Umhlahlandlela Wakho

Wamalungiselelo Okuhlola

ISIZULU ULIMI
LWASEKHAYA
IBANGA
NOLIMI
12 LOKUQALA
LOKWENGEZA
IPHEPHA LOKU-1 ISIMO SOLIMI
(ISIFUNDO SOKUQONDISISA,
UKUFINGQA KANYE NEZAKHIWO
NEZIMISO ZOKUSETSHENZISWA KOLIMI)

Supported by
FOREWORD BY THE HONOURABLE MINISTER OF BASIC EDUCATION

Our shared goal is continually to improve learner performance. This is an effort which is
strengthened through close collaboration between the Basic Education Sector and the South
Africa’s private and public sectors.

It gives me great pleasure to inform you that you have been favoured with the AVBOB STEP
12 Examination Preparation Guides for South Africa’s Grade 12 languages, a product of a
long-standing partnership between the Department of Basic Education and AVBOB.

Through these guides, AVBOB aims to provide language examination support to all Grade
12 teachers and learners. These guides will serve as a valuable self-help resource for
learners.

Through AVBOB STEP 12, AVBOB is making available 33 Examination Preparation

Guides, each meticulously compliant with the Curriculum and Assessment Policy Statement
(CAPS); and written in accordance with the most recent Examination Guidelines for the
twelve South African languages offered in Grade 12. Teachers, learners and interested
parties, may download these guides at no cost from www.avbobstep12.co.za.

The initial set of AVBOB STEP 12 Examination Preparation Guides – in all 11 official South
African languages, comprises one guide for each of the three National Senior Certificate
examination papers, and covers both Home and First Additional Languages:

1. Language in context;
2. Literature; and
3. Creative Writing.

Each guide covers themes as directed in the curriculum and focuses on important areas
covered in the examination papers. By paying attention to time management in the exams,
the AVBOB STEP 12 guides can also assist learners in alleviating anxiety and stress.

As the Department of Basic Education, we encourage Grade 12 language teachers and

other educators of Grade 12 learners to embrace the AVBOB STEP 12 Examination
Preparation Guides, which we have reviewed and supported, as valuable additional
resources within their education toolkits.

On behalf of the Department of Basic Education

Mrs Angie Motshekga, MP

South African Minister of Basic Education
Date: 21 April 2023
Uhlelo lokuqukethwe
1 Isingeniso 01
2 Isakhiwo sePhepha Loku-1 02
3 Okuqukethwe: Liphendulwa kanjani iPhepha loku–1? 04

3.1 Isiqephu A: Isifundo sokuqondisisa (Umbuzo 1) 04

3.1.1 Hlobo luni lwemibuzo yemibhalo efundwayo nebukwayo ongalulindela? 05
3.1.2 Kumele uyiphendule kanjani imibuzo yombhalo? 05

3.2 Isiqephu B: Ukufingqa (Umbuzo 2) 07

3.3 Isiqephu C: Isakhiwo neZimiso Zokusetshenziswa Kolimi (Umbuzo 3-5) 08

3.3.1 Umbuzo 3 08
3.3.1.1 Izimo nezakhiwo zolimi 09
a) Izimo zolwazimagama esiZulu 09
b) Ukuthuthukiswa kolwazimagama 09
c) Isifundo sencazelomagama 12
d) Amagama adidanayo 13
e) Incazelo eqondile kanye nencazelo egudliselayo 13
f) Ulimi olufengqayo 13
g) Ukugcizelela 13
h) Igama elilodwa esikhundleni samaningi 14
i) Izimo zomphakathi 14
j) Izifinyezo nama-akhronimi 14
k) Ukulandelana kwamagama 15
l) Ukuxhumanisa/izibanjalo (kufaka izihlanganiso) 17
m) Izenzo 18
n) Inkulumo-ngqo nenkulumo-mbiko 19
o) Izimpawu zokuloba 21
p) Ubudlelwano phakathi kwamagama, imisho nezigaba 22
3.3.1.2 Amasu okunxenxa 23
3.3.2 Umbuzo 4 26
3.3.3 Umbuzo 5 28

Amatheksthi nemibuzo esetshenziswe kulo mhlahlandlela

IYIZIBONELO nje zalokhu okungalindelwa ekuhloleni kokugcina.
1. Isingeniso
Lo mhlahlandlela wamalungiselelo okuhlola uhlose ukukusiza ukuthi uthole amamaki amahle ePhepheni
loku-1 (Isimo Solimi: Isifundo sokuqondisisa, Ukufingqa kanye neZakhiwo neZimiso Zokusetshenziswa
Kolimi). Lo mhlahlandlela unezingxenye ezimbili: ingxoxo ngesakhiwo sePhepha loku-1, ilandelwe yingxoxo
ngokulindelekile nokuqukethwe ekusetshenzisweni kolimi. Ulwazi lwalezi zingxenye zombili luyadingeka
ekukuphumeleliseni lapho ubhala iPhepha loku-1.
Isakhiwo kanye nokuqukethwe iPhepha loku-1 kusekelwe esiTatimendeni seNqubomgomo yoHlelo lwezeMfundo
nokuHlola (u-TAHFUZWE owaziwa ngelika-CAPS) olugunyazwe nguMnyango weMfundo eyiSisekelo njengom-
hlahlandlela oyimpoqo wokufundisa nokuhlola. Ake ucele uthisha wakho akukhombise u-TAHFUZWE (kanye
nomhlahlandlela wokuhlola omusha) ukuze uzibonele mathupha ukuthi yini enqunyelwe iPhepha loku-1.

Isivivinyo esi-online
Lo mhlahlandlela awenzelwanga
ukukwethwesa umthwalo omkhulu
ngamaphuzu nolwazi, kodwa uhlose
UKUKUHOLELA endleleni efanele
nekusa empumelelweni. Kumele
wenze umsebenzi wakho
uthuthukise ikhono lakho. Awuyona
incwadi yokufunda, ngakho-ke
awuqukethe yonke imininingwane
esohlelweni lokufunda. Lapha
siphawula ngezingxenye ezibalulekile
ukuze uziqaphelisise. Nokho usalindeleke
ukuthi wenze umsebenzi wakho nothisha
uphinde uthuthukise ikhono lakho.

KUMELE WAZI UKUTHI KUTHIWANI

KU-TAHFUZWE/UTHINI U-TAHFUZWE

Lapho ULimi LwaseKhaya lwehluka oLimini LokuQala lokwEngeza, imininingwane eqondene

noLimi LokuQala LokwEngeza izokhonjiswa ngombhalo oluhlaza okwesibhakabhaka.

Ikhasi 01
 2. Isakhiwo sePhepha Loku-1
Funda le mininingwane engezansi ngokucophelela ngoba izokusiza ukuba uphendule kahle imibuzo
esephepheni lokuhlola ngendlela efanele.

ULIMI LWASEKHAYA
ƒ Unamahora amabili (imizuzu eyi-120) okuphendula iPhepha loku-1. Amamaki aleli phepha esewonke angama-70.
ƒ Iphepha lehlukaniswe iziqephu ezintathu: Isiqephu A (Isifundo sokuqondisisa), isiqephu B (Ukufingqa) nesiqephu C (Izakhiwo
Nezimiso Zokusetshenziswa Kolimi).
ƒ Funda ngokucophelela imiyalelo esekuqaleni kwephepha ukuze uqiniseke ukuthi uyiqondisise kahle yonke.
ƒ Kumele uphendule yonke imibuzo esePhepheni loku-1 – kuphoqelekile ukuthi ukuyiphendule yonke le mibuzo.
ƒ Isiqephu A (Umbuzo 1) sinamamaki angama-30. Lesi siqephu sinemibhalo emibili: umbhalo ofundwayo kanye nombhalo
obukwayo (isithombe noma izithombe). Kumele uphendule imibuzo yokuqondisisa esuselwe kule mibhalo emibili.
(QAPHELA: Igama elithi, umbhalo lisho itheksthi).
ƒ Isiqephu B (Umbuzo 2) sinetheksthi okumele uyifunde bese uyifingqa njengoba uyalelwe, sinamamaki ayi-10.
ƒ Isiqephu C sinemibuzo emithathu (Umbuzo 3, 4 kanye nombuzo 5).
ƒ Umbuzo 3 unamamaki ayi-10 futhi uqukethe isikhangisi okumele kusona uphendule imibuzo emayelana namasu okukhangisa
(le mibuzo inamamaki ayi-8) bese kuba khona imibuzo yolimi (imibuzo eqondene nokuthuthukiswa kolwazimagama nokusetshe-
nziswa kolimi NOMA isakhiwo semisho kanye nokuhlelwa kwemibhalo, lokhu kunamamaki ama-2).
ƒ Umbuzo 4 uqukethe ikhathuni, kuwona kumele uphendule imibuzo ikakhulukazi eqondene nokuqaphelisisa ukuthi ulimi
lusetshenziswa kanjani kanye nokuthuthukiswa kolwazimagama nokusetshenziswa kolimi NOMA isakhiwo semisho kanye
nokuhlelwa kwemibhalo.
ƒ Umbuzo 5 uqukethe umbhalo ofundwayo, kuwona kumele uphendule imibuzo emayelana nokuthuthukiswa kolwazimagama
nokusetshenziswa kolimi KANYE nesakhiwo semisho nokuhlelwa kwemibhalo, lokhu kunamamaki ayi-10.

Isiqephu A Isiqephu B * Isiqephu C Isamba

Imizuzu Imizuzu Imizuzu Imizuzu eyi-120
engama-50 engama-25 engama-45 (amahora ama-2)

* Isiqephu C: Musa ukusebenzisa imizuzu edlula kweyi-15 embuzweni ngamunye: Imizuzu eyi-15 X 3 = nemizuzu engama-45

IPHEPHA LOKU-1: AMAHORA AMA-2, AMAMAKI ANGAMA-70, IZIQEPHU EZI-3

Isiqephu A: amamaki angama-30 Isiqephu B: amamaki ayi-10 Isiqephu C: amamaki ayi-30

Umbuzo 1 Umbuzo 2 Umbuzo 3
Umbhalo ofundwayo kanye Umbhalo ofundwayo – Ukufingqa Isikhangisi – amasu okukhangisa,
nobukwayo – Imibuzo yokuqondisisa isakhiwo nezimiso zokusetshenziswa
kolimi (amamaki ayi-10)
Umbuzo 4
Ikhathuni – indlela ulimi
olusetshenziswa ngayo kanye
nesakhiwo nezimiso zokusetshenziswa
kolimi (amamaki ayi-10)
Umbuzo 5
Umbhalo ofundwayo – izakhiwo nezimiso
zokusetshenziswa kolimi (amamaki ayi-10).
ƒ Bala amakhasi ephepha lakho lemibuzo uqiniseke ukuthi liphelele.
ƒ Phendula imibuzo ngokubhala ngepeni elibhala ngoyinki OMNYAMA noma OLUHLAZA OKWESIBHAKABHAKA.

Ikhasi 02
ULIMI LOKUQALA LOKWENGEZA
ƒ Unamahora amabili (imizuzu eyi-120) okuphendula iPhepha loku-1. Amamaki aleli phepha esewonke angama-80.
ƒ Iphepha lehlukaniswe iziqephu ezintathu: Isiqephu A (Isifundo sokuqondisisa), isiqephu B (Ukufingqa) nesiqephu C (Izakhiwo
Nezimiso Zokusetshenziswa Kolimi).
ƒ Funda ngokucophelela imiyalelo esekuqaleni kwephepha ukuze uqiniseke ukuthi uyiqondisise kahle yonke.
ƒ Kumele uphendule yonke imibuzo esePhepheni loku-1 – kuphoqelekile ukuthi uyiphendule yonke le mibuzo.
ƒ Isiqephu A (Umbuzo 1) sinamamaki angama-30. Lesi siqephu sinemibhalo emibili: umbhalo ofundwayo kanye nombhalo
obukwayo (isithombe noma izithombe). Kumele uphendule imibuzo yokuqondisisa esuselwe kule mibhalo emibili.
(QAPHELA: Igama elithi, umbhalo lisho itheksthi).
ƒ Isiqephu B (Umbuzo 2) sinetheksthi okumele uyifunde bese uyifingqa njengoba uyalelwe, sinamamaki ayi-10.
ƒ Isiqephu C sinemibuzo emithathu (Umbuzo 3, 4 kanye nombuzo 5) sinamamaki angama-40.
ƒ Umbuzo 3 unamamaki ayi-10 futhi uqukethe isikhangisi okumele kusona uphendule imibuzo emayelana namasu okukhangisa
(le mibuzo inamamaki ayi-8) bese kuba khona imibuzo yolimi (imibuzo eqondene nokuthuthukiswa kolwazimagama
nokusetshenziswa kolimi NOMA isakhiwo semisho kanye nokuhlelwa kwemibhalo, lokhu kunamamaki ama-2).
ƒ Umbuzo 4 uqukethe ikhathuni, kuwona kumele uphendule imibuzo ikakhulukazi eqondene nokuqaphelisisa ukuthi ulimi
lusetshenziswa kanjani kanye nokuthuthukiswa kolwazimagama nokusetshenziswa kolimi noma isakhiwo semisho kanye
nokuhlelwa kwemibhalo (amamaki ayi-10).
ƒ Umbuzo 5 unamamaki angama-20 uhlukaniswe ngezingxenye ezimbili: umbhalo ofundwayo okuvela kuwo imibuzo
yolimi (5.1 unamamaki ayi-14) kanti umbhalo obukwayo (5.2 unamamaki ayi-10) uqukethe imibuzo yolimi.

Isiqephu A Isiqephu B * Isiqephu C Isamba

Imizuzu Imizuzu Imizuzu Imizuzu eyi-120
engama-50 engama-20 engama-50 (amahora ama-2)
* Isiqephu C: Musa ukuchitha isikhathi esedlula imizuzu eyi-12 embuzweni ngamunye, embuzweni 3 no-4 futhi usebenzise
imizuzu engama-26 embuzweni 5 (imizuzu eyi-18 emibuzweni yetheksthi ebhaliwe nemizuzu eyi-8 emibuzweni yetheksthi
ebukwayo): imizuzu eyi-12 + nemizuzu eyi-12 + nemizuzu engama-26 = imizuzu engama-50.

IPHEPHA LOKU-1: AMAHORA AMA-2, AMAMAKI ANGAMA-80, IZIQEPHU EZI-3

Isiqephu A: Amamaki angama-30 Isiqephu B: Amamaki ayi-10 Isiqephu C: Amamaki ayi-40

Umbuzo 1 Umbuzo 2 Umbuzo 3
Umbhalo ofundwayo kanye Umbhalo ofundwayo – Ukufingqa Isikhangisi – amasu okukhangisa kanye
nobukwayo – Imibuzo yesifundo nesakhiwo nezimiso zokusetshenziswa
sokuqondisisa kolimi (amamaki ayi-10)
Umbuzo 4
Ikhathuni – indlela ulimi
olusetshenziswa ngayo kanye
nesakhiwo nezimiso zokusetshenziswa
kolimi (amamaki ayi-10)
Umbuzo 5
Umbhalo ofundwayo nombhalo
obukwayo – izakhiwo nezimiso
zokusetshenziswa kolimi. Amamaki
angama-40 (10 + 10 + 20)
ƒ Bala amakhasi ephepha lakho lemibuzo uqiniseke ukuthi liphelele.
ƒ Phendula imibuzo ngokubhala ngepeni elibhala ngoyinki OMNYAMA noma OLUHLAZA OKWESIBHAKABHAKA.

EPhepheni loku-1 kumele uphendule YONKE imibuzo yazo ZONTATHU IZIQEPHU.

Ikhasi 03
 3. Okuqukethwe: Liphendulwa kanjani iPhepha loku–1?
Funda ngokucophelela umbhalo ofundwayo, bese ubukisisa ngokuqaphelisisa umbhalo obukwayo. Ukuhumusha
imibhalo ngokufanelekile kanye nokuhlela impendulo yakho ngokucacile yikhono okumele ubenalo uma ufuna
ukuthola amamaki amaningi ePhepheni loku-1. Iziqephu ezahlukene zidinga amakhono ahlukene esizoxoxa ngawo
ngokwehlukana kwawo ngezansi. La makhono kuzoxoxwa ngawo ngokwehlukana kule ngxoxo elandelayo:

3.1 Isiqephu A: Isifundo sokuqondisisa (Umbuzo 1)

Esiqeshini A (Umbuzo 1) kugcizelelwa ukufunda nokuqondisisa itheksthi efundwayo (Umbhalo A) kanye nokuhumusha umbhalo
obukwayo (Umbhalo B). Umbhalo B kumele ube nendikimba exhumene nombhalo A.

ULimi LwaseKhaya ULimi LokuQala LokwEngeza

Umbhalo A: Amagama angama-500–560 Umbhalo A: Amagama angama-450–500
Umbhalo B: Uhambisana nombhalo A Umbhalo B: Akulindelekile ukuba uhambisane nombhalo A

Ukuqonda umbhalo kudinga ukuba ube namasu alandelayo ngoba imibuzo isekelwe kulokhu:
ƒ Kumele uqonde okushiwo amagama, imisho kanye nezigaba ezikumbhalo A. (Ukuze uqonde, kumele uzinikeze ithuba
lokufunda imibhalo eminingi eyahlukene ukuze uthuthukise lelo khono lakho).
ƒ Thola ubudlelwano obukhona phakathi kwamagama, imisho nezigaba.
ƒ Sebenzisa ulwazi oluthola emininingwaneni esembhalweni ukucabangela izincazelo.
ƒ Sebenzisa ulwazi olujulile lokubona imibono evezwa embhalweni.
ƒ Qhathanisa ubuye uhumushe imibono eveziwe.
ƒ Hlaziya imininingwane enikeziwe.
ƒ Sebenzisa imininingwane ezimeni ezintsha.
ƒ Xhumanisa imibono eyahlukene ukwakha isithombe esiphelele.
ƒ Hlolisisa ngokuhlaziya ubungakho bemibono.
ƒ Khombisa ulwazi olujulile mayelana nobudlelwano phakathi kombhalo A nombhalo B (uLimi LwaseKhaya kuphela).

Imibhalo ifana nolwembu lwesicabucabu.

Ngemibuzo KANYE NEZIMPENDULO ZAKHO
kumele ukhombise ukuthi uyaqonda
ukuthi umbhalo ubunjwe kanjani nokuthi
kunakuxhumana kuni ezingxenyeni zemibhalo
ehlukene. Kwenziwa kanjani lokho?

ƒ Ngokuthi uhlaziye okungenani emihlanu imibhalo efundwayo nebukwayo ngonyaka, nokuphendula imibuzo ephathelene
nayo, ungakwazi ukuthuthukisa amakhono akho adingekayo.
ƒ Uthisha wakho angakunikeza imibhalo efundwayo nebukwayo kanye nemibuzo yakhona ukuze uzivivinye ngokwenza lowo
msebenzi.

Ikhasi 04
3.1.1 Hlobo luni lwemibuzo yemibhalo
efundwayo nebukwayo ongalulindela?
ƒ Imibuzo engama-40% ihlola ukuthi uyawuqonda lowo mbhalo
(amagama, imisho, izigaba). Lokhu kusho ukuthi izimpendulo
zemibuzo zizotholakala ngqo embhalweni.
ƒ Imibuzo engama-40% elandelayo izobe ihlola ikhono lakho
lokuCABANGELA. Lokhu kusho ukuthi izimpendulo aziveli ngqo
embhalweni, kodwa imininingwane esembhalweni iba YISISEKELO
ONGASUSELA kuso ukucabangela izimpendulo ezisuselwa kule
mininingwane evezwa embhalweni. Kumele uwuqondisise kahle
umbhalo ukuze ukwazi ukuphendula lolu hlobo lwemibuzo.
ƒ Imibuzo engama-20% yokugcina ibhekiswe ekhonweni lokuba
nolwazi olunzulu lokuqonda umbhalo, ukusebenzisa imininingwane ezimeni ezintsha, ukuyihlaziya uze ufinyelele
esinqumeni esithize. Kumele uwuqondisise kahle umbhalo ukuze ukwazi ukuphendula lolu hlobo lwemibuzo.
ƒ Eminye yemibuzo izoba LULA, eminye ibe sesilinganisweni ESIPHAKATHI NAPHAKATHI kanti eminye izokuba LUKHUNI.
Kungahle kube khona imibuzo embalwa elukhuni. Ungethuki, yehlisa umoya, uphendule yonke imibuzo ngokusemandleni
akho usebenzise ikhono lakho.

3.1.2 Kumele uyiphendule kanjani imibuzo yombhalo na?

ƒ Funda isihloko sombhalo kaningana uzame ukuthola ukuthi isihloko sizama ukukutshelani noma ukudlulisa muphi umyalezo.
ƒ Funda umbhalo ngokuwukha phezulu ube uzama ukuthola ukuthi yini equkethwe yilowo mbhalo.
ƒ Funda imibuzo ngamafuphi ukuthola umbono wobubanzi nokujula kwemibuzo nokuthi yini ebuzwayo.
ƒ Phinda ufunde umbhalo, kodwa manje funda ngokucophelela ube unemibuzo emqondweni wakho.

MANJE qala ukuphendula imibuzo:

ƒ Qala ngombuzo 1.1 bese udwebela igama noma AMAGAMA AWUKHIYE/AWUMONGO wombuzo.
ƒ Vumela amagama awukhiye akuholele empendulweni yombuzo.
ƒ Ngaphambi kokuba ubhale phansi impendulo yakho yombuzo 1.1, zibuze lokhu: Ngabe impendulo yami iphendula lokhu
okudingwa umbuzo na?
ƒ Landela leyo ndlela kuyo yonke imibuzo elandelayo.
ƒ Uma ungayazi incazelo yegama elithize, landela umkhondo wokuthi lelo gama lisetshenziswe kanjani – lokhu kuyaye kusize
ekutholeni incazelo yegama.
ƒ Uma kukhona imibuzo edinga okufanayo, umehluko, ukwehluka, ukuqhathanisa, umbhinqo/umbhuqo kumele unikeze
izinhlangothi zombili zalokhu okushoyo.

Isibonelo:
Umbuzo – Yini umehluko phathi kwehembe eligqokwe uThabo nehembe eligqokwe uThemba?
Impendulo:
UThabo ugqoke ihembe elinemikhono emide kanti uThemba ugqoke ihembe elinemikhono emifushane.
Ukuphawula ukuthi uThabo ugqokeni kuphela kuyimpendulo engaphelele – ZOMBILI izinhlangothi kumele zinikezwe (ukuthi
uThabo ugqokeni nokuthi uThemba ugqokeni). Ngokunjalo zombili izinhlangothi kumele zinikezwe nalapho imibuzo idinga
okufanayo, ukwehluka, ukuqhathanisa, umbhinqi/umbhuqo nakweminye imibuzo efana naleyo.

Ikhasi 05
ƒ Lapho umbuzo ufuna igama elilodwa kuphela, kumele unikeze igama elilodwa kuphela.
ƒ Lapho umbuzo ufuna amagama angaphezu kwelilodwa, qiniseka ukuthi umbuzo ufuna amagama amabili (noma ngaphezulu)
EHLUKENE, noma AMAGAMA ALANDELANAYO – bese uphendula umbuzo ngendlela elindelekile.
ƒ Uma umbuzo ufuna okucashunwe ngomlomo etheksthini, lokhu okucashuniwe kumelwe kuvele njengoba kunjalo
etheksthini, makungabi namaphutha.
ƒ Lapho umbuzo unezingxenye ezedlula kweyodwa, qiniseka ukuthi uphendula umbuzo njengoba izingxenye zilandelana.
ƒ Uma kumele uphendule umbuzo ngoYEBO noma ngoCHA – noma IQINISO/IPHUTHA; NGIYAVUMELANA/ANGIVUMELANI –
qiniseka ukuthi NGASO SONKE ISIKHATHI wengeza ngokwesekela uYEBO noma uCHA wakho (ngokunjalo no- IQINISO/
IPHUTHA; NGIYAVUMELANA/ANGIVUMELANI).

Qaphela futhi ukuthi ukwesekela kwakho kuyahambisana noYEBO noma uCHA - Uma empendulweni yakho uthe
YEBO, sekela impendulo ethi YEBO, ungasekeli uCHA, ngokwenzenjalo uzothola amamaki amaningi. Uma uthi
YEBO bese wesekela uCHA awusoze wathola amamaki alowo mbuzo.

ƒ Uma uphendula umbuzo, ngaphambi kokuba unikeze ukusekela kwakho, khumbula ukuqala ngoYEBO noma ngoCHA
(ngokunjalo no-IQINISO/IPHUTHA; NGIYAVUMELANA/ANGIVUMELANI).
ƒ Ngokujwayelekile, ukulandelana kwemibuzo kulandela ukuhleleka kombhalo, nokho lokho akubi njalo ngaso sonke
isikhathi. Kungaba khona imibuzo ezokuphindisela esigabeni esingenhla noma ithinte izigaba ezilandelayo; lindela-ke
ukuba wehle ubuye wenyuke nezigaba zesiqephu.
ƒ Lapho kubuzwa ngobudlelwano phakathi kwemisho/izigaba/itheksthi/umbono, njalonjalo, qiniseka ukuthi uyawazi amazwi
awukhiye alowo mbuzo bese uthola leyo miqondo exhumanayo yaleyo misho/zigaba/matheksthi/mibono, njalonjalo.
Nquma ukuthi yibuphi ubudlelwano obukhona bese ubhala phansi impendulo yakho ngendlela echachile neqondile.
ƒ Lapho kubuzwa ngeqiniso nangombono, kumele ukhumbule ukuthi: iqiniso lingafakazelwa ngemininingwane ezimele;
umbono indlela umuntu abona ngayo kanti ungehluka komunye umbono womunye nomunye.

Isibonelo: Nginemali eyi-R1000 – lokhu yiqiniso ngoba ungayibala leyo mali ufinyelele kuleso sibalo.
Ngakolunye uhlangothi uma ngithi nginemali eningi - lokhu kungumbono, ngoba lokhu kumuntu ompofu
okuningi (imali eyi-R1000) kanti kuyinto encane kakhulu kumuntu ocebile.

ƒ Imibuzo evulekile: Nxa umbuzo uqala ngokuthi, “Ucabanga …?” kusho ukuthi impendulo ayikho esiqeshini, kodwa
kumele unikeze eyakho impendulo ezimele engasuselwe esiqeshini. Lokhu akusho ukuthi uma kunjalo unganikeza noma
iyiphi impendulo ngaphansi komthunzi welanga ngoba umbuzo uthi “Ucabanga …?” Impendulo yakho ezimele kumele
ibe nokuxhumana nesiqephu/neziqephu. Lokhu kusho ukuthi wengeza ubungakho betheksthi ngalokhu kuqonda nolwazi
lwakho olwehlukile.
ƒ Ubude (kwesinye isikhathi ukudepha kwempendulo) kuncike emamakini anikezwe lowo mbuzo. Isibonelo,

Uma amamaki emathathu, ungeke wabhala igama elilodwa kuphela; kanti uma kunemaki elilodwa musa ukubhala izigaba
ezinde ezintathu. Qaphela ukunikezwa kwamamaki alowo nalowo mbuzo.

ƒ Ngokuvamile kumele unikeze iphuzu elilodwa ngemaki elilodwa. Kwesinye isikhathi kuyalindeleka ukuba wesekela lelo
phuzu, ngakho-ke kumele unikeze imininingwane eminingi emamakini angeziwe.
ƒ Hlukanisa phakathi kwencazelo eqondile (incazelo esobala yegama) kanye nencazelo egudliselayo (ukucabangela
incazelo yamagama/isimo sokukhuluma/izifengqo/incazelo engaqondile). Lokhu kuzokusiza kakhulu ekuqondeni ukuthi
itheksthi ikhuluma ngani.
ƒ Qaphela (ubokwazi ukubona) lapho itheksthi iveza khona ukucabanga-nje, ukuphikisa okubekwayo, ulimi oluthinta
imizwa, ukuchema, ukucwasa, inkolelo engaguquki, ulimi olukhohlisayo kanye nesakhiwo setheksthi.
ƒ Iphuzu noma isitatimende sivamise ukwamukeleka uma sivela kumuntu onolwazi noma ongungoti; nanxa amaphuzu
aliqiniso ethembekile ulwazi luyawasekela.

Ikhasi 06
 3.2 Isiqephu B: Ukufingqa (Umbuzo 2)
Isiqephu B siqukethe umbuzo owodwa - Umbuzo 2 (Bhala ukufingqa okunamamaki ayi-10).

ULimi LwaseKhaya ULimi LokuQala LokwEngeza

ƒ Fingqa itheksthi enamagama angama-270 ƒ Fingqa itheksthi enamagama angama-220
ngamagama angedluli kwangama-70 ngamagama angedluli kwangama-60.
ƒ Fingqa kube isigaba – isigaba esisodwa. ƒ Fingqa kube ngamaphuzu.

Kumele ukhumbule lokhu:

ƒ Ungabhali amagama adlule emagameni adingekayo.
ƒ Qiniseka ukuthi uyayiqonda imiyalelo nokuthi uyilandela kahle.
ƒ Kumele unikeza amaphuzu ayi-7 (ayisikhombisa) esigabeni osifingqile. Uma umyalelo udinga izinto eziyisikhombisa
ezimbi, musa ukunikeza izinto eziyisikhombisa ezinhle. Qiniseka ukuthi uyayiqonda imiyalelo.
ƒ Akudingeki ukuthi unikeze isihloko sombhalo wakho owufingqile.
ƒ Bala ukuthi mangaki amagama owasebenzisile lapho ufingqa bese uwabhala phakathi kwabakaki ekugcineni
kwesigaba osifingqile.
ƒ Sebenzisa imisho ephelele lapho ufingqa itheksthi. Ukubhala ngokunqamulela njengoba kwenziwa kuthelegramu noma
ku-Whatsapp akuvumelekile – yilowo nalowo musho kumele uphelele futhi wenze umqondo. Umusho kumele ube
nenhloko nesilandiso.
ƒ Lapho ufingqa bhala ngawakho amagama. Uma ucaphuna njengoba kunjalo esiqeshini, uzolahlekelwa ngamamaki.
Khumbula ukuthi inhloso yokufingqa ukukhombisa ukuthi uyawuqonda umbhalo kanti futhi uyawubona umqondo ubuye
uwubhale ngolimi olunembayo.
ƒ Ungathola amamaki ayi-7 wamaphuzu namamaki ama-3 olimi. Uma ucaphuna njengoba kunjalo esiqeshini,
uzolahlekelwa ngamamaki.

Qaphela!
ƒ Uma ushintsha noma uguqula
igama elilodwa lalokhu
okucaphunile etheksthini, lokho
akusathathwa njengokucashuniwe.
ƒ Uma uguqula ukulandelana
kwamagama emshweni
Kusho ukuthini lokhu na?
ocashuniwe, lokho akusathathwa Kusho ukuthi ungasebenzisa imisho esetheksthini,
njengokucashuniwe noma kodwa kumele …
njengomusho ocashuniwe. ƒ Uguqule noma ususe okungenani igama elilodwa,
noma wengeze ngegama elisha elingekho
etheksthini.
NOMA
ƒ Guqula ukulandelana kwamagama emshweni.

Ikhasi 07
 Ukufingqa kuyindlela elula yokuthola amamaki ayi-10. Qiniseka ukuthi
uyayiqonda imiyalelo; ubhala imisho ephelele ubuye unikeze amaphuzu ayi-7.

3.3 Isiqephu C: Isakhiwo neZimiso Zokusetshenziswa Kolimi (Umbuzo 3-5)

Lesi siqephu siqukethe imibuzo emi-3 (emithathu): Umbuzo wesi-3, wesi-4 nowesi-5. Yilowo nalowo mbuzo uqukethe
imibuzwana ehlola amakhono alandelayo:
ƒ Ulwazimagama nokusebenza kolimi
ƒ Izakhiwo zemisho nokuhlwelwa kombhalo (kwetheksthi)
ƒ Ukuqaphelisisa ukuthi ulimi lusetshenziswa kanjani (Critical language awareness)

Uma ufunda ulimi kumele ube

nezichazamazwi neminye imithombo
yolwazi engakusiza.

Esiqeshini C kuzobuzwa imibuzo evulekile emibili (owodwa kumbuzo wesi-3 nowodwa kumbuzo wesi-4), ngaphandle kwaleyo
kukhona imibuzo ebuza ngolwazi olujwayelekile nangokusetshenziswa kolimi. Le mibuzo emibili izodinga ukuqaphelisisa
nokuhlaziya, ukuvivinya ukuqonda kwakho nendlela obuka ngayo izinto. Qaphela lokhu okulandelayo:
ƒ Kuzomele uhlaziye ngokuhlolisisa ubuye uphawule.
ƒ Funda imibuzo enjalo ngokucophelela, funisisa ukuthi umbuzo ufunani, hluza ngokucophelela ulwazi nemininingwane bese
uphendula umbuzo ngolwazi nangokuqonda kwakho okusekelwe ulwazi lwakho lolimi.
ƒ Ungethuki ngenxa yemibuzo enjalo, kodwa yisebenzise njengethuba lokubonisa ulwazi lwakho ngokuchachile ngaphandle
kokungabaza.
ƒ Phakathi nonyaka kumele uzijwayeze umkhuba wokufunda ngokuhlaziya umsebenzi, ufune umqondo ojulile nocashile.
Hlolisisa ngokuhlaziya. qinisa ikhono lakho lokuphawula ngokuhlaziya, usekele umbono bese unikeza owakho umbono.

Lo mhlahlandlela awulona ibhuku lokufundisa futhi awuhlosile ukuthatha umsebenzi wokufundisa kukathisha,
kodwa WENGEZA ulwazi onalo ukuze ULUNGELE UKUHLOLWA. Isibonelo, ifonetiki nezingcezu zenkulumo
akufundwa lapha – lokhu kungafundwa encwadini yokufunda. Nguthisha ozofundisa ngalokho ekilasini.
Ukusetshenziswa kwemisindo nezingcezu zenkulumo kuzothintwa lapho kudingekile.

Hlukanisa phakathi komushwana kanye nomusho emibuzweni – lezi yizinto ezingefani! Uma kubuzwa ngomushwana, akumele
ubhale umusho ophelele. Kanjalo, uma kubuzwa ngomusho, kumele ubhale umusho ofanayo ncimishi nalo osetheksthini.
Umusho: “Ngifunde incwadi endlini yami ntambama.” Umshwana: “… endlini yami ntambama.”

3.3.1 Umbuzo 3
Umbuzo 3 uqukethe isikhangisi esisodwa noma ezimbili. Qiniseka ukuthi uyayiqonda ingxenye ebukwayo bese ubheka ukuthi ihlobene
kanjani nengxenye yesikhangisi efundwayo. Qiniseka futhi ukuthi uthuthukisa ikhono lakho lokuhumusha amatheksthi anjalo.
Umbuzo 3 unamamaki ayi-10. Imibuzo yehlukaniswe imikhakha emibili.

Amamaki ama-2 emibuzo ephathelene nokuthuthuka Amamaki-ayi 8 amasu okunxenxa – ulimi oluveza
kolwazimagama kanye nokusetshenziswa kolimi noma imizwa, ulimi olunxenxayo, ulimi oluveza ukuchema nolimi
izakhiwo zemisho nokuhleleka kwetheksthi. olukhohlisayo.
Imibuzo ingahlelwa ilandelane noma ngayiphi indlela.
Ake sixoxe ngale mikhakha ngokwehlukana kwayo: izimiso zolimi namasu okunxenxa.

Ikhasi 08
 Izimiso zolimi ezisetshenziswa kumbuzo 3, umbuzo 4 nakumbuzo 5!

3.3.1.1 Izimo nezakhiwo zolimi

Qaphela lokhu okulandelayo okuqondene nokuthuthuka kolwazimagama kanye nokusebenza kolimi okumele kubhekwe
ngokucophelela okukhulu:
ƒ Izimo zolwazimagama esiZulu.
ƒ Ukuthuthukiswa kolwazimagama: Umsebenzi weziqalo, iziphongozo, izijobelelo, amagama asuselwe kwezinye izingcezu
zenkulumo, izelulo zezenzo, amabizongxube, njalonjalo.
ƒ Incazelomagama: omqondofana, omqondophika, omabizwafane, amapharonimi, amabiziqoqa, namapholisemi.
ƒ Amagama adidanayo.
ƒ Incazelo eqondile nencazelo egudliselayo.
ƒ Ulimi lwezithombe: izisho/izaga/izifengqo.
ƒ Ukugcizelela
ƒ Igama elilodwa esikhundleni samaningi nama-antomasiya.
ƒ Izimo zomphakathi: ulimi lwesigodi, inkulumo elungiselelwe nengalungiselelwe, isitayela nerijista.

Qaphela: Lokhu kuwuhla lwezinto okumele uziqaphelisise.

a) Izimo zolwazimagama esiZulu

Cela uthisha wakho akuxoxele ngokudabuka kwamagama olimi lwesiZulu: Amanye amagama angawokudabuka, amanye
asuselwe/abolekwe kwezinye izilimi kanti amanye awakaze abe khona ngisho nasemandulo, kodwa ngamagama amasha
aqanjiwe (isibonelo – umakhalekhukhwini). Engxoxweni kubalulekile ukuba sithinte amagama aphindaphinda into eyodwa
(ithotholoji), ukusetshenziswa kwamagama aze adlule kwadingekayo (i-pleonasm), ukuxuba izilimi kanye nesifanekiso
(i-analoji).

b) Ukuthuthukiswa kolwazimagama
Umsebenzi weziqalo, izijobelelo, amagama asuselwa kwamanye, amabizombaxa, njalonjalo. Cela uthisha wakho akuchazele
wonke la magama aphawulwe ngenhla. Ngezansi uzothola ngamafuphi izibonelo zala magama:

IZIPHONGOZO

isibonelo – aba-; ngu-; ku-; e-; esi-; kwa-; ka- njalonjalo.

ƒ Isiphongozo (isiqalo noma isivumelwano) yile ngxenye yegama ephongozwa ngaphambi kwesiqu noma komsuka ukwakha
igama elisha:

abafana; abasebenzayo; ngubaba; kumalume; ekhaya; edlala; esibandayo; kwaGumede, kancane; njalonjalo.

ƒ Yileso naleso siphongozo (isiqalo noma isivumelwano) sizimele mayelana nencazelo nomsebenzi waso; isibonelo, aba-
unencazelo yobuningi uma eyisiqalo noma eyisivumelwano sesibaluli noma sesiphawulo. Uzoqaphela ukuthi ukusetshenziswa
kweziphongozo ezithize kungaliguqula igama libe olunye ucezu lwenkulumo. Ake sibheke nazi izibonelo:

-khula > u-khulu – uyisiqu sesiphawulo. > kakhulu, umkhulu, isikhulu, omkhulu, esikhulayo, njalonjalo. Ngokusebenzisa
iziphongoza sakhe isandiso sesimo (kakhulu), amabizo (umkhulu, isikhulu), isiphawulo (omkhulu kanye nesibaluli
esisuselwe esenzweni (esikhulayo).

Yileso naleso siphongozo sinomsebenzi waso lapho sisebenza nalolo cezu lwenkulumo esihambelana naso.

Ikhasi 09
 Cela uthisha wakho achaze ukuthi yileso naleso siphongoza sinikeza
yiphi incazelo mayelana nomsebenzi waso ezingcezwini zenkulumo.

ISIJOBELELO

Ziningi izijobelelo esiZulwini nazi, izibonelo, -kazi, -ana, -ni, -ini/-eni,

kubuye kube khona izakhi ezisetshenziswayo ukwelula incazelo yesenzo.

ƒ Nazi-ke izibonelo zamagama anezijobelelo:

intandokazi, intabakazi, ikhehlana, hambani, enkosini, emfuleni, njalonjalo. Uzobona ukuthi u-kazi angakhombisa
ubukhulu noma ubulili besifazane, unyawokazi, injakazi; kanjalo no-ni uma esetshenziswe nesenzo ukhombisa
ubuningi; bhala incwadi; bhalani incwadi, hambani!. Izelulo yilezo zakhi esizisebenzisa lapho sikhuluma ngezimpambosi
zesenzo, -el-, -isi-, -an-, njalonjalo. Isibonelo, bamba > bamb-el-a >bambela; thanda > thand-is-a >thandisa, thand-
an-a > thandana; njalonjalo. Lezi zakhi akuzona izijobelelo kodwa izelulo zesenzo.

ƒ Yileso naleso sakhi simumethe incazelo ethize. Ake sibheke u-an- osebenza ukubonisa ukwenzana;

Umfana usizana noThabo; lapha umfana usiza uThabo noThabo usiza umfana. Kodwa uma sithi, umfana usizana
nabakhubazekile akusho ukuthi nabakhubazekile basiza umfana. Umfana ufundana nencwadi; lokhu akusho ukuthi
nencwadi ifunda umfana kodwa kusho into abhidlangile ayenzayo.

Izijobelelo zisetshenziswa nezingcezu zenkulumo ezahlukahlukene.

Cela uthisha wakho akuchazele ngencazelo yezijobelelo nokusebenza kwazo

ezingcezwini zenkulumo ezahlukene.

UMSUKA

ƒ Umsuka yingxenye yegama okususelwa kuyo igama ngokusebenzisa iziphongozo noma izijobelelo. Yingxenye yegama
engenazo izijobelelo neziphongozo. Isibonelo. –

-sebenz- Uma igama linomsuka nesijobelelo lokho sikubiza ngokuthi isiqu, isibonelo – sebenza. Imvamisa izenzo
ezikhombisa kahle isiqu. Isibonelo, -sebenza. Amabizo aneziqalo neziqu. Ake sibheke ukuthi ku-sebenz- kungasuselwa
kanjani amagama ngokujobelela noma ngokuphongoza: umsebenzi, izisebenzi, insebenzo, emsebenzini, sisebenzisa,
ngisebenzis-an-a, basebenz-el-a, njalonjalo.

AMABIZOMBAXA/AMABIZONGXUBE

ƒ Amabizombaxa ngamabizo akhiwe ngokubhangqa izinhlobo ezingafani zamagama. Isibonelo,

igeja + izembe > igejazembe; isifika + imithwalo > isifikanamthwalo; izifo + zonke > uzifozonke; qaphela-ke ukuthi
kukhona amanye amabizombaxa akhiwe ngezakhi u-So-, u-No-, u-Ma-; isibonelo, uSobantu, uNomasonto, uMaDlamini.

Cela uthisha wakho akuchazele ukuthi zichazani lezi zakhi ezingenhla.

Ikhasi 10
 ISILAWULI
ƒ Isilawuli igama elandulela ibizo. Kuyenzeka ibizo lisebenze kanye nesabizwana emshweni. Isabizwana uma sisebenze
ngaphandle kwebizo kuthiwa sisebenze njengesabizwana kodwa uma sisebenze kanye nebizo sibizwa ngokuthi isilawuli.
ƒ Isibonelo: UThemba usebenza esitolo.

ƒ Yena usebenza esitolo. (u-yena usebenze njengesabizwana esimele ibizo, uThemba)

ƒ Yena uThemba usebenza esitolo. (u-yena usebenze njengesilawuli esigcizelelayo).
ƒ UThemba yena uyasebenza (u-yena usebenze ngengesilawuli esiqhathanisayo).
ƒ Nezinye izabizwana ezifana nesabizwana sokukhomba zisebenza ngendlela efanayo nesabizwana
soqobo sibe isabizwana sangempela, sibe isilawuli esigcizelelayo noma esiqhathanisayo.

AMAGAMA ASUSELWE KWAMANYE NAKWEZINYE IZAKHI

ƒ Ngenhla sikhombisile ukuthi izakhi ezifana nesiphongozo nesijobelelo ziyasetshenziswa ukwakha amagama amasha. Isibonelo,

hamba > uhambo > isihambi, khathaza > inkathazo, yena > ubuyena, njalonjalo.

Isichazamazwi silusizo kakhulu ekuboneni ukuthi amagama amasha asuselwa kanjani kwamanye.

AMAGAMA AHLUKANISEKAYO NANGAHLUKANISEKI

ƒ Kumele wazi ukuthi emagameni esiZulu kukhona amagama angacozululeki noma angahlukaniseki ngoba ayimofeme
eyodwa (ayisakhi esisodwa) kanye namagama ahlukanisekayo. Amagama amaningi angahlukaniseki izenzukuthi kanye
nezibabazo, isibonelo,

Du, gilikidi, mbo, ngqi, habe! maye!, hhayibo!

ƒ Amagama ahlukanisekayo ayatholakala cishe kuzo zonke izingcezu zenkulumo. Isibonelo,

Isitshalo >Isi-tshal-o; (isi- isiqal-o, u-tshal- umsuka, u-o uyisakhi esikhombisa ibizonto) umthungi > um-thung-i (um-
isiqalo, u-thung- umsuka, u-i uyisakhi esikhombisa ibizomuntu).

A
Incazelo: Emshweni “Indodakazi yami
M
isikhuluma kahle isiZulu” isijobelelo,u-kazi A
sisho ubulili besifazane. Emshweni,
“Ubaba uthwele ugodokazi”; isijobelelo
u-kazi sisho ubukhulu. Emshweni,
G
“Kazi sizofika yini lapho na?” U ‘kazi’
akasona isijobelelo kodwa usebenze
A
njengesihlanganiso esisetshenziswa
nocezu lwenkulumo inani. M
A
Ikhasi 11
c) Isifundo sencazelomagama
Umsuka/isiqu usebenza ngokuzimela ngaphandle kwezinye izakhi emshweni, isibonelo, Hamba uyosebenza. Iziphongozo
nezijobelelo nezinye izakhi azizimele ngoba ngeke zasetshenziswa zizodwa emshweni. Incazelo yezakhi incike encazelweni
yomsuka noma yesiqu segama.
Isifundo sencazelomagama yisifundo esichaza ukuthi amagama ayidala kanjani incazelo – isifundo esimayelana nokuhunyushwa
kwencazelo yamagama, imishwana nemisho.

OMQONDOFANA
ƒ Amagama anencazelo efanayo noma ecishe ifane, isibonelo,

ƒ ikhehla – ixhegu
ƒ cela – nxusa
ƒ khala – lila, dazuluka, njalonjalo

OMQONDOPHIKA
ƒ Amagama aveza umqondo ophikisana nalowo ovezwa yigama elithize, isibonelo,

ƒ khala – hleka
ƒ mnyama – mhlophe
ƒ kude – duzane
ƒ inono – inuku
ƒ igagu – ibhimbi, njalonjalo

OMABIZWAFANE
ƒ Amagama aphinyiswa ngokufanayo kodwa incazelo yehlukile. Isibonelo,

ithanga – ithanga (isitho somzimba – isimilo esitshalwa ensimini); funa incazelo yalawa:
idumbe; induna; inyosi, ibala, njalonjalo

OPHIMBOHLUKA
ƒ Amagama apelwa ngokufanayo kodwa aphinyiswe ngendlela engafani, isibonelo,

umzala – umlotha; umzala – ingane ezalwa umalume. Thanda - ukuthanda ngentambo; ukuthanda intombi;
amabele, njalonjalo

Amatheksthi nemibuzo esetshenziswe kulo mhlahlandlela

IYIZIBONELO nje zalokhu okungalindelwa ekuhloleni kokugcina.

Ikhasi 12
 AMAPHARONIMI
ƒ Amagama anesiqu esifanayo kodwa anezincazelo ezingefani, isibonelo,

-ntu, umuntu, ubuntu, isintu, uluntu, -hlophe, isihlophe, umhlophe, -bhaca, ubhaca, iBhaca, njalonjalo.

IPHOLISEMI
ƒ Igama elisetshenziswa ukuveze izincazelo ezahlukene, isibonelo,

isikole.
ƒ Isikole esisha – isakhiwo esisha sesikole.
ƒ Isikole sikhulu – abafundi baningi kuleso sikoleni.
ƒ Isikole siphume emini namuhla – izifundo zigcine ukufundiswa emini.
ƒ Isikole sinemiphumela emihle kamatikuletsheni – abafundi bakamatikulatsheni …

d) Amagama adidanayo
ƒ Kumele ubone ukwehlukaniswa kwamagama abantu abangawasebenzisi ngendlela efanele – Bheka la magama
esichazamazwini. Khetha igama elifanele elikubakaki:

ƒ Ngibonile ukuthi akazi kodwa (uyaqagula x uyaqagela).

ƒ Ngidle (umdokwe x idokwe) ekuseni.
ƒ Mfana, ake ugeze (amazipho x izinzipho) zakho kuqala.
ƒ Ugeza (ikhanda x inhloko) ngamanzi abandayo.
ƒ Ingane (inamathelisa x inamathisela) iphepha obondeni nge-glue, njalonjalo.

e) Incazelo eqondile kanye nencazelo egudliselayo

ƒ Incazelo yegama eqondile kushiwo incazelo engatholakala esichazamazwini, isibonelo,

isandla - isitho somuntu sokubamba esihamba neminwe. Incazelo egudliselayo ehambisana nesandla izwakala
kahle uma isemshweni noma lapho kusetshenziswa isisho, isibonelo, UMnumzane uGasa uyisandla sikathishanhloko;
Intombazane ibhala ngesandla esihle – kusho indlela yokubhala; ukuba nesandla - isandla kungasho ukuphana; ukufaka
isandla kusho ukwelekelela, njalonjalo.

f) Ulimi olufengqayo
ƒ Kukhona imishwana namagama asetshenziswayo ayizisho, izaga, izifengqo noma izimo zokukhuluma ezifana nalokhu:

ƒ wafa wafa
ƒ walala wasala
ƒ umagange
ƒ udla izambane likapondo
ƒ ukubamba iqhaza,
ƒ uwotha ubomvu, njalonjalo.

g) Ukugcizelela
Qaphela ukuthi ukushintshwa kwegama eligcizelelwayo emshweni kushintsha umqondo wokubhekiswe kukho. Isibonelo.
ƒ Kule misho engezansi, igama elidwetshelwe yilona eligcizelelwayo. Funda-ke umusho bese ugcizelela igama elidwetshelwe
ubone ukuthi uyawuzwa umehluko nencazelo entsha kule misho:

Ikhasi 13
 ƒ Umsebenzi wami ukusiza abafundi. X Umsebenzi wami ukusiza abafundi. x
ƒ Umsebenzi wami ukusiza abafundi. X Umsebenzi wami ukusiza abafundi. x
ƒ Umsebenzi wami ukusiza abafundi.

h) Igama elilodwa esikhundleni samaningi

ƒ Igama elilodwa esikhundleni samaningi (achazayo), isibonelo:

ƒ Umuntu ohlwaya izindaba azithumele kumaphephandaba noma emsakazweni/kumabonakude – intatheli.

ƒ Umuntu wesifazane osiza abagulayo – umhlengikazi
ƒ Udokotela akwenzayo ukuhlola ukuthi isiguli siphethwe yini – ukuxilonga
ƒ Umuntu obhala amaminithi omhlangano – unobhala
ƒ Umuntu ohola umhlangano – usihlalo
ƒ Izinkomo zamalobolo – amabheka

ƒ I-Antonomasiya yilapho kuthi esikhundleni segama lomuntu anikezwe igama lomuntu othile:

ƒ Umngane wami unguGcugcwa uqobo.

ƒ Ngendlela ahlakaniphe ngayo unguDaniyeli.
ƒ Ake usiyeke wena MaMgobhozi.

i) Izimo zomphakathi
IsiZulu asikhulunywa ngendlela efanayo yizikhulumi zolimi zonke. Imiphakathi ehlukene inezindlela zayo ezahlukene
zokuphimisa amagama, kukhona umehluko kulwazimagama nokusetshenziswa kwezimo zokukhuluma. Kwezinye izikhathi
kubakhona umehluko nasekusetshenzisweni kwezakhiwo zemisho kanye zisho. Lowo mehluko ubizwa ngokuthi ulimi
lwesigodi. Lokhu yinto eyenzeka nakwezinye izilimi emhlabeni jikelele. Lokhu kuthathwa njengento eyenziwa imiphakathi
ukuze abantu bezwane enkulumeni yabo eyehlukile nethi bona. Isibonelo salokhu indlela yokukhuluma kusetshenziswa ulimi
olunokuhlonipha kanye nendlela ekhululekile engenandaba nolimi olusemthethweni.
Ulimi olusemthethweni nolungekho emthethweni lubonakala ngendlela isitayela sisetshenziswa ngayo lapho kwedluliswa
umyalezo kanye nokusetshenziswa kwerejista ehambelana nolwazimagama. Odokotela lapho bekhuluma ngezinto ezithinta
ezempilo, ulimi lwabo alufani nolimi olusetshenziswa ngabameli abasebenzisa ulwazimagama olwaziwa yibo kanye nalabo
abanolwazi lwezemthetho. Lokhu kuyiqiniso nakwezinye izingxenye zokusetshenziswa kolimi. Ukugwema ukungazwisisani,
ulimi lwesigodi olugunyaziwe yilona kuphela okumele lusetshenziswe emibhalweni yesiZulu.
Esakhiweni somusho nokuhlelwa kombhalo kuzobhekwa lokhu:
ƒ Izifingqo nezifinyezo
ƒ Ukulandelana kwamagama,
ƒ Ukuxhumanisa/izibanjalo (kufaka izihlanganiso)
ƒ Izenzo
ƒ Isenzo esiveza umqondo wokwenza/ indlela eqondile yokubhalwa komusho kanye nesenzo esiveza umqondo wokwenziwa
ƒ Izimpawu zokuloba
ƒ Ubudlelwano phakathi kwamagama

j) Izifinyezo nama-akhronimi
ƒ Isifinyezo isimo esifinyeziwe segama noma amagama. I-akhronimi yigama elakhiwe ngokufinyeza amagama bese kuthi
lezo zifinyezo ziphinyiswa zibe igama elilodwa, isibonelo,

Ama-akhronimi: UNISA (University of South Africa); UNESCO

(United Nations Education, Science and Cultural Organisations);
Soshanguve (Sotho, Shangane, Nguni, Venda).

Ikhasi 14
Lokhu okulandelayo kufingqa izinto ezibalulekile ezimayelana nalo mhlahlandlela:
ƒ Ngokwesiko lokubhala ungqi uyasetshenziswa lapho kubhalwa izifinyezo, isibonelo,

L., p., pp. njalonjalo.

ƒ Lapho sibhala izifingqo eziqondene neziqu zezemfundo namagama eziqu namadiploma ukubhalwa kukangqi
akuphoqelekile:

B.A. noma BA, B.Mus. (Ed.) noma BMus (Ed), H.E.D. noma HED, njalonjalo.

ƒ Izifingqo ezingofeleba kuphela, ukubhalwa kukangqi akuphoqelekile, Isibonelo,

P O (Post Office); CD – isidi; DVD; idividi; TV, HIV; AIDS; njalonjalo.

ƒ Uma sibhala iziqalo zamagama abantu singambhala ungqi noma singamyeka uma sithanda, Isibonelo,

Mnu. S. Khoza noma Mnu S Khoza, Nkz. F. Biyela noma Nkz F Biyela, Slz. B. Moya noma Slz B Moya, Dkt. W. Duma noma
Dkt W Duma, njalonjalo.

Ongqi ABASETSHENZISWA lapho kunesifinyezo esiyigama, Isibonelo, Unisa noma UNISA, Wits, njalonjalo.
ƒ Ungqi akasetshenziswa uma kubhalwa izimpawu zokulinganisa ezisetshenziswa emhlabeni wonke jikelele, ngaphandle
kokuthi lolo phawu luvela ekugcineni komusho, Isibonelo,

1cm (isentimitha), 1m (imitha), 1km (ikilomitha), 1ml (imililitha), 1l (ilitha), 1g (igramu), 1kg (ikhilogramu), 1v (ivolithi),
1w (iwati), njalonjalo.

k) Ukulandelana kwamagama
Khumbula
Uma sifunda izingcezu zenkulumo, sibheka ukuhlelwa kwamagama
ngokwehlukana. Isibonelo, amabizo, izenzo, izabizwana, isiphawulo, isandiso, njalonjalo.
Cela uthisha wakho akuchazele umsebenzi walelo nalelo gama.
Ulwazi lwezingcezu zenkulumo lukwelekelela ukuthi uqonde imishwana
(inhloko, isilandiso, umshwana oncikile, njalonjalo) okuyizingxenye zomusho.
Qiniseka ukuthi uwazi kahle umehluko okhona phakathi kwezingcezu
zenkulumo kanye nemishwana.

ƒ Ngokuvamile umusho ojwayelekile oqondile ulandela lolu hlelo olimini lwesiZulu: inhloko + nesilandiso, isibonelo:

ƒ Mina ngiyadla - “Mina” yinhloko yomusho, eyisabizwana soqobo

“Ngiyadla” isilandiso
ƒ Abantu bayasebenza. - “Abantu” yibizo eliyinhloko yomusho
“Bayasebenza”, isilandiso esiyisenzo”.
ƒ Thina besidla. - “Thina” inhloko yomusho eyisabizwana soqobo esiveza ubuningi begama “abantu”.
“besidla”, isilandiso esinesakhi u”be” esiveza ukuthi into isandakwenzeka.
ƒ Ingane izofunda. - “Ingane”, ibizo eliyinhloko yomusho.
“izofunda” isilandiso, isenzo sinesakhi senkathi ezayo u-“zo”.

Ikhasi 15
ƒ Umusho oqondile ungaqedelwa ngokufaka umenziwa: Inhloko + isilandiso + umenziwa (isibonelo):

ƒ Ingane idla ukudla.

ƒ Abantu badla amantongomane.
ƒ Thina sidla izithelo.
ƒ Ingane izodla izithelo.
ƒ Ingane izodla amantongomane.

ƒ Ukuhleleka komusho oqondile kungenzeka ngezindlela ezehlukene, isibonelo:

ƒ Ngidla ukudla okunempilo. (“okunempilo” isibaluli esichaza ibizo (“ukudla”.)

ƒ Abantu abanamehlo akhombisa indlala badla izithelo ezintsha. “Abanamehlo akhombisa indlala” isibaluli esichaza
inhloko “abantu” kanti “ezintsha” isiphawulo esichaza umenziwa “izithelo”.
ƒ Sidle ngokushesha izithelo ezintsha. (“ezintsha isiphawulo esichaza ibizo “izithelo” kanti “ngokushesha” igama
elikhanyisa isenzo “sidle”.)
ƒ Izingane ezihluphekayo zesikole samabanga aphansi zizophuza lonke ubisi ngokuphazima kweso. Izingane (ibizo)
ezihluphekayo (isibaluli) zesikole (ongumnini) samabanga aphansi (ongumnini) zizophuza (isenzo) lonke (isabizwana
sokubala) ubisi (ibizo) ngokuphazima kweso (isandiso sesimo).
Izingane (ibizo eliyinhloko) - ezihluphekayo zesikole samabanga aphansi
(umshwana oyisichasiso ochaza izingane) - zizophuza (isilandiso) - lonke
ubisi - (umshwana oyibizo elimele umenziwa) - ngokuphazima kweso
(umshwana oyisikhanyiso esikhanyisa isilandiso zizophuza).

ƒ Qaphela okwenzeka emagameni ehlukene uma kushintsha ukulandelana kwawo emshweni.

ƒ Ngizothenga imoto entsha kusasa. (Indlela yokulandelana ejwayelekile)

ƒ Kusasa ngizothenga imoto entsha. (Lapha kugcizelelwa igama “kusasa”)
ƒ Imoto entsha izothengwa yimina kusasa. (kugcizelelwa “imoto entsha”
Ngizothenga imoto entsha kusasa, entsha sha. Kugcizelelwa (u-entsha sha)

Cela uthisha wenu

anichazele umsebenzi walolo
nalolo cezu lwenkulumo
kanye nomahluko ophakathi
kwezingcezu zenkulumo
nemishwana ekhonzile.

Ikhasi 16
l) Ukuxhumanisa/izibanjalo (kufaka izihlanganiso)
ƒ Okokuqala kufanele wazi ukuthi kuqondweni uma kukhulunywa ngomusho oqondile. Umusho oqondile unesilandiso
ESISODWA, isibonelo.:

ƒ Mina ngiyadla.
ƒ Mina sengidlile.
ƒ Mina bengidla.
ƒ Ngidle ukudla okuncane.
ƒ Kufanele ngifunde incwadi.
ƒ Kufanele ngabe ngibhale incwadi.

* Isilandiso kule misho: ngiyadla, sengidlile, bengidla, ngidle, kufanele ngifunde, kufanele ngabe ngibhale.

ƒ Umusho ombaxa wakheka uma kuhlanganiswa imisho emibili eqondile noma engaphezulu ibe umusho owodwa
onezilandiso ezingaphezu kwesisodwa.
ƒ Indlela yokuhlanganisa le misho ukusebenzisa ISIHLANGANISO, isibonelo:

ƒ USifiso uyadla. + UNokwazi uyaphuza.

ƒ USifiso uyadla kodwa uNokwazi uyaphuza.
ƒ USifiso uyadla ngoba uNokwazi uyaphuza.
ƒ Kuyo yomibili imisho amagama, “uyadla” nelithi “uyaphuza” enza umsebenzi wokulandisa. Ingxenye yesibili
ngemuva kwesihlanganiso, kuyo yomibili imisho embaxa engenhla yakheke ngendlela efanayo, inenhloko kanye
nesilandiso. Ingxenye esekuqaleni yomusho ombaxa (USifiso uyadla) ibizwa ngokuthi umusho omkhulu bese kuthi
ingxenye yesibili kuthiwe umusho olinganayo, yize ulingana akuwona umusho omkhulu.

ƒ Imisho ingahlanganiswa nangokusebenzisa umshwana oyisihlanganiso enjenga le: phezu kokuba, ngaleso sizathu,
ngakho-ke, ngenxa yalokho, noma kunjalo, emuva kwalokho, njalonjalo.

ƒ Uyaqhubeka nokuphuza utshwala phezu kokuba egula.

ƒ Utholakale enecala ngaleso sizathu ugwetshiwe.
ƒ Uphumelele ngamalengiso ngenxa yalokho uzothola umfundaze.
ƒ Wathola imali yelotho emuva kwalokho akaziwa ukuthi washonaphi.

ƒ Enye indlela yokwakha umusho ombaxa ukuguqula umusho wesibili ube umshwana oncikile, isibonelo:

ƒ Abantu bonke bacebile. (Umusho omkhulu) + Abantu bacula ekhwayeni.

= Abantu abacula ekhwayeni bonke bacebile.
ƒ “Abantu bonke bacebile” umusho omkhulu, “abacula ekhwayeni” umshwana oncikile.
Ngenxa yokuthi ibinza lamagama “abacula ekhwayeni” liqonde inhloko (“Abantu”),
liwumshwana oncikile ochazayo.

ƒ Imishwana encikile ekhanyisayo inikeza ulwazi kabanzi ngesilandiso, isibonelo:

Izingane ziyabhukuda. (Umusho omkhulu) + Ilanga liyashona. = Izingane

ziyabhukuda uma sekushona ilanga. Ingxenye yesibili “uma sekushona ilanga”
iqondiswe esenzweni “ziyabhukuda” ngakho-ke iwumshwana oncikile okhanyisayo.
Izibonelo zezibanjalo/ezihlanganisa imibono/imiqondo.

Ikhasi 17
ƒ Kunezinye izibanjalo ezihlanganisa imicabango, isibonelo:

ƒ Ngokuphambene: Ngokuphambene nemizwa yami ngomhlukumezi, kufanele ngibugxeke ubugebengu.

ƒ Eqinisweni: Ikati lihlakaniphile – Eqinisweni ikati lihlakaniphe kakhulu.
ƒ (Ngakolunye uhlangothi/Ngamanye amazwi): Ngakolunye uhlangothi/Ngamanye amazwi iziguli ziyalulama;
Ngakolunye uhlangothi/Ngamanye amazwi ezinye iziguli zisalokhu zigula kakhulu.
Okokuqala (njalonjalo):
- Okokuqala kufanele ukhumbule ukuthi umsebenzi wasekhaya uholela ekutholeni ulwazi; okwesibili, wakha
isisekelo sempumelelo ekuhlolweni.
ƒ Ngaphezu kwalokho: Ngaphandle kokulekelela abampofu, amasonto ashumayela ukuthula.

Yini umehluko phakathi komusho

omkhulu nomshwana oncikile?
Umusho omkhulu unesilandiso
kodwa umshwana oncikile awunaso
isilandiso, kanti uma unaso sincika
esilandisweni somusho omkhulu.

m) Izenzo
Izenzo zibamba iqhaza elikhulu emishweni. Zingaveza into eyenzekayo (isibonelo, khahlela) isimo (isibonelo, uyagula/bayagula)
nokushintsha kwesimo (isibonelo, ungenwa ukugula).
ƒ Umsebenzi obalulekile wesenzo ukuveza inkathi:
Ngiyadla. X Udlile. X Uzokudla X Usazokudla, njalonjalo.

Inkathi yamanje Inkathi edlule Inkathi ezayo

Uyadla. Udlile/Wadla. Uzodla/Uyodla.
Bathunga izingubo. Bathunge/bathunga izingubo Bazothunga/bayothunga izingubo.

INDLELA ENCIKILE
ƒ Indlela encikile/eyamile isho okungahle kwenzeke

ƒ Umama uthi geza ibhodwe ukuze apheke.

ƒ Uyasebenza ukuze athole imali.
ƒ Bamfakele igazi ukuze aphile.
ƒ Funda umsebenzi wakho ukuze uphumelele kahle.

IZIBANJALO
ƒ Isibanjalo esihlanganisayo, sihlanganisa inhloko nesilandiso okuvame ukuchaza ubunjalo baleyo nhloko noma umenzi.
Lezi zenzo zingakhombisa futhi inkathi. Izibonelo:

Isibanjalo sisebenzisa isakhi u’ngu-noma u’yi-‘ njengesiphongozo emabizweni. Sibuye sisebenzise u-ba, noma
kusetshenziswa isihlanganiso u’na-‘ kwamanye amabizo.

Ikhasi 18
 Inkathi yamanje Inkathi edlule Inkathi ezayo
UFana uba yinkosi. UFana ube yinkosi/waba yinkosi. UFana uzokuba yinkosi/uyokuba yinkosi.
UFana unenja. UFana ubenenja/UFana wabenenja. UFana uzokuba nenja/uyokuba nenja.
Itiye limnandi. Itiye belimnandi/lalimnandi. Itiye lizoba mnandi’/liyoba mnandi.
Ubaba nguthisha. Ubaba ubenguthisha/wayenguthisha. Ubaba uzoba nguthisha/uyoba nguthisha.

UMQONDO WOKWENZA NOMQONDO WOKWENZIWA

Umqondo wokwenza kanye nowokwenziwa uwubudlelwane phakathi kwesenzeko (noma isimo) salokho isenzo esikushoyo
sihambisana nenhloko noma umenziwa. Qaphela lokhu:
ƒ Umqondo wokwenza: Umusho unenhloko esebenza nesenzo.
ƒ Umqondo wokwenziwa: Inhloko yomusho iwumamukeli wokwenzeka kwesenzo.
ƒ Imisho emibili elandelayo idlulisa umqondo ofanayo isebenzisa izindlela ezehlukene:

ƒ Umqondo wokwenza: Izingane zesikole zipenda izindonga zamakilasi.

Umusho woku-1 ulandela indlela yokubhala umusho lapho kuba khona inhloko + isilandiso + umenziwa. “Izingane
zesikole” yinhloko yomusho, “zipenda” yisilandiso, “izindonga zamakilasi” umenziwa.
ƒ Umqondo wokwenziwa: Izindonga zamakilasi zipendwa yizingane zesikole.
Umusho wesi-2 “Izindonga zamakilasi” zisebenze njengenhloko yomusho kanti “yizingane zesikole” yingxenye
esekugcineni komusho. (Isivumelwano senhloko u-zi- oyingxenye yesenzo uvumelana nebizo izindonga

ƒ Imisho elandelayo inikeza inkathi ehlukene yomusho woku-1 nowesi- 2

Umqondo Wokwenza Umqondo Wokwenziwa

Inkathi yamanje Izingane zesikole zipenda Izindonga zamakilasi zipendwa
izindonga zamakilasi. yizingane zesikole.
Inkathi edlule Izingane zesikole zipende Izindonga zamakilasi zipendwe
izindonga zamakilasi. yizingane zesikole.
Inkathu ezayo Izingane zesikole zizopenda Izindonga zamakilasi zizopendwa
izindonga zamakilasi. yizingane zesikole.

ƒ Kwesinye isikhathi ingxenye engumenziwa iyeqiwa uma siguqula umenziwa abe yinhloko yomusho ngezizathu ezithile, isibonelo:

ƒ Umngani wami untshontsha izithelo. Izithelo zintshontshwe umngani wami. Izithelo zintshontshiwe.
ƒ Osopolitiki benze izethembiso ezingamanga. Izethembiso ezingamanga zenziwa osopolitiki. Kwenziwa izethembiso
ezingamanga.
ƒ Mina ngizokujezisa kakhulu. Uzojeziswa kakhulu yimina. Uzojeziswa kakhulu. (Ukukhishwa kukamenzi emshweni
obhalwe ngokugqamille kwenza kungabilula ukwazi ukuthi ubani ozojezisa omunye.

ƒ Ukululwa kwemisho kuyenzeka uma sisebenzisa umqondo wokwenza kanye nomqondo wokwenziwa.

ƒ Ibhubesi elikhulu kakhulu lihlasela kabuhlungu izilwane ezingavikelekile kahle.

ƒ Izilwane ezingavikelekile kahle zihlaselwa kabuhlungu yibhubesi.

n) Inkulumo-ngqo nenkulumo-mbiko
ƒ Inkulumo-ngqo icaphuna inkulumo njengoba injalo, kuyavezwa ukuthi ngekabani inkulumo.
ƒ Inkulumo-mbiko inkulumo edluliswa umuntu engasuki kuye.
ƒ Bheka izibonelo ezinikiwe ngezansi:

Ikhasi 19
 Inkulumo-ngqo Inkulumo-mbiko
Ijaji lithi: “Abantu bayawazi umthetho.”
ª Ungqi ufakwa ekugcineni NGAPHAMBI kokuvala abacaphuni
NOMA Ijaji lithi abantu bayawazi umthetho.
“Abantu bayawazi umthetho,” kusho ijaji.
ª Abacaphuni abavala inkulumo babhalwa ngemuva kwekhefana
Izolo ijaji lithe: “Abantu bayawazi umthetho.” Izolo ijaji lithe abantu bayawazi umthetho.
NOMA ª Igama “izolo” aliguquki ngoba aliyona ingxenye
“Abantu bayawazi umthetho.” kusho ijaji izolo. yenkulumo ngqo/akuwona amazwi akhulunywe ngqo.
Usopolitiki ubeka athi: “Abantu izolo bavote ngobuningi.”
NOMA Usopolitiki uthi abantu bavote ngobuningi izolo.
“Izolo abantu bavote ngobuningi,” kubeka usopolitiki.
Usopolitiki ubeke wathi: “Izolo abantu bavote ngobuningi.”
NOMA Usopolitiki ubeke wathi abantu bavote ngobuningi izolo.
“Abantu izolo bavote ngobuningi,” kubeka usopolitiki.
Usopolitiki izolo ubeke wathi: “Abantu ngonyaka odlule
bavota ngobuningi.”
Usopolitiki izolo ubeke wathi abantu bavota ngobuningi
NOMA
ngonyaka odlule.
“Abantu ngonyaka odlule bavota ngobuningi.”,
kubeke usopolitiki izolo.
Udokotela uyabuza: “Ingabe isiguli sizwa ubuhlungu
obukhulu?”
ª Umbuzi ufakwa ekugcineni NGAPHAMBI kwabacaphuni Udokotela uyabuza ukuthi isiguli sizwa ubuhlungu
NOMA obokhulu yini.
Ingabe isiguli sizwa ubuhlungu obukhulu?” ª Akekho umbuzi ekugcineni kodwa kunongqi
udokotela uyabuza.
ª Umbuzi ufakwa NGAPHAMBI KWABACAPHUNI
Udokotela wabuza ngonyaka odlule: “Sizwa ubuhlungu
obungakanani isiguli?”
NOMA Ngonyaka odlule udokotela wabuza ukuthi isiguli sabe
sizwa ubuhlungu obungakanani.
“Sizwa ubuhlungu obungakanani isiguli?” kwabuza
udokotela ngonyaka odlule.

Umbono wombhali: “Inoveli yami esandakuphuma ithole

‘isibuyekezo esihle kakhulu’ ngonyaka odlule.”
ª Qaphela ukuthi kusetshenziswe abacaphuni ngaphakathi Umbhali unombono wokuthi inoveli yakhe
kwabacaphuni. esandakuphuma ithole “isibuyekezo esihle kakhulu”
NOMA ngonyaka odlule.
“Inoveli yami esandakuphuma ithole ‘isibuyekezo esihle
kakhulu’ ngonyaka odlule.” umbono wombhali.

Umbhali umemezela uthi:

“Ngizoshicilela incwadi entsha ngesonto elizayo.”
NOMA Umbhali umemezela ukuthi uzoshicilela
incwadi entsha ngesonto elizayo.
“Ngizoshicilela incwadi entsha ngesonto elizayo,”
kumemezela umbhali.

Ikhasi 20
 Inkulumo-ngqo Inkulumo-mbiko
Umbhali wamemezela wathi:
“Ngizoshicilela incwadi entsha ngesonto elizayo.”
Umbhali wamemezela ukuthi wabe ezoshicilela
NOMA
incwadi entsha ngesonto elilandelayo.
“Ngizoshicilele incwadi entsha ngesonto elizayo,”
kwamemezela umbhali.
“Leli cala,” kumemeza umama,
“lingaxazululwa ngendlela engcono!” Umama uyamemeza uthi leli cala
lingaxazululwa ngendlela engcono.
ª Qaphela izimpawu zokuloba.
Umqeqeshi kusasa uzomemezela: Umqeqeshi uzomemezela kusasa ukuthi abekho
“Abekho abadlali bethu abasebenzisa izidakamizwa.” abadlali babo abasebenzisa izidakamizwa.
Ubaba othukuthele uthi:
“Zingane ninecala lalokhu kuganga.”
Ubaba othukuthele uthi izingane
NOMA
zinecala lalokhu kuganga.
“Zingane ninecala lalokhu kuganga,
” kusho ubaba othukuthele.
Ugogo wathi: Ugogo wathi kufanele bahloniphe abazali babo.
“Kufanele nihloniphe abazali benu.” ª Uma ugogo ekhuluma nomuntu wesithathu.
NOMA NOMA
“Kufanele nihloniphe abazali benu.” Ugogo wathi kufanele sihloniphe abazali bethu.
Kwasho ugogo. ª Uma ugogo ekhuluma nomuntu wokuqala
Intokazi ifuna ukwazi kumfokazi:
“Usithathephi isambulela sami?” Intokazi ifuna ukwazi kumfokazi ukuthi
usithathephi isambulela sayo.
NOMA
ª Intokazi ibuza umfokazi ukuthi usithathephi
“Usithathephi isambulela sami?” isambulela sayo.
kubuza intokazi kumfokazi.

o) Izimpawu zokuloba
Inhloso yokusebenzisa izimpawu zokuloba, ukwenza ukuthi kubelula ukuqonda umsebenzi obhaliwe/okubhaliwe.

,!
ƒ Umsebenzi wezimpawu zokuloba (ungqi, ikhefana, ikhonco, ikholoni, ukweqa, i-asterikhi,
umbabazi, unobuza/umbuzi, njalonjalo) ziningi kakhulu angeke lo mhlahlandlela ugxile kuzo.
ƒ Uthisha uzozinika isikhathi sokukhuluma ngazo ekilasini.
ƒ KODWA-KE KHUMBULA: uphawu nophawu lokuloba lubalulekile
ekwenzeni kube lula ukufunda umbhalo.

Yenza isiqiniseko sokuthi uyaziqonda izimpawu

zokuloba: okubaluleke kakhulu ukuthi
uyazijwayeza UKUZISEBENZISA zonke izinsuku,
“
kuze kube segazini kuwe. Udinga ulwazi
olufanele nekhono ukusebenzisa izimpawu
zokuloba kuyo YONKE imibhalo yakho.

Ikhasi 21
Okunye okumayelana nezimpawu zokuloba okudinga ukubhekisiswa lapha, ukusebenza kwabakaki, ikhonco kanye nekhefana
ukukhombisa ipharenthesisi.
ƒ Ipharenthesisi yindlela yokwengezelela igama noma umshwana emshweni, obungaba umusho ophelele ngaphandle
kwalelo gama noma umshwana.
ƒ Bheka imisho elandelayo:
ƒ Idolobha - igama lalo esengilikhohliwe - lisogwini lolwandle olusempumalanga.
ƒ Idolobha (igama lalo esengilikhohliwe) lisogwini lolwandle olusempumalanga.
ƒ Idolobha, igama lalo esengilikhohliwe, lisogwini lolwandle olusempumalanga.
ƒ Umusho “Idolobha lisogwini lolwandle olusempumalanga” umusho ophelele, ozimele. Ibinzana lamagama “igama
lalo esengilikhohliwe”, ingxenye egaxiwe ethasisela ulwazi, ibizwa ngokuthi ipharenthesisi.

ƒ Phinda ubheke izibonelo ezilandelayo:

ƒ Labo bantu – AmaMelikana - baba abokuqala ukunyathela enyangeni.
ƒ Labo bantu (AmaMelikana) baba abokuqala ukunyathela enyangeni.
ƒ Labo bantu, AmaMelikana, baba abokuqala ukunyathela enyangeni.
ƒ Amapharenthesisi awafakwa ekugcineni komusho.

p) Ubudlelwano phakathi kwamagama, imisho nezigaba

Ubudlelwano phakathi kwamagama, imisho nezigaba kwenza ukuba umyalezo udluliseke kahle ngendlela efanele. Qikelela lokhu:
ƒ Ngakho-ke kubalulekile ukuba amagama anembayo asetshenziswe ukudlulisa umyalezo othile.
ƒ Ngokufanayo lokhu kuyiqiniso ekwakheni kahle imisho. Uma utshela abangani bakho ihlaya, usebenzisa amagama ehlukile
kunamagama ongawasebenzisa uma wethula umlando kamufi. Yingakho okuphathelene nemisho okungenhla kubalulekile.
ƒ Imisho izwakala kahle uma ukuxhumana kwayo kuveza ukuhleleka kwemicabango eyethulwayo. Ukusetshenziswa
kwemisho ehlukene, imisho eqondile noma embaxa kuyindlela yokukhombisa umehluko ongalethwa yindlela amagama
asetshenziswe ngayo olimini.
ƒ Okufanayo kungashiwo ngokuhlelwa kwezigaba. Kuyenzeka isigaba sibe igama elilodwa noma umusho owodwa, kodwa
ngokujwayelekile isigaba siqukatha umqondo owodwa osemqoka neminye ewusekelayo. Ngokukhethekile isigaba
kumele sibe nomqondo owodwa. Isigaba nesigaba kumele sibe nomqondo owodwa osemqoka kanye namaphuzu asekelayo.
ƒ Izigaba kufanele zixhumane zithelelane kube nokugeleza komqondo (ngaphandle uma kunomcabango/kunomqondo othize
owenza kube nokuthikamezeka).
ƒ Kunezinhlobo ezehlukene zezigaba. Kunezigaba ezichazayo noma ezihleleke ngendlela edlulisa ulwazi; ezinye ziyalandisa,
kubekhona ezigxila ekuchazeni ezinye ziveze ukuninga kanti ezinye ziyindlela yokuhluza nokuveza okuthile ngokucacile.
Uma ufunda isigaba kufanele uthole ukuthi hlobo luni lolwazi oludluliswayo.
ƒ Inhloso yokusebenzisa amagama, imisho nezigaba ukudlulisa umyalezo ngempumelelo.

Amatheksthi nemibuzo esetshenziswe kulo mhlahlandlela

IYIZIBONELO nje zalokhu okungalindelwa ekuhloleni kokugcina.

Ikhasi 22
3.3.1.2 Amasu okunxenxa
Amasu okunxenxa anolimi oluvusa imizwa, ukunxenxa/ukuncenga, ukuchema, nolimi olukhohlisayo.

Qiniseka ukuthi uyazi ukuthi yini ukunxenxa, ukukhohlisa, nokuheha

kanye nolini oluvusa imizwa. kwesinye isikhathi izindlela zokunxenxa
zicishe zifane okwenza kungabi lula ukuzehlukanisa – yingakho kubalulekile
ukuthi ulwazi kahle uhlobo ngalunye.

Ingxoxo engezansi izokwelekelela ukuba uqonde umehluko ekusetshenzisweni kwamasu okunxenxa.

Bheka lesi sikhangisi esilandelayo:

LENA NGEYAKHO! Ukhokha Kusuka Kuma-R150*

Ngenyanga!!!

Thola
umshuwalensi
wemoto yomuntu
wakho omthandayo
NGESEPHULELO
(uma ufaka isicelo
ingakapheli
Hlela KHONA NAMUHLA inyanga).
neBhangengodla ukuba imali
ibanjwe ebhange.
Awukho Omunye Umshuwalensi Wezimoto
Ongakunika Amahle Kanje AMANANI.

Shayela le nombolo 0739919676 MANJE

ukuze uthole ukwenzelwa isilinganiso
sezindleko mahhala.
IMOTO YAKHO
EPHAMBILI
*Izimoto ezibiza ngaphansi kwama-R50,000 UMSHUWALENSI.

Ikhasi 23
1. Isikhangisi sikunxenxa kanjani ukuba ufake isicelo somshuwarensi wemoto kwa-STAR?
Impendulo: Amagama asekuqaleni (Lena ngeyakho!) abhalwe ngosonhlamvukazi, nombabazi kanye nesithombe
semoto ehalelekayo nebizayo. Imali ephansi ekhokhwa ngenyanga ifakiwe.

Qiniseka ukuthi uyakuqonda ukuthi kuyini ukunxenxa – into umuntu

akuncenga ukuba uyenze.

2. Yiluphi ulimi oluvusa imizwa olusetshenzisiwe ukuheha umfundi wesikhangisi?

Impendulo: “… yomuntu (wakho) omthandayo …”

Qiniseka ukuthi uyalwazi ulimi oluveza imizwa.

3. Ofunda isikhangisi UKHOHLISEKA kanjani ukuze athathe umshuwalensi ngokushesha?

Impendulo: Ukhohliseka ngokuthi uthenjiswa isephulelo uma efaka isicelo singakapheli isikhathi esithile.

Qiniseka ukuthi uyakuqonda ukukhohlisa – ukwenza abantu ngendlela

emangalisayo/engajwayelekile/engakholakali/ekhohlisayo benze into
abangeke bayenze ngokujwayelekile.

4. Caphuma ibinzana lamagama eliveza ukuchema okuthile.

Impendulo: “… iBhangengodla …” (Ibhange elilodwa elikhethiwe/ eliphakanyisiwe)

Qiniseka ukuthi uyazi yini ukuchema – kusho ukukhetha amacala/uhlangothi.

5. Yini ekhombisa ukuchema?

Impendulo: Amagama “awukho omunye umshuwalensi wezimoto …”

Qiniseka ukuthi uyazi ukuthi yini ukuchema.

6. Isikhangisi sisebenzisa masu maphi ahlukene ukuheha osifundayo ukuba afake isicelo somshwalensi wemoto i-STAR?
Impendulo: Ukusetshenziswa ngokuphindaphinda kwegama “wakho” (kokunye kugcizelelwe); amagama afana
nalawa “khona namuhla” (abhalwe ngosonhlamvukazi); ukusetshenziswa kwegama “manje” (abhalwe
ngosonhlamvukazi) kanye “nesilinganiso sezindleko”; indawo egqamile okubhalwe kuyo igama “amanani”
ngosonhlamvukazi, ukusetshenziswa kwemibala eyehlukene; umbabazi.
Qaphela: Isikhangisi kungenzeka sikhohlise: Inani lama–R150 ngenyanga elezimoto ezinamanani aphansi (ngaphansi
kwama-R50 000), ekubeni isithombe semoto ethandekayo futhi ebizayo sivezwe eduze kwama-R150.
Abafunda isikhangisi kufanele baqaphele uphawu oluyinkanyezi/i-asterikhi eduze kwemali kuma-R150
bafunde nasekugcineni kwesikhangisi imikhawulo ehambisana ne-asterikhi.
7. Kungabe izinga lokukholeka kwesikhangisi lingathuthukiswa kanjani?
Impendulo: Cabanga ukufakwa noma ukugudluzwa kwamagama emshweni, noma ukubeka/ukuhlela ngenye indlela
okubhaliwe ukuze ubonise umuntu ongakholwa yinhloso enhle yesikhangisi.
Qaphela: Lona umbuzo ovulekile. Funda isikhangisi ngokucophelela usebenzise ulwazi lwakho lolimi nokufunda
ukukhetha ukuthi yini engenza ngcono ukukholeka kwesikhangisi. Hlaziya ngokucophelela impendulo
yakho ubheke ukuthi izokwenza izinga lokukholeka kwesikhangisi libe ngcono yini. Usungaphendula
umbuzo ngokucacile futhi nangokuqondile.

Ikhasi 24
Nasi esinye isibonelo esikunikeza ithuba lokuzivivinya. Bheka isikhangisi esilandelayo:

IPHOLISI EYODWA
EKHETHEKILE
INZUZO EPHINDWE
KATHATHU
YINHLE!
Ipholisi Yomshwalense
Womngcwabo i-AVBOB’s Cashback
ikhula njalo ngobungakho ukuvikela
ngokukhethekile kwezemingcwabo
nokuningi ngaphezu kwalokho!
1. Njalo ngonyaka wesihlanu, ubuyiselwa yonke
imali yakho yonyaka wesihlanu oyihokhile
uma ungafakanga isicelo.
2. Abancike kumondli wabo bayavikeleka
uma eseshonile – ngaphandle kokukhokha
iphrimiyamu.
3. Imali okhokhelwa yona iphindwa kabiili
uma ukufa kubangelwe yingozi noma
ukufa kwemvelo.

Xhumana no-AVBOB namuhla.

Umshwalensi wethu AVBOB
‘Sikhathalela wena®’
wemingcwabo nomshwalensi
wochwepheshe ulinde
ukukhuluma nawe.…
Uma ufuna omunye wabamele u-AVBOB akuthinte
mayelana nepholisi, thumela umqhafazo ku-“AVBOB”
kule nombolo 30776. Umqhafazo UMAHHALA HA.
Noma, sishayele ucingo ku-0861 28 26 21 noma
shayela ku-*120*28262# ucele i- “Call Me Back”.
(ucingo lubiza imali engama-20c ngemizuzwana
engama-20).
*Kunemigomo nemibandela. U-AVBOB ugunyaziwe
ukuhlinzeka ngezimali. U-AVBOB usezingeno lesi-2 le-
B-BBEE contributor. FSP 20656.

Ikhasi 25
1. Lesi sikhangisi sidle ulimi oluyizithombe ukwenza ofundayo akholwe izimpawu ezinhle zomkhiqizo. Chaza (3)
Impendulo: Ipholisi EYODWA ekhethekile: Awudingi amanye amapholisi omngcwabo; le pholisi inakho konke.
Imbuyiselo ephindwe kathathu: Ukhokhela inzuzo eyodwa, kodwa uthola isiphindwe kathathu.
Kuphawulwe ngezinzuzo ezintathu ngokulandelana kwazo kwaphawulwa nangezinombolo.
Hlanu: Njalo ngonyaka wesihlanu, ubuyiselwa yonke imali yakho yonyaka wesihlanu oyikhokhile
(uma ungafakanga isicelo).

2. Nikeza igama elisetshenziswe ngobuchule elinamandla okwenza ukholwe yilokhu abakushoyo. (1)
Impendulo: “YINHLE!”

3. Bhala phansi umusho kulesi sikhangisi obhalwe ngendlela engaqondile emizweni yofunda isikhangisi. Sekela impendulo yakho. (2)
Impendulo: ‘Sikhathalele wena.’
Umfundi uzizwela ubumnandi uma azi ukuthi u-AVBOB uyamkhathalela. Lo musho umnika isiqiniseko/
umfundi uzizwela engalahlekile uma ukufa kuza.

4. Ukusetshenziswa kwesandla kuxhumana kanjani nemicabango emibili yale sikhangisi? (2)

Imendulo: Ukusetshenziswa kwesandla kuqinsisekisa umyalezo wezinzuzo ezintathu ngentengo yenzuzo eyodwa.
Isiyingi esenziwa isithupha nomunwe wokukhomba siwuphawu lokuhle/okuphelele/okungavamile kupholisi
ekhethekile.

5. Ngabe kubalulekile ukuthi umfundi wesikhangisi azi ukuthi u-AVBOB ungumhlinzeki ogunyaziwe wezimali? (2)
Sekela impendulo yakho.
Imendulo: Lo ngumbuzo ovulekile, kumele ubheke izinhlangothi ezahlukene lapho unikeza impendulo yakho bese
uyisekela ngamaphuzu azwakalayo.

Ziningi izimpawu ezikhombisa ukunxenxa kulesi sikhangisi. Ake usihlaziye

ngokwakho ukuze uthole lezo zimpawu zamasu okunxenxa.

3.3.2 Umbuzo 4
Umbuzo 4 uba nekhathuni eyodwa noma amabili (abasefreyimini eyodwa noma amabili) okuzobhekiswa kuyo imibuzo) Imibuzo
igxila (njengoba kwenzekile embuzweni wesi-3) kulokhu:

Amamaki ama-2 emibuzo yokuthuthuka kolwazimagama Amamaki ayi-8 emibuzo enamasu okunxenxa – ulimi oluveza
kanye nokusetshenziswa kolimi, noma ukwakheka kwemisho imizwa, ulimi oluveza ukuchema, ulimi olukhohlisayo nezinye
nokuhleleka kwetheksthi. izindlela zokunxenxa ezijwayelekile.
Imibuzo ingahlelwa ilandelane noma ngayiphi indlela.
Yomibili le mikhakha ingaphansi kombuzo 3, kodwa okudinga ukucaciswa lapha ukuhlolisisa kokusetshenziswa kolimi.
Ngokwezimo ezejwayelekile amagama nemisho kunomqondo osobala, kodwa ngaphansi kwezimo ngqo. Kuyaqhubeka
kuhlongoze, kusho umehluko noma kubeka incazelo ngendlela egigiyelayo, enezifengqo/nezisho noma kunikeze incazelo
ngenye indlela neqhubeka ibeke ngokujulile kunencazelo esobala.
Kwesinye isikhathi amagama asetshenziswa noma eqiwa ukuze kufezeke okuthile. Abafundi noma abalaleli kudingeka
baqaphele ulimi umyalezo obhalwe ngalo baphinde bafunde/babuke ngokuhlolisisa ukusetshenziswa kolimi. Ikhathuni
elandelayo nemibuzo ebuziwe kunikeza umqondo wokuqaphela ngokuhlolisisa lokho okudingekayo, ukuqonda ngendlela
imibhalo ethile nemiyalela equkethwe kuyona. Bheka ikhathuni engezansi:

Ikhasi 26
 Ungaphatheka kabi uma ngithola umbono womunye udokotela?

Ngiyaxolisa ukukulindisa isikhathi eside. Angeke Yebo. Sekwanele

Ngibambezeleke endleleni eza lapha ukholwe ngami. Ngifuna

A
ezindlini zokuhlola iziguli. ukuthi indawo ukukhuluma ngawe.

UHAG yokudlala igalofu

iphithizela
kanjani!

Ohluphayo

Phila ngendlela Ungaphatheka kabi

enempilo –
ungadli ukudla uma ngithola umbono
okukhuluphalisayo womunye udokotela?
nezicofucofu
ezinoshukela, futhi
ungabe usaphuza! Cha
angeke neze
..nhlobo.

Phila ngendlela enempilo- ungadli

ukudla okukhuluphalisayo, Lokhu
nezicofucofu ezinoshukela kungaqhubeka
ungabe usaphuza!
lonke usuku!

1. Yini engenza kuthiwe okushiwo udokotela enkulumeni yakhe yokuqala kuyadida:

“ …ngibambezeleke endleleni ngiza lapha”?
Impendulo: Igama “ngibambezeleke” likhombisa ukuthi udokotela, ngesikhathi esendleleni eza lapha esebenzela
khona, kungalindelekile/engaqondile uzithole kumele enze okunye (okumenze wagcina eselindise uHaga
isikhathi eside). Enkulumeni yesibili kucace kahle ukuthi uhambe wayodlala igalofu, ngenxa yokuthi
bebebaningi abadlalayo enkundleni akakwazanga ukuqeda masisha, yingakho-ke efike emuva kwesikhathi.
2. Kungani kungabazeka ukuthi udokotela uqinisile uma ethi, “ngiyaxolisa”?
Impendulo: Udokotela ulindise uHaga ngabomu, ubezijabulisa ubeke phambili ukudlala igalofu, okukhombisa
ukuzicabangela yena kunokuzisola ngokweqiniso.
FUTHI
Igama “ngiyaxolisa” ngokujwayelekile liyasebenza ukuveza ukuzithoba/ukuhlonipha kube kungasho ukuthi
umuntu uyaxolisa ngempela.
3. Isiphi isimo esiveza inkolelo engaguquki etholakala enkulumeni yokuqala kadokotela?
Impendulo: Iziguli zilinda isikhathi eside lapho odokotela besebenzela khona.
4. Yini eyenza sisole ukuthi udokotela uqonde iziphuzo ezidakayo?
Impendulo: Ezinye iziphuzo kuvame ukuba zibizwe ngamagama, isibonelo, ikhofi, itiye, isiphuzo esibandayo, ubisi,
amanzi, njalonjalo. Uma ethi, “iziphuzo” uqonde izinhlobo ezehlukene zotshwala.
5. Yikuphi okukhombisa ukuthi udokotela uhlongoza ukuthi ukudla okukhuluphalisayo, izicofucofu ezinoshukela notshwala
akunayo impilo?
Impendulo: Odokotela bayalele uHaga ukuthi akakhiphe ukudla okukhuluphalisayo, izicofucofu ezinoshukela notshwala
ekudleni kwakhe. (Odokotela banikeze umbono othi ukudla okukhuluphalisayo, izicofucofu ezinoshukela
notshwala akunampilo.)

Ikhasi 27
6. Yikuphi okuyisibonakaliso sokuqala sokuthi uHaga uthanda ukudla ukudla okukhuluphalisayo, izicofucofu ezinoshukela notshwala?
Impendulo: Akayamukeli imiyalelo kadokotela wokuqala ukuthi ayeke ukudla okukhuluphalisayo, izicofucofu
ezinoshukela notshwala; ufuna ukuzwa ukuthi omunye udokotela uzobona kanjani (ngethemba lokuthi
omunye udokotela angeke athi akahlukane nokudla akudlayo nophuzo lwakhe).

7. Bangaki odokotela abavezwe kule khathuni? Yisho ukuthi bavela kanjani.

Impendulo: Bathathu odokotela abavelayo.
FUTHI
Udokotela wokuqala ubonakala esithombeni futhi ezikhulumela; udokotela wesibili kunebhodi elinegama
lakhe, uphinde abonakale ekhuluma; udokotela wesithathu kuvezwe ibhodi elinegama lakhe kuphela yena
akabonakali.

8. Ofundayo ubona ngani ukuthi uHaga akayamukeli imiyalelo kadokotela Olsen?

Impendulo: Usendleleni uya kudokotela wesithathu (anethemba lokuthi angamnika izeluleko ezingcono kunodokotela
ababili asebabonile).

9. Yini ekhombisa ukuthi uHaga angeke asemukele iseluleko sikadokotela Svensen uma sihambelana nemiyalelo yodokotela
ababili asebabonile? Imaphi amagama amabili alandelanayo aqondiswe kuHaga aveza ukuzimisela kwakhe ukuthola
impendulo efunwa nguye.
Impendulo: Umuntu ahamba naye usola ukuthi bazohamba lonke usuku beya kodokotela abehlukene uHaga aze
athole impendulo ayifunayo.
KANYE
“usuku lonke”

10. Yiliphi igama elikhombisa ukuthi udokotela Svensen anganikeza impendulo efanayo neyodokotela ababili asebabonile?
Impendulo: “kungaqhubeka” (isakhi u–nga-)

11. Yini umahluko phakathi kombabazi ongemuva kokukhulunywe udokotela nalowo osefreyimini yokugcina (okukhulunywe
ophelezela uHaga).
Impendulo: Umbabazi emuva kwamazwi kadokotela uveza amandla – ngaso sonke isikhathi umyalelo kufanele ulalelwe.
Umbabazi efreyimini yokugcina umele umuzwa wokudumala/wokukhathazeka/wokuthikamezeka.

12. Ucabanga ukuthi amagama ashiwo uHaga ayahambisana yini negama lakhe uHaga Ohluphayo?
Impendulo: “Ucabanga” njengengxenye yombuzo kufanele akwenze uqaphele: lona umbuzo ovulekile. Hlaziya amazwi
kaHaga, uthole ukuthi ngabe aveza ukuzithoba yini. Wahlolisise uwaqhathanise negama lakhe bese
uqhamuka nowakho umbono ozimele oveza ukuthi ahambisana kanjani noma awahambisani.
Qaphela: Hlolisisa impendulo yakho ngokuhlaziya ubuye ubone ukuthi uyawuqonda umbuzo ngendlela okuyiyona
nokuthi uyibhekisisile imininingwane ngokucophelela, lokhu kwenza ukuthi ubhale impendulo yakho
ngokuzethemba.

3.3.3 Umbuzo 5
ULimi LwaseKhaya ULimi LokuQala LokwEngeza
Umbuzo owodwa kuphela (Umbuzo 5) Imibuzo emibili (Umbuzo 5.1 no-5.2)
Amamaki ayi-10 Amamaki angama-20
Amagama ayi-120-150 Umbuzo 5.1: Amagama angama-80 - 100
– Umbuzo 5.2: Umbhalo obukwayo (isithombe)

Umbuzo 5 (Umbuzo 5.1) kunetheksthi ebhaliwe okususelwa kuyo imibuzo yolimi. Imibuzo iqondene nokuthuthukiswa kolwazimagama,
nokusetshenziswa kolimi, izakhiwo zemisho nokuhleleka kwetheksthi (kuhlanganisa ukuqaphela ngokuhlolisisa ulimi).

Ikhasi 28
 ULimi LwaseKhaya ULimi LokuQala LokwEngeza
Amamaki ayi-5 okuthuthukiswa kolwazimagama, Amamaki ayi-5 ezakhiwo zemisho nokuhleleka kwetheksthi
nokusetshenziswa kolimi. (kuhlanganisa ukuqaphela ngokuhlolisisa ulimi).
Amamaki ayi-10 okuthuthukiswa kolwazimagama, Amamaki ayi-10 ezakhiwo zemisho nokuhleleka
nokusetshenziswa kolimi. kwetheksthi (kuhlanganisa ukuqaphela ngokuhlolisisa ulimi).

Konke lokhu sekukhulunyiwe ngakho (ngaphansi kombuzo 3 nombuzo 4) ngenhla. Imibuzo yakho konke lokhu okungenhla
ichazwe kuso sonke Isiqephu C.

Umbuzo 5.2 ongezansi uyisibonelo sohlobo lombuzo ongabuzwa engxenyeni yesibili yombuzo 5 (ULimi LokuQala LokwEngeza
KUPHELA) Isibonelo sokungabuzwa.
5.2 Fundisisa umbhalo (UMBHALO G) ngezansi bese uphendula imibuzo.
(Qaphela: Lo bhalo unamagama nemisho enamaphutha abhalwe ngabomu).
UMBHALO G

12:00 AM
Ibhokisi lemiyalezo

Thola ulwazi mfundi webanga le-12.

Lutholakala kumakhalekhukhwini
KUPHELA.

Ukhokha amarandi ama-2 ngosuku!

Shayela *123*54# bese ukhetha uhlelo
olulodwa kwezilandelayo:

UHLELO-1: Imiphumela
kamatikuletsheni yango-2021.
UHLELO-2: Imifundaze yemikhakha
eyahlukene yokufaka isicelo.
UHLELO 3: Izikhungo zemfundo
ephakeme ezitholakala eNingizimu Afrika

***Uthola ezinye izindaba MAHALA HA!

[Icashunywe ku-www.cellphones.com]

5.2.1 Chaza ulimi oluqukethwe amagama abhalwe ngokugqamile unikeze nesizathu sempendulo yakho (1)
5.2.2 Lungisa iphutha kulo mbhalo: Imiphumela kamatikuletsheni yango-2021. (1)
5.2.3 Phinda ubhale umusho onegama elidwetshelwe usebenzise ubhalomagama olufanele. (1)
5.2.4 Kungani kusetshenziswe uphawu lokubabaza emishweni emibili ekulo mbhalo? (2)

Ikhasi 29
IZIMPENDULO
5.2.1 Kusetshenziswe ulimi olukhohlisayo. (1)
“KUPHELA” leli gama liveza ukuthi ayikho enye indawo ongathola kuyo lolu lwazi.
5.2.2 Imiphumela kamatikuletsheni yangonyaka wezi-2021. (1)
5.2.3 Uthola ezinye izindaba MAHHALA HHA! (1)
5.2.4 Uphawu lokubabaza kuyo yomibili imisho lusetshenziselwe ukugcizelela umyalezo odluliswayo, owokuqala (2)
ugcizelela inani elikhokhwayo, owesibili ukuthi izindaba zitholakala kanjani.

UKUFINGQA OKUNGENHLA
Uma ufuna ukuphumelela ePhepheni loku-1, kufanele phakathi
nonyaka ufunde:
ƒ okungenani iziqephu ezinhlanu ezinamagama angama-500 -
560 ULIMI LWASEKHAYA, amagama angama-450 - 500 ULimi
LokuQala LokwEngeza nemibuzo ehambelana nazo (Isiqephu A);
ƒ okungenani amatheksthi amahlanu anamagama angama-270
ULIMI LWASEKHAYA, amagama angama-220 ULimi LokuQala
LokwEngeza uwafingqe ngamagama angama-70, Ufingqe
ngamagama angama-60 ULimi LokuQala LokwEngeza (Isiqephu B)
ƒ izikhangisi okungenani ezinhlanu uphendule imibuzo ehambelana
nazo (Isiqephu C)
ƒ okungenani amakhathuni ayisihlanu uphendule imibuzo
ehambelana nawo (Isiqephu C)
ƒ okungenani amatheksthi amahlanu anamagama ayi-120 - 150,
ULIMI LWASEKHAYA, amagama angama-80 - 100 ULimi LokuQala
LokwEngeza uphendule imibuzo ehambisana nawo. (Isiqephu C)

Amatheksthi nemibuzo esetshenziswe kulo mhlahlandlela

IYIZIBONELO nje zalokhu okungalindelwa ekuhloleni kokugcina.

Ikhasi 30
WWW.AVBOBSTEP12.CO.ZA | WWW.AVBOB.CO.ZA