2016-2020-жж. Жалал-Абад облусунун социалдык-экономикалык  өнүгүүсү 

Жалал-Абад облусунун акыркы беш жылдагы социалдык-экономикалык өнүгүүсү  экономикабыздын туруктуу өсүшүнө шарт түзүүгө жана жакырчылыкты азайтып калктын турмуш шартын жогорулатууга багытталган.

2020-жылдын аягына карата эсептик маалыматтар боюнча Жалал-Абад облусунун болгон калкынын саны 1189,3 миң адамды, ал эми туруктуу калк 1260,6 миң адамды түздү. Алардын ичинен 78,4 пайызы айыл жергесинде, ал эми шаар жергесинде жашагандар 21,6 пайызын түздү. 2016-2020-жж. туруктуу калктын саны 92,0 миң адамга, же 9,2     пайызга көбөйдү.    

2020-жылы өнөр-жай ишканалары тарабынан  (анын ичинде чаканишканалар жана өнөр-жай менен алектенген жеке ишкер) 28 306,0 млн. сомго продукция өндүрүлдү, физикалык көлөмдүн индекси 2019–жылга салыштырмалуу  92,5 пайызды түздү.

       Айыл чарбасынын, токой чарбасынын жана балык уулоочулуктун ички дүң продукцияларынын  көлөмү 2020-жылы жалпысынан облус боюнча 43 904,0 млн. сомду түздү. Физикалык көлөмдүн индекси өткөн жылдын деңгээлине салыштырганда 0,2 пайызга көбөйдү.

2020-жылы автоунаа менен ташылган жүк 2391,7 миң тоннаны түзүп,     өткөн жылдын ушул эле мезгилине салыштырмалуу 9,2 пайызга азайды (мекемелик унаалар камтылган).

2020-жылы 2019-жылга  салыштырмалуу дүн жана чекене соода жүгүртүүнүн, автоунааларды жана мотоциклдерди ондоонун жалпы көлөмү 54216,2 млн. сомду түзүп 23,2 пайызга төмөндөдү.

2020-жылы рыноктук тейлөөлөрдүн көрсөтүлгөн кызматтын көлөмү 7623,5 млн. сомду түздү, бул пандемияга байланыштуу өткөн жылга салыштырмалуу 11,9 пайызга азайган. 

2020-жылы Жалал-Абад облусу боюнча  ишканалардын, уюмдардын жана мекемелердеги кызматкерлердин орточо айлык акысы 17 580 сомду түзүп, 2016-жылга карата 32,4 пайызга өскөн. Керектөө бааларынын индексин эске алуу менен эсептелген реалдуу айлык акынын өлчөмү 0,4 пайызга көбөйдү. 

Инфляция денгээлин мүнөздөөчү керектөө бааларынын индекси, жалпысынан Жалал-Абад облусу боюнча 2020-жылдын январь - декабрь айларында (өткөн жылдын декабрь айына салыштырмалуу) 109,9 пайызды түздү.

2020-жылы облустун финансылык эмес активдердин инвестициясына 12104,2 млн. сом салым тартылган. 

2016–жылдан баштап облустагы объекттердин курулуш иштеринин өсүшүнө жана реконструкциясына  инвестициялык иштер жигердүү түрткү берип келет. 2020–жылы экономиканын жана социалдык чөйрөнүн өнүгүүсүнө 16 227,7 млн. сом капиталдык салым сарпталган.

2020-жылы экономиканын реалдуу секторунан продукциялык иштерди, кызмат көрсөтүүлөрдү өткөрүүдөн түшкөн дүң киреше 2016-жылга салыштырмалуу 58 пайызга көбөйүп, 27 207,3 млн. сомду түздү.

2016-2020-жылдары жергиликтүү бюджеттин баардык кирешелери 1923,6 млн. сомдон 2575,4 млн. сомго чейин өскөн (финансылык эмес активдерди сатуудан түшкөн кирешени кошкондо), же 25,0 пайызга көбөйгөн (651,8 млн. сомго).

Жалал-Абад  облусунун соода уюмдарынын ишканаларынын, дыйкан чарбаларынын, жеке адамдардын жакынкы жана алыскы чет өлкөлөр менен тышкы соода жүгүртүүсү жүк бажы декларациясынын маалыматтары боюнча өз ара соода жүгүртүүсү 2020 - жылы 259,1 АКШ долларын түздү (уюштурулбаган сооданы кошпогондо).