AMANOTHI EPHEPHA LESI-2

ISAKHIWO SEPHEPHA LESI-2

ULIMI LWASEKHAYA
 Unamahora ama-2 nohhafu (imizuzu eyi-150) ukuphendula iPhepha lesi-2.
 Amamaki aleli phepha angama-80 esewonke.
 Leli phepha lineziqephu ezintathu: Isiqephu A (Inkondlo), Isiqephu B (Inoveli)
nesiqephu C (Umdlalo).QAPHELA! Phendula imibuzo kuzo zontathu
iziqephu.
 Fundisisa imiyalelo esekuqaleni kwephepha ngokucophelela ukuze uqiniseke
ukuthi ukuqonda kahle okumele ukwenze.
Amamaki esiqephu A (Umbuzo 1-5) angama-30. Umbuzo 1-4 umayelana
nezinkondlo ezimiselwe okumele ukhethe imibuzo emibili ozoyiphendula.
Umbuzo 5 umayelana nenkondlo engamiselwe futhi kuphoqelekile ukuthi
uwuphendule.
 Amamaki esiqephu B angama-25 okungamamaki ombuzo wombhalo omude
(i-eseyi) noma ombuzo omfushane.
Kumele ukhethe umbuzo owodwa uwuphendule mayelana nenoveli oyifunde
nonyaka. Uma ukhethe i-eseyi esiqeshini B kumele uphendule umbuzo
omfushane esiqeshini C, kanjalo uma ukhethe umbuzo omfushane esiqeshini
B, kumele ukhethe i-eseyi esiqeshini C.
 Amamaki esiqephu C angama-25 okungamamaki ombuzo wombhalo omude
(i-eseyi) noma ombuzo omfushane. Kumele ukhethe umbuzo owodwa
uwuphendule mayelana nomdlalo owufunde nonyaka. Uma ukhethe i-eseyi
esiqeshini B kumele uphendule umbuzo omfushane esiqeshini C, kanjalo uma
ukhethe umbuzo omfushane esiqeshini B, kumele ukhethe i-eseyi esiqeshini
C.

IMIYALELO OKUMELE ABAFUNDI BAYIFUNDISISE.

1. Qaphela ukuthi izinombolo ozisebenzise ezimpendulweni zakho

ziyahambisana nalezo ezisetshenziswe abahlolayo emibuzweni.
2. Qalisa isiqephu NGASINYE ekhasini ELISHA.
3. Ukusetshenziswa kwesikhathi kungahlelwa ngale ndlela:
ISIQEPHU A: Imizuzu engama-40
ISIQEPHU B: Imizuzu engama-55
ISIQEPHU C: Imizuzu engama-55
4. Bhala ngobunono nangesandla esibonakalayo.
NGIYIPHENDULA KANJANI IMIBUZO YENKONDLO?
 Funda isihloko senkondlo izikhathi ezimbalwa uzame ukuthola ukuthi
kukhulunywa ngani.
 Funda inkondlo ukuze uthole ulwazi ngekuqukethe.
 Funda imibuzo ukuze uthole umqondo walokho okubalulekile embuzweni.

 Manje usungaqala ukuphendula imibuzo!

– Qala ngombuzo wokuqala udwebele igama/amagama asemqoka embuzweni.
– Yenza la magama asemqoka akuholele empendulweni yombuzo.
– Ngaphambi kokubhala phansi impendulo, zibuze: Ingabe impendulo yami
iphendula umbuzo?

IYINI INKONDLO?
 Inkondlo iyindaba exoxwayo kusetshenziswa ulimi lobunkondlo.
 Ingumbhalo omfushane noma omude lapho imbongi isuke yeneka khona
imizwa, imicabango, imibono yayo ngento, ngomuntu, ngendawo, isimo
esithile, ngenkolo, ngamasiko, ngemfundo njl.
 Umbhalo wobunkondlo ubekwa ngolimi olunkondlozayo.
 Umyalezo wembongi ubekwa ngamabinza.

AMASU OBUCIKO
Mfundi bheka nanka amasu obunkondlo angezansi azokusiza ekuqondeni
kangcono
inkondlo ngamafuphi:
 Imifanekisomqondo
 Ithoni
 Ukuxhumana
 Imvumelwano
 Impindwa
 Ukuphindaphinda
 Impindamqondo
 Amasu okusebenzisa umsindo-ifanamsindo, isigqi, impindwa nefuzamsindo
 I-enjambamenti
 Isizura/ Isikhawu

YINI AMASU OBUCIKO?

 Amasuku obunkondlo asenzenziswa yimbongi ukugqamisa izinto eziningi
enkondlweni.
 Imbongi uma iqamba inkondlo isebenzisa izimpawu ezahlukene zamagama
ukuveza imizwa nemicabango yayo. Lawo magama ewasebenzisayo kuthiwa
izimpawu zenkondlo.

UKUCHAZWA KWAMASU OBUCIKO .

UMLAYEZO
Yilokho imbongi efisa ukukudlulisa ngokubhala inkondlo yayo. Kungavezwa imiyalezo
eyahlukene ngokwenkondlo ebhalwe yimbongi.
Umlayezo ungadlulisa lokhu okulandelayo:
 Isifundo okumele sitholakale ngemuva kokufunda inkondlo
 Ukudlulisa ulwazi
  Ukuxwayisa
 Ukuqwashisa.

ITHONI
Ithoni iyisu lobuciko elivamise ukuhambisana nomoya. Ithoni enkondlweni kusuke kubhekwa
indlela imbongi ebeka ngayo lokho ekhuluma ngakho okungaba indikimba. Indlela imbongi
ebeka noma ekhetha ngayo amagama ingaveza umuzwa wayo ngaleso sikhathi. Lowo
muzwa
yiwona esiwubiza ngethoni.
Izibonelo zethoni emibhalweni yobuciko:
 Ithoni ehambisana nomthetho nokuhlonipha. Isib: Mnumzane, Baba
 Ithoni engahambisani nomthetho nokuhlonipha. Isib: Sekuzongena isifundo
sikaHleziphi, (kusho abafundi kuthisha wabo)
 Ithoni yokungxama / yokuthukuthela: Awungiyeke phansi wena!
 Ithoni yokuhlekisa
 Ithoni yokubhuqa
 Ithoni yokwenama
 Ithoni yokusongela
 Ithoni yokuthemba okubi njalo
 Ithoni yokwethemba okuhle njalo
 Ithoni yokwesaba
 Ithoni yokushabasheka
 Ithoni yokukhathazeka
 Ithoni equkethe ubuwula
 Ithoni ekhomba ukuhlakanipha
 Ithoni ecoba amathambo/ eqeda amandla
Zonke lezi zibonelo ezingenhla umbhali uyaye azikhombise ngokuthi asebenzise amagama
azogqamisa leyo thoni.

UKUXHUMANA
 Ukusetshenziswa kwamagama/ isiqu noma umsuka ofanayo emgqeni emibili noma
ngaphezulu elandelanayo ngenhloso yokugqamisa umqondo othile enkondlweni.
 Imbongi isebenzisa ukuxhumana ukuletha umgqumo omnandi enkondlweni kanye
nokugcizelela okuthile ekhuluma ngakho, emigqeni elandelanayo, ebinzeni noma
emqondweni wenkondlo yonke.

IMVUMELWANO Ukusetshenziswa kwamalunga afanayo emgqeni emibili noma ngaphezulu

elandelanayo.Ilunga kungaba unkamisa nongwaqa noma unkamisa kuphela uma
usekuqaleni, kanti uma ungasekugcineni kuba ilunga lokugcina elifanayo.
ISIGQI

 Siqonde umgqumo olethwa umoya kanye nomqondo wenkondlo. Isigqi sakhiwa

ukuhleleka kwemisindo namagama, ubude bemigqa, ukuvuleka nokuvaleka
kwemigqa, ubude nobufushane bemigqa kanye nezimpawu zokuloba.
Isibonelo: inkondlo enesigqi esinensayo kuvame ukuba kube yinkondlo yosizi kanti
uma isigqi sishesha kusuke kuyinkondlo enomoya wenjabulo.
IMPINDWA
Ukuphindeka komugqa noma isigejana samagama njalo emigqeni ehlukene.

UKUPHINDAPHINDA
Ukuphindaphindeka kwamagama afanayo emgqeni owodwa. Kungenzeka alandelane noma
angalandelani inqobo nje uma esemgqeni owodwa.
IMPINDAMQONDO
Ukuphindaphindeka komqondo emigqeni elandelanayo endimeni eyodwa yenkondlo
eyakhiwe ngamagama angafani kodwa aqukethe umqondo ofanayo.

I-ENJAMBAMENTI
Umugqa oba nomqondo ophelela emgqeni olandelayo. Lo mugqa uvamise ukuba ungabi
nalo uphawu lokuloba emgqeni ongenhla, lolu phawu luze lutholakale emgqeni olandelayo.
I-Enjambamenti ingaba yimigqa emibili elandelanayo noma engaphezulu.

ISIZURA/ISIKHAWU
Lo mugqa uba nophawu lokuloba ngaphakathi kwamagama emgqeni. Kungaba ukhefana,
umbuzi, umbabazi njl. Yilapho imbongi isuke ibala, ihlukanisa izinto ngokuhleleka kwazo
noma iveza imizwa ethile kuyona imigqa.

IFANAMSINDO
Ukufana kwemisindo eminingana emgqeni owodwa enkondlweni. Isuke iletha umgqumo
omnandi ozwakala samculo kanye nokugcizelela okuthile okusuke kwethulwa yimbongi
kulowo mugqa. Ifanamsindo ihlukene kabili:
 Ifanankamisa- Ukufana konkamisa abaningana emgqeni owodwa.
 Ifanangqwaqa- Ukufana kongqwaqa abaningana emgqeni owodwa.


IFUZAMSINDO
Amagama asetshenziswa yimbongi enkondlweni aveza imisindo efuze ukwenzeka kwento
ethile. Isibonelo: Ngizwe ubumaye maye …….

IMIFANEKISO kanye NEMIFANEKISO-MQONDO

Kukhona ukudideka lapha uma Abafundisi noma abafundi bekhuluma ngemifanekiso-
mqondo. Into eye yenzeke abafundi kanye nabafundisi abaningi bayakuphambanisa
lokhu noma bakufake embizeni eyodwa.
Ama-Images kuba imifanekiso nje qha!
IMAGES: a picture or a visual representation of something.
Le mifanekiso iyona edalwa yizinzwa ezinhlanu:
 Inzwa yokubonakalayo
 Inzwa yokunambitha
 Inzwa yokuzwakalayo / yokulalela
 Inzwa yokuthinta kanye
 Nenzwa yokuhogela

Kubalulekile ukuba abantu bakuqonde kahle ukuthi le mifanekiso ikhandeka kanjani

engqondweni. Ukubona umuntu noma ukuzwa umsindo nje akusho lokho ukuba
sekukhandeka umfanekiso. Kepha kumele kube khona igama noma amagama
azokhuphula leyo nkulumo ukuze kuzokwakhekha umfanekiso.
Isibonelo:
 1. Wampongoloza kakhulu ngesikhathi ethola izindaba zokudlula kukanina.
(umfanekiso wokuzwakalayo). Lapha kudalwe ukusetshenziswa kwegama
lokumpongoloza, elisho ukukhala kakhulu. Yingakho-ke kuzokwakhekha
umfanekiso lapha ngoba akakhalanga nje ngokwejwalekile.
2. Uthisha wamubhaxabula ngenduku uma ethola ukuthi umsebenzi
akawenzanga. (umfanekiso wokubonakalayo).
3. Kwezwakala ngephunga elizoyizayo ukuthi umama usesemabhodweni.
(umfanekiso wokuhogelekayo).
4. Isinkwa ayengithengele sona sasitofozela kamnandi okwakukhombisa ukuthi
sisanda kubhakwa. (umfanekiso wokuthintekayo).
5. Isitshulu sakhe sasibaba bhe sengathi usifake upelepele wezinyoni.
(umfanekiso wokunambithekayo).

IMAGERY: words, phrases and sentences which create images in our minds,
such as similes, metaphors, personification.
Lapha kusuke kubhekwa imifanekiso-mqondo. Okungukuthi akufani ncamashi nale
ncazelo enganhla. Imifanekiso-mqondo itholakala ngokusebenzisa lezi zifengqo
ezilandelayo:
 Isifaniso
Isifaniso yisifengqo esiqhathanisa izinto ezimbili ezingefani.

1. Wagijimisa okwenyamazane ngesikhathi ehujwa ngabakwasidlodlo.

(umfanekiso-mqondo olethwa Isifaniso njengoba kuqhathaniswa indlela agijima
ngayo kanye nenyamazane).
2. Ukhala njengembuzi uma eshaywa ngenduku. (Umfanekiso-mqondo olethwa
Isifaniso kuqhathaniswa indlela akhala ngayo nembuzi.)

 Isingathekiso
Isingathekiso isifengqo esigagula into njengoba injalo.

1. Ubaba yibhubesi bonke abantu bayamsaba. (umfanekiso-mqondo olethwa

Isingathekiso ngoba sigagula ubaba simfanisa ngqo simveza ukuba nolaka
olumenza asebeke njengebhubesi.)
2. Akulula ukumethemba uThoko nguchakijana. (umfanekiso-mqondo olethwa
Isingathekiso ochaza uThoko njengomuntu onobuhlakani njengochakide.)

 Ukwenzasamuntu
Lesi sifengqo sisetshenziswa ngokuthi kufakwe Izimpawu zomuntu entweni engeyena
umuntu. Kungaba ukwenza komuntu noma izitho ezitholakala kumuntu kepha
zisetshenziswe entweni engaphili.
1. Izindonga zasejele zamgqolozela ngenkathi efika ngosuku lokuqala.
(Umfanekiso-mqondo olethwa ukwenzasamuntu ngoba izindonga azinawo
amehlo. Kepha lapha kube sengathi zambuka isikhathi eside.)
2. Umfula wamthatha wayomphosa emlonyeni wezingwenya. (umfanekiso-
mqondo olethwa isifengqo ukwenza samuntu. Umfula lapha ufakwe izitho
zomuntu izingalo okungathi yizona ezamthatha kanti cha. Lapha kwakheka
 umfanekiso-mqondo indlela okwenzeka ngayo ngesikhathi emukiswa umfula
waphelelwa emlonyeni wezingwenya.)

ISAKHIWO SANGAPHANDLE ISAKHIWO SANGAPHAKATHI

(UKUBUMBEKA KWENKONDLO)
Amabinza Indikimba
Imigg (ivulekile, ivalekile, mide/ mifushane) Umqondo wenkondlo
Izimpawu zokuloba Umoya wenkondlo
Ukuxhumana Ithoni
Imvumelwano Imifanekisomqondo
Isizura/ Isikhawu Isigqi
Impindwa Izinzwa
Ukuphindaphinda Ukukhethwa kwamagama
I-enjambamenti Izifengqo
Ifanamsindo Impindamqondo
Uhlobo lwenkondlo
Umyalezo
Ifuzamsindo
ISIQEPHU A IZINKONDLO – 2023

IZINKONDLO ESIKHETHE UKWENZA NGAZO IZIBONELO KULO MQULU:

1. We Sinximfi Ndini!
2. Uthunywe Ngubani?
3. Zinqwele Ze-Afrika.
4. Ucu Olumhlophe.

AMAGAMA ASETSHENZISWAYO ABUZAYO

Amagama Asetshenziswayo Indlela Yokuphendula
Abuzayo
1. Shono… Umfundi makabe namaphuzu
2. Nikeza… amathathu/amane
3. Gagula… empendulweni yakhe.
4. Tomula…
5. Bhala…  Gagula /Tomula =1
6. Chaza… umklomelo.
7. Chaza kafushane…
8. Fingqa…  Chaza
9. Kungani…
10. Qhathanisa…
11. Hlanganisa…
12. Ngabe…  Umfundi makasekele/
13. Xoxa… ahumushe ngamagama
14. Ucabanga… akhe ngokwenkondlo.
15. Phawula… (umugqa awuthathe
16. Hlolisisa… unjengoba unjalo)
17. Hlaziya…
18. Inhloso…

IZINHLOBO ZEZINKONDLO
 I-eleji: inkondlo ekhuluma ngokufa
 Ilirikhi: inkondlo lapho imbongi yethula imizwa nemicabango yayo.
 ISonethi: Inkondlo enemigqa eyi-14
 I-ephiki: inkondlo ekhuluma ngamaqhawe ake aphila emlandweni.
 Isathaya: inkondlo egxekayo
 -Inkondlo yezenkolo: ithinta uMvelinqangi nebhayibheli
 Izibongo zesimanje: kungabongwa umuntu osaphila/indawo njl.
 Inkondlo elandisayo: le ixoxa indaba, iba nesingeniso, umzimba nesiphetho.
ISIHLOKO SENKONDLO INDIKIMBA
1 Izingxabo Zomnyezane Imfundo
2 Isiziba Senhlakanipho Imfundo
3 Ukuthula Imvelo
4 Impi Impi / imfundo
5 Idwala LikaShaka Umlando/ imvelo
6 Musani! Ukufa
7 Uthunywe Ngubani? Ukufa
8 Ucu Olumhlophe Uthando
9 Zingqwele Ze-Afrika Amaqhawe/Umculo
10 We Sinximfi Ndini! Umona / ukugxeka
11 Ithala Lobunzulu Imfundo
12 Imvelo Imvelo

UMSEBENZI WALA MASU OKUHLUZA INKONDLO

1.Umsebenzi Wesizura
 Sisebenza ukubala.
 Ukulandelana kwezinto.
 Ukuphelelwa ithemba.
 Ukuphumula.
2. Umsebenzi We-enjambamenti
 Igqamisa ukuthi umqondo womugqa ongenhla uphela ngezansi - Umfundi
kumele achaze leyo migqa-ke ngamagama akhe.
3. Impindwa
 Lo umugqa ophindwa ezitanzeni eziningi enkondlweni futhi endaweni
efanayo.
 Umsebenzi wempindwa ukugcizelela indikimba kanye nomqondo wenkondlo.
4. Umsebenzi Wokuphindaphinda
  Ukugcizelela umqondo wenkondlo (okushiwo inkondlo).
5.Umsebenzi Wefanankamisa Nefanangwaqa.
 Ukuletha umgqumo nokugcizelela.
6.Umsebenzi Wefuzamsindo
 Lisikhumbuza umsindo othile / lisinika isithombe esithile / umfanekiso othile.
7. Umsebenzi Wemvumelwano
 Ukuletha umgqumo omnandi osamculo enkondlweni kanye nokugcizelela.
8.Umsebenzi Wokuxhumana.
 Ukugcizelela indikimba noma umqondo wenkondlo.
_________________________________________________________________________

INKONDLO EZOKWENZIWA

1. Izingxabo zomnyezane – E.J Mhlanga

1. Ngilangazel’ ukudepha kwelenjulo

2. Kotatalambu bezingxabo zomnyezane,
3. Laph’ ukujula kwenjulo,
4. Kuyingcebo yomhlaba nezulu,
5. Laph’ ukuphumelela konke kwempilo,
6. Kuyisiyalu somthombo ompompoza,
7. Ingunaphakade.

8. Ngilubalubel’ ukugxila kwenjulo,

9. Ngizinz’ ekujuleni kwenkululeko yomphefumulo,
10. Ngizinz’ ekuthuleni ngijabul’ unomphela,
11. Ngifund’ ukudons’ amanz’ ezinkalweni,
12. Ngikhephuzel’ uhlaza ubusika nehlobo,
13. Ngizwe imvunge yemvelo ivungama
14. Ingoma kaqinadolo nethemb’ elizayo.

15. Ngilangazel’ ukudeph’ okujulile,

16. Kulezo zimpande zemingamanzi ngigcule,
17. Ngivunulis’ ubuchopho ngohlaza.
18. Lwamaqabung’ ayonginqwambis’okweqhawe;
19. Kuleyo mithombo yeziziba ngingaphinde ngome,
20. Ngigiye ngiqephuze ngosiba lwakwaNgqondonkulu,
21. Ngiqoth’ uphoko nokhothe lwendlela,
22. Nabazukulu badle kuchitheke inyongo,
23. Bafinye ngendololwane bethabile.

AMAGAMA INCAZELO

1. Izingxabo Izimpande
2. Umyezane Isihlahla esivamise ukumila eduze namanzi esiba luhlaza
ubusika nehlobo. Sinamahlamvu agebayo (ukulenga) abe
amayikayika. Sasisetshenziselwa ukuvunulisa amaqhawe
ahlabene empini. Umyezane- ijazi leziqu eligqokiswa
 abanqobile noma abaphumelele emfundweni asebebizwa
ngamaqhawe.
3. Ukudepha Ukukhula kwento iye phezulu/ Ukukhula ngolwazi
4. Utatalambu Ukwenaba/ ukusabalala kwezingxabo/ ukwanda kolwazi
5. Isiyalu Yilapho kusuka khona umfula noma isiphethu/ Ulwazi
oluyisisekelo sempilo
6. Mpompoza Ukugeleza noma ukuhamba ngokulandelana
okungumshungu
7. Ukulubalubela Ukulangazelela/ ukuba nesifiso esikhulu sokuthile
8. Izinkalo amaqele/ izinkangala
9. Ukuqinisa idolo Ukunikeza ithemba
10. Imvunge Umsindo wokuvungama ophansi/ umsindo osamculo
ongezwakali kahle.
11. Ukukhephuzela Ukuyikazela ngemvunulo/ ukuyikazela kwamacembe
esihlahla
12. Mingamanzi Ukumunca amanzi
13. Gcula Ukwenelisa
14. Ukunqwambisa Ukugaxa kube ubuyikayika njengokugaxa izevatho
zemfundo ephakeme.
15. Ungqondonkulu Isikhungo semfundo esemazingeni aphakeme.
16. Ukuqotha Ukugaya okomile kube impuqumpuqu/ ukuqeda konke
17. Uphoko Izinhlamvu ezigazingwayo zigaywe zibe umphako
wendlela
18. Ukhothe Ummbila ogazingiwe (ogayiwe) / yimpuphu yezintanga
ezigazingiwe
19. Ukuchitheka Ukuhlatshwa kwesilwane ngenhloso yokubonga
kwenyongo abangasekho ngohambo lwempumelelo aseluzuzile
empilweni.

INDIKIMBA
 Indikimba yale nkondlo imayelana nemfundo.
UMQONDO WENKONDLO
 Imbongi ikhuluma ngezifiso enazo zokuphuza emthonjeni oyimfundo.
 Ifisa ukufunda ize igogode.
 Imbongi iveza ukuthi ulwazi lwemfundo ezoluthola alusoze lwaqhathaniswa
nalutho. Ulwazi lwemfundo luhlala luqhakazile ubusika nehlobo.
 Imbongi ibala izingxenye ezigqamisa imfundo:
Isb.
 Ngilangazel’ ukudepha kwelenjulo
 Ngilubalubela ukugxila kwelenjulo
 Kuyisiyalu somthombo ompompoza
 Ingunaphakade
 Ngivunulise ubuchopho ngohlaza
 Imbongi iphetha ngokuveza imiphumela emihle yemfundo eyizuzile lapho
isigiya iqephuze ngosiba lwasesikhungweni semfundo ephakeme.

UMOYA WENKONDLO
  Umoya wale nkondlo uxubile. Ngasekuqaleni kwale nkondlo kukhona
umoya wokulangazelela. Imbongi iveza ukulangazelela imfundo ijule ibe
nolwazi olujulile.
 Esigabeni sokugcina imbongi iveza umoya wenjabulo. Imbongi izibona igiya
iqephuza ngolwazi eluthole esikhungweni semfundo ephezulu. Imbongi
iveza ubuhle obungaba khona uma isizuze imfundo lapho isiqeda indlala
kubuswe.
IMIFANEKISOMQONDO / IZITHOMBEMAGAMA
Isifaniso- Umugqa wama- 23.
24. Bafinye ngendololwane bethabile.

Umfanekiso-wokuzwakalayo: Umugqa we-13 nowe -14 Imbongi ichaza

ukwenanela kwemvelo ngoba imfundo inika ithemba lekusasa eliqhakazile.
13. Ngizwe imvunge yemvelo ivungama
14. Ingoma kaqinadolo nethemb’ elizayo.

Impindamqondo: Umugqa woku-1, owesi-8 kanye nowe-15

1. Ngilangazel’ ukudepha kwelenjulo
8. Ngilubalubel’ ukugxila kwenjabulo,
15. Ngilangazel’ ukudeph’ okujulile,

I-Enjambamenti: Umugqa we-13 kuya kowe-14

13. Ngizwe imvunge yemvelo ivungama
14. Ingoma kaqinadolo nethemb’ elizayo.

UMSEBENZI 2
1.1 Chaza umqondo otholakala kule nkondlo ethi, ‘Izingxabo zomnyezane (2)

1.2. Fingqa ukubaluleka kokusetshenziswa ngokuphindaphinda igama ‘kwenjulo’ (2)

kule nkondlo.
1.3. Ngabe kungani imbongi isebenzise i-enjambamenti ebinzeni lesi-2? Sekela (2)
impendulo yakho.
1.4. Ngokucabanga kwakho ngabe imbongi iwakhetheleni la magama atholakala (2)
emugqeni wama-20.
1.5. Ake uncome ikhono lembongi lokuphetha ngomugqa oqukethe isimo (2)
sokukhuluma ebinzeni lokugcina.

IZIMPENDULO
1.1 Umqondo uqhakambisa izifiso zembongi zokuphuza emthonjeni oyimfundo.
Imbongi ifisa ukuphuza ingaphinde yome. Ithi ulwazi eyoluthola ngokufunda (2)
lungeqhathaniswe nalutho ngoba alupheli.
1.2. Imbongi isebenzisa ngokuphindaphinda igama ‘lwenjulo’ ngoba izama
ukugqamisa ukudepha noma ukuba nolwazi oluningi. Lolu lwazi uma umuntu (2)
esenalo akube lusaphuma kuye ngoba lusuke ludephile.
1.3. Imbongi isebenzise i-enjambamenti lapho umqondo oqale emgqeni we-13
uze uphelele emgqeni we-14
Ngizwe imvunge yemvelo ivungama
Ingoma kaqinadolo nethemb’ elizayo. (2)
 Ukugqamisa ukuthi kumele kubekezelwe noma kunzima uma ufuna ukuzuza
lolu lwazi lwakaNgqondonkulu.
1.4. Imbongi izama ukugqamisa ukuthi uma uthola ulwazi lwemfundo ubuchopho
bugcina sebuvuniliswa noma bugqokiswa ngohlaza olumele amaqabunga (2)
aluhlaza esihlahla somnyezane okukhomba ukuthi usufundile
1.5. Imbongi ikwazile ukusebenzisa isimo sokukhuluma esiyisisho emugqeni
wokugcina. Ukufinya ngendololwane kusho ukubusa uma kusuke (2)
kuhlatshiwe. Kanjalo nalapha ekhaya kuzobuswa kudliwe kudele ngoba
imfundo isiyenze ukuba lapha ekhaya kubuswe.

INKONDLO EZOKWENZIWA

4. Impi- S. R. C Shongwe
1. Ngamaviyoviyo,
2. Kudedangendlale wenkundla,
3. Amaviyo nezingeqiwa ntwala,
4. Amaviyo namanxebakazi,
5. Amaviyo nemikhontshwana.

6. Lopha ngaphakathi igazi,

7. Uwonk’ uyafis’ ukuyilwa,
8. Akuyon’ eyamanyamfokwe,
9. Ngimi nowami umkhontshwana,
10. Ngimi nesam’ isihlangwana,
11. Seyigwazwa bukhoma manje.

12. Amavak’ amb’ ambulula!

13. Kunamuhla kubus’ ukuzisola,
14. Ngokwesab’ ukugadla kule mpi,
15. Ungebizelwe muntu kule mpi,
16. Mfowethu yilwa le mpi!

17. Yilw’ usenesikhathi,

18. Nami ngayilwa nganqoba,
19. Yilw’ imini nobusuku,
20. Nom’ izikhali zikusinda,
21. Ungayek’ ukugadla,
22. Khohlwa yimiyocu,
23. Khohlw’ udumo,
24. Yilwa le mpi!

U KUKHETHWA KWAMAGAMA
AMAGAMA INCAZELO

1. Iviyo Izinsizwa ezihamba ndawonye/ zibe iqoqo

2. Udedangendlale Indawo enkulu evulekile noma eyendlalekile
3. Amanyamfokwe Umuntu oyivila elikhulu/ inyakunga
 4. Isihlangu Isivikelo sebutho esakhiwe ngesikhumba esisikwe saba nesibambo
ngaphakathi/ ihawu elikhulu lokulwa
5 Ukugwaza Ukugwaza umuntu nibhekene ungamzumi
bukhoma
6. Engeqiwa ntwala Ingozi enkulu eba sekhanda
7. Ukumba umbulule Ukubaleka
8. Amavaka Amagwala
9. Ukugadla Ukushaya kakhulu/ ukulwa
10. Umyocu Ibala lokusha noma ukulimala/ Isibazi

Umqondo wenkondlo
 Umqondo yilokho okushiwo yimbongi enkondlweni yayo.Kule nkondlo imbongi
ingathekisa imfundo ngempi.
 Imbongi inxusa abafundi ukuthi bafunde ngokuzimisela, babekezele uma
behlangabezana nezinkinga ekufundeni kwabo. Ukuze bezophumelela.

Umoya
 Umoya wenkondlo isimo imbongi esuke ikuso ngenkathi ihaya/iqamba inkondlo yayo.
 Le nkondlo inomoya wokunxusa. Imbongi inxusa abafundi ukuba bafunde
ngokuzimisela futhi babekezele noma behlangabezana nezinkinga ukuze
bezophumelela.

Indikimba
 Indikimba ingumongo noma yingqikithi yenkondlo. Iphendula umbuzo othi ikhuluma
ngani inkondlo. Ingaba igama elilodwa noma amabili.
 Indikimba yale nkondlo imfundo.

Umyalezo
 Kubalulekile ukuthi uma wenza into uyenze ngokuzimisela nangokwethembeka,
ungadikibali noma kunzima.

Isigqi
 Siyanensa ngenxa yomoya wokunxusa futhi nemigqa eminingi ivalekile.
 Nakuba kukhona ukweqiwa konkamisa okuningi kepha ngenxa yomoya wokunxusa
siyanensa.
 Imbongi inxusa ukuba abafundi bafunde ngokuzimisela futhi babekezele noma
behlangabezana nezinkinga ukuze bezophumelela.
Ithoni
 Ithoni yokunxusa. Imbongi inxusa abafundi ukuthi bazimisele futhi babekezele
ekufundenikwabo. Ukuze baphumelele.

ISIBONELO
UMBUZO OMUDE
Ake uncome ikhono lembongi lokusebenzisa imifanekiso ukugqamisa Indikimba
yale nkondlo. Impendulo yakho mayibe yi-eseyi ebhaleke kahle ibe namagama
aphakathi kwayi-190 kuya kwangama-240.

IMPENDULO
ISINGENISO:
Imifanekiso yilawo magama asetshenziswe yimbongi okuthi uma uwafunda
akwakhele isithombe engqondweni ngendlela asuke esetshenziswe ngayo.
Umfanekiso ungakhiwa yilokhu okulandelayo: Inzwa yokubonakalayo,inzwa
yokunambithethakayo, inzwa yokuthintentekayo,inzwa yohogelekayo,inzwa
yokulalelekayo.

Indikimba ingumongo wenkondlo yonke ukusuka ebinzeni lokuqala uze uyofika

ebinzeni lokugcina. Indikimba ingaba igama elilodwa noma ibinzana lamagama.
Kule nkondlo, ‘Impi’ inendikimba yempi noma imfundo.

UMZIMBA
IBINZA LOKU-1
Umfanekiso wokubonakalayo
Imbongi isebenzise isisho, Amaviyo nezingeqiwa ntwala. Lapha imbongi isebenzise
isisho ukukhombisa ukuthi la maviyo ewabonayo akhombisa ukuba nezinkinga
eziningi noma ezinkulu.
IBINZA LESI-2
Imbongi isebenzise umfanekiso wokubonakalayo, Amaviyo nemikhontshwana,
izama ukusitshengisa ukuthi baningi kakhulu abantu ababhekene nempi okungaba
eyezikhali noma ngeyemfundo. Umfanekiso-mqondo wokuthintekayo Imbongi
isebenzise umfanekiso wokuthintekayo kule migqa elandelayo,”Ngimi nowami
umkhontshwana,” “Ngimi nesam’ isihlangwana”,
Le migqa iqukethe lo mfanekiso okhombisa ukuthi njengoba kuyoliwa, izikhali
ezibukeka zincanyana imbongi iziphethe ukuze izokwazi ukuba ibhekane nayo le
mpi. Lapha imbongi izama ukuveza ukuthi uma ufika esikhungweni semfundo
ephakeme usuke unolwazana oluncane kodwa ungasabi ukubhekana ngqo
nemfundo esuke iphambi kwakho.
IBINZA LESI-3
Umfanekiso wokubonakalayo
Imbongi Iphinde yasebenzisa isisho ezakha umfanekiso wokubonakalayo kulo
mugqa, ‘Amavak’ amb’ ambulula!’ izama ukusho ukuthi labo abangamagwala bona
abakwazanga ukubekezela, bavele babaleka ngoba besaba ukubhekana nale mpi.
IBINZA LESI-5
Imbongi isebenzise igama elinothile kulo mugqa, ‘Akuyon’ eyamanyamfokwe’Lapha
ibhekise kulabo bantu abangavila axaka ukwenza. Ibeka ukuthi kule lolu hlobo
lwabantu aludingeki, kufuneka abantu abazimisele ukubhekana nale mpi.
ISIPHETHO
Imbongi ikwazile ukusebenzisa imifanekiso-mqondo eyahlukene ukugqamisa
Indikimba yempi / yemfundo. Le mifanekiso iyigqamise kahle le ndikimba.

UMSEBENZI 2
2.1. Tomula ubuye ugagule ukuxhumana okutholakala ebinzeni loku-1. (2)
 2.2. Xoxa kafushane ukusetshenziswa kwemvumelwano sigcino etholakala (2)
ebinzeni lesi-2.
2.3. Ngabe isimo sokukhuluma esitholakala emugqeni we-12 imbongi (2)
isisebenziseleni. Sekela impendulo yakho.
2.4. Ngokucabanga kwakho ngabe imbongi iphumelele ukwethula umyalezo (2)
ebinzeni lesi-4? Sekela impendulo yakho.
2.5. Phawula ngomqondo ocashile oqukethwe yile nkondlo (2)

IZIMPENDULO
2.1. Ukuxhumana okusekuqaleni
3. Amaviyo nezingeqiwa ntwala,
4. Amaviyo namanxebakazi, (2)
5. Amaviyo nemikhontshwana.
2.2. Imvumelwano sigcino etholakala emgqeni wesi-9 kuya kowe-10 (2)
isetshenziselwe nokuletha umgqumo osamculo omnandi nokugcizelela
ukukhomba ubuncane bento. Ulwazi imbongi esuke inalo ngesikhathi isanda
kufika esikhungweni semfundo. Konke kusuke kusekuncane ngoba ulwazi
lwemfundo lusuke luseluncane.
2.3. Imbongi isebenzise isisho. ‘amavak’ amba ambulule’ okusho ukubaleka
ungabheki emuva. Imbongi isebenzise lesi sisho ukugqamisa ukuthi abantu
abangamagwala abakwazi ukubekezela. Bayabaleka ngoba behluleka
ukubekezela. (2)

2.4. Imbongi iphumelele ukwedlulisa umyalezo wokubekezela. Ibeka ukuthi noma (2)
ngabe kulikhuni kangakanani kepha kumele ubekezele. Ize iphawule ukuthi
nayo kwakunzima kepha yabekezela yagcina iphumelele.
2.5. Imbongi ikhuluma ngempi eyimfundo kule nkondlo, okuyiwona mqondo
ojulile. Ibeka ukuthi uma ubhekene nemfundo kufana nokuthi ubheke nempi
okufanele uzimisele ukuthi uzolwa kuze kube sekugcineni. Ukunqoba (2)
kwakho futhi kulele ekubekezeleleni ngesikhathi ubhekene nemfundo.

INKONDLE EZOKWENZIWA
5. Idwala likaShaka – J.M Sikakane

1. Yidwala likaShaka
2. EliseSibubulungu,
3. Elahlul’ abelungu
4. Ukuliqhephula
5. Yidwala likaShaka
6. Elengamel’ ulwandle
7. Kuhle kwenkos’ imele
8. Imikhosi yempi.
9. Yidwala likaShaka
10. Elabikezel’ umLungu,
11. Nempela wathi lungu,
12. Emanzin’ olwandle
13. Yidwala likaShaka
 14. Elalibuk’ amabutho
15. Ezam’ ukwenz’ ufutho
16. Kumadlamb’ olwandle.
17. Yidwala likaShaka
18. Eligezw’ amagagasi
19. Won’ adl’ aMaqaqasi
20. Ejutshwa yiLembe.
21. Yidwala likaShaka
22. Eliseyisisekelo.
23. LiseyisiZekelo
24. NgoShaka kashayeki.

UKUCHAZWA KWAMAGAMA
AMAGAMA IZINCAZELO

1. Idwala- Itshe elikhulu elendlalekile

2. eSibubulungu-
Indawo eseKhangela (Bluff) ngasesigodlweni senkosi uShaka.
Kwakunedwala elikhulu inkosi uShaka eyayihlala kulo uma ibuka
amabutho ayo ezilolonga.
3. Imikhosi Umgidi omenywa inkosi yohlanga ukugubha okuthile
4. Ukubikezela- Ukuyaleza ngokuzokwenzeka/ Ukubona okungakenzeki usho
ukuthi kuzokwenzeka
5. Ufutho Umdlandla omkhulu/ Isenzo esikhombisa amandla
6. Amadlambi Amanzi olwandle agubhayo/ amaza/ amagagasi.
7. Ukujutshwa Ukuthunywa / ukunikezwa imvumo yokwenza okuthile
UKUHLUZWA KWENKONDLO

INDIKIMBA

 Indikimba yale nkondlo imayelana nomlando/ imvelo]

UMOYA WENKONDLO
 Le nkondlo iqukethe umoya wokuncoma imbongi incoma ubuchule nobuqhawe
benkosi uShaka ekwenzeni izinto.
 Yindlela ayecabanga ngayo ngesikhathi ehlezi kuleli dwala lakhe okwakugcina
kuyinto eyenzekile njengokubikezela ukufika kwabelungu.

UMBUZO OMUDE
Xoxa ngempumelelo yembongi ekusebenziseni imifanekiso-mqondo ukugqamisa
umqondo wale nkondlo. Impendulo yakho mayibe i-Eseyi ehleleke kahle ibe ubude
obuphakathi kwamagama anyi-190 kuya emagameni angama-240.
ISINGENISO
Imifanekisomqondo kuba yilawo magama asetshenziswe imbongi enkondlweni
ukwakha umfanekiso emqondweni njengokusebenza kwawo enkondlweni. La
magama abanye bawabiza ngezithombemagama. Imifanekisomqondo
ingahlukaniswa kathathu:
 Imifanekisomqondo/izithombemagama kungazala Izifenqo ezithile, isibonelo:
ukwenzasamuntu, isingathekiso, isifaniso njl.
Umqondo yilokho inkondlo ekushoyo noma okushiwo imbongi enkondlweni.
Inkondlo inomqondo osobala kanye nomqondo ocashile. Kule nkondlo
imbongi ithi iNkosi uShaka yayihlala kule ndawo yaseSibubulungu osebeni lolwandle
elinde ukubhekana nokufika kwabelungu namabutho akhe okwakungaMaqaqasi futhi
wayenesigodlo sakwaKhangela amankungane kule ndawo.
UMZIMBA

 Esitanzeni sokuqala (Umfanekisomqondo- Isenzasamuntu) ‘Elahlul’

abelungu’ imbongi isinikeza igama lendawo lapho idwala elalikhona khona
nokuqina kwalo okwehlula abelungu bezama ukuliqhephula.

 Esitanzeni sesibili (Umfanekisomqondo– isenzasamuntu) imbongi

isilandisa ngesimo salo ukuthi lalimi libheke noma lengamele ulwandle.
 Esitanzeni sesithathu ( umfanekisomqondo – Isenzasamuntu ‘Elabikezel
’ umLungu,’ imbongi isilandisa ngokuthi inkosi uShaka yayihlezi kulo leli
dwala ngenkathi ibikezela ukufika kwabelungu kuleli ngempela kwagcina
kunjalo.

 Esitanzeni sesine( umfanekisomqondo – isenzasamuntu) Elalibuk’

amabutho kuyavela ukuthi yilo leli dwala eyayihlala phezu kwalo inkosi
uShaka uma ibuka amabutho ayo ezilolonga phakathi emagagasini olwandle.
 Esitanzeni sesihlanu( umfanekisomqondo – isenzasamuntu) Eligezw’
amagagasi, imbongi isilandisa ngokuthi yilo idwala likaShaka elalihlale
ligezwa ngamagagasi wona adla isizwe sama`Maqaqasi ejutshwe yinkosi
uShaka.
 Esitanzeni sesithupha( umfanekisomqondo – isenzasamuntu)
‘Eliseyisisekelo.’ ‘Liseyisizekelo’
 Imbongi isebenzise nokuyisitanza sokugcina imbongi inikeza umlando wokuthi
konke okwakwenzeka kwaZulu kwakuyisisiseko sobukhosi bakwaZulu
ubukhosi benkosi uShaka.

 Esitanzeni sokugcina( umfanekisomqondo – isenzasamuntu) imbongi

igqamisa umqondo wokuthi konke okungumlando wakwaZulu inkosi uShaka
eyayikwenza yayikwenza ihlezi kulo leli dwala. Ngakho-ke leli dwala liyisisekelo
sobukhona kobukhosi benkosi uShaka.
ISIPHETHO
Imbongi iphumelele kahle ukusebenzisa amagama anjengemifanekisomqondo
ukugqamisa umqondo wokuthi leli dwala liqukethe umlando weNkosi uShaka.
 UMSEBENZI 3
3.1. Nikeza indikimba equkethwe yile nkondlo. (1)

3.2. Xoxa kafushane ngomqondo otholakala kule nkondlo. (3)

3.3. Ngabe imbongi iyisebenziseleni imvumelwano etholakala ebinzeni le-4? (2)
Sekela impendulo yakho.
3.4. Ngokucabanga kwakho uthini umqondo oqukethwe umugqa we-17 kuya (2)
kowe-18? Sekela impendulo yakho.
3.5. Ake uncome isigqi esitholakala kule nkondlo. (2)

IZIMPENDULO
3.1. Indikimba yale nkondlo eyomlando. (1)

3.2. Le nkondlo ikhuluma ngedwala elabe litholakala esiBubulungu eduze

komuzi weNkosi uShaka. Le ndawo noma umuzi wawuqamba ngokuthi
kukwaKhangela amankengane ngoba wabe ebonisiwe ukuthi olwandle
kuzoqhamuka izinyoni zezulu (abeLungu). (3)
Leli dwala iNkosi uShaka yabe ihlala kulo ngesikhathi ibuka amabutho ayo.

3.3. Ngabe imbongi iyisebenzise leni imvumelwano etholakala ebinzeni lesi-4? (2)
Sekela impendulo yakho.
Imbongi isebenzise imvumelwano siqalo:
Elalibuk’ amabutho
Ezam’ ukwenz’ ufutho /
Imbongi isebenzise imvumelwano sigcino:
Elalibuk’ amabutho
Ezam’ ukwenz’ ufutho
Izama ukwakha umgqumo omnandi osamculo ukugqamisa isenzo senkosi
uShaka ngesikhathi ebuka amabutho akhe.
3.4. Le migqa iqukethe umqondo wokuthi leli dwala inkosi uShaka yayihlala kulo (2)
esiBubulungu selenganywe ulwandle. lalisosebeni lolwandle njalo uma
amagagasi egubha ephelela kulo.

3.5. Imbongi iphumelele kahle ukugqamisa isigqi esisheshayo kule nkondlo. (2)
Lokhu kufakazelwa ukuthi imigqa etholakala kule nkondlo mifishane.
Isb. Umugqa
22. Eliseyisisekelo
23. LiseyisiZekelo
Iphinde isebenzise kakhulu imigqa evulekile egcina isisethulela i-
enjambamenti.
Isb.

1. Yidwala likaShaka
2. Eligezw’ amagagasi
3. Won’ adl’ aMaqaqasi
4. Ejutshwa yiLembe.
 INKONDLO 3
Ucu Olumhlophe – C.T Msimang

1. Kwakhethw’ uzi oluwusinga lobumhlophe;

2. Kwaqokw’ ubuhlal’ obugabis’ ubumhlophe;
3. Yeka leyo minjunju yothando kutshutshwa,
4. Luny’ uhlamvu lwesiqalo nolwesiphetho,
5. Lolu cu alunasiqalo nasiphetho.

6. Ngamehlwan’ amhlophe luthi cwayicwayi;

7. Ngamehlwan’ amsulwa luthi phayiphayi;
8. Lungumhlanganisi kanye nomxhumanisi,
9. Luyisibopho sezifungo isibili;
10. Luyisizinda sezinhliziy’ ezimbili.

11. Uzi oluhlanganise la maqanda wolwazisa,

12. Ungaluphatha gadalala luyogqashuka,
13. Ubuhlalu buyoba yisanhlaka senhlakanhlaka,
14. Kochithek’ uphoko lwakwamfazi.

UKUCHAZWA KWAMAGAMA
AMAGAMA INCAZELO

1 Uzi Intambo elukwe ngenxoza noma ngotshani okutshutshwa

ngalo ubuhlalu uma kukhandwa ucu.
2 Iminjunju Izinhlungu eziqaqambayo/ Ubuhlungu obusenhlizweni
3 Isizinda Umsuka wento/ umongo
4 Ukutshutsha Ukuthunga usebenzise intambo eyelukwe ngotshani uyifaka
ebuhlalwini
5 Isibopho Isivumelwano esingenakunqanyulwa kalula esibophezelayo
kulabo abasenzile
6 Ukuphatha Ukuphatha ngokunganaki/ Ukuphatha budlabha
gadalala
7 Inhlakanhlaka Okuhlakazekile okungamile ngononina/ okungaqoqekile
8 Uphoko Izinhlamvu ezigazingwayo zigaywe zibe umphako wendlela

UKUHLUZWA KWENKONDLO

INDIKIMBA
 Indikimba yale nkondlo imayelana nothando]
UMQONDO WENKONDLO

 Kule nkondlo imbongi ikhuluma ngocu okuyinto ekhandwa ngokutshutshwa

kobuhlalu kusetshenziswa uzi noma utshani obuphothiwe.
 Lolu cu imbongi ekhuluma ngalo ngolumhlophe nokuwucu olusetshenziwa
yintombi uma iqoma insizwa.
 Ucu olumhlophe luwuphawu lothando lusuke luhlanganisa izinhliziyo zababili
ngothando.
  Kule migqa imbongi iggamisa lolu cu nothando.

1. Kwakhethw’ uzi oluwusinga lobumhlophe;

2. Kwaqokw’ ubuhlal’ obugabis’ ubumhlophe;
3. Yeka leyo minjunju yothando kutshutshwa,
4. Luny’ uhlamvu lwesiqalo nolwesiphetho,
5. Lolu cu alusiqalo nasiphetho.

 Emigqeni emine yokugcina imbongi igqamisa umqondo wokuthi kumele

luhlonishwe lolu zi olusetshenziswe kwakhiwa lolu cu ngoba uma
ungalunakekeli luyogqashuka.
 Imbongi igqamisa umqondo wokuthi uma intombi isikuqomile kufanele
uyiphathe kahle futhi uluhloniphe uthando lwenu ngoba uma ungenzanga
njalo izinto ziyobheda phakathi kwenu..

UMOYA WENKONDLO
 Le nkondlo iqukethe umoya wothando imbongi ize iphawula ngokuthi intombi
uma isiqomile ize iphayizise amehlwana icwayize ikhombise ukuba namahloni
ngenxa yokugajwa wuthando lwa le nsizwa aseyinike ucu olumhlophe.
ISIBONELO SOMBUZO OMUDE
UMBUZO OMFUSHANE
3.1 Tomula ukuxhumana okutholakala ebinzeni lokuqala bese usho uhlobo lwako.(2)

3.2 Chaza kafushane uhlobo lwesifengqo esibhalwe ngamagama agqamile kumugqa

we -11. (2)
3.3 Iyini inhloso yembongi yokusebenzisa isimo sokukhuluma esidwetshwelwe
emugqeni we-14. Sekela impendulo yakho (2)

3.4 isitanza sesi-3 sikulekelele kanjani ekuqondeni indikimba yalenkondlo? (2)

3.5 Phawula ngempumelelo yembongi ekwethuleni isigqi sale nkondlo. (2)

Amamaki esewonke (10)
IZIMPENDULO
3.1 “Kwakhethw’ uzi oluwusinga lobumhlophe,”
“Kwaqokw’ ubuhlal’ obugabis ubumhlophe,”
Ukuxhumana sigcino.√√ (2)

3.2 Isifengqo esibhalwe ngokugqamile isingathekiso imbongi ingathekise izithandani

ngamaqanda ukugqamisa ukuthi njengoba behlanganiswe uthando olujulile
nesithandwa sayo kumele kube khona ukuphathana kahle nokuhloniphana
komunye nomunye.√√ (2)

3.3 Imbongi isebenzise isimo sokukhuluma okuyisisho ‘Kochithek’ uphoko’ esisho

ukonakala kwezinto. Imbongi iveza ukuthi uma lunganakekeliwe uthando noma
uma lungaphethwe kahle kuyokonakala izinto kuyokonakala kungaphinde
kulunge.√√(2)
 3.4 Indikimba yale nkondlo uthando. Esitanza sesibili imbongi igqamisa amandla
othando ukuthi luhlanganisa abantu babe munye.√√ (2)

3.5 Isigqi sale nkondlo siyanensa ngenxa yokuthi imbongi iyanxusa. Imbongi inxusa
kulowo ecela kuye uthando ukuthi aluphathe kahle ngoba uma kungenjalo lophela
kabuhlungu.√√
(1)

ISIQEPHU B (INOVELI KANYE NOMDLALO)

IYINI INOVELI?
 Amanoveli imibhalo yephrozi ebhalelwe ukufundwa futhi kukhulunywe ngawo
kanye nokuzithokozisa.
 Ukuxoxa sakucabangela ngenoveli kungenza kube nelukuluku
lokulangazelela ukufunda kabanzi, ukuthola abalingiswa ababalulekile,
ukusetshenziswa kwamagama kanye nemifanekisomqondo ukugcizelela
indikimba yenoveli.
ISIBONELO SOMBUZO OMUDE.
QAPHELA:
Lokhu okukuMhlahlandlela wokuhlola akusho ukuthi amasu obuciko wona ngeke
esabuzwa. Azobuzwa kakhulu nje emibuzweni emifushane ukuze abafundi
bezokwazi ukulekeleleka ukuqonda umbhalo wobuciko.

IMPI YABOMDABU ISETHUNJINI

UMBUZO:
‘Esikhathini samanje kukhona abantu abanokubukela abanye abantu
phansi ngoba bona bezibona bengcono kunabo.’
Fakazela lesi sitatimende kokwenzeka kule noveli.
Impendulo yakho mayibhalwe njenge-eseyi kube amagama angama-
340 ukuya kwangama-390.

IMPENDULO:
ISINGENISO:
Lesi sitatimende siyiqiniso ngempela ngoba bakhona abantu
abazibona bengcono kunabanye ngenxa yezikhundla abakuzo noma
ngengxa yokuzibona befundile. Kule noveli bakhona abalingiswa
abakuqhamisa kangcono lokhu okushiwo yilesi sitatimende.
Umlingiswa onguPoppie MaMthikhulu Ngubane. UPoppie
ungumlingiswa ozikhukhumezayo, akabazi abanye abantu. Lokhu
kufakazelwa yilezi zibonelo ezilandealayo engizozicaphuna
encwadini.
 UMZIMBA:
 UPoppie akawuthandi umndeni waseMphaphala ngoba
ebabona bengabantu abangafundile futhi abangaphucuzekile.
 UPoppie angathandi ukuba izingane zakhe okungo-
Euthenesia kanye no-Melody zihlangane nezaseMpaphala,
okunguHlanganisani kanye no-Uzithelile.
 UPoppie unakho ukumbukela phansi umnyeni wakhe ngoba
uqhakambisa ukuthi yena uzalwa elokishini laseLamonti kanti
umnyeni wakhe uBafana uzalwa eMpaphala.
 Emsebenzini uPoppie uyasithwala isikhundla sakhe sokuba
nguMathiloni, abukele phansi abanye abahlengikazi asebenza
nabo.
 UPoppie uyazinyanya iziguli eziqhamukha emakhaya
ezikwelashwa kulesi sibhedlela asebenza kuso.
 UPoppie uqhathanisa izikole ezifunda izingane zakhe kanye
nalezo ezifunda izingane zaseMpaphala.
 UPoppie uqhathanisa ukudla okudliwa ekhaya lakhe kanye
nalokhu okudliwa izingane zaseMpaphaphala kaubona
kunenamsoco.
ISIPHETHO:
 Kuyacaca kulesi zibonelo ezibhalwe ngenhla ukuthi ngempela
bakhona abantu abafana noPoppie abangabazi abanye
abantu. Izenzo zakhe ziyakufakazela kakhulu lokhu njengoba
kuvela kule noveli.
ISIBONELO: UMBUZO OMUDE
 IMPI YABOMDABU ISETHUNJINI
UMBUZO:
‘Izingane ezikhule ekhaya elinokuthula nokuhloniphana zehlukile
kunalezo ezikhule ekhaya elinokuxozela nokuklwebhana.’
Hlaziya ngokuhlolisisa lesi sitatimende kokwenzeka kule noveli.
Impendulo yakho mayibhalwe njenge-eseyi kube amagama angama-
340 ukuya kwangama-390.
 ISIBONELO: UMBUZO OMUDE 2
 BENGITHI LIZOKUNA
UMBUZO:
‘Ukuthatha izinqumo ocabanga ukuthi zizokusebenzela ziba
nomphumela ongemuhle kuwena uqobo kanye nakwabanye abantu’
Hlaziya ngokuhlolisisa lesi sitatimende ubhekise kule noveli.
Impendulo yakho mayibhalwe njenge-eseyi kube amagama angama-
340 ukuya kwangama-390.
ISINGENISO
Kuyiqinisoukuthi izinqumo esizithathayo ngezimpilo zethu zingaba nemiphumela
engemihle kwabanye abantu nakithina uqobo.
UMZIMBA
UMHLENGI/UMAHLENGI
 Unquma ukutshela isithandwa sakhe uNontobeko ukuthi mabahlukane
ngaphandle kokumtshela isizathu.
 Lesi sinqumo sinomphumela wokuthi UNontobeko adideke, aphume efulethini
ayoziphonsa emgwaqeni, ashayiswe imoto, alimale kakhulu, agcine eselele
esibhedlela.
 Unquma ukutshela uNgidi ukuthi uyinkonkoni, lokhu kunomphumela owenza
uNgidi wathukuthela wahlukumezeka kakhulu emoyeni ngoba wayesebenza
kanzima ukuze aqoqele indodana yakhe ifa.

 Ugcina ngokumxosha emzini wakhe amsule emafeni.

 Wadela nokushadelwa okwesibili wagcina esezisola futhi ezigxeka ngokuthi

mhlawumbe akamkhulisanga ngendlela efanele uMhlengi.
UNONTOBEKO:
 UNontobeko uthatha isinqumo sokuziphonsa emotweni ihamba okwaba
nomphumela wokuthi alimale kabi angakwazi nokukhuluma futhi walala amasonto
amaningi esibhedlela.
 Isinqumo sokuqoma uNkululeko ngemuva kokwaliwa uMhlengi. Lesi sinqumo
saba nomphumela wokubhuntsha komshado wagcina ngokuzikhunga uNkululeko
kwahlukumezeka nomndeni wakhe.
 Kanjalo nomndeni kaNontobeko watheleka
ngehlazo futhi waphatheka kabi ngoba wayetshele nonina ukuthi uzoluvala ucingo
angabe esatholakala balindele yena abashayele.
 UXOLANI
 Isinqumo sokuthandana noMahlengi saba nomphumela wokuthi kuhlukumezeke
uLungile nezingane zakhe ngoba wayezishiye zodwa ebusuku eyobona
uMahlengi.
 Waphindela otshwaleni, wabuya enuka iziqholo zabesifazane waphupha
uMahlengi waze wamemeza negama.
 Wagcina eseshelwa umuzi wakhe kushona nezingane zabo nomshado wakhe
kungenzeka ukuthi waphela.
UNGIDI
 Uthatha isinqumo sokuyocinga indodana yakhe uMhlengi ngaphandle kokwazisa
isithandwa sakhe uNomalanga kanti wayesemqinisekisile uNomalanga ukuthi
angeke esakwenza lokho.
 Lokhu kwaba nomphumela wokuhlukumezeka kakhulu kuNomalanga waze
wathatha nesinqumo sokumbhalela incwadi yokumala uNgidi.
 Kwamphatha kabuhlungu uNgidi ukuthola ukuthi uMhlengi wayeseziguqule ubulili
esengumuntu wesifazane nanokuthi amathemba akhe okuthi uNontobeko
wayezoba umakoti wakwakhe ayeseshabalele.
(Abafundi bangasebenzisa nabanye abalingiswa namaphuzu ukuphendula umbuzo.)
ISIPHETHO (UVO LOHLOLWAYO)
Umbhali uphumelele ukwedlulisa umyalezo othi izinqumo esizithathayo ngezimpilo zethu
zingaba nemiphumela engemihle kwabanye abantu nakithina uqobo.
(Ohlolwayo makabeke uvo lwakhe, bakhombise ukuthi useyayiphetha impendulo
yombuzo.) [25]

UMBUZO 7: UMBUZO OMFUSHANE (BENGITHI LIZOKUNA KANYE IMPI

YABOMDABU ISETHUNJINI.)

BENGITHI LIZOKUNA
 Shono umoya otholakala ekuqaleni kwalesi siqeshana. Sekela impendulo
yakho. (2)
IMPENDULO : Umoya wothando/ wokumangala/wokuncokola. UMahlengi uncokola/
umangalela isithandwa sakhe uNdumiso ngani emjaha ukuthi kungani angamcabul

IMPI YABOMDABU ISETHUNJINI.

 Shono umoya otholakala ekuqaleni kwalesi siqeshana. Sekela impendulo
yakho. (2)
IMPENDULO: Umoya wokusola/wokugxeka/wokuyala. Umhlolithwasa ongu-Alice Msibi
usola/ugxeka/uyala uNgubane ngokuthi afulathelwe ngabaphansi okumenza angakhululeki
uma bendawonye.

BENGITHI LIZOKUNA
 Qhathanisa isigameko sokushona kwezingane zikaXolani kanye nesigameko
 sokushona kukaNkululeko. (3)
IMPENDULO: Kuzo zombili lezi zigameko kushona abantu ngenxa yothando
lokunganaki. Izingane zikaXolani zasha zangqongqa ngenxa yomlilo owokheleka
endlini ngoba zishiywe zodwa uyise engazinakile njengesivumelwano wayesadudwa
wuthando likaMahlengi. uNkululeko yena ukhetha ukuzibulala engaluhlolisisile udaba
lwakhe wacela nosizo kubantu abanolwazi ngoba ingqondo yakhe yayivalwe
uthando lukaNontobeko olwamenza wabona sekuwukuphela komhlaba.

IMPI YABOMDABU ISETHUNJINI.

 Qhathanisa izigameko ezaholela ukuthi uNgubane ahambe kwaMaMsibi
kwaMashu kanye naleso sokusula kwakhe emsebenzini kwa-Eagle American
Amalgamated.
IMPENDULO: Izigameko ezaholela ekushiyeni kukaNgubane kwaMaMsibi
nasemsebenzini kwa-Eagle American Amalgamated kazifani. kwaMaMsibi
wahanjiswa nguMaMsibi uqobo ngoba uNgubane exabene nabaphansi, elandelwa
ngamashwa enza ukuba kushayiseke nemoto kamakhelwane kanti emsebenzini
wakhetha ukwesuka ahambe ngoba ehlulekile ukufunda aqede izincwadi ayezinikwe
nguTerry Lewis ngoba zathathwa nguPoppie. UNgubane wayesevithizwe wutshwala
kakhulu engesenamandla nomfutho njengasekuqaleni.

BENGITHI LIZOKUNA
 Iyini inhloso yombhali yokusebenzisa isu lokubikezela esigamekweni lapho
uNontobeko ebuza khona uNkululeko ukuthi uyovuma yini ukuba behlukane uma
ehluleka endleleni? (2)
IMPENDULO: Inhloso yombhali ngokusebenzisa isu lokubikezela ukugqamisa ukuthi
inhliziyo kaNontobeko yayisanamathele kuMhlengi enethemba lokuthi bayobuye
babuyelane. Lokhu kubikezela kwafezeka ngoba uNontobeko wala uNkululeko
ngosuku olwandulela umshado wahamba yedwa eyothungatha isithandwa sakhe
uMhlengi.

IMPI YABOMDABU ISETHUNJINI.

 Iyini inhloso yombhali yokusebenzisa isu lokubikezela esigamekweni lapho
uCele ethandazela u-Euthenasia owayephethwe iphika maqede walulama.(2)

IMPENDULO: Inhloso yombhali yokusebenzisa isu lokubikezela ukugqamisa ukuthi u-

Euthenasia uyamdinga kakhulu umkhulu wakhe uCele ukuze aphile impilo eqoqoekile.
Lokhu kubikezela kwafezeka ngokuhamba kwesikhathi lapho u-Euthenasi esephumile
endleleni yokuziphatha watshontsha nemali kaMaXakushe. Ukubalekela kwakhe kumkhulu
uCele eMpaphala owamhlabela wambika kwabaphansi kwasigiqula isimilo sakhe
waphindela ekhaya eMlazi esengumuntu omusha owehlukanisa okubi kokuhle.

BENGITHI LIZOKUNA
 Ngabe amagama agqamile akulesi siqeshana adlulisa muphi umyalezo?
Sekela impendulo yakho. (2)
IMPENDULO: Adlulisa umyalezo wokuthi uMahlengi udliwa umzwangedwa
wothando ayesenalo ngoXolani. Akasenalo uthando lukaNdumiso, usha amashushu
ngoXolani asanda kuhlangana naye omenza elokhu esicabanga njalo engasafuni
nokumbona uNdumiso.

IMPI YABOMDABU ISETHUNJINI.

 Ngabe amagama agqamile akulesi siqeshana adlulisa muphi umyalezo?
Sekela impendulo yakho. (2)
IMPENDULO: Adlulisa umyalezo wokuthi uBafana wayeziphatha okomfana omncane
njengegama lakhe ngezenzo kanye nangenkulumo yakhe. Wehluleka ukuqonda ukuthi
abakubo abangasekho basaphila ngokomoya futhi banomthelela empilweni yakhe njengoa
izinto zazingamhambeli kahle.

BENGITHI LIZOKUNA
 Ucabanga ukuthi yayingaba njani impilo kaNontobeko ukuba waqhubeka
washada noNkululeko? Sekela impendulo yakho. (3)
IMPENDULO: Ngicabanga ukuthi yayingaba yinhle ngoba uNkululeko wayemthanda
ngokweqiniso, wayezonethezeka baqale umndeni bobabili uNtobeko aze akhohlwe indaba
yothando likaMhlengi ngenxa yemfudumalo yenhlalo yakhe noNkululeko.
NOMA
Ngicabanga ukuthi yayingeke ibemnandi ngoba uNontobeko ubezolokhu ecabanga
uMhlengi lokhu kuze kuphazamise ubudlelwane bakhe nomyeni wakhe uNkululeko
mhlawumbe baze bafake isehlukaniso.

IMPI YABOMDABU ISETHUNJINI.

 Ucabanga ukuthi yayingaba njani impilo ka-Euthenasia ukuba wamulalela
unina wayoqhuba izifundo zakhe eNyuvesi yabezizwe eThekwini? Sekela
impendulo yakho. (3)
IMPENDULO: Ngicabanga ukuthi impilo ka-Euthenasia yayiyoba nzima ngoba
wayecwaswa ebukelwa phansi eNyuvesi yabezizwe. Kwakungenzeka adube angabe
aseqedela iziqu zakhe bese ephenduka umuntu engenasimilo ngenxa yengcindezi
noma mhlawumbe azinikele ophuzweni oludakayo nakuzidakamizwa angene
nasezenzweni zobugebengu.
NOMA
Ngicabanga ukuthi u-Euthenasia wayengafunda ngokubekezela aze aphumelele
ukuthola iziqu kodwa ngenxa yobuhlungu nokubandlululwa agcine esengumuntu
ongenaso isineke nothando lweqiniso. Wayengaba isifundiswa esinenhliziyo embi
nasiswele ubuntu.

BENGITHI LIZOKUNA
 Uyazwelana yini noNkululeko ngokuzibulala noma elahlwe yingoduso yakhe
eyesezoshada nayo maduzane? Ukube wawunguNkululeko wawuyokwenzenjani
uzithola esimweni sokuphoxeka ngokwaliwa ngosuku olwandulela
elomshado? (2)
IMPENDULO: Ngiyazwelana noNkululeko ngoba wayemthanda ngenhliziyo yakhe
uNontobeko. Ukube nganginguNkululeko ngangingeke ngizibulale kodwa
ngangizokhala qede ngiyofuna usizo kubeluleki bengqondo ukuze ngiphile bese
ngixola yikhona ngizoqhubeka nempilo bese ngizitholela enye intombi.
IMPI YABOMDABU ISETHUNJINI.
 Uyazwelana yini noPoppie ngokushiywa ngumyeni wakhe abuyele emzini
wabo omdala eMlazi? Ukube wawunguPoppie wawuyokwenzenjani ukulesi
simo? (2)

IMPENDULO: Ngiyazwelana naye ngoba wasala yedwa nezingane engasakwazi

ukuzilawula kahle. Ukube nganginguPoppie ngangizozehlisa ngiyocela usuzo
kubantu abadala emndeni eMpaphala kanye nakuzinhlangano eziphathelene
nezemishado.

BENGITHI LIZOKUNA
 Phawula ngempumelelo yombhalo yokusethulela isethulo kule ndaba. (3)
IMPENDULO: Umbhali uphumelele ukusethulela isethulo ekuqaleni kwale ndaba, indaba
iqala ngolwazi lwangaphambilini lapho sethulelwe umlingiswa osemqoka onguMhlengi Ngidi
kanye nesizinda okuyindawo yaseThekwini. Siphinde sethulelwa nesisusa sodweshu
okuyimizwa yomuntu wesifazane ekuMhlengi emenze wanquma ukushintsha ubulili.

IMPI YABOMDABU ISETHUNJINI.

 Phawula ngempumelelo yombhalo yokusethulela isethulo kule ndaba. (3)
IMPENDULO: Umbhali uphumelele ukusethulela isethulo ekuqaleni kwale ndaba.
Usethulela uJohn Bafana Mbhabhadisi Ngubane njengomlingiswa osemqoka obhekene
nenkinga yokufika kukamalume wakhe uCele engashongo, ezocelele izingane
zikadadewabo indawo yokuhlala. Lokhu kwenzeka endaweni yaseMlazi koBA emzini
kaBafana.
___________________________________________________________________
YINI UMDLALO?
 Umdlalo Emdlalweni akusetshenziswa kuphela amagama kanye nolimi:
kafakwa ukunyakaza, izwi, ukukhanya kanye nobumnyama, okwenzeka
phakathi kwabadlali kanye nokudlala eshashalazini.
 Okubalulekile indlela umdlalo ohamba ngayo; indlela abadlali abadlala ngayo;
yikuphi abakwenza buthule; ukushintshashintsha kobuso kungashintsha
umqondo odluliswayo – konke lokhu kungalahleka uma bedlala sengathi
kufundwa inoveli.
UMDLALO
• KUDELA OWAZIYO
UMBUZO:
‘Kulo mhlaba siphila nabantu abazicabangela bona bodwa njalo, kungakhathaleki
ukuthi kwenzekani komunye umuntu.’
Fakazela lesi sitatimende ubhekise kokwenzeka kulo mdlalo.
Impendulo yakho mayibhalwe njenge-eseyi kube amagama angama-340 ukuya
kwangama-390.
 ISINGENISO
Lesi sitatimende siyiqiniso ngempela ngoba bakhona abantu abazicabangela
bona bodwa njalo kungakhathaleki ukuthi kwenzakalani kwabanye noma
komunye umuntu. Kule mdlalo bakhona abalingiswa abakuqhamisa kangcono
lokhu okushiwo yilesi sitatimende. Umlingiswa onguMdaluli Memela. UMdaluli
akabazi abanye abantu akabahloniphi, unomdlame emndenini Kanye nase
mphakathini futhi uyabacwasa abantu bokufika. Lokhu kufakazelwa yilezi
zibonelo ezilandealayo engizozicaphuna encwadini.
UMZIMBA
 Okokuqala akamtsheli umkakhe ukuthi kungani ebuya emini emsebenzini.
 UMdaluli uqala uba nodlame emzini wakhe, ukuthula noxolo kuyaphela.
 UMdaluli uhlukumeza umkakhe uMaMlanduli ngokuqophisana naye, wala
ukudla aphakelwe kona ekhaya. 
 UMdaluli ufuna indabandaba ngenkani uze ushaya inkosikazi yakhe
uMaMlanduli phambi kwezingane.
 ULondiwe indodakazi yakhe imbizela amaphoyisa, uyaboshwa.
 UMdaluli ugcina enza isu lokuncenga uLondiwe ukuthi esule icala.
 UMdaluli uphuma ejele uqala ukuhlukumeza izingane uze uzixosha
ngesibhamu.
 UMdaluli ulalela uChivenga unyendle ehlathini laseMphekandlubu efokozini
lotshani obude umgokloza umhlane ngemolontshisi umgqema nengozi
ekhanda, uphinda uyaboshwa futhi.
 UChivenga ucela uHlengiwe ukuba angabe esalishintsha ipasi lakhe.
Bayavumelana.

ISIPHETHO (UVO LOHLOLWAYO)

Umbhali uphumelele ukwedlulisa umyalezo othi Kulo mhlaba siphila nabantu
abazicabangela bona bodwa njalo, kungakhathaleki ukuthi kwenzekani komunye
umuntu.’

UBHUKU LWAMANQE
Ubhuku – udaka olusosebeni lomfula ongangena kulo ubishe ungabe usaphuma.
Amanqe – izinyoni ezidla izinto ezifile.

UMBUZO:
‘Kulo mhlaba siphila nabantu abazicabangela bona bodwa njalo, kungakhathaleki
ukuthi kwenzekani komunye umuntu.’
Fakazela lesi sitatimende ubhekise kokwenzeka kulo mdlalo.
Impendulo yakho mayibhalwe njenge-eseyi kube amagama angama-340 ukuya
kwangama-390.

ISINGENISO
Lesi sitatimende siyiqiniso ngempela ngoba bakhona abantu abazicabangela
bona bodwa njalo kungakhathaleki ukuthi kwenzakalani kwabanye noma komunye
umuntu. Kule mdlalo bakhona abalingiswa abakuqhamisa kangcono lokhu okushiwo
 yilesi sitatimende. Umlingiswa onguPhindisiwe kanye noNkululeko. UPhindisiwe
noNkululeko bazicabangela bona bodwa baze babe nezimfihlo eziphakathi
kukaNkululeko noPhindisiwe. UNkululeko usabisa ngazo uPhindisiwe ukuthi
uzozidalula uma engamniki lokhu akufunayo. Uze ambalisele ngecala angalenzanga
alithwala. . Lokhu kufakazelwa yilezi zibonelo ezilandealayo engizozicaphuna
encwadini.
UMZIMBA
 Ukuxabana kukaNkululeko noPhindisiwe bebanga ukubuyelana.
 Umbango wezimfihlo phakathi kukaNkululeko noPhindisiwe okuyingane
eyabulawa ngemoto kanye nengane ayisulela kuThamsanqa
okunguZiphozonke.
 UNkululeko ufuna okungokwakhe ngoshova kwaMathonsi baze bafune
ukumshaya ngoba bethi uyadelela.
 UNkululeko ubuyela okwesibili kwaMathonsi nobufakazi-mbumbulu bokuthi
ushadwe uPhindisiwe.
 UMathonsi uxabana noMaMhlongo babanga ukuthi akamshayeli ngani ucingo
uThamsaqa ngokushesha ukuthi kukhona abantu abakade bezomfuna.
 UThamsanqa ubanga noPhindisiwe ucingo olungaphendulwa uma elubamba
yena.
 Ukuphendula kukaPhindisiwe ucingo maqede alubeke phansi uma
kuqhamuka uThamsanqa.
 UPhindisiwe ukhwela uyadilika kumamezala wakhe uMaMhlongo ukhipha
izimfihlo yena ebe ethi ukhuluma noNkululeko.
 UMathonsi uxabana noNkululeko uze ambuze ukuthi uzochwensa yini
nanamuhla.
 UNkululeko uxabana noThamsanqa ocingweni babanga uPhindisiwe lona athi
uNkululeko naye ungunkosikazi wakhe.
 Iphupho likaMaMhlongo elingoZiphozonke nohlanya.
 UThamsanqa ekwaMakhangela ethi ufuna izingane zakhe.
 Itulo lokuqola ibhangi likaNkululeko nayebambisene nabo.

ISIPHETHO (UVO LOHLOLWAYO)

Umbhali uphumelele ukwedlulisa umyalezo othi Kulo mhlaba siphila nabantu
abazicabangela bona bodwa njalo, kungakhathaleki ukuthi kwenzekani komunye
umuntu.
UMBUZO OMFUSHANE (KUDELA OWAZIYO KANYE UBHUKU LWAMANQE.)
KUDELA OWAZIYO
 Chaza ngokuthuthukiswa kwendikimba yalo mdlalo okugqanyiswa izenzo
zikaMdaluli ezitholakala kulesi siqeshana. (2)
IMPENDULO: Indikimba yalo mdlalo udlame lwasekhaya.√ UMdaluli uhlukumeza
uMaMlanduli ngokulokhu emshaya, uqamba amanga nasemaphoyiseni okuthi
bayazithokozisa nje. Ukhombisa udlame nasemaphoyiseni ngokungafuni ukungena
evenini.√
UBHUKU LWAMANQE
 Chaza ngokuthuthukiswa kwendikimba yalo mdlalo okugqanyiswa izenzo
zikaPhindisiwe ezitholakala kulesi siqeshana. (2)
IMPENDULO: Indikimba yalo mdlalo eyothando lwemali.√ UPhindisiwe ubekela
uNkululeko imibandela yokuthi amhlephulele imali azobe eyitholile njengoba
esonakalelwe umendo wakhe.√/Indikimba yobugebengu obuhleliwe.√ UPhindisiwe
utshela uNkululeko ukuthi uma eseyitholile imali ebhange uzomnika ingxenye ukuze
akwazi kuziphilisa nezingane zakhe.√
KUDELA OWAZIYO
 Iyini inhloso yombhali yokukhetha isizinda ngokwenkathi yamanje kulo
mdlalo? (2)
IMPENDULO: Umbhali uhlose ukugqamisa ukuthi esikhathini samanje
sekunamalungelo okumele ahlonishwe nokuthi izindaba zomndeni sezixazululwa
ngoSonhlakalahle.√ Njengoba uMdaluli uma efuna indabandaba uMaMlanduli
usebenzisa ilungelo lakhe lokwenqaba nendabandaba. Uma esehlukumeza izingane
zakhe inkinga yazo ixazululwa oSonhlalakahle.√
(Nezinye izimpendulo ezithinta ukuhlukumeza)
UBHUKU LWAMANQE
 Iyini inhloso yombhali yokukhetha isizinda ngokwenkathi yamanje kulo
mdlalo? (2)
IMPENDULO: Umbhali uhlose ukugqamisa ukuthi esikhathini samanje
sekunobugebengu obuningi bokusetshenziswa kobuchwepheshe,√ njengoba
uNkululeko wanika abakwaMathonsi isithombe somshado wabo noPhindisiwe kanye
nesitifiketi somshado womgunyathi. Nangesikhathi kuntshontshwe imali ebhange
amakhamera aveza ubufakazi enkantolo.√
(Nezinye izimpendulo ezinembayo ziyokwamukeleka)

KUDELA OWAZIYO
 Ngabe isimo sokukhuluma esibhalwe ngokugqamile sinamthelela muni
ekuqondeni kwakho lesi siqeshana? (3)
IMPENDULO: Lesi simo sokukhuluma siyihaba sichaza ukuthi izinyembezi
zaziziningi kakhulu zigcwele ubuso√ ngakho-ke sibe nomthelela wokuthi ngiqonde
ukubona ukuthi inkulu le nto eyenziwa uMdaluli kuMaMlanduli/ubuhlungu beminjunju
yokushaywa kukaMaMlanduli.√
UBHUKU LWAMANQE
 Ngabe amazwi akhulunywa nguNkululeko abhalwe ngokugqamile
anamthelela muni ekuqondeni kwakho lesi siqeshana? (3)
IMPENDULO: Lesi simo sokukhuluma siyisisho sichaza ukuthi uma ungena
enkingeni ngeke ungene wedwa√ ngakho-ke sibe nomthelela wokuthi ngiqonde
ukuthi uNkululeko wenza ubugebengu bokubamba ibhange esizwa nguPhindisiwe
enokuqonda ukuthi uma bungaphumeleli wayengeke aboshwe yedwa kodwa
babezoboshwa bagwetshwe bonke njengoba kwenzeka. √
KUDELA OWAZIYO
 Uyavumelana nokuthi kulo mdlalo kukhona umyalezo otholakala
esakhiwaneni othi; Akukho qili lazikhotha emhlane? Sekela impendulo
uyibhekise kumlingiswa onguHeshane. (2)
IMPENDULO: Ngiyavumelana. UHeshane owayesebenza emNyangweni
wezaSekhaya wayeshadisa abantu ngomgunyathi njengoba enza ubuqili
bokushadisa uHlengiwe noChivenga,√ wagcina etholakele wamiswa emsebenzini.√
UBHUKU LWAMANQE
 Uyavumelana nokuthi kulo mdlalo kukhona umyalezo otholakala
esakhiwaneni othi; Akukho qili lazikhotha emhlane? Bhekisa kumlingiswa
onguPhindisiwe ngokomsebenzi wakhe. (2)
IMPENDULO: Ngiyavumelana. UPhindisiwe owayesebenza ebhange i-Forum
wacebisa uNkululeko ngokuthi bangayitshontsha kanjani imali ebhange njengoba
baya kovalela uSarah bamphuca isikhiye,√ wagcina ngokubanjwa waboshwa
waphelelwa umsebenzi.