон қилинади
Ўзбекистонда минимал истеъмол харажатлари июлда эълон қилинади. Статистика агентлигига кўра, бу йил аввалги йилдагидан фарқли равишда кўпроқ товар ва хизматлар турлари бўйича кузатувлар ўтказилган. Кўрсаткични қайта ишлаш жараёни кўпроқ вақт олгани учун уни йил ярмида эълон қилиш белгиланган.
Ўзбекистон сув вазири Қўштепа канали орқали Афғонистон Амударёдан қанча сув олиши мумкинлигини маълум қилди
Афғонистон Қўштепа канали орқали 600 минг гектар ерни суғормоқчи экани ҳақидаги гаплар асоссиз. Ўзбекистон сув хўжалиги вазири Шавкат Хамраевнинг айтишича, «Толибон» тахминан 300 минг гектарни суғормоқчи, бунга 4−5 млрд куб метр сув етади. Ўзбекистон мана шу миқдор сақланиб қолишига интилади.
Пойтахт пляжлари фотошарҳи: «Янги Ўзбекистон» ва Magic City
Тошкентда пляжлар 1990 йиллар охиридан камая бошлаб, 2017 йилда чўмилиш мумкин бўлган энг охирги жой ҳам ёпилди. Пойтахт олти йил чўмилишга рухсат берилган жойларсиз яшади (пуллик аквапарклар ҳисоб эмас). Бу йил иккита пляж очилди. «Газета.uz» уларда бўлиб, ҳордиқ чиқарувчилар билан суҳбатлашди.
«Қурилиш охирига етмаганди». Сув хўжалиги вазири — Сардоба фожиаси ҳақида
Сардоба фожиасининг сабабларидан энг каттаси — сув омбори қурилиши охирига етмаганди, деди сув хўжалиги вазири Шавкат Хамраев. 27 млрд сўмлик сув сизиб чиқишидан бохабар қилувчи махсус ускуналар ҳам ўрнатилмаган бўлган. Сув омбори ёрилгач эса барча сув омборларида кучайтирилган текширув ўтказилган.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг