1

IsiZulu Iphepha lesi-2

IsiZulu Ulimi Lwasekhaya

Ibanga Le -12(Iphepha Lesi -2)

Izibonelo Zemibuzo Emide

Inoveli, Umdlalo Nezinkondlo

2023

Bengithi Lizokuna

Ubhuku Lwamanqe

Uju lwezinkondlo

Ndamane MV 2023
 2

OKUQUKETHWE

Amasu Okuphendula Imibuzo ____________________________ 3

Amatemu Abalulekile Okuhluza Inoveli/Umdlalo______________ 7
Izibonelo Zemibuzo Emide Yenoveli________________________ 12
Isakhiwo 12
Isizinda 14
Indikimba 17
Udweshu 19
Umoya Nengwijikhwebu 22
Umlandi 25
Umlayezo 26
Ukulandelana Kwezigameko 28
Ukuvezwa kwabalingiswa 31

Izibonelo Zemibuzo Emide Yomdlalo________________________ 32

Isakhiwo 33
Indikimba 35
Ukuvezwa kommeleli 37
Isizinda 39
Udweshu 41

Izibonelo Zemibuzo Yezinkondlo_____________________ 43

Izingxabo Zomyezane 43
Isiziba Senhlakanipho 46
Ukuthula 47
Impi 49
Idwala LikaShaka 51
Zingqwele Ze-Afrika 52
Impi (Isibonelo sombuzo omude) 54
Izincwadi Ezifundiwe 62

Ndamane MV 2023
 3

Amasu Okuphendula Imibuzo IPhepha lesibili

Inoveli/Umdlalo
Umbuzo omude

Fundisisa kahle umbuzo omude obuziwe bese wenze impendulo yakho ibe
nesingeniso umzimba nesiphetho.

1. Isingeniso sempendulo yakho. Lapha kusuke kumele unikeza incazelo

yokubuziwe njengoba uyifundile noma uyifundisiwe nguthisha wakho. Isibonelo: Ake
sithi kubuzwe isizinda. Qala usichaze ukuthi siyini? Chazisisa sengathi uchazela
umuntu ongasazi.

2. Emzimbeni wempendulo yakho chaza kabanzi ngokusebenzisa izibonelo

ozithatha encwadini yakho ezifakazela noma ezisekela lokhu okade ukuchaza
esingenisweni sempendulo yakho.

3.Esiphethweni sempendulo yakho yilapho osuke usunikeza khona uvo

lwakho/umbono wakho ngokubiziwe. Uvo lwakho aluhambisane nalokhu okade
ukuchaza esingenisweni.

Akuvumelekile ukuphendula ngamaphuzu kodwa sibhala i-eseyi.

Inani lamagama ombuzo omude wenoveli/womdlalo (340-390).

Inoveli/ Umdlalo

Imibuzo Emfushane

1.Qala ngokufunda isiqeshana osinikeziwe ngoba eminye imibuzo isuselwa kuso

isiqeshana. Qaphela eminye idinga ulwazi lwakho lwencwadi.
Imibuzo ihamba ngokwamazinga(Levels) e-Barrett’s taxonomy:
Izinga loku-1 Nelesi-2 (Level 1& 2) = 40%:
Le mibuzo ilula izimpendulo zayo zimayelana nesiqephu osinikeziwe.
Amamaki ayi-10 kwangama-25).
Izinga lesi-3 (level 3) = 40%: Le mibuzo noma iselula kodwa isithe
ukuqina kunale esezingeni loku- 1 nelesi-2 isidinga ulwazi lwakho
jikelele/ukucabangela kwakho nolwazi lwakho lwencwadi
yonke (Engagement with information in terms of personal experience). Amamaki ayi-10
kwangama -25
Ndamane MV 2023
 4

Izinga lesi-4 nelesi-5 (level 4 & 5) =20%: Amamaki ama-5 okugcina kwangama-25.
Lemibuzo isidinga umbono wakho (uvo lwakho) ngokubuziwe: Isibonelo
Uyavumelana yini? Phawula ngempumelelo, Hlolisisa, Ake uncome njll.
2. Bheka umbuzo ukuthi unamamaki amangaki ngaphambi kokuphendula. Sekela
uma kufanele usekele. Isibonelo ngeke ubhale umusho owodwa kodwa
impendulo inamamaki ama-3.
3.Qaphela kuyenzeka iziqeshana okumele uzifunde zibe mbili kumbuzo omfushane
wenoveli /womdlalo. Isiqephu sokuqala silandelwa yimibuzo yaso (ehlelwe ngokwe-
taxonomy) kanjalo nesesibili sinemibuzo eqondene naso (ehlelwe ngokwe-
taxonomy). Zifundisise zombili.

4. Imibuzo edida abafundi: Qhathanisa (Compare) okufanayo/ okungumehluko;

Phawula (comment), Ngokucabanga kwakho (In your own opinion); Chaza
(Explain); Hlaziya /Hlolisisa (Evaluation): Ake uncome(Appreciation):
Imbongi/umbhali iphumele kahle…); Humusha(paraphrase) Le mibuzo ijwayele
ukutholakala enkondlweni, emdlalweni nakwinoveli.

Ukuphendula Izinkondlo
Amasu Okuphendula Imibuzo Yezinkondlo

1.Uma kukhulunywa ngemigqa kusuke kumele usho ukuthi ivalekile (inezimpawu

zokuloba ekugcineni) noma ivulekile (ayinazo izimpawu zokuloba ekugcineni) bese
uchaza ukuthi isigqi siyashesha noma siyanensa.

Ukushesha kwesigqi kusho ukuthi imbongi ijabulile kanti ukunensa kwesigqi kusho
ukuthi imbongi ikhathazekile/iyanxusa/iyacela.

Ukweqiwa konkamisa emagameni nakho kwenza isigqi sisheshe, kodwa ubheke

nomoya otholakala kuleyo migqa, yiwo ozokucacisela kahle ngesigqi, uma
kungowokukhathazeka isigqi sizonensa uma kunokujabula/nokuncoma isigqi
sizoshesha.

2. Nikeza okubili/ okuthathu: Lokho kusho ukuthi lezo zinto zisuke zisenkondlweni
leyo zithathe njengoba zibaluliwe.

Ndamane MV 2023
 5

3. Tomula /Gagula/Caphuna umugqa: Lapha kusuke kufanele uthathe njengoba

kunjalo ebinzeni elisuke libaluliwe (Isibonelo: Ebinzeni loku-1, ebinzeni lesi-2, njll.

4. Inhloso (Aim) yembongi yokusebenzisa ukuxhumama nempindwa ukugcizelela

lokho okushiwo yileyo misho okusuke kubuzwe ngayo okumele uyihumushe kodwa
ingalahlekelwa umqondo ewuqukethe.

 Impendulo yakho ungayiqala kanje, “Imbongi isebenzise ukuxhumana

ukugcizelela ukuthi….. bese uhumusha leyo misho okusuke kubuzwe ngayo
enkondlweni”.
Inhloso yembongi yokusebenzisa imvumelwano nefanamsindo ukuletha
umgqumo omnandi bese uhumusha leyo misho equkethe
imvumelwano/ifanamsindo ngamagama akho kungalahleki umqondo
oqukethwe yileyo migqa.

5. Uma kubuzwe ngamagama agqamile (bold) enkondlweni imbongi isuke igqamisa

lokhu ekushoyo kulayo magama agqanyisiwe.

Impendulo ungayiqala kanje: Imbongi isebenzise amagama agqamile ukugqamisa

ukuthi… bese uhumusha leyo misho okusuke kubuzwe ngayo.

7.Uma umbuzo umayelana ne- enjambamenti umfundi kumele aqale asho ukuthi
umbhali usebenzise i-enjambamenti ukukhombisa ukuthi umqondo womugqa
ongenhla uphelela emgqeni olandelayo bese ehumusha leyo migqa ene-
enjambamenti.I-enjambamenti kuyenzeka ibe imisho engaphezu kwemibili.

8. Isizura/isikhawu sihlukanisa imiqondo/ ikhombisa ukubala izinto ezisuke zikuloyo

musho okusuke kubuzwe ngawo okumele uphinde uwuhumushe ngamazwi akho.

 Impendulo yakho ungayiqala ngokuthi, “Imbongi ibala imiqondo ehlukene

okuwukuthi… bese uhumusha loyo musho okubuzwe ngawo ngamagama
akho”.

9. Ngokucabanga kwakho: Lapha kusuke kufanele unikeze uvo lwakho kodwa

oluhambelana nenkondlo nokubuziwe.

Ndamane MV 2023
 6

10. Qhathanisa ibinza lesi-2 nelesi-3: Kulo mbuzo kusuke kumele uqale ubheke
ukuthi kuqhathaniswani bese usho okufanayo noma okungafani kulayo mabinza
asuke ebaluliwe kuzoya ngokuthi kubuzwe kuphi.

Isibonelo:

Qhathanisa okufanayo okushiwo yimbongi ebinzeni loku-1 kanye nelesi-3

ukugqamisa indikimba yale nkondlo. (3)
Okufanayo womabili la mabinza agqamisa indikimba yemfundo√. Ebinzeni loku-1
imbongi ifisa ukufunda esikhungweni semfundo ephakeme ize igogode ibona
sengathi umsuka wokuphila kahle okungenamkhawulo kuqala emfundweni√.
Ebinzeni lesi-3 nakhona imbongi ifisa ukukhula ngemfundo ijule esikhungweni
semfundo ephakeme ineliseke izuze ubuhlakani ikhombise injabulo lapho
isiphumelele esikhungweni semfundo ephakeme√. (Izingxabo Zomyezane)

11. Uma umbuzo umayelana nomoya umfundi kufanele aqale awugagule umoya
otholakala kulelo binza/migqa okusuke kubuzwe ngalo, ngaphambi kokuba
ahumushe lelo binza/migqa okubuzwe ngayo ngamagama akhe.

Isibonelo:

Ngabe umoya otholakala ebinzeni loku-1 unamthelela muni ekuqondeni kwakho leli
binza? (IsiZulu HL P2 Feb-March 2018)

Umoya otholakala ebinzeni lokuqala owothando. √ Ube nomthelela wokuthi

ngiqonde ukuthi uma ingane isencane imsulwa ayinaso nesincane isici konke isuke
ikwenza ngothando. √ (2)

Qaphela! Umbuzo noma umayelana nendikimba, nethoni, nomuzwa kumele

wenze okufanayo njengoba kutshengiswe esibonelweni esingenhla.
12. Phawula (Comment) Shono okuthile ngokubuziwe.
13. Ake uncome(Appreciation): Shono ukuthi umbhali ukusebenzise kahle yini
okubuziwe, bese uyasekela. Ungaqala kanje: Umbhali uphumelele kahle
ukusebenzisa……

14. Yenza isiqiniseko ukuthi lama temu alandelayo uyakwazi ukuwachaza:

Isakhiwo sangaphakathi

Ndamane MV 2023
 7

[Amatemu esakhiwo sangaphakathi: Umqondo wenkondlo, umoya wenkondlo,

indikimba, umlayezo, imifanekisomqondo/ izithombemagama, izimo zokukhuluma
(izaga nezisho), izifenqo (figures of speech), ithoni, impindamqondo njll.]

Imifanekisomqondo izithombemagama/ Izinzwa ezithinta imizwa ngendlela eyakha

izithombe engqondweni. Kungaba izifengqo, izisho nezaga. Le mifanekisomqondo
kungaba ethintekayo, ezwakalayo, enambithekayo, ehogelekayo kanye
nebonakalayo.

Umyalezo yilokho imbongi esuke ifuna ukusixwayisa ngakho / Isifundo esidluliswa

imbongi.

Umqondo wenkondlo yilokho okusuke kusemqondweni wembongi ngenkathi ibhala

inkondlo. Umqondo wenkondlo wehlukaniswe kabili, umqondo osobala kanye
nomqondo ocashile.

Umoya wenkondlo uchaza isimo imbongi eyayikuso kanye nomuzwa eyayinawo

ngenkathi ibhala inkondlo. Inkondlo ingaba nomoya owodwa ukusuka ebinzeni
lokuqala kuze kube ibinza lokugcina noma ibe nomoya oxubile. Inkondlo ingaveza
umuzwa wothando, intukuthelo, inzondo, ukugxeka, ukuncoma ukuncenga, njll.

Indikimba ngumongo noma ingqikithi yenkondlo. Indikimba iwukuveza ukuthi

inkondlo imayelana nani ngegama elilodwa noma amabili.

Amatemu esakhiwo sangaphandle okumele uwazi

Isakhiwo sangaphandle ikhono lembongi lokubumba inkondlo ngokusebenzisa

amabinza, imigqa (Imigqa evalekile nemigqa evulekile, izimpawu zokuloba emigqeni,
ubude nobufishane bemigqa, inani lemigqa ebinzeni ngalinye, isigqi, imvumelwano
nezinhlobo zayo, ukuxhumana nezinhlobo zakho, ifanamsindo
(ifanangwaqa/ifanankamisa), ifuzamsindo, impindwa, i-enjambamenti,
Isikhawu/isizura njll.

Umbuzo omude wenkondlo

Impendulo yakho kumele ibe nesingeniso, umzimba nesiphetho.
Fundisisa umbuzo uqonde kahle okubuziwe.
Isingeniso sempendulo yakho ilapho osuke unikeza khona incazelo yokubuziwe.
Isibonelo kungabuzwa umqondo wenkondlo, imifanekisomqondo

Ndamane MV 2023
 8

/izithombemagama, umlayezo, isakhiwo sangaphandle, isakhiwo

sangaphakathi, umqondo wenkondlo, umqondo ocashile / osobala, umoya
wenkondlo, ukukhethwa kwamagama, ithoni njll.
Emzimbeni wempendulo yakho ilapho osuke ususekela khona lokhu obukuchaza
esingeniseni sempendulo yakho usekela ngezibonelo ozithatha enkondlweni.
Isiphetho sempendulo yakho ilapho osuke usunikeza khona uvo lwakho mayelana
nokubuziwe lokhu obukuchaza esingenisweni sempendulo yakho.
Amagama ombuzo omude wenkondlo (190-240)
Amatemu Abalulekile Okuhluza Inoveli/umdlalo (Iphepha lesi-2)
Isakhiwo
Ukuhleleka kwezigameko ezikhulisa indaba ngokulandelana kwazo zisuka
kwisingeniso lapho sethulelwa khona umlingiswa osemqoka, isisusa sodweshu
nesizinda. Kube ukubhebhetheka kodweshu lapho sibheka indlela indaba ekhula
ngayo kususelwa enkingeni eqale esingenisweni. Kulandele isixakaxaka lapho
kuvela ezinye izinkinga ebezingekho indaba iqala ezibhekene nomlingiswa
osemqoka ezimxaka nxa zonke. Kube uvuthondaba okuba yisigameko sokugcina
esikhulu esehlela umlingiswa osemqoka kuze kube nesixazululo. Uvuthondaba
kusesicongweni sendaba. Ekugcineni sinesiphetho lapho indaba isisongwa khona.
Udweshu
Udweshu ukungqubuzana phakathi kwabalingiswa noma kumlingiswa
nengaphakathi/nemicabango lakhe. Udweshu lwehlukene kabili. Kukhona udweshu
lwangaphakathi kanye nodweshu lwangaphandle. Udweshu lwangaphakathi
luwukungqubuzana kwemicabango okudalwa okuthile umlingiswa asuke ecabanga
ngakho. Udweshu lwangaphandle luwukungqubuzana kwemibono yabalingiswa
okungaholela ekutheni bagcine sebebambana ngezihluthu.
Isizinda
Isizinda sehlukaniswe izingxenye ezintathu kanje:
• Indawo: Lapha kubhekwa ukuthi indaba yenzeka kuyiphi indawo okungaba indawo
yasemakhaya noma yasemadolobheni.
• Inkathi: Lapha kubhekwa ukuthi indaba yenzeka ngayiphi inkathi okungaba inkathi
yamanje noma yakudala/ emandulo.
• Isimo senhlalo: Lapha kubhekwa indlela abalingiswa abaphilisana ngayo, abenza
ngayo izinto nabaziphatha ngayo. Kungaba imithetho, amasiko, isimo somnotho,
esezombangazwe/mbusazwe.
Ndamane MV 2023
 9

Isakhiwana
Yingxenye yesakhiwo ezimele etholakala esakhiweni esikhulu. Kuba indaba nje
ephelele ehamba eceleni kwesakhiwo esikhulu. Naso isakhiwana sinesingeniso,
umzimba nesiphetho. (Isibonelo: Indatshana kaHlengiwe noChivenga emdlalweni
Kudela Owaziyo).
Indikimba
Indikimba ingumongo noma ingqikithi yendaba yonke. Indikimba iphendula umbuzo
othi indaba ikhuluma ngani? Indikimba kungaba eyothando eyamasiko, eyemfundo
njll.
Umlayezo
Umyalezo yilokho umbhali asixwayisa noma aseluleka ngakho enovelini yakhe.
Isibonelo kulenoveli ethi, Bengithi Lizokuna.Miningi imiyalezo ekule noveli. Le
miyalezo ihambisana nezindatshana ezithile ezakha le noveli. Kule noveli umyalezo
esiwunikwa umbhali uthi: Kumele uqaphele isinqumo osithathayo ngempilo yakho
singahlukumezi abanye abantu.
Lokhu kubonakala ngomphumela wokuguqula ubulili kukaMahlengi
nokuhlukumezeka kwabantu ayesondelene nabo.
Ukujeqeza emuva
Isu elisetshenziswa umbhali ukulanda ngezigameko ezedlule umlingiswa ake
wahlangabezana nazo. Lokhu kufana nokukhumbuza umfundi ukuthi umlingiswa uze
abe kule simo akuso nje kwakuqalephi.
Umlandi
Umlandi umuntu otholakala endabeni olandisa indaba kumfundi. Ubuka indaba
macala onke. Unolwazi oluningi ngendaba futhi uxoxa ngabalingiswa bonke
abasendabeni. Umsebenzi womlandi ukulandisa okwenzeka endabeni, ukulandisa
ngemicabango yabalingiswa, ukwethula amaqiniso, ukuchaza abalingiswa,
ukuchaza indawo, ukuqondisa kanye nokuxhumanisa indaba ukuze indaba ikhule.

Ulwazi lwangaphambili
Ngokujwayelekile umlandi uvame ukusinikeza imininingwane eminingi mayelana
nalokhu okwenzeka ngaphambi kokuba indaba iqale. Lokhu kusisiza etheni sisheshe
siqonde indikimba yendaba.
Lokhu kungenzeka ngokuthi umbhali ahlele indatshana emfushanyana ngaphambi
kokuqala kwesigameko sokuqala sendaba, noma- ke umlandi angasebenzisa isu
Ndamane MV 2023
 10

lokujenqeza emuva ukusicacisela ngokwenzeka ngaphambilini ngomlingiswa. Ulwazi

lwangaphambili kumele lube nobudlelwano nomlingiswa omkhulu/ osemqoka.
Ingwijikhwebu
Lapha indaba noma isigameko esithile sisuke siphethe ngendlela ebesingayilindele.
Singacabanga ukuthi kuzokwenzeka lokhu kuvele kwenzeke okunye okuhlukile
ebesingakucabangile esiphethweni sendaba noma sesigameko.
Umoya
Uma sikhuluma ngomoya otholakala kwinoveli noma emdlalweni sisuke sibheka
isimo abalingiswa abakuso okungaba owothando, ukudumala/ukujabha, ukujabula
owokuzwana njll.
Ukulandelana kwezigameko
Ukulandelana kwezigameko kuqondwe ukuhleleka kwazo ngendlela enokuxhumana
kusukela indaba iqala kuze kube sekupheleni kwayo.
Umbhali usebenzise amakhono ahlukene ukwethula izigameko zendaba
ngokulandelana okungaba ukujeqeza emuva, ukubikezela, inkulumo-mpendulwano,
udweshu, ulwazi lwaphambilini kanye nokulandisa.
Inkulumo-mpendulwano (Isebenza kakhulu emdlalweni)
Inkulumo mpendulwano imayelana nenkulumo ephakathi kwabalingiswa. Umbhali
uyaye asebenzise inkulumo-mpendulwano ukusethulela indaba yakhe. Izigameko
kanye nodweshu kuyaye kuthwalwe yiyo inkulumo-mpendulwano.
Izenzeko yizehlakalo noma izigameko ezithize ezenzeka emdlalweni. Imvamisa
izenzeko ziyahambisana nenkulumo-mpendulwano.
Abalingiswa (Umdlalo)
Abantu abakhulumayo emdlalweni. Yibo abenza indaba ikhule. Ikakhulukazi
bayikhulisa ngenkulumo mpendulwano. Sinezinhlobo ezihlukene zabalingiswa
emdlalweni. Kukhona ummeleli/iqhawe, imbangi, umqhathi, umlamuli kanye
nomelekeleli.
Ummeleli/Iqhawe
Lona umlingiswa omkhulu zonke izigameko ezenzeka emdlalweni zizungeza yena
umdlalo usuka ekuqaleni uze uyophela. Umdlalo umayelana nalo mlingiswa.
Imbangi
Imbangi umlingiswa ophikisana nommeleli. Uzama ngakho konke okusemandleni
ukucekela phansi ummeleli.
Umqhathi
Ndamane MV 2023
 11

Uxabanisa ummeleli nembangi. UwuMaMgobhozi izimfihlo zikammeleli uzitshela

imbangi yakhe, nezembangi azitshele ummeleli. Uzenza muhle kubo bobabili ebe azi
kahle ukuthi uyabaxabanisa.
Umlamuli
Uzama ngakho konke okusemandleni ukuxazulula izinkinga phakathi kwembangi
nommeleli. Uyalamula.
Umelekeleli
Uhambisana nakho konke okwenziwa ngummeleli.
----------------------------------------------------------------------------------------------------------------
Isakhiwo Senoveli/ Somdlalo

Ukuhleleka kwezigameko/izigigaba ezikhulisa indaba ngokulandelana kwazo zisuka

kwisingeniso, umzimba (ukubhebhetheka kodweshu, isixakaxaka, uvuthondaba,
upholavuthondaba) kanye nesiphetho.

Isethulo

Kwisethulo sethulelwa umlingiswa omkhulu/osemqoka, isisusa sodweshu nesizinda.

Umzimba

Ukubhebhetheka kodweshu

Lapha udweshu luyabhebhetheka (luyakhula). Sethulelwa nabanye abalingiswa

abasizayo ekukhuliseni indaba. Izigameko ziyakhula zize zifinyelele kuvuthondaba.

Isixakaxaka

Lapha izinkinga ezibhekene nomlingiswa omkhulu seziningi kakhulu

sezimphithanisela ikhanda akasazi ikuphi okumele akwenze noma angakwenzi.

Uvuthondaba

Lesi isicongo sendaba. Isigigaba (isigameko) esikhulu sokugcina esehlela

umlingiswa omkhulu. Inkinga iyasombululeka indaba isingaphela noma kunini.

Isiphetho

Lapha indaba iyasongwa ngoba isuke isifike emaphethelweni. Kungaba khona

isisombululo esihle noma esibi. Kuyenzeka isiphetho sibe ingwijikhwebu (indaba
iphethe ngendlela ebingalindelekanga).

Ndamane MV 2023
 12

Izibonelo Zemibuzo Emide Yenoveli: Bengithi Lizokuna– NG Sibiya

ISAKHIWO
Phawula ngekhono lombhali ekubumbeni isakhiwo senoveli ethi, Bengithi
Lizokuna.Impendulo ayibe ubude obuphakathi kwamagama angama-340 kuya
kwangama-390.
Impendulo yakho mayibhekiswe kulokhu okulandelayo:
 Ukuchaza isakhiwo.
 Ukuphendula umbuzo ngokuphawula ngekhono lombhali, ukucaphuna
nokusekela ngokwencwadi.
 Ukuveza uvo lwakho ngekhono lombhali ekubumbeni isakhiwo sendaba.
ISAKHIWO
Isingeniso (Ukwethula nokuchaza isakhiwo)

Isakhiwo singumgogodla wendaba. Ukuhleleka kwezigameko ezikhulisa indaba

ngokulandelana kwazo zisuka kusethulo lapho sethulelwa khona umlingiswa
osemqoka, isisusa sodweshu nesizinda. Kube ukubhebhetheka kodweshu lapho
sibheka indlela indaba ekhula ngayo kususelwa enkingeni eqale esingenisweni.
Kulandele isixakaxaka lapho kuvela ezinye izinkinga ebezingekho indaba iqala
ezibhekene nomlingiswa osemqoka ezimxaka nxa zonke. Kube uvuthondaba okuba
yisigameko sokugcina esikhulu esehlela umlingiswa osemqoka kuze kube
nesixazululo. Uvuthondaba kusesicongweni sendaba. Ekugcineni sinesiphetho lapho
indaba isisongwa khona.
Isethulo
Isethulo kulapho sethulelwa khona umlingiswa osemqoka, isisusa sodweshu kanye
nesizinda. Kule noveli umlingiswa omkhulu/osemqoka uMhlengi /uMahlengi. Isisusa
indlela uMhlengi azizwa ngayo ngemizwa yakhe. Le noveli yenzeka eKapa, eGcilima,
eThekwini, eMlazi kanye naseNtuzuma.
Ukubhebhetheka kodweshu:
Lapha sibheka indlela indaba ekhula ngayo kusukela enkingeni eqale kusethulo.
UMahlengi uthandana noXolani Mpanza ngemva kokubonana emhlanganweni
wosomabhizinisi abasafufusa ebe enesoka lakhe uNdumiso.
Isixakaxaka:

Ndamane MV 2023
 13

Isixakaxaka kulapho kuvela ezinye izinkinga ebezingekho indaba iqala ezibhekene

nomlingiswa osemqoka ezimxaka nxa zonke. Ekhaya likaXolani kusuka udweshu/
ingxabano phakathi kuXolani nomkakhe uLungile ngenxa yokufika emva kwesikhathi
bengasakwazi nokuya emcimbini obekumele beye kuwo. UMahlengi akasaluzwa
kahle uthando lukaNdumiso ngenxa kaXolani, noXolani ngokunjalo akasenasikhathi
sikaLungile.
UNdumiso usemthanda kakhulu uMahlengi usefisa nokumshada kodwa unenkinga
yokushoda ngemali ngoba ebona ukuthi sengathi kukhona umuntu osembangisa
uMahlengi. Uthola ulwazi kumngani wakhe uSbu ngoNgidi onemali. UNdumiso
ufonela uNgidi uzibiza ngoDlamini owenza izifundo zeMasters kwezolimo enyuvesi
yase-Witwatersrand ucela ukumvakashela ezokwenza ucwaningo ngezolimo.
UNdumiso ubamba inkunzi kwaNgidi uthatha izizumbulu zemali. UNdumiso uma
esebaleka nemali udubula uNyambose oyisisebenzi sakwaNgidi. Endleleni ugibeza
intombi kaSbu uZakithi okunguye owapha amaphoyisa umkhondo ngoNdumiso emva
kokuzwa inombolo yamaphoyisa emsakazweni esemotweni esuka kuSbu, lapho
ashaywe khona enye intombi kaSbu uNomthi. UNdumiso uthola incwadi ebhalwe
uMahlengi yokumala uma efika endlini yakhe. Emva kwalapho uboshwa amaphoyisa
ngecala lokubamba inkunzi kwaNgidi.

UNontobeko kaMhlengi osethandana noNkululeko kodwa isikhala sikaMhlengi

singavaleki enhliziyweni yakhe. Ugcina ngokubalekela umshado eyofuna uMhlengi
kubo. UNontobeko ulekelelana noNgidi ukufuna uMhlengi. UMhlengi osenguMahlengi
uhlanyiswa uthando lukaXolani. UXolani naye ngokuthanda uMahlengi akasenandaba
nomkakhe ugcina ngokushiya izingane zabo nomkakhe zodwa zishela endlini
ziyashona ngenxa yothando lukaMahlengi. Umseshi uShezi oqashwe uNgidi
noNontobeko ukuba abafunele uMhlengi ugcina ngokumthola uMhlengi eThekwini.
UNontobeko uthola izindaba ezibuhlungu uma efonela unina zokuthi uNkululeko
uzilengisile ngenxa yakhe obalekele umshado.

Uvuthondaba:
Uvuthondaba kulapho indaba isuke isisesicongweni khona. Imibuzo yonke ebesinayo
iyaphenduleka lapha. Kuba isigigagaba esikhulu sokugcina esehlela umlingisa
omkhulu/osemqoka.Uvuthondaba kule noveli siluthola lapho uNgidi, uNontobeko,
uNomalanga noXolani bethola uMhlengi efulethini bengasaboni nokuthi uyena ngoba

Ndamane MV 2023
 14

bamgcina engumuntu wesilisa. Uyabatshela ukuthi usaziguqula ubulili waba

ngumuntu wesifazane.

Isiphetho
Isiphetho kulapho indaba isisongwa khona kungaba yisiphetho esilindelekile noma
kube isiphetho esiyingwijikhwebu. Le noveli iphelele kuvuthondaba lapho kuthokala
khona uMhlengi eseziguqule ubulili.

Isiphetho (Uvo lomfundi)

Umbhali ukwazile ukusebenzisa ikhono lukubumba isakhiwo sale noveli. Amazinga

anikezelana kahle ukusuka esingenisweni kuze kuyofinyelela esiphethweni. Imfihlo
yomligiswa onguMhlengi/Mahlengi igcina ivele obala.

Uvo lwabafundi ngeke lufane kodwa kumele luhambelane nokubuziwe

okuyisakhiwo.

ISIZINDA

Xoxa ngesizinda senoveli ethi, Bengithi Lizokuna. Impendulo yakho mayibe

ubude obuphakathi kwamagama angama-340 kuya kwangama-390.
Impendulo mayibhekiswe kula maphuzu alandelayo:
• Ukwethula nokuchaza isizinda.
• Ukuphendula umbuzo ngokuphawula, ukucaphuna nokwesekela
ngokwencwadi.
• Ukuveza uvo lwakho wena ohlolwayo mayelana nesizinda sale noveli.
ISINGENISO
Isizinda sehlukaniswe izingxenye ezintathu. Indawo inkathi kanye nesimo senhlalo.
Indawo sibheka ukuthi indaba yenzeka kuyiphi indawo okungaba indawo
yasemakhaya noma yasemadolobheni. Inkathi yilapho sibheka khona ukuthi indaba
yenzeka ngayiphi inkathi okungaba inkathi yamanje noma yakudala. Isimo senhlalo
kulapho sibheka indlela abalingiswa abaphilisana ngayo, abenza ngayo izinto
nabaziphatha ngayo. Kungaba imithetho, amasiko, isimo somnotho,
esezombangazwe/mbusazwe njalo njalo.

UMZIMBA

Ndamane MV 2023
 15

Indawo:
Indawo kule noveli iyathutha. Indaba yenzeka ezindaweni ezahlukene. Yenzeka
edolobheni laseKapa. Ibuye ithuthe iye edolobheni laseThekwini kanye
nasezindaweni ezilizungezile: uMlazi, eNtuzuma kanye nasemakhaya eGcilima.

EGcilima:

Le indawo uMhlengi/Mahlengi azalelwa futhi wakhulela kuyo. Uyise uNgidi

wayesahlala khona yize yena wayengasahlali khona ngenxa yesikole kanye
nomsebenzi. Yilapho atshela khona uyise uNgidi ukuthi uyinkonkoni/uyi-gay.Yilapho
uNdumisa abamba khona uNgidi inkunzi ukuze athole imali yokulobola
uMahlengi/Mhlengi.UNontobeko waya eGcilima eyofuna uMhlengi ngethemba
lokuthi uzomthola ukuze babuye bathandane futhi.

EThekwini:

UMhlengi/Mahlengi wayefunda ezikoleni zakhona eVukuzakhe naseML Sultan

Technikon.Indawo uMahlengi/Mhlengi ayenefulethi kuyo ngenkathi esesebenza.

UMahlengi/Mhlengi wayenebhizinisi le-bed and breakfast nelokucwala izinwele kuyo

le ndawo. Kulapho khona oNontobeko, uNgidi Nonomalanga abathola khona
uMhlengi.

EMlazi naseNtuzuma

Izindawo lapho uNgidi kanye noNontobeko abaya kuzo ukuyofuna uMhlengi

ngemuva kokuhluleka ukumthola efulethini ababegcine ehlala kulo.

EKapa:

Yilapho uMhlengi aguqula khona ubulili waba owesifazane. Wathatha umazisi

omusha waguqula negama lakhe waba uMahlengi.

Inkathi:
Le ndaba yenzeka enkathini yamanje. Abalingiswa abaningi kule ndaba benza izinto

ezinhlobonhlobo ezifakazela ukuthi yenzeka kulesi sikhathi samanje. Kukhona

abesilisa abathanda abantu bobulili obufana nobabo njengoMhlengi owagcina

ethathe isinqumo sokuthi kungcono aziguqule azenze intombazane. Yisikhathi lapho

Ndamane MV 2023
 16

abamnyama abaningi bezimbandakanya futhi bethuthuka kwezamabhizinisi. Lokhu

kufakazelwa ukuthi uXolani unebhizinisi lokuthwala impahla. UNdumiso ubephila

ngokuthola amathenda. UNgidi unamapulazi aqashe kuwo abantu abamsebenzelayo

futhi kukhona nalelo alithengele uMhlengi. Kukhulunywa ngemiqhudelwano emikhulu

yomhlaba yezemidlalo njengale Ndebe yoMhlaba yezi-2010 eyayizoba khona.

Kunemiqhudelwano emikhulu yebhola njengalowo okwakwehlulwe kuwo iqembu le

Orlando Pirates okwagcina kudale ukuba uNkululeko ashayise uNontobeko

ngemoto. Abalingiswa abangoXolani, uMahlengi, uNdumiso nabanye bavamile

ukusebenzisa isiNgisi uma bekhuluma. Amantombazane ashayela izimoto,

njengoNontobeko. Ayabhema, aphuza utshwala agqoka amabhulukwe
njengoMahlengi. Ukuthengwa kokudla notshwala emarestorenti anjengoSomething
Fishy nePizza Hut nokulala emahhotela kwandile. UNontobeko noNgidi bangenisa
ehhotela mhla beyothungatha uMhlengi eBlue Waters. UNdumiso naye uma
eyobamba uNgidi inkunzi wangenisa eParidise Holiday Resort. Kunabaseshi
abazimele abakwazi ukusiza umuntu athole lowo amfunayo njengoShezi osize
uNgidi noNontobeko ukuba bathole uMhlengi. Kulalelwa imisakazo ukwethula
ezisematheni njengodaba lobugebengu obabenziwe uNdumiso. UZakithi wezwa
udaba lokubanjwa kukaNgidi inkunzi kanye nokubulawa kukaNyambose
emsakazweni. Lokho kwenza ukuba ashayele amaphoyisa ucingo, kwase kuba
ukuboshwa kukaNdumiso.

Isimo senhlalo

Isimo senhlalo siyaguquguquka kule ndaba. (isikhwele, uthando, ukuzicabangela

wena, isibindi, ubugebengu). Ekuqaleni kwendaba sithola uMahlengi noXolani izinto
zibahambela kahle bahambela umhlangano wokuthuthukisa amabhizinisi abo.
UXolani unamaphupho okukhulisa ibhizinisi lakhe ukuze nomkakhe uLungile ayeke
Umsebenzi azomelekelela. Isimo siyaguquka emzini kaXolani ngenxa yokufika
KukaMahlengi empilweni yakhe. Uxabana nenkosikazi yakhe ugcina eseshelwe
umuzi nezingane. UMahlengi unesoka lakhe elimthandayo uNdumiso. Siyaguquka
ke isimo uma uMahlengi esebonana noXolani agcina esethandana naye. Lokho
kwadala ukuba uNdumiso abuyele ebugebengwini ayesezitshele ukuthi uphumile
Ndamane MV 2023
 17

kubo. UNkululeko izinto zimhambela kahle njengoba ezoshada noNontobeko kodwa

lokho kuyaguquka uma uNontobeko emtshela ngosuku olwandulela elomshado
ukuthi useyahluleka ukuqhubeka ngenxa yokuthanda uMhlengi. UNkululeko wagcina
ezibulele. UNomalanga izinto zimhambela kahle ngoba sebethembisene umshado
noNgidi kodwa isimo siyaguquka uma uNgidi esethungatha uMhlengi ngaphandle
kokumazisa futhi ayethe usemkhiphile enhliziyweni yakhe. UNgidi ubuyelwa ithemba
lokwakha kabusha ubudlelwano bakhe noMhlengi emva kokufika kukaNontobeko
ezomfuna. Ekugcineni uyaphoxeka ngoba ufica ukuthi useze waziguqula ubulili.
(Amukelekile namanye amaphuzu asekela isizinda)
ISIPHETHO (Uvo lomfundi)

Isizinda sale noveli siyibumbe kahle indaba. Indawo nenkathi kanye nesimo senhlalo
kule ndaba kuyakholeka futhi kuyahambelana. (Abahlolwayo kulindeleke ukuba
babhale impendulo njenge-eseyi). [25]

BENGITHI LIZOKUNA – NG Sibiya

INDIKIMBA
Phawula ngeqhaza lalaba balingiswa; uNontobeko, uNdumiso, uXolani kanye
noNgidi ekuthuthukiseni indikimba kule noveli ethi: Bengithi Lizokuna. Impendulo
yakho mayibe ubude obuphakathi kwamagama angama-340 kuya kwangama-390.
Ulindeleke ukuba uphendule lo mbuzo njenge- eseyi.
Impendulo mayibhekiswe kulokhu okulandelayo:
• Ukwethula nokuchaza indikimba neqhaza labalingiswa (abakwenzayo).
• Ukuphedula umbuzo ngokuphawula, ukucaphuna nokwesekela ngokwencwadi.
• Ukuveza uvo lwakho ngeqhaza labalingiswa ekuthuthukiseni indikimba yenoveli.
Indikimba
Isingeniso
Indikimba ingumongo wendaba yonke. Indikimba iphendula umbuzo othi indaba
ikhuluma ngani? Indikimba yale noveli uthando/ithemba. Iqhaza labalingiswa
yilokho abalingiswa abakwenzayo endabeni.
Umzimba
UNontobeko
Izenzo zakhe ziyakholeka. Ungumlingiswa oneqiniso ngoba ubhuntshisa umshado
phakathi kwakhe noNkululeko ngosuku olwandulela olomshado ngenxa yokuthanda

Ndamane MV 2023
 18

uMhlengi. Ubambe iqhaza elikhulu ekuthuthukiseni indikimba yothando.

UNontobeko utholakala enamathele kuMhlengi ngokothando nakuba ayemlaxaze
kabuhlungu waze wangena emgwaqeni washayiswa imoto. Amandla othando
amholela ekutheni agcine esehamba eyofuna uMhlengi kubo eGcilima. Simthola
elekelana noNgidi ubaba kaMhlengi ukufuna uMhlengi baze bafune nomuntu
ozobasiza ukubafunisa ongumseshi uShezi.Ngesikhathi uShezi esemtholile uMhlengi
uyahamba uyakuye benoNgidi.

UNdumiso:
Izenzo zakhe ziyakholeka (ubugebengu obuhleliwe, uthando lweqiniso nesikhwele).
Ubambe iqhaza elikhulu ekuthuthukiseni indikimba yothando. Simthola eshaya
uXolani ngenxa yesikhwele anaso ngoMahlengi. UNdumiso umthanda ngokweqiniso
uMahlengi. Uthando analo ngoMahlengi lumholela ekuthatheni isinqumo sokubuyela
ebugebengwini okuyinto ayesefungile ukuthi akasobuye ayenze okungukuyobamba
uNgidi inkunzi eGcilima ukuze athole imali yokulobola uMahlengi, abe ngowakhe
yedwa. Uthando lukaMahlengi lugcina luholele ekutheni uNdumiso aboshelwe icala
lokubamba inkunzi kwaNgidi.

UXolani

Izenzo zikaXolani ziyakholeka ungumlingiswa othatheka kalula, unothando lweqiniso

ngoMahlengi futhi udela ngisho anakho ngenxa yothando lukaMahlengi. Ubamba
iqhaza elikhulu ekuthuthukiseni indikimba yothando. Simthola ethatheka uMahlengi
ngosuku lokuqala emhlanganweni wosomabhizinisi abasathuthuka. Uhluleka ngisho
ukuzibamba uzama ukuhlangana noMahlengi ngokushesha uze afike emva
kwesikhathi ekhaya enuka nesiqholo sikaMahlengi.Ugcina ngokuxabana nomkakhe
uLungile obekumele aye naye emcimbini nezingane zabo. Ebusuku uphupha
uMahlengi okudala olunye udweshu phakathi kwakhe nomkakhe. Konke lokhu
kuthuthukisa indikimba yothando phakathi kwakhe noMahlengi. Ubekezelela
ukushaywa uNdumiso ngenxa kaMahlengi. Ushiya izingane zabo endlini ezikhiyele
zigcina ngokushela endlini ngenxa nje yokufuna ukuya kuMahlengi wakhe. Ushiya
omzala bakhe uMthokozisi noSabelo bezokhalisa ngokushonelwa izingane uya
kuMahlengi.

UNgidi

Ndamane MV 2023
 19

UNgidi ungumlingiswa onezenzo ezikholekayo futhi uyazimela izinqumo azithathayo

empilweni. Udlala iqhaza elikhulu ekuthuthukiseni indikimba yothando kuMhlengi
indodana yakhe. Simthola ekhetha ukungabi nankosikazi emveni kokushona
kukamama kaMhlengi ngenxa yokuba enenkolelo yokuthi unkosikazi omusha
uzohlupha ingane yakhe enguzinyobulala uMhlengi. Uthando analo ngoMhlengi
luholela ekutheni egcine eseyithengela ipulazi indodana yakhe. Ngemuva kokuba
exabene nendodana yakhe emtshele ukuthi iyinkonkoni uzitholela isithandwa
esinguNomalanga. Ekufikeni kukaNontobeko ezofuna uMhlengi naye usukumela
phezulu balekelelana noNontobeko ekufuneni uMhlengi baze baqhasha nomseshi
uShezi. Isikhathi asichitha nesithandwa sakhe uNomalanga siyancipha okumenza abe
nyamana mbana kuNomalanga ngenxa yothando analo ngoMhlengi.

Isiphetho

Bonke laba balingiswa ababalwe ngenhla, bayithuthukisile indikimba yothando kule

noveli. Uthando lweqiniso/ithemba kubonakale kugqama ezenzweni zabo ezigagulwe
ngenhla.
(Abahlolwayo mabaveze uvo lwabo, bakhombise ukuthi sebeyayiphetha
impendulo yombuzo.)
(Abahlolwayo kulindeleke ukuthi babhale impendulo yombuzo njenge-eseyi
njengoba kutshengisiwe ngenhla.)

___________________________________________________________________

Udweshu

Xoxa ngokuphumelela kombhali ekusebenziseni udweshu ekuthuthukiseni indaba

kule noveli ethi, Bengithi Lizokuna.
Impendulo yakho mayibe ubude obuphakathi kwamagama angama-340 kuya
kwanga 390.

Impendulo mayibhekiswe kula maphuzu alandelayo:

 Ukwethula nokuchaza udweshu nezinhlobo zalo.
 Ukuphendula umbuzo ngokuphawula, ukucaphuna nokwesekela
ngokwencwadi.
 Ukuveza uvo lwakho ngempumelelo yombhali ekusebenzise udweshu
ekukhuliseni indaba.

Ndamane MV 2023
 20

Impendulo
Udweshu
Isingeniso
Udweshu lwehlukene kabili. Kukhona udweshu lwangaphakathi kanye nodweshu
lwangaphandle. Udweshu lwangaphakathi luwukungqubuzana kwemicabango
okudalwa okuthile umlingiswa asuke ecabanga ngakho, ngesinye isikhathi aze agcine
ekuphimisele. Udweshu lwangaphandle luwukungqubuzana kwemibono yabalingiswa
okungaholela ekutheni bagcine sebexabana.
Umzimba
Udweshu lwangaphakathi
UXolani
Sithola uXolani eshaywa uvalo, ehluleka nokugxilisa ingqondo yakhe kokwenzeka
emhlanganweni akuwona. UXolani uyazibuza uyaziphendula ngokuthathwa uthando
lukaMahlengi uze ushaywa uvalo uma ecabanga ngomkakhe uLungile.UXolani
ucabanga ngobuhle bukaMahlengi ngemuva kokubonana kwabo okokuqala efulethini
likaMahlengi, uze uyazisola ngokujaha ukushada engakaboni kahle. UXolani
ucabanga ukuthi uzolwethula kanjani udaba lwakhe kuMahlengi njengoba selumenze
wadunyelwa ikhanda.
UMahlengi
Uyabalisa ucabangisisa okwenzeke ngenkathi ehlezi kamnandi noXolani.
Nangesikhathi esehleli nesoka lakhe uNdumiso ingqondo yakhe ilokhu iphithene
ngenxa yokucabanga uXolani lokho kuze kumshayisa ngovalo. Emva kokuhamba
kwesoka lakhe uNdumiso, uMahlengi ubuyelwa umfanekiso kaXolani uze uyakhala.
Ubalisa ngothando aluzwayo ngoXolani ekubeni uXolani ubengakamtsheli ukuthi
uyamthanda. Ushaywa uvalo ecabanga imihlola abeyitshelwa isoka lakhe uNdumiso
yokuya eSouth Coast kodwa engasho ukuthi uyokwenzani. Nangemuva kokukhuluma
noXolani ocingweni ushaywa uvalo ngenxa yokugajwa uthando lwakhe, uzizwa
esephelelwa uthando lukaNdumiso enhliziyweni yakhe kodwa lokho akakuphumiseli
kuNdumiso kudla yena nje ngaphakathi.
UNontobeko
Uzithola egqolozele isithombe sikaMhlengi uyakhala, uyazibuza eziphendula ukuthi
wayemenzeni aze amshiye ngobuhlungu benhliziyo, isizungu nothando ayenalo
ngaye.

Ndamane MV 2023
 21

UNdumiso
UNdumiso uyacabanga, inhliziyo iququdwa uthando lukaMahlengi oluvutha
amalangabi ngaphakathi kuye uyazibuza ukuthi uzoyithatha kuphi imali yokumlobola.
Ngemuva kokukhuluma noMahlengi ocingweni ufikelwa imicabango uze uzibuza
ukuthi yini eseyenze isithandwa sakhe simshintshele ngomzuzwana ngoba
sesikhombisa ukungamjabuleli njengakuqala. Ngemuva kwengxoxo yakhe noS'bu
mayelana nolwazi aluthola ngoNgidi owayeyisiqumama, uzibuza ukuthi uzokwazi
ngani ukuthi nguyena muphi ngoba baningi oNgidi ababebhalwe kuleli bhuku
lezingcingo ayeliphethe. Ubalisa ngezinto uthando olwalumenza azenze yize
wayesefungile ukuthi usehlukene nazo.
UNgidi
Udunyelwa ikhanda ngenxa yemicabango eminingi ayenayo ngemuva kokufika
kukaNontobeko emzini wakhe ezofuna uMhlengi njengokuthi uMhlengi wayenesifiso
sokuthi engamele amafa akhe njengoba aze wamthengela nepulazi. Ucabanga
nangesikhathi indodana yakhe eyodwa vo imtshela ukuthi yona inemizwa yabantu
bobulili obufana nobayo.

Udweshu Lwangaphandle
UXolani.
Sithola uXolani exabana nonkosikazi wakhe uLungile ngoba ebalindisile nezingane,
efike enuka isiqholo sabesifazane futhi ephuzile nokubiza igama likaMahlengi elele.
Uxabana noNdumiso bebanga uMahlengi. Uxabana nonkosikazi wakhe uLungile futhi
ngodaba lokushona kwezingane zabo azishiye zodwa ezikhiyele endlini ngoba eya
kuMahlengi.
UNontobeko.
Wala uNkululeko ngosuku olungaphambi kolomshado emtshela ukuthi ngeke
esakhona ukuqhubeka nomshado, lokho okudala ingxabano phakathi kwabo. Uphinda
futhi axabane nonina ocingweni ngodaba lomshado wakhe noNkululeko.

UNdumiso.
Ekufikeni kwakhe kwaNgidi eyombamba inkunzi umqongqotha ngesidunu sesibhamu
esiphundu, uyabethuka, umyalela ukuba abophe u-anti omsizayo izandla nomlomo.
Ubopha uNgidi izandla ngentambo ugcina ngokudubula uNyambose ambulale.

Ndamane MV 2023
 22

Uxabana noMahlengi ngaso sonke isikhathi seloku kwafika uXolani empilweni

kaMahlengi.
UNgidi.
Uxabana noMhlengi emva kokumtshela ukuthi yena uyinkonkoni. Sibuye simthole
exabana noNomalanga ocingweni ngodaba lukaMhlengi olwenza bengakhoni
ukuchitha isikhathi sabo bendawonye.
UZakithi noNomthi.
Bayalwa bebanga uS'bu emva kokuficana endlini kaSbu.UZakithi wayelethwe
uNdumiso.
Isiphetho Sempendulo (Uvo lomfundi)
Umbhali ukwazile ukusebenzisa udweshu ukukhulisa indaba yakhe. Lokhu
kufakazelwa izehlakalo ezitholakala kule ndaba ezigqanyiswa udweshu
lwangaphakathi kanye nolwangaphandle, nangendlela ezilandelana ngayo.
(Abahlolwayo bangaveze nolunye uvo lwabo, bakhombise ukuthi sebeyayiphetha
impendulo yombuzo).
(Umfundi kulindeleke ukuba abhale amagama aphakathi kwangama-340 kuya
kwangama 390)
___________________________________________________________________
BENGITHI LIZOKUNA – NG Sibiya
Umoya Nengwijikhwebu
Phawula ngempumelelo yombhali ekwethuleni umoya kanye nengwijikhwebu
ubhekise ezingxenyeni ezithile zale noveli ethi: Bengithi Lizokuna.
Impendulo yakho mayibe ubude obuphakathi kwamagama angama-340 kuya
kwangama-390. Ulindeleke ukuba uphendule lo mbuzo njenge-eseyi.

Impendulo mayibhekiswe kulokhu okulandelayo:

 Ukwethula nokuchaza umoya kanye nengwijikhwebu.
 Ukuphendula umbuzo ngokuphawula ngekhono lombhali, ukucaphuna
nokwesekela ngokwencwadi.
 Ukuveza uvo lwakho nempumelelo yombhali ekwethuleni umoya kanye
nengwijikhwebu. [25]

Umoya Nengwijikhwebu

Ndamane MV 2023
 23

Isingeniso
Umoya isimo esethulwa imizwa yabalingiswa mayelana nendlela abaphilisana ngayo,
abenza ngayo izinto kanye nendlela abazibuka ngayo.
Ingwijikhwebu isigameko ebesingasilindele esenzeka ngasesiphethweni sengxenye
ethile yendaba.
Umzimba
Umoya nengwijikhwebu phakathi kukaXolani noLungile.
Kunomoya wokuzwana kanye nokubambisana. Lo moya uyaguquka uma kufika
uMahlengi empilweni kaXolani ayehlangene naye emhlanganweni wosomabhizinisi
abasafufusa.
Isimo sempilo emzini kaXolani umbhali uqala asiveze sisihle ngoba banebhizinisi
lokuthutha impahla. Bahlela ukuth uLungile umkakhe aze ayeke nomsebenzi
babambisane kulo.
Banomuzi eDurban North, eMhlanga. UXolani useqala ukukhohlwa izithembiso
azenze kumkakhe nezingane ngoba esevakashelana noMahlengi. Ubuyela
nasotshwaleni ayengasabuthinti. Lokhu kuguqula umoya wothando obuvunguza
emzini wabo, kuqala ingxabano nosizi. Ubuya ebusuku enuka isiqholo sabesifazane
i-Red Door. Ubuya eshayiwe opha.
Ukhiyela izingane zakhe zodwa endlini eya kuMahlengi uLungile engekho engena
ebusuku emsebenzini. Ziyasha zize ziyashona.
Kukho konke lokhu okwenzeka emzini kaXolani kuvela ingwijikhwebu ngosuku
uXolani ayeshiye ngalo izingane. Emuva kokubona ukuthi izingane zishonile ngenxa
yomlilo wavele wenza ebesingakulindele okuyingwijikhwebu wabuyela kuMahlengi.
Ekufikeni kwakhe ufica isimo abengasilindele okuyingwijikhwebu sokuzwa ukuthi
uMahlengi wazalwa engumuntu wesilisa enguMhlengi. Umoya kaXolani wenjabulo
wokuzwana uyaguquka ugcwale usizi.

Umoya nengwijikhwebu phakathi kukaNgidi, uMhlengi, uNontobeko kanye

noNomalanga
Kunomoya wokuzwana, nowenjabulo owenza uNgidi athengele indodana yakhe
ipulazi. Lo moya uyaguquka uma uMhlengi efika ekhaya etshela uNgidi ukuthi uyi-gay.
Kuba nengxabano phakathi kwabo. Lokhu kudala ingwijikhwebu ngoba besingalindele
ukuba uNgidi angaze amxoshe uMhlengi emzini wakhe, aphinde amesule nasemafeni
akhe phezu kokuba ayenguzinyobulala wakhe.
Ndamane MV 2023
 24

Kunomoya wokuzwana phakathi kukaNgidi noNomalanga kepha ngokufika

kukaNontobeko kwaNgidi ezothungatha uMhlengi lo moya uyaphazamiseka.
Ukufika kukaNontobeko nokucela kwakhe uNgidi ukuba bayothungatha uMhlengi
kuveza ingwijikhwebu ngoba bekungalindelekile ukuthi uzovuma. Ekufikeni kwabo
efulethini likaMhlengi kuvela enye ingwijikhwebu ngoba uNgidi abengalindele ukuthi
uMhlengi akagcinanga ngokuthi uyi-gay waziguqula waba ngumuntu wesifazane
osenguMahlengi. Umoya kaNgidi wenjabulo entsha nethemba ebesenalo kuyaguquka
kugcwale usizi. UNontobeko ubengalindele ukuthi uMhlengi wayeseyintombazane.
Umoya nengwijikhwebu phakathi kukaNontobeko noNkululeko
Kunomoya wenjabulo, bayathandana bahlela umshado. Lo moya uyaguquka uma
uNontobeko efika ekhaya etshela uNkululeko ukuthi yena akasaphumeleli ukushada
ngosuku olwandulela elomshado.

Lokhu kuyawuguqula umoya wothando nenjabulo uNkululeko ayenawo ngothando

lwakhe noNontobeko.
Kukho konke lokhu okwenzeka ngosuku olwandulela elomshado kuvela ingwijikhwebu
ngoba yize uNontobeko wayebikezelile ukuthi kungenzeka ehluleke endleleni kodwa
bekungalindelekile ukuthi angahamba ngosuku olwandulela elomshado. Umoya
kaNkululeko wenjabulo uyaguquka ugcwale usizi ngisho eseduduzwa abakubo ugcina
ngokuzibulala.
Umoya nengwijikhwebu phakathi kukaNdumiso noMahlengi.
Kunomoya wothando nowenjabulo. Lo moya uyaguquka kuba nomoya wosizi
kuNdumiso uma uMahlengi esesanganiswa ukubonana kanye nokuvakashelana
noXolani. UNdumiso uphatheka kabi uze ushaya uXolani ngenxa yokumthathela
uMahlengi. Ekugcineni uhlela ukuyobamba inkunzi eGcilima.
Ingwijikhwebu itholakala lapho silindele ukuba uNdumiso alobole uMahlengi kepha
sekuqhamuka incwadi lapho uMahlengi ala khona uNdumiso. Umoya kaNdumiso
wenjabulo uyaguquka ugcwale usizi. Injabulo yokulobola uMahlengi iyashabalala
kuNdumiso.
Isiphetho sempendulo: (UVO LOHLOLWAYO)
Umbhali uphumelele ukwethula umoya nengwijikhwebu kule noveli esebenzisa
izingxenye ezithile. Lokhu kusizile ukuthi sibone ukuguquguquka komoya

Ndamane MV 2023
 25

nengwijikhwebu okuholele ezigamekweni ebesingazilindele. Kuphinde kwenza ukuthi

incwadi yaba noheho kubafundi bayo.
(Abahlolwayo mabaveze uvo lwabo, bakhombise ukuthi sebeyayiphetha impendulo
yombuzo.)
(Abahlolwayo kulindeleke ukuthi babhale impendulo yombuzo njenge-eseyi.)

BENGITHI LIZOKUNA – NG Sibiya

Umlandi
Ngokubona kwakho ngabe umlandi ukwazile yini ukwethula indaba yakhe kule noveli
ethi: Bengithi Lizokuna? Sekela impendulo yakho ucaphune izibonelo ezinembayo
endabeni. Impendulo yakho mayibe ubude obuphakathi kwamagama angama-340
kuya kwangama-390. Ulindeleke ukuba uphendule lo mbuzo njenge-eseyi.
Impendulo mayibhekiswe kula maphuzu alandelayo:
• Ukuchaza umsebenzi womlandi ekwethuleni indaba.
• Ukuphendula umbuzo ngokucaphuna nokwesekela ngezibonelo ezinembayo.
• Ukuveza uvo lwakho mayelana nokuthi umlandi ukwazile yini ukwethula indaba
yakhe. [25]

Isingeniso
Umlandi umuntu otholakala endabeni olandisa indaba kumfundi. Ubuka indaba
macala onke. Unolwazi oluningi ngendaba futhi uxoxa ngabalingiswa bonke
abasendabeni.
Umsebenzi womlandi ukulandisa okwenzeka endabeni, ukulandisa ngemicabango
yabalingiswa, ukwethula amaqiniso, ukuchaza abalingiswa, ukuchaza indawo,
ukuqondisa kanye nokuxhumanisa indaba. Lokhu kuba nomthelela ekwethuleni
nasekukhuliseni indaba.
Umzimba
• Usilandisa okwenzeka endabeni:
Ukuhlangana kokuqala kukaMahlengi noXolani emhlanganweni wosomabhizinisi
abafufusayo.
• Usilandisa ngemicabango yabalingiswa:
UNdumiso ecabanga ngokweswela kwakhe imali yokulobola uMahlengi.
• Ukwethula amaqiniso:

Ndamane MV 2023
 26

Ukubanjwa kwemihlangano yokuthuthukisa osomabhizinisi abafufusayo. Umhlangano

owawuhanjelwe nguXolani kanye noMahlengi bezama ukuthuthukisa amabhizinisi
abo ngaphambi kweNdebe yoMhlaba.
• Ukuchaza indawo:
Indawo yaseSouth Coast. Indawo enhle, inemifula eminingi engenela olwandle.
Izinindolo zamahlathi, odedangendlale bamasimu kamoba nobhanana aluhlaza cwe.
• Ukuchaza abalingiswa:
UNyambose owayevula evala isango epulazini likaNgidi. Wayeyisigemfunga. Egunde
kahle ekhanda, enamehlo amakhulu nomlomo owawuvuza amathe. Wayegqoka
ibhulukwe elaliboshwa ngothayi.
(Umfundi uyoqhubeka aphawule ngomsebenzi womlandi esebenzisa ulwazi lwakhe
lokuhluza.)

Isiphetho sempendulo (UVO LWAKHO)

Umlandi wale noveli uphumelele ukusethulela indaba yakhe esebenzisa amasu
ehlukahlukene okwenza indaba ibe noheho/nelukuluku ofundayo angayibeki phansi.
(Abahlolwayo mabaveze uvo lwabo, bakhombise ukuthi sebeyayiphetha impendulo
yombuzo. Impendulo mayibhalwe njenge-eseyi.)

BENGITHI LIZOKUNA – NG Sibiya

Umlayezo
Xoxa ngempumelelo yombhali ekudluliseni umyalezo othi: Izinqumo esizithathayo
ngezimpilo zethu zingaba nemiphumela engemihle kwabanye abantu nakithina uqobo
bhekisa kule noveli ethi: Bengithi Lizokuna. Impendulo yakho mayibe ubude
obuphakathi kwamagama angama-340 kuya kwangama-390.
Impendulo mayibhekiswe kulokhu okulandelayo:
• Ukwethula nokuchaza umyalezo.
• Ukuphendula umbuzo ngokuxoxa, ukucaphuna nokwesekela ngokwencwadi.
• Ukuveza uvo lwakho mayelana nempumelelo yombhali ekugqamiseni umyalezo
wenoveli.
ISINGENISO
Umyalezo yilokho umbhali asixwayisa noma aseluleka ngakho enovelini/yisifundo
esitholakala uma sifunda inoveli. Umyalezo uchaza ukuthi umbhali ubehlose
ukusazisani ngokubhala le ndaba. Umyalezo wale noveli umayelana nokuthi izinqumo
Ndamane MV 2023
 27

esizithathayo ngezimpilo zethu zingaba nemiphumela engemihle kwabanye abantu

nakithina uqobo.
UMZIMBA
UMhlengi/UMahlengi
• Unquma ukutshela isithandwa sakhe uNontobeko ukuthi mabahlukane ngaphandle
kokumtshela isizathu. Lesi sinqumo sinomphumela wokuthi UNontobeko adideke,
aphume efulethini ayoziphonsa emgwaqeni, ashayiswe imoto, alimale kakhulu, agcine
eselele esibhedlela.
• Unquma ukutshela uNgidi ukuthi uyinkonkoni, lokhu kunomphumela owenza uNgidi
wathukuthela wahlukumezeka kakhulu emoyeni ngoba wayesebenza kanzima ukuze
aqoqele indodana yakhe ifa. Ugcina ngokumsula efeni amxoshe nasemzini wakhe.
Wadela nokushadelwa okwesibili wagcina esezisola futhi ezigxeka ngokuthi
mhlawumbe akamkhulisanga ngendlela efanele uMhlengi.
UNontobeko:
UNontobeko uthatha isinqumo sokuziphonsa emotweni ihamba okwaba nomphumela
wokuthi alimale kabi angakwazi nokukhuluma futhi walala amasonto amaningi
esibhedlela.
Isinqumo sokuqoma uNkululeko ngemuva kokwaliwa uMhlengi. Lesi sinqumo saba
nomphumela wokubhuntsha komshado wagcina ngokuzikhunga uNkululeko
kwahlukumezeka nomndeni wakhe. Kanjalo nomndeni kaNontobeko watheleka
ngehlazo futhi waphatheka kabi ngoba wayetshele nonina ukuthi uzoluvala ucingo
angabe esatholakala balindele yena abashayele.
UXolani
Isinqumo sokuthandana noMahlengi saba nomphumela wokuthi kuhlukumezeke
uLungile nezingane zakhe ngoba wayezishiye zodwa ebusuku eyobona uMahlengi.
Waphindela otshwaleni, wabuya enuka iziqholo zabesifazane waphupha uMahlengi
waze wamemeza negama. Wagcina eseshelwa umuzi wakhe kushona nezingane
zabo nomshado wakhe kungenzeka ukuthi waphela.
UNgidi
Uthatha isinqumo sokuyocinga indodana yakhe uMhlengi ngaphandle kokwazisa
isithandwa sakhe uNomalanga kanti wayesemqinisekisile uNomalanga ukuthi angeke
esakwenza lokho. Lokhu kwaba nomphumela wokuhlukumezeka kakhulu
kuNomalanga waze wathatha nesinqumo sokumbhalela incwadi yokumala uNgidi.
Kwamphatha kabuhlungu uNgidi ukuthola ukuthi uMhlengi wayeseziguqule ubulili
Ndamane MV 2023
 28

esengumuntu wesifazane nanokuthi amathemba akhe okuthi uNontobeko wayezoba

umakoti wakwakhe ayeseshabalele.
(Abafundi bangasebenzisa nabanye abalingiswa namaphuzu ukuphendula umbuzo.)

ISIPHETHO (UVO LOHLOLWAYO)

Umbhali uphumelele ukwedlulisa umyalezo othi izinqumo esizithathayo ngezimpilo
zethu zingaba nemiphumela engemihle kwabanye abantu nakithina uqobo.
(Ohlolwayo makabeke uvo lwakhe, bakhombise ukuthi useyayiphetha impendulo
yombuzo.) [25]

BENGITHI LIZOKUNA – NG Sibiya

Ukulandelana kwezigameko
Hlaziya ngokuhlolisisa ikhono lombhali lokwethula ukulandelana kwezigameko kule
noveli ethi: Bengithi Lizokuna.
Impendulo yakho mayibe ubude obuphakathi kwamagama angama-340 kuya
kwangama-390.
Impendulo mayibhekiswe kulokhu okulandelayo:
• Ukwethula nokuchaza ikhono lombhali lokwethula ukulandelana kwezigameko.
• Ukuphendula umbuzo ngokuphawula nokuhlolisisa, ukucaphuna nokwesekela
ngokwencwadi.
• Ukuveza uvo lwakho mayelana nokulandelana kwezigameko endabeni.
(Impendulo mayihlelwe njenge-eseyi, hhayi ngokwamaphuzu.) [25]

Ukulandelana kwezigameko
ISINGENISO
Ngokulandelana kwezigameko kuqondwe ukuhleleka kwazo ngendlela
enokuxhumana kusukela indaba iqala kuze kube sekupheleni kwayo.
Umbhali usebenzise amakhono ahlukene ukwethula izigameko zendaba
ngokulandelana. Nanka amanye amakhono awasebenzisile: ukujeqeza emuva,
ukubikezela, inkulumo-mpendulwano, udweshu, ulwazi lwaphambilini kanye
nokulandisa. Ukusetshenziswa kwala makhono ngumbhali kuholela ekuthini ilukuluku
lokufunda indaba lihlale liphezulu.
UMZIMBA

Ndamane MV 2023
 29

Le ndaba ingenisa ngesigameko lapho uMahlengi ebonana noXolani emhlanganweni

wosomabhizinisi. UXolani uyathatheka ngoMahlengi. Umbhali usebenzise ikhono
lolwazi lwangaphambilini ukuvusa ilukuluku kubafundi ngokunikeza imininingwane
emayelana nempilo kaMahlengi, okubandakanya ukushintsha kwakhe ubulili, okuyinto
uXolani angenalo ulwazi ngayo.
ULungile, unkosikazi kaXolani uba nokusola ukuthi umyeni wakhe useqonyiwe. Lesi
sigameko umbhali usethula ngokusebenzisa inkulumo-mpendulwano ehambisana
nodweshu lwangaphandle, lapho kuba nokuhilizisana ngamazwi phakathi kwakhe
noXolani bebanga ukuthi ukhohliwe ukuzomlanda baye emcimbini. Emva kwalokho
ubuya esenuka utshwala nesiqholo sabesifazane, esebonga nokudla.

Uyaqhubeka nokusethulela izigameko zendaba ngokulandelana kwazo. Usebenzisa

ikhono lokujeqeza emuva ukusethulela isigameko lapho uNgidi ekhumbula usuku
atshelwa ngalo uMhlengi ukuthi uthanda abantu bobulili obufana nobakhe. Uphinde
futhi alisebenzise leli khono ukusethulela isigameko sokuhlangana kukaNkululeko
noNontobeko okokuqala ngqa njengoba kuzokuba nomshado ngosuku olulandelayo.

Umbhali usebenzisa ikhono lokubikezela ukusethulela isigameko lapho uNontobeko

ala khona uNkululeko ngosuku olwandulela olomshado. Lokhu kuvela enkulumweni
yabo ngenkathi uNontobeko emkhumbuza uNkululeko ukuthi wayevele ekushilo
ukuthi angamvimbi uma kwenzeka ehluleka endleleni othandweni lwabo.

Umbhali usethulela isigameko sengxabano phakathi kukaNdumiso noMahlengi ngoba

emsola ukuthi kungenzeka ukuthi kukhona umuntu asethandana naye. Lokhu
ukwenza ngokusebenzisa inkulumo-mpendulwano phakathi kwalaba balingiswa.

Umbhali usebenzisa ikhono lokulandisa ukusethulela isigameko lapho uNontobeko

edabula khona ubusuku, ehamba yedwa elibhekise eGcilima eyofuna uMhlengi.

Ubuye asebenzise isu lokubambezela/ lokuphambuka lapho umbhali exoxa

ngendaba engahlangene nendaba kodwa ibe iyikhulisa indaba, isibonelo: isigameko
sikaSbu nezintombi zakhe eziningi, okwagcina enye yazo ibe yimbangela
yokuboshwa kukaNdumiso.

Ndamane MV 2023
 30

UNdumiso uhlela ukuyobamba inkunzi eGcilima ukuze athole imali yokulobola

uMahlengi. Lesi sigameko umbhali usethulela sona ngokusebenzisa ikhono
lokulandisa kanye nenkulumo-mpendulwano, lapho uNdumiso ezama ukuthola
imininingwane mayelana nalo Ngidi okuthiwa unemali eningi ayigcine endlini yakhe.
Uyaqhubeka futhi usebenzisa leli khono ukusilandisa okwenzeka emzini kaNgidi
ngesikhathi kufike uNontobeko, behlela ukuyofuna uMhlengi.

UNdumiso ushaya uXolani, uyamlimaza ngesikhathi behlangana emgwaqweni lapho

ethi uvakashela uMahlengi. Lesi sigameko naso futhi usethula ngokusebenzisa ikhono
lokulandisa kanye nenkulumo-mpendulwano.
UNdumiso ubamba uNgidi inkunzi, kugcina kufe uNyambose owayengaphilile kahle
ekhanda. Uma ebuyela eThekwini ufica incwadi ngaphansi kwesicabha lapho aliwa
khona nguMahlengi. Khona lapho futhi uNdumiso uyaboshwa mayelana necala
lokubamba inkunzi nokubulala umuntu. Lezi zigameko zisakhombisa ikhono lombhali
lokwethula indaba.
UXolani uvalela izingane endlini, uyahamba uya efulethini likaMahlengi. Emzini wakhe
kusala kusha indlu nezingane zingaphakathi.

UNgidi, uNontobeko noNomalanga baya efulethini likaMhlengi eThekwini ngosizo

lomseshi ozimele uShezi. Lapha umbhali usebenzise ikhono lokufihlelana
kwabalingiswa ulwazi ngoba uShezi wayesenalo lonke iqiniso ngesimo sikaMhlengi
kodwa wanquma ukungabatsheli oNgidi nalaba ahamba nabo. Kanjalo futhi noNgidi
wamfihlela uNontobeko ngolwazi ayenalo ngoMhlengi ngoba wayenethemba lokuthi
kwakungenzeka ukuthi uMhlengi wabuye wayiyeka indaba yokuthanda abantu bobulili
obufana nobakhe.
Ekugcineni umbhali usebenzisa ikhono lenkulumo-mpendulwano ukuphetha indaba
yakhe ngovuthondaba. UNontobeko, uNgidi kanye noNomalanga bayamthola
uMhlengi. Bayethuka uma uMahlengi equleka, kuthi lapho evuka khona avume ukuthi
unguMhlengi indodana kaNgidi. UXolani naye ngokunjalo uyamangala ukuthi emveni
kokuthatheka okungaka ngesiphalaphala esinguMahlengi, eze efelwa nayizingane
zakhe kanti lo Mahlengi wayengumuntu wesilisa owaziguqula ubulili.
ISIPHETHO (UVO LOHLOLWAYO)
Uma sibheka lezi zigameko ezingenhla, kuyacaca ukuthi umbhali uphumelele
ekusebenziseni amakhono ahlukahlukene ukulandelanisa izigameko zale ndaba.
Ndamane MV 2023
 31

BENGITHI LIZOKUNA – NG Sibiya

Ukuvezwa kwabalingiswa ngobunjalo babo
Umbhali wenoveli uyaye aveze abalingiswa bakhe ngobunjalo babo esebenzisa
amasu ahlukene.
Phawula ngalesi sitatimende esingenhla ubhekise impendulo yakho kulaba balingiswa
abalandelayo: uNgidi, uMhlengi, uNontbeko kanye noNkululeko.
Impendulo yakho mayibe yi-eseyi ehleleke kahle ngokwezigaba ze-eseyi ibe
namagama angama-340 kuya kwangama-390.
Isingeniso
Ukuvezwa kwabalingiswa ngobunjalo babo umbhali angabaveza ngezenzo zabo,
ukuchazwa kwabo, indlela abagqoka ngayo kanye nangokukhuluma kwabo.

Umzimba
uNontobeko
Uvezwa ngendlela akhuluma ngayo, izenzo zakhe kanye nokuchazwa.
Unothando-Uthanda isoka lakho okungumhlengi akenelisekile noma esethole
umuntu omthanda ngokweqinisookungunkululeko uyahamba uyofuna uMhlengi kubo
eGcilima yize amala.
Oneqiniso- Akamfihlelanga uNkululeko ukuthi inhliziyo yakhe isanamathele
kuMhlengi ngenkathi ecela ukuba bathandane wamtshela ukuthi angahle ashintshe
umqondo emva kwesikhathi
uNgidi
Uvezwa ngendlela akakhuluma ngayo, izenzo zakhe kanye nokuchazwa.
Onothando-Unothando lwendodaana yakhe uMhlengi uze ayabele namafa namafa
akhe.
Onolaka – Uxosha Umhlengi lapho emtshela ukuthi uyi-gay.
Onozwelo-Ukufika kukaNontobeko kwenza wamzwela waba nothemba lokuthi hleze
amthole uMhlengi abuyelane noNontoeko.
Onezimfihlo- Akakwazwanga ukutshela uNontobeko iqiniso lokuthi kungani uMhlengi
engamazi ukuthi washonaphi nokuthi kungani uMhlengi amala uNontobeko.
UNkululeko
Uvezwa ngendlela akhulma ngayo, izenzo zakhe kanye nokuchazwa.
Oneqiniso nobuntu- Ukwazile ukum aphuthumise uNontobeko esibhedlela emva
kokumshayisa ngemoto.
Ndamane MV 2023
 32

Onothando-Uthe emva kokuqonywa uNontobeko wala onke amantombazane ekade

ethandana nawo wase ethumela abakhongi ukuze bashade.
Othathela izinto phezulu-Akaziniki isikhathi esanele sokwazana Nonontobeko
uphuthuma ukumlobole esathandane naye isikhashana.
UMhlengi/uMahlengi
Uvezwa ngendlela akhuluma ngayo, izenzo zakhe kanye nokuchazwa
Ozithandayo – Uyazicwala uthanda ukuzibuka uma egqoka.
Oyiqili- Uma eseKapa wakwazi ukuthola ipasi elisha ngendlela enobuqili elase
libhalwe ukuthi unguMahlengi Ngidi.
Onesibindi-Uqonda uNontobeko umtshela ukuthi abehlukane yize azi ukuthi
uNntobeko umthanda kakhulu aqhubeke atshele uyise ukuthi ‘I ama gay’.
Isiphetho
Umbhali ukwazile ukusebenzisa amasu ahlukene okuyizenzo zabalingiswa,
ukuchazwa kwabo, indlela abagqoka ngayo kanye nokukhuluma kwabo ukuveza
abalingiswa ngobunjalo. [25]

___________________________________________________________________

Ndamane MV 2023
 33

Izibonelo Zemibuzo Emide Yomdlalo:

UBHUKU LWAMANQE- EJ MHLANGA
ISAKHIWO
Phawula ngokuhlolisisa impumelelo yombhali ekubumbeni isakhiwo somdlalo othi,
Ubhuku Lwamanqe.
Impendulo yakho mayibe ubude obuphakathi kwamagama angama-340 kuya
kwangama-390. Ulindeleke ukuba uphendule lo mbuzo njenge-eseyi.
Impendulo mayibhekiswe kula maphuzu alandelayo:
Ukuchaza isakhiwo somdlalo.
Ukuphendula umbuzo ngokuphawula ngempumelelo yombhali ekuvezeni isakhiwo
somdlalo ngokucaphuna nokwesekela ngokwencwadi.
Ukuveza uvo lwakho ngempumelelo yombhali ekwethuleni isakhiwo kulo mdlalo.

Isingeniso:
Isakhiwo sinesethulo lapho sethulelwa khona ummeleli, isissa sodweshu kane
nesizinda. Ukubhebhetheka kodweshu yindlela indaba ekhula ngayo kususelwa
enkingeni evezwe ekuqaleni sethulelwa nabalingiswa abasha. Isixakaxaka yilapho
ummelele eba nezinkinga eziningi ezimdida ikhanda ebezingekho indaba iqala.
Esikhundleni sokuthi ummeleli abhekane nenkinga eyodwa uvele axakwe izinkinga
nxa zonke. Uvuthondaba yilapho indaba isuke isisesicongweni. Lapha kusuke
sekwenzeka isehlakalo sokugcina noma esikhulu kummeleli sekumele kube
nesixazululo. Isiphetho yilapha kusekupheleni kwendaba. Isigameko sokugcina
esibuyisela izinto esimweni esijwayelekile njengoba sasinjalo ngaphambi kwesisusa
sodweshu. Abanye abalingiswa bayaxolelana, bayazisola noma bayabuyisana.
Umzimba:
Isethulo
Umdlalo othi, 'Ubhuku Lwamanqe' ungenisa ngokusivezela ummeleli noma umdlali
oqavile onguPhindisiwe ongumshadikazi kwaMathonsi futhi osebenza ebhange
iForum. UPhindisiwe Mathonsi ungummeleli ngoba umdlalo ugxile kuyena.
UPhindisiwe uvezwa enenkinga abhekene nayo. Insizwa ebizwa ngelikaNkululeko
eyayisinqandamathe sakhe noma ishende lakhe phambilini isifuna ukuba babuyelane
bathandane. Okuyisisusa sodweshu imfihlo phakathi kukaPhindisiwe noNkululeko.
Kuningi abakwenza ngasese kodwa uNkululeko asefuna ukukudalula. UPhindisiwe
noNkululeko benza ubugebengu kwashayiseka ingane thizeni ngemoto yashona.
Ndamane MV 2023
 34

UNkululeko uyena owathwala icala, waboshwa. Wadonsa iminyaka emithathu.

Walahlekelwa nangumsebenzi. Nanamhlanje akukatholakali ukuthi uPhindisiwe
owangumshayeli waleyo moto. UNkululeko ufuna ingane yakhe kuPhindisiwe,
eyanikezwa uThamsanqa owayeseshade noPhindisiwe.Lo mdlalo wenzeni endaweni
yasedolobheni.

Ukubhebhetheka kodweshu
Udweshu luyabhebhetheka ngenkathi uNkululeko eya kwaMathonsi kubazali
bakaThamsanqa eyofuna izingane zakhe kanye nomkakhe owayesiswe
kwaMathonsi. OKaMhlongo noMathonsi bebengazi ukuthi uPhindisiwe ubenezingane
azithola phambilini.
Isixakaxaka
UNkululeko ushaya ucingo ngesifiso sokuthi lophendulwa uPhindisiwe. Kuphendula
uThamsanqa. UNkululeko akakhulumi, uyanxapha kuphela. UPhindisiwe uphendula
ucingo. Bayakhuluma nalo muntu oshaya ucingo. Besaxoxa oPhindisiwe noNkululeko
ngeniyani uThamsanqa, abindeke uPhindisiwe kwazise ubesathi ubiza uNkululeko
ngegama kodwa wangaliphimisa lonke wathi: 'Ufunani Nku …'
Kuxatshwane, uyalwa manje uThamsanqa ufuna uPhindisiwe aqedele igama lomuntu
obekade kukhulunywa naye. Alisho uPhindisiwe kodwa aqambe amanga
ngobudlelwane phakathi kwakhe nobeshaya ucingo.
UMaMhlongo ushaya ucingo ulubhekisa kuThamsanqa ufuna ukumazisa ngokuvasha
kukaNkululeko. Ngokungazi uPhindisiwe uyaphendula. Akalindi nokuzwa ukuthi
ukhuluma nobani. Ubiza uninazala ngesikhohlakali. Kubaxake oMathonsi
noMaMhlongo lokho.
UNkululeko unikela kwaMathonsi kubo kwaThamsanqa uphethe incwadi yomshado
phakathi kwakhe noPhindisiwe kanye nesithombe esisikwe ephephandabeni, 'Ifa
Lamehlo' okuyisithombe sabo somshado benoPhindisiwe.
Uvuthondaba
UPhindiswe kanye nezigilamkhuba ezingabangani bakaNkululeko noNkululeko
banikela ebhange ngemuva kokuthatha okhiye ngendluzula kuSarah. oNkululeko
bayayintshontsha imali. Ikhamera iqopha konke. Iqopha noPhindisiwe eba imali
abengayifakanga yonke emshinini we-ATM. Bagcina ngokuboshwa.

Ndamane MV 2023
 35

Isiphetho
Umdlalo uphetha ngepholavuthondaba bayagwetshwa oPhindisiwe noNkululeko.
UPhindisiwe ubhala incwadi uyaxolisa kuThamsanqa. UThamsanqa uyayifunda
kunqundeka amehlo, ugcina ngokuyibeka esifubeni sakhe. UThamsanqa ujeqeza
emuva ekhumbula amazwi amnandi abawasho ngenkathi beshada: 'Ebumnandini
nasebunzimeni, ebuhleni nasebubini size sihlukaniswe ukufa …'
ISIPHETHO (UVO LOHLOLWAYO)
Umbhali uphumelele kahle ukubumba isakhiwo salo mdlalo. Amazinga esakhiwo
anikezelana kahle ukusuka esingenisweni kuze kufinyelele esiphethweni. Inkinga
uPhindisiwe abebhekene nayo esingenisweni iyaxazululeka esiphethweni.
(Ohlolwayo mababeke uvo lwabo, akhombise ukuthi useyayiphetha impendulo
yombuzo.) [25]

Indikimba
Hlolisisa impumelelo yombhali ekwethuleni indikimba kulo mdlalo othi: Ubhuku
Lwamanqe.
Impendulo yakho mayibe ubude obuphakathi kwamagama angama-340 kuya
kwangama-390. Ulindeleke ukuba uphendule lo mbuzo njenge-eseyi.
Impendulo mayibhekiswe kula maphuzu alandelayo:
• Ukuchaza indikimba.
• Ukuphendula umbuzo ngokuphawula ngempumelelo yombhali ekuvezeni indikimba
ngokucaphuna nokwesekela ngokwencwadi.
• Ukuveza uvo lwakho ngempumelelo yombhali ekwethuleni indikimba kulo
mdlalo. [25]

ISINGENISO
Indikimba ingachazwa ngokuthi ingumongo wendaba yonke. Iphendula ukuthi umdlalo
ukhuluma ngani. Ingaba igama elilodwa noma umusho owodwa. Lokhu kufakazelwa
indikimba esinikezwe yona emayelana nobugebengu obuhleliwe/uthando lwemali.
Ohlolwayo angasebenzisa la maphuzu alandelayo ayizibonelo mayelana nendikimba
yalo mdlalo:
UMZIMBA:
• UNkululeko uphuma ejele ushayela uPhindisiwe ucingo ufuna ingane yakhe
• UNkululeko usejele nje uthwele icala angalazi lokushayisa ingane wavalwa
nguPhindisiwe ngemali.
• UPhindisiwe banengane noNkululeko kodwa useshade noThamsanqa.

Ndamane MV 2023
 36

UPhindisiwe ugqokisa uThamsanqa ijazi mayelana nale ngane enguZiphozonke.

• UNkululeko uya kwaMathonsi uyodalula imfihlo yokuthi uZiphozonke ingane
yakhe, wabashiya bekhungathekile futhi wabasongela.
• UNkululeko uphindela kwaMathonsi esephethe incwadi yomshado kanye
nesithombe somshado. Udalula nokuthi uPhindisiwe unezinye izingane
uNokwethemba noThembelani azishiye ekhaya.
• UNkululeko ushayela uThamsanqa ucingo ufuna ingane yakhe uZiphozonke.
Uyangabaza ukuthi ngabe lo muntu ochwensayo uqinisile ukuthi ingane akuyona
eyakhe.
• UThamsanqa akabatshelanga abazali bakhe okunguMathonsi noMaMhlongo
ukuthi wathola udaba lokuthi uPhindisiwe unezinye izingane.
• UMaKhangela akabatshelanga abalingani bakhe ukuthi uPhindisiwe unezingane.
• UNkululeko noKholekile bahlela ubugebengu bokuyobamba inkunzi ebhange.
• UMaqoma uhlasela uSarah efuna isikhiye sasebhange emkhombe ngesibhamu.
• UPhindisiwe ulekelela uNkululeko ngokungena ebhange ukuyontshontsha imali.
• UNkululeko noPhindisiwe babanjwa ngamaphoyisa ebhange.
• UNkululeko, uMaqoma, uKhabalethu, uSikela noPhindisiwe bathola izigwebo
ezahlukene ngokuya ngobugebengu ababenzayo.
(Ohlolwayo makaveze amanye amaphuzu kulo mdlalo kuze kufike lapho ubugebengu
buvela khona baze bajeze)
ISIPHETHO SEMPENDULO (UVO LOHLOLWAYO)
Umbhali ukwazile ukusebenzisa ukusethulela indikimba yakhe ehambisana
nezehlakalo (izenzeko) kulo mdlalo. Okwenza indaba ibe noheho/nelukuluku
ofundayo
angayibeki phansi engakayiqedi.
Ohlolwayo:
• uyoqhubeka aphawule ngendikimba esebenzisa ulwazi lwakhe lokuhluza.
• ohlolwayo makaveze uvo lwakhe, akhombise ukuthi useyeyayiphetha
impendulo yombuzo.
• ohlolwayo kulindeleke ukuthi abhale impendulo yombuzo njenge-eseyi.
Ukuvezwa Kommeleli
Phawula ngokuvezwa komlingiswa ongummeleli emdlaweni othi, Ubhuku lwamanqe.
Impendulo yakho mayibe ubude obuphakathi kwamagama angama–340 kuya
kwangama-390.

Ndamane MV 2023
 37

• Ukwethula nokuchaza ummeleli.

• Ukuphendula umbuzo ngokuphawula nokwesekela ngokwencwadi.
• Ukuveza uvo lwakho wena ohlolwayo mayelana nokuvezwa komdlali ongummeleli
kulo mdlalo.
(Impendulo mayihlelwe njenge-eseyi, hhayi ngokwamaphuzu.) [25]
Isingeniso
Ummeleli ngumlingiswa oyiqhawe. Indaba yonke incike kuye. Yize engekho kwezinye
izehlakalo kodwa ziyamthinta ngandlela thize. Indaba yonke imayelana naye.
Ubhekana nenkinga ethile ashikashikeke ezama ukuyixazulula. Kuyenzeka
aphumelele noma ehluleke.
UMZIMBA
Umlingiswa ongummeleli kulo mdlalo uPhindisiwe.
Kungasetshenziswa lawa maphuzu ukuphendula umbuzo:
Akanasimilo
• Usukele uNkululeko ehlezi nabangane bakhe wazishelela yena.
• Uthandana noNkululeko ngoba umyeni wakhe onguThamsanqa esahambe
ngomsebenzi.
• Ugcina ethola ingane eyivezandlebe enguZiphozonke.
Unezimfihlo
• Ushayelwa nguNkululeko ucingo kepha uyenqaba ukutshela uMyeni wakhe
onguThamsanqa ukuthi Isoka lakhe lakudala lifuna bahlele ubugebengu yize
esemncenga, uyafunga uyagomela ukuthi ngeke amtshela ngoNkululeko uyoze
angene egodini.
• Akamtsheli uThamsanqa ukuthi ingane yabo enguZiphozonke akusiyo eyakhe
wayitholiswa nguNkululeko.
• Akabatsheli abakwaMathonsi lapho endele khona ukuthi wayenezingane ezimbili
azithola ngaphambi kokuba ashade noThamsanqa.
• Akamtsheli umyeni wakhe uThamsanqa ukuthi uNkululeko wenza itulo lokuba
abulawe ukuze kuzotholakala ifa lakhe.
Uyisigebengu
• Ushayisa ingane ngemoto qede uthenga uNkululeko ngemali ukuba amdonsele ejele
ngecala elenziwe nguyena.
• Unquma ukuvumelana noNkululeko ukuthi kubulawe uThamsanqa ukuze bathole
imali yomshwalense, imali esebhange kanye nokuthola indlu yakhe.
• Utshontsha imali emsebenzini esesisefeni.
Ndamane MV 2023
 38

Uthanda imali
• Uthandana noNkululeko ukuze amthengele izingubo nokudla yize esebenza.
• Uvuma ukuhambisana necebo likaNkululeko lokuyogqekeza ebhange kanye
nokubulala uThamsanqa ukuze naye ahlomule.
ISIPHETHO (Uvo lomfundi)
UPhindisiwe uvezwe njengomlingiswa owummeleli, oyindilinga futhi okholekayo kulo
mdlalo. Izimo abhekane nazo kulo mdlalo zimenze waguquguquka. Wayeba yikholwa
eliphelele uma ehamba noThamsanqa beya ezinkonzweni zabantu abashadile.
Wayebuye azibandakanye ebugebengwini obuhlelwa nguNkululeko ayethandana
naye ebe eshadile.
(Namanye amaphuzu ayovezwa ngabahlolwayo amayelana nokuvezwa komlingiswa
ongummeleli).
(Abahlolwayo mababeke uvo lwabo, bakhombise ukuthi sebeyayiphetha impendulo
yabo. Nezinye izindlela zokuvezwa kwabalingiswa zizokwamukelwa.) [25]
ISIZINDA
Xoxa ngempumelelo yombhali ekwethuleni isizinda salo mdlalo othi: Ubhuku
Lwamanqe.
Impendulo yakho mayibe ubude obuphakathi kwamagama angama–340 kuya
kwangama-390.
Impendulo mayibhekiswe kulokhu okulandelayo:
• Ukuchaza isizinda somdlalo.
• Ukuphendula umbuzo ngophawula ngokwesekela ngokwencwadi.
• Ukuveza uvo lwakho mayelana nempumelelo yombhali ekwethuleni isizinda.
(Impendulo mayihlelwe njenge-eseyi, hhayi ngokwamaphuzu.) [25]
Isingeniso
Ohlolwayo angasebenzisa la maphuzu alandelayo amayelana nesizinda salo mdlalo.
Isizinda sehlukaniswe izingxenye ezintathu kanje:
Indawo: Lapha kubhekwa ukuthi indaba yenzeka kuyiphi indawo, okungaba indawo
yasemakhaya noma emadolobheni.
Inkathi: Lapha kubhekwa ukuthi indaba yenzeka ngayiphi inkathi, okungaba inkathi
yamanje noma yakudala.
Isimo senhlalo: Lapha kubhekwa indlela abantu abaphila ngayo, indlela
abahlalisana ngayo nokuthi isisusa sodweshu asinawo yini umthelela ekuhlalisaneni
kwabo.
Ndamane MV 2023
 39

Umzimba
Indawo:
Indaba yalo mdlalo yenzeka ezindaweni ezahlukahlukene. Le ndaba yenzeka
endaweni yasedolobheni eGoli.
Ibhange iForum:
o Ilapho kusebenza khona uPhindisiwe.
o UNkululeko nabangani bakhe oMaqoma noSikela babamba inkunzi ebhange
ngokusizwa uPhindisiwe.
Emzini kaMathonsi:
o UNkululeko ufika kwaMathonsi uyofuna unkosikazi wakhe uPhindisiwe nengane
yakhe uZiphozonke.
o UNkululeko ubuyela emzini kaMathonsi nobufakazi bokuthi yena uganwe
nguPhindisiwe ngokusemthethweni ngokuba abakhombise incwadi yomshado kanye
nesithombe zomshado.
o UThamsanqa ufika kubo ukuzolalela insambatheka ayitshelwa ngoMathonsi yokuthi
kunomlisa ogama lakhe kunguNkululeko Gubhela ozofuna uZiphozonke.
EPhumula Section:
o UThamsanqa uxabana noPhindisiwe babanga ukuthi ngubani obeshaye ucingo futhi
yini le angafuni ukumtshela khona.
o UPhindisiwe uphendula kabi uMaMhlongo ngoba ecabanga ukuthi uNkululeko.
Ehhovisi likaThamsanqa:
o UThamsanqa uxoxa nomngane wakhe uNkumbulo umtshela ngezinkinga abhekene
nazo.
KwaZibuseni enkantolo:
o ONkululeko bayagwetshwa ngamacala okuthumba uSarah, ukuntshontsha imali
yasebhange, ukwenza isitifiketi somshado somgunyathi.
o UPhindisiwe uyagwetshwa ngokuntshontsha imali yasebhange.
Inkathi/Isikhathi:
Le ndaba yenzeka enkathini yamanje lapho sekwande khona izenzo zobugebengu.
o UNkululeko wenza isitifiketi nesithombe somshado somgunyathi.
o UNkululeko uvezela oMathonsi isibhamu.
oUNkululeko utshela uPhindisiwe ukuthi inkulumo yabo uyiqophe
kumakhalekhukhwini.
o UMathonsi noNkululeko bakholwa emasontweni angefani.
Ndamane MV 2023
 40

o UThamsanqa unommeli ambikela izinto.

o Kuqulwa icala likaNkululeko, uMaqoma, uSikela kanye noPhindisiwe mayelana
nokuqola ibhange.
Isimo senhlalo/sezinto:
Isimo senhlalo kulo mdlalo siyaguquguquka siyashuba/sibasihle. Kukhona
oNkululeko abaziphilisa ngobugebengu kanye nomndeni wakwaMathonsi ophila
ngokubambisana.
o UNkululeko uxabana noPhindisiwe ufuna babuyelane, ufuna noZiphozonke
njengoba ephuma ejele.
o UPhindisiwe ufihlela uThamsanqa ukuthi uZiphozonke ingane kaNkululeko.
o UThamsanqa nomndeni wakhe bangabantu abaya esontweni njalo ngoLwesithathu
ukwethamela izinkonzo zabashadikazi.
o Umndeni wakwaMathonsi ukhathazekile ngenxa yodaba olufike noNkululeko
okwenza bangakwazi ukulala, banqume ukushayela uThamsanqa ucingo ukuze
bezomazisa ngalolu daba.
o UPhilisiwe uyalutheka ugcina efuna ukubulala uThamsanqa ukuze athole imali
yomshwalense namanye amafa.
(Amukelekile namanye amaphuzu asekela isizinda.)
Isiphetho (uvo lohlolwayo)
Umbhali uphumelele kahle ukwethula isizinda salo mdlalo. Indawo, inkathi kanye
nesimo senhlalo kuyakholeka futhi kuyahambelana nenkathi yamanje nendawo
yaseGoli. Lapho ubugebengu bandile bubandakanya nabantu besifazane.
(Ohlolwayo makabeke uvo lwakhe, akhombise ukuthi useyayiphetha impendulo
yombuzo.)
(Namanye amaphuzu asekela impendulo ayokwamukeleka) [25]
Udweshu
Xoxa ngempumelelo yombhali ekubhebhethekiseni udweshu kuze kuyofika
kuvuthondaba kulo mdlalo othi, Ubhuku Lwamanqe.
Udweshu
Isingeniso
Udweshu lwehlukene kabili. Kukhona udweshu lwangaphakathi kanye nodweshu
lwangaphandle. Udweshu lwangaphakathi luwukungqubuzana kwemicabango
okudalwa okuthile umlingiswa asuke ecabanga ngakho, ngesinye isikhathi aze agcine

Ndamane MV 2023
 41

ekuphimisele. Udweshu lwangaphandle luwukungqubuzana kwemibono yabalingiswa

okungaholela ekutheni bagcine sebexabana.
Udweshu lwangaphakathi
 UPhindisiwe ucababanga ukuthi kungcono angamtsheli uThamsanqa
ngoNkululeko njengoba elokhu emshayela ucingo.
 UThamsanqa ucabanga indlela uPhindisiwe ayiyona ngemuva kokukhuluma
ocingweni nokushintsha kukaPhindisiwe ngesikhashana abike useyagula.
Lesi senzo sikaPhindisiwe simshiya nezinsolo eziningi uThamsanqa
 UThamsanqa ucabanga okushiwo uNkululeko ocingweni ukuthi unindwe
ngebhotela, uZiphozonke akusiyona ingane yakhe. Ugcina enquma ukuthi
kufanele aluphenyisise lolu daba lukaZiphozonkje.
 UMamhlongo uthukuthele ucabanga ngemfihlo ayizwe ikhulunywa
nguPhindisiwe emayelana nemfihlo athe wavumelana nomuntu thizeni ukuthi
angeke idaluwe. Uyazibuza uyaziphendula ukuthi iyini le mfihlo abakhuluma
ngayo.
 UPhindisiwe usebhange ngemuva kokushiywa nguNkululeko embophe
izandla kade begqekeza ebhanga, ucabanga ngemali esele ngenkathi ayifaka
ku-ATM. Ucabanga ukuyithatha ngenxa yokuxinwa yizikweletu, agcine
ayithathile.
Udweshu lwangaphandle
 UPhindisiwe uxabana noNkululeko njengoba usebuyile ejele ufuna
babuyelane, ufuna nengane yakhe futhi ufuna imali azoziphilisa ngayo phezu
kokuba uPhindisiwe amgqiba ngezinkulungwane ezingamakhulukhulu zemali.
 UNkululeko uxabana noMathonsi noMaMhlongo ngoba eze emzini
wakwaMathonsi ezobatshela ukuthi bambuyisele izingane zakhe ezasiwa
kwaMathonsi ngenkathi yena esaboshiwe.
 UNkululeko ubasongela ngokuthi uma uThamsanqa engayibuyisi indodana
yakhe nonkosikazi wakhe uzobadubula.
 UNkululeko ushayela uThamsanqa ucingo umtshela uzozikhokha izinkomo
zakhe zelobolo ngokuhlala nenkosikazi yakhe aseyenze eyakhe, umtshela
nokuthi useyayifuna ingane yakhe akade emgcinele yona ngenkathi engekho.
 UNkululeko uphinde uxabane noThamsanqa kwaMathonsi, uze ubiza
UPhindisiwe ngomkhuhlane womfazi. UThamsanqa kuyamthukuthelisa loku,
uNkululeko umthembisa ukumdubula.
Isiphetho

Umbhali uphumelele ukubhebhethekisa udweshu luze lufike esicongweni

sendaba/kuvuthondaba kulo mdlalo. Lokho kuboniswa yizenzo zabalingiswa
ezikhulise udweshu kulo mdlalo nokwenze mdlalo waba noheho.

(Ohlolwayo angabeka ulwakho uvo olumayelana nodweshu)

Impendulo mayihlelwe njenge-eseyi [25]

Ndamane MV 2023
 42

IZINKONDLO-UJU LWEZINKONDLO-NA MAHAYE & ZE. SITHOLE

Azihluzwanga zonke izinkondlo ezimiselwe ukufundwa ebangeni le-12 kuleli bhukwana.
Kwenziwe izibonelo nje ngezimbalwa. Ziyi-12 sezizonke izinkondlo ezimiselwe ukufundwa
kuleli banga. Qinisekisa ukuthi uzifunda zonke.
Ukuhluza Izinkondlo- Uju Lwezinkondlo
1.Izingxabo Zomyezane-EJ Mhlanga
Uhlobo lwenkondlo – Ilirikhi
Isakhiwo Sangaphakathi
Indikimba
Indikimba ingqikithi noma ngumongo wendaba yonke. Indikimba iphendula umbuzo wokuthi
inkondlo ikhuluma ngani.
Indikimba ingaba igama elilodwa noma ibinzana lamagama. Indikimba yale nkondlo
imayelana imfundo.
Umqondo wenkondlo
Imbongi ikhuluma ngezifiso enazo zokuphuza emthonjeni oyimfundo. Ifisa ukufunda ize
igogode. Imbongi iveza ukuthi ulwazi lwemfundo ezoluthola alusoze lwaqhathaniswa
nalutho. Ulwazi lwemfundo luhlala luqhakazile ubusika nehlobo. Imbongi ibala izingxenye
ezigqamisa imfundo. Imbongi iphetha ngokuveza imiphumela emihle yemfundo eyizuzile
lapho isigiya iqephuze ngosiba lwasesikhungweni semfundo ephakeme.
Umoya wenkondlo
Umoya wale nkondlo uxubile. Ngasekuqaleni kwale nkondlo kukhona umoya
wokulangazelela. Imbongi iveza ukulangazelela imfundo ijule ibe nolwazi olujulile. Esigabeni
sokugcina imbongi iveza umoya wenjabulo. Imbongi izibona igiya iqephuza ngolwazi
eluthole esikhungweni semfundo ephakeme. Imbongi iveza ubuhle obungaba khona uma
isizuze imfundo lapho isiqede indlala nabazukulu bayo sebebusa ngemfundo yayo.
Ithoni
Ithoni iyisu lobuciko elivamise ukuhambisana nomoya. Ithoni enkondlweni kusuke kubhekwa
indlela imbongi ebeka ngayo lokho ekhuluma ngakho okungaba indikimba. Indlela imbongi
ebeka noma ekhetha ngayo amagama ingaveza umuzwa wayo ngaleso sikhathi. Lowo
muzwa yiwona esiwubiza ngethoni.
Kule nkondlo sithola ithoni yokulangazelela. Imbongi ilangazelela ukufunda ize igogode
ihlome ngolwazi lwasesikhungweni semfundo ephakeme. Siphinde sithole ithoni yokujabula
lapho imbongi isigiya iqephuza ngosiba lwasesikhungweni semfundo ephakeme nabazukulu
bayo sebephila kahle bebusa bejabule.
Umlayezo
Umlayezo esiwuthola kule nkondlo uthi asikhuthalele imfundo ngoba ngemfundo
singazithola sesijabule siphila impilo engcono kubuswe nasemndenini yethu.
(Miningi imilayezo engakhishwa abafundi kule nkondlo kuzoya ngokuthi kubuzwe ngamiphi
imigqa noma ngaliphi ibinza).
Imifanekisomqondo/Izithombemagama

Ndamane MV 2023
 43

Izingxabo Zomyezane- Umfanekisomqondo wokubonakalayo oyisingathekiso, Imbongi

ingathekisa imfundo.
Ngilangazelel’ukudepha kwelenjulo - umfanekisomqondo obonakalayo imbongi inesifiso
sokujula ngemfundo/sokukhula ngemfundo ifunde ize igogode.
Kotatalambu bezingxabo - Ingathekisa isikhungo semfundo ephakeme lapho kutholakala
khona imfundo ejulile.
Laph’ukujula kwenjulo- Isebenzise isabizwana sokukhomba esiwumfanekisomqondo
obonakalayo ukubalula isikhungo semfundo lapho imfundo ejulile/enothile itholakala khona.
Kuyingcebo yomhlaba nezulu- Imbongi isebenzise isingathekiso esikhombisa ukungasweli
umaufundile.
Kuyisiyalu somthombo-Imbongi isebenzise umfanekisomqondo obonakalayo ochaza
ukuthi imfundo iyisiqalo sempumelelo empilweni yomuntu.
Ingunaphakathe- Imbongi isebenzise umfanekisomqondo wokubonakalayo ukuchaza
ukuthi imfundo iyinto engapheliyo uma usunayo uyoba nayo unompela.
Ngilubalubel’ ukugxila kwelenjulo-Imbongi ifisa ukupha imfundo isikhathi esanele ihlale
kuyo ukuze ineliseke ngokuqeqesheka kwayo.
Ngizinze ekujuleni kwenkululeko-Imbongi ibona ukuthi uma ufundile akubi nazinkinga
uhlala ngokunethezeka ngaso sonke isikhathi ingakho nayo iyilangangazelela lenkululeko
elethwa imfundo.
Unomphela-Injablo engasoze yaphela elethwa imfundo.
Ukodons’ amanzi ezinkalweni-Imbongi izimisele ukufunda kuze kweqe ithol’ ulwazi
ezindaweni ezihlukene.
Ngikhephuzel’ uhlaza ubusika nehlobo- Umfanekosomqondo
wokubonakalayo/wokuthintekayo, imbongi ifuna ukuhloba ngolwazi /ngemfundo eyanele
ngaso sonke isikhathi
Ngizw’ imvunge yemvelo ivungama- umfanekisomqondo ozwakalayo ogqamisa umuzwa
wenjabulo empilweni yembongi, izizwa ivuseleleka iba nethemba lokuphumelela esifisweni
sayo semfundo.
Kaqina dolo- Umfanekisomqondo wobonakalayo oyisimo sokukhuluma ogqamisa ukumisa
isibindi imbongi, ayisenavalo isinethemba ngemfundo ukuthi izoyiphumelelisa kusasa.
Ngigcule- umfanelisomqondo obonakalayo ogqamisa ukuneliseka kwembongi ngemfundo.
Ngivunulis’ ubuchopho ngohlaza-Umfanekisomqondo obonakalayo oyisifengqo
esiyisenzasamuntu ogqamisa ukuzithuthukisa ngolwazi ngemfundo njengoba imbongi ifisa.
Ngigiye ngiqephuze ngosiba lwakaNgqondonkulu - Umfanekisomqondo
wokubonakalayo oveza umuzwa wenjabulo imbongi eyowukhombisa uma isiphumelele
emfundweni yayo esikhungweni semfundo ephakeme.
Ngiqoth’ uphoko nokhothe lwendlela –Umfanekisomqondo wokubonakalayo, imbongi
igqamisa ulwazi elutholile emfundweni ukuthi luyoba umphako wayo ukuze ikwazi
ukuludlulisela kulabo esondelene nabo okungabazukulu bayo nabo baphile kahle.
Badle kuchitheka inyongo-umfanekisomqondo wokubonakalayo ogqamisa
ukungcebeleka/ukuphile kahle imbongi ekufisela abazukulu bayo ngemfundo yayo.
Bafinye ngendololwane- umfanekisomqondo wokubonakalayo oyisisho esichaza ukuthi
kuyabuswa. Abazukulu bayo bayophila kahle uma yona isifunde yagogoda ngemfundo.
Impindamqondo: Umugqa woku-1, owesi-8 kanye nowe-15
Ngilangazel’ ukudepha kwelenjulo
Ngilubalubel’ ukugxila kwenjabulo,
Ngilangazel’ ukudeph’ okujulile,
Isigqi
Ndamane MV 2023
 44

Nakuba kunezimpawu zokuloba emgqeni eminingi kodwa ngenxa yomoya wokulangazelela

nowokujabula isigqi siyashesha.
Isakhiwo Sangaphandle
Ukuxhumana siqalo okweqayo
Laph’ ukujula kwenjulo,
Kuyingcebo yomhlaba nezulu,
Laph’ ukuphumelela konke kwempilo,
Imbongi isebenzise ukuxhumana siqalo okweqayo ukugcizelela ukuthi ukufunda ugogode
/ujule kuyisisekelo sempumelelo.
Ukuxhumana okutshekile
Ngilubalubel’ ukugxila kwelenjulo,
Ngizinz’ ekujuleni kwenkululeko yomphefumulo,
Imbongi isebenzise ukuxhumana okutshekile ukugcizelela ukufisa kwayo ukuzipha isikhathi
esanele ihlale emfundweni igogode kanti futhi ikholelwa ukuthi impumelelo engenazihibe
empilweni isemfundweni.
Ukuxhumana siqalo
Ngizinz’ ekujuleni kwenkululeko yomphefumulo,
Ngizinz’ ekuthuleni ngijabul’ unomphela,
Imbongi isebenzise ukuxhumana siqalo ukugcizelela ukufisa kwayo ukukhululeka
ngokuphelele futhi ijabule ingunaphakade ngemfundo.
Imvumelwano siqalo
Ngilubalubel’ ukugxila kwenjulo,
Ngizinz’ ekujuleni kwenkululeko yomphefumulo,
Ngizinz’ ekuthuleni ngijabul’ unomphela,
Ngifund’ ukudons’ amanz’ ezinkalweni,
Ngikhephuzel’ uhlaza ubusika nehlobo,
Ngizwe imvunge yemvelo ivungama
Imbongi isebenzise imvumelwano siqalo ukuletha umgqumo omnandi osamculo nokuveza
ukufisa kwayo ukufunda igogode okuyoyenza ijabule ingunaphakade ikwazi ukuthola ulwazi
ezindaweni/ezikhungweni ezihlukene ithole iziqu zemfundo.
Imvumelwano maphakathi
Ngizinz’ ekujuleni kwenkululeko yomphefumulo,
Ngizinz’ ekuthuleni ngijabul’ unomphela,
Imbongi isebenzise imvumelwano maphakathi ukuletha umgqumo omnandi nokufisa kwayo
ukukhululeka ngokuphelele ihlale emfundweni futhi ijabule ingunaphakade ngemfundo.
Imvumelwano sigcino eyeqayo
Laph’ ukujula kwenjulo,
Kuyingcebo yomhlaba nezulu,
Laph’ ukuphumelela konke kwempilo
Imbongi isebenzise imvumelwano sigcino eyeqayo ukuletha umgqumo omnandi
nokukhombisa ukuthi ukufunda ugogode /ujule kuyisisekelo sempumelelo empilweni.
Imvumelwano sigcino

Ndamane MV 2023
 45

Ngilangazel’ ukudeph’ okujulile,

Kulezo zimpande zemingamanzi ngigcule
Imbongi isebenzise imvumelwano sigcino ukuletha umgqumo omnandi nokugcizelela ukufisa
kwayo ukukhulu/ukujula ngemfundl ineliseke.
Imvumelwano siqalo
Ngikhephuzel’ uhlaza ubusika nehlobo,
Ngizwe imvunge yemvelo ivungama
Imbongi isebenzise imvumelwano siqalo ukuletha umgqumo omnandi nokuveza isifiso sayo
sokuba nolwazi/sokuvunula ngemfundo ngaso sonke isikhathi kubi noma kukuhle.
Imvumelwano siqalo eyeqayo
Ngilangazel’ ukudeph’ okujulile,
Kulezo zimpande zemingamanzi ngigcule,
Ngivunulis’ ubuchopho ngohlaza
Imbongi isebenzise imvumelwano siqalo ukuletha umgqumo omnandi nokuzwakalisa isifiso
sayo sokujula ngemfundo /sokugogoda ngemfundo ihlakaniphe ibe nolwazi.
Imvumelwano siqalo
Ngigiye ngiqephuze ngosiba lwakwaNgqondonkulu,
Ngiqoth’ uphoko nokhothe lwendlela
Imbongi isebenzise imvumelwano siqalo ukuletha umgqumo omnandi nokuzwakalisa isifiso
sayo sokujabula ize igiye ngemfundo yayo yasesikhungweni semfundo ephakeme
isiphumele, imfundo kube umphako wayo yonke indawo lapho iya khona iwudluisele
nakubazukulu bayo nabo bajabule.
Ifanangwaqa
Ngigiye ngiqephuze ngosiba lwakwaNgqondonkulu,
Imbongo isebenzise ifanangwaqa ukuzwakalisa umuzwa wenjabulo eyoba nawo
isinolwazi/isiphumelele esikhungweni semfundo ephakeme.
I-Enjambamenti: Umugqa we-13 kuya kowe-14
Ngizwe imvunge yemvelo ivungama
Ingoma kaqinadolo nethemb’ elizayo.
Imbongi isebenzise i-enjambamenti ukukhombisa ukuthi umqondo oqale emgqeni we-13
uphelela emgqeni we-14. Imbongi izizwa ikhuthazeka ukuba iqhubeka nemfundo sengathi
nemvelo /isimo siyayivumela ukuba ibe nesibindi nethemba lokuthi izonqoba.
Impindwa
Ngilangazel’ ukudeph’
Imbongi igcizelela isifiso sayo sokufunda ize igogode.
Imibuzo
1.Gagula uhlobo lwale nkondlo bese usekela impendulo yakho. (2)
2.Chaza kafushane ithoni etholakala ebinzeni lokuqala. (2)
3.Qhathanisa okufanayo okushiwo yimbongi ebinzeni loku-1 kanye nelesi-3 ukugqamisa
indikimba yale nkondlo (2)
4.Yini inhloso yembongi yokusebenzisa ukuxhumana ebinzeni lesi-2 (2)

Ndamane MV 2023
 46

6.Ake uncome ikhono lembongi lokusebenzisa ifanangwaqa u-mv emgqeni we-13.

(2)

[10]
Umhlahlandlela wezimpendulo.
1 Ilirikhi, imbongi kulenkondlo idlulisa imizwa nemicabango yayo njengoba inesifiso
sokufunda ize igogode. (2)
2.ithoni etholakala ebinzeni lokugcina ithoni yokujabula lapho imbongi isiphumelele ukuthola
ulwazi/ imfundo esikhungweni semfundo ephakeme lolwazi seluwumphako wayo
eyowudlulisela nakubazukulu nabo benethezeke ngemfundo yayo. (2)
3. Okufanayo womabili la mabinza agqamisa indikimba yemfundo. Ebinzeni loku-1 imbongi
ifisa ukufunda esikhungweni semfundo ephakeme ize igogode ibona sengathi umsuka
wokuphila kahle okungenamkhawulo kuqala emfundweni. Ebinzeni lesi-3 nakhona imbongi
ifisa ukukhula ngemfundo ijule esikhungweni semfundo ephakeme ineliseke izuze
ubuhlakani ikhombise injabulo lapho isiphumelele esikhungweni semfundo ephakeme. (2)
4. Imbongi isebenzise ukuxhumana okutshekile ukugcizelela ukufisa kwayo ukuzipha
isikhathi esanele ihlale emfundweni igogode kanti futhi ikholelwa ukuthi impumelelo
engenazihibe ngokompefumulo empilweni isemfundweni. (2)
5.Imbongi iphumelele kahle ukusebenzisa ifanangwaqa u-mv ukuzwakalisa umuzwa
wenjabulo/ womgqumo omnandi ewuzayo oyimvunge ezwakala sengathi iyipha ithemba
nesibindi sokuthi ilangazelele ukuqhubekela phambili ngemfundo nokuthi izophumelela
ngomuso. (2)

[10]
2. Isiziba Senhlakanipho - EJ Mhlanga
Isakhiwo sangaphakathi

Umqondo
Kuba yilokho inkondlo ekhuluma ngakho. Kule nkondlo imbongi ikhuluma ngemfundo.
Imbongi ithi ihambe emathafeni nasemagqumeni iyofuna imfundo Imbongi ifuna ukufinyelela
ekujuleni kwalesi siziba esiyimfundo. Ifuna ukujula ngolwazi lwemfundo, ithi mhla yafika
ekujuleni kwemfundo iyothola ukuphumula. Uma ingakafiki ekujuleni kolwazi ngemfundo
angeke ikuthole ukuphumula. Ngokuthatha kwayo isinqumo sokufuna ukuthola umsuka
wemfundo imbongi isilahlekelwe abangani abaningi abangasayithandisisi kahle ngoba
bezitshela ukuthi isizenza ngcono.

Umoya
Isimo imbongi esuke ikuso ngesikhathi ibhala inkondlo. Umoya wale nkondlo uxubile
inomoya wokulangazelela kanye nowokukhathazeka. Imbongi ithi ivuka ekuseni kakhulu
ngovivi izilungiselela ukuyofunda ngoba ilangazelela ukuthola ulwazi lwemfundo okuyilona
oluyoyisiza ukuzakhela ikusasa eliqhakazile. Imbongi iphinde iveze ukukhathazeka ngenxa
yokuthi ayazi ukuthi kunini lapho iyothola khona ukwaneliseka ngolwazi eluthola emfundweni
ngoba kade kwasa ifunda, kepha ayikakutholi ukwaneliseka ngolwazi esalutholile. Lokhu
kugcina sekuyinika ithemba lokuthi hleze abayosala emva kokuba seyashona bayosala
belithole iqiniso lokujula kolwazi lwemfundo.

Ndamane MV 2023
 47

Indikimba
Kuba umongo wenkondlo noma igqikithi yenkondlo yonke. Yilokho inkondlo emayelana
nakho ngegama elilodwa noma ibinzana lamagama. Indikimba yale nkondlo imfundo.

Umyalezo
Kubalulekile ukuthi uma uqala into uzimisele ngayo, uyifune uze uyithole. Neminye- ke
imiyalezo engadalulwa abafundi ehambisana nenkondlo.

Isigqi
Isigqi umgqumo esiwuthola uma sifunda inkondlo. Isigqi sale nkondlo sixubile, siyanensa
siphinde sisheshe. Siyashesha nakuba imigqa eminingi ivalekile ngenxa yomoya
wokulangazelela. Siphinde sinense ngenxa yomoya wokukhathazeka okhona kule nkondlo.

Ithoni
Iveza ukufisa nokulangazelela ukuthola ulwazi olujulile lwemfundo. “Ngithungathana
nenjabulo yokudepha”. Kule nkondlo sinethoni yokufisa neyokukhathazeka.

Imifanekiso mqondo
Imifanekiso mqondo yilawo magama asetshenziswa imbongi ukwakha imifanekiso
emqondweni wofunda inkondlo. Kungashiwo futhi ukuthi izithombe magama. Sikhuluma
ngezinzwa (inzwa ebonakalayo, inzwa ezwakalayo, inzwa yokuhogelekayo, inzwa
yokunambitha nenzwa yokuthinta) Izimo zokukhuluma (izifengqo, izaga nezisho) kanye
namagama acebile.

Ngithwele izihlabathi –umfanekisomqondo othintekayo/obonakalayo—Imbongi isivezela

ukuthi yaphuma ekhaya iya esikhungweni semfundo ingenalo ulwazi olwanele.
Ngiyoncela manzi ngobhaqa – ethintekayo/enambithekayo—Imbongi ibhekise
ekutholeni ulwazi esikhungweni semfundo ephakeme
Engisigeza ngamanzi omfula –inzwa ethintekayo—Imbongi igqamisa ukuthi namanje
isaqhubeka nokufunda noma ayikaqedi ukuhlela lolu lwazi.
Olokhu kwasa ugeleza –inzwa ebonakalayo – Imbongi igqamisa ukuthola ulwazi lwento
eqhubekayo ehlala yenzeka.
Bezidobel’ inhlanzi ngodobo –inzwa ebonakalayo/ethintekayo ---Imbongi iveza
ukuthi abangani bayo basheshe bayeka noma bakhathala ukufunda,
Komzimba osufohlok’ umhlandla --inzwa ebonakalayo---Imbongi iveza ukukhandleka
komzimba ikakhulukazi umhlane wona ozimelela ngawo uma uhleli ufunda.

Izifengqo
Isenzasamuntu
Sizib’ esijulile Njulase
Ngisuthisa wena Nzibase
Imbongi ibhekise emazigeni aphakeme ize iyibize ngamagama njengomuntu.

Isingathekiso
Uyimpambankwici weNjulase
Ngoba namuhla uyimpicabadala—Imbongi igqamisa imfundo ngala magama adidayo
ukuveza ukuthi imfundo inamandla kangakanani.

Isakhiwo Sangaphandle

Enjambamenti
Umugqa we-14 kuya kowe- 15
Umqondo oqale emgqeni we-14 uphelela emqqeni we-15. Imbongi ibuza ukuthi kunini lapho
iyofika khona ekugcineni/ noma yaneliseke ngemfundo.

Ndamane MV 2023
 48

Umugqa we-17 kuya kowe 18

Imbongi isebenzise i-enjambamenti ukukhombisa ukuthi umqondo oqale emgqeni we -17
uphelela emgqeni we-18 nokuveza ukuthi kuyoze kube nini inganeliseki ngemfundo lokho
osekuyenze ayangabona ngaso linye nontanga bayo.

Umugqa wama -28 kuya kowama-29. Imbongi isebenzise i-enjambamenti ukukhombisa

ukuthi umqondo oqale emgqeni wama -28 uphelela emgqeni wama-29 nokuveza ukuthi
mhlambe yona uma ingasekho emhlabeni abasele bayosala beyithola imfihlo/umsuka
wemfundo.

Imvumelwano siqalo
Umugqa wesi-6 kuya kowesi -7
Ngiyoncel’ amanzi ngobhaqa
Ngisuthisa wena Nzibase
Imvumelwano siqalo lapha ukuletha umgqumo omnandi osamculo ogqamisa ukuthi imbongi
iyothola ulwazi esikhungweni semfundo ephakeme.

Imvumelwano maphakathi
Umugqa woku -1 kuya kowesi -2
Siziba esijulile Njulase
Ngiphum’ emzini kababa
Imvumelwano maphakathi lapha iletha umgqumo omnandi osamculo nokuveza
ukuzilungiselela kwembongi isuka ekhaya iya esikhungweni semfundo ephakeme.

Imibuzo
1.Nikeza imvumelwano etholakala ebinzeni loku-1 bese usho uhlobo lwayo.
2. Chaza kafushane umoya otholakala emgqeni wesi-2 kuya kowesi-7.
3. Ngabe ibinza loku-1 likwelekele kanjani ukuba uqonde indikimba yale nkondlo?
4. Iyini inhloso yembongi yokusebenzisa i-enjambamenti emgqeni we-14 kuya
kowe-15.
5. Phawula ngempumelelo yembongi yokusebenzisa isifengqo emgqeni we-12.

Izimpendulo
1. Siziba esijulile Njulase
Ngiphum’ emzini kababa
Imvumelwano maphakathi
Noma
Ngiyoncel’ amanzi ngobhaqa
Ngisuthisa wena Nzibase
Imvumelwano siqalo
2. Umoya wokukhathazeka. Imbongi ikhathazwa ukuthi ivuka ekuseni kakhulu iyofuna
imfundo iqwala amathafa namagquma ngenxa yokulangazelela imfundo/ulwazi.
3. Indikimba yale nkondlo imfundo. Ibinza loku-1 lingelekelele ukuba ngiqonde ukuthi
imbongi ivuka ekuseni kakhulu iyofuna imfundo ngoba yona izibona ingenalwazi olwanele
uma iphuma ekhaya kubo.
4. Imbongi isebenzise i-enjambamenti ukukhombisa ukuthi umqondo oqale emgqeni we-14
uphelela emgqeni we-15 nokugqamisa ukufuna iqiniso ngemfundo eliyoyenza ineliseke
ukuthi isinolwazi olwanele ukuze iphumule nayo.

Ndamane MV 2023
 49

5. Imbongi iphumelele kahle ukusebenzisa isifengqo esiyisingathekiso esithi

uyimpambakwicI weNjulase ukugqamisa ukuthi imfundo iyindida /iyinkinga akulula
ukuyiqonda ubunjalo bayo.

3.Ukuthula- BW Vilakazi
Isakhiwo Sangaphakthi
Umqondo wenkondlo
Umqondo yilokho inkondlo ekushoyo noma okushiwo imbongi enkondlweni. Kule nkondlo
Imbongi ikhuluma ngemfihlakalo yemvelo. Ithi uma usosebeni lolwandle kunokuthula
okungaphazanyiswa muntu ugcina ubona izimfihlakalo ezingabonwa muntu. Ithi
amahlengethwa lawa abonakala olwandle kusuke kungabantu. Ngamanye amazwi
akusizona izilwane kodwa abantu abangasekho abavela beyisimo samahlengethwa. Kanjalo
nomoya kusuke kungabantu esingababoni ngamehlo enyama abanyakazisa izihlahla bese
kuthiwa umoya.
Umoya
Umoya wenkondlo umuzwa noma isimo imbongi esuke ikuso uma ngesikhathi ibhala
inkondlo.
Le nkondlo inomoya wokulangazelela nowokuncoma njengoba ifisa ukuthola ithuba lokuhla
nothandiweyo wakhe bajabule ndawonye behlezi olwandle. Ilangazelela nokwazi le
mfihlakalo yemvelo ekhona olwandle.

Indikimba
Indikimba umongo noma ingqikithi yenkondlo yonke. Yilokho inkondlo emayelana nakho
ngegama elilodwa noma ibinzana lamagama. Indikimba yale nkondlo imvelo/ ukuthula
okulethwa imvelo.
Umyalezo
Kubalulekile ukuthi ube nesikhathi sokukhombisana uthando ngokuvakashela endaweni
ejabulisayo nenokuthula.

Isigqi
Isigqi siyashesha ngenxa yomoya wokulangazelela nokuncoma. Nakuba ziziningi izimpawu
zokuloba kodwa lokho akusenzi sinense. Ukusetshenziswa kophawu lwe- Apostrofi;
ukweqiwa konkamisa kuningi nakho kuyasenza sisheshe isigqi.
Ithoni
Ithoni iveza ukufisa nokujabulela ukwenzeka kwezinto olwandle okwenza imbongi ibe
nokujabula.
Imifanekiso mqondo.
Imifanekiso mqondo yilawo magama asetshenziswa imbongi ukwakha imifanekiso
emqondweni wofunda inkondlo. Kungashiwo futhi ukuthi izithombe magama. Sikhuluma
ngezinzwa (inzwa ebonakalayo, inzwa ezwakalayo/ elalelayo, inzwa ehogelayo, inzwa
yokunambitha nenzwa yokuthinta), izimo zokukhuluma (izifengqo, izaga nezisho) kanye
namagama acebile.
Izinzwa
Sicambalale - inzwa yokubonakalayo.
Imbongi iyisebenzisele ukugqamisa ukuthi ifisa ukuphumula nesithandwa sayo olwandle.
Le ndaw’ egcwel’ inhlokomo- Inzwa yokuzwakalayo.
Imbongi iyisebenzisele ukugqamisa ukuthi kule ndawo kuno msindo omnandi ewuzwayo.
Kuyona ngizw’ amazwan’ abantu bekhuluma- Inzwa yokuzwakalayo
Imbongi iyisebenzisele ukugqamisa ukuthi konke okwenzeka kule ndawo ikuzwa kancane
ngenxa yokuthi isuke ingakunakile okukhulunywa abantu abalapha.
Abant’ abahamba ngezinyawo nangomoya- Inzwa yokubonakalayo.
Imbongi iyisebenzisele ukugqamisa ukuthi abanye abantu bakule ndawo abahlali phansi
balokhu bezihambela esihlabathini solwandle.

Ndamane MV 2023
 50

Abanye bentanta nangaphezulu kwamanzi- Inzwa yokubonakalayo

Imbongi iyisebenzisele ukugqamisa ukuthi abanye balabantu bayazibhukudela nje abanake
lutho.
Abanye balokhu benyakazisana nemithi- Inzwa yokuthintekayo
Imbongi iyisebenzisele ukugqamisa ukuthi abanye abantu bahamba ngezikebhe
besesbenzisa izigqedlo ukubhukuda/ukuqhuba izikebhe abahamba ngazo.
Ngiyabezwa bekhuluma, woza ungizwise- Inzwa yokuzwakalayo.
Imbongi iyisebenzisele ukugqamisa ukuthi uma ikule ndawo iziphumulele iyaye izwe abantu
bezikhulumela benganake lutho okwenziwa abanye yingakho ifisa ukuthi lo muntu
emthandayo naye engeza kule ndawo engenakho ukuxabana nomunye umuntu.

Isakhiwo Sangaphandle

Enjambamenti
Umugqa wesi-7 kuya kowesi-8
Le ndaw’ egcwel’ inhlokomo, kuyo kubuthene
Konk’ okuhle nokuphas’ umphefumulo wami.
Umqondo oqale emgqeni wesi-7 uphelela emgqeni we -8
Imbongi ithi uma ihlezi lapha olwandle ibona konke okwenzeka khona ithola ukuthokoza
ngaphakathi enhliziyweni yayo.

Imvumelwano
Imvumelwano siqalo
Umugqa we -10 kuya kowe -11
Abant’ abahamba ngezinyawo nangomoya,
Abanye bentanta nangaphezulu kwamanzi.
Imbongi isebenzise imvumelwano siqalo ukuletha umgqumo osamculo nokugcizelela ukuthi
kunabantu abenza izinto ezahlukene kule ndawo njnegoba abnaye bengangenile emanzini
abnaye bezibhukudela.

Umugqa wama -16 kuya kowama -17

Ngiyabezwa bekhuluma, woza ungizwise.
Ngiyabathanda, bayangithanda, woz’ uzizwele.

Imbongi isebenzise imvumelwano siqalo ukuletha umgqumo osamculo nokuveza ukuthi

ikhuluma ngayo uqobo njengoba ingagxilisi igqondo yayo konkwenzekayo kule ndawo futhi
nabantu abakule ndawo abanandaba nokwenziwa ngomunye umuntu yingakho Ibiza
isithandwa sayo ukuze ithokoze naso.

Ukuxhumana okutshekile
Kuyona ngizw’ amazwana abantu bekhuluma
Abant’ abahamba ngezinyawo nangomoya,

Imbongi isebenzise ukuxhumana okutshekile ukugcizelela ukuthi kule ndawo kunabantu

ebenzwayo abakhulumayo abakhona nabangasekho abalapha olwandle.

Ukuxhumana okutshekile
Abanye balokhu benyakazisana nemithi
Benyakazisana nezindwani’ eziluhlaza

Imbongi isebenzise ukuxhumana okutshekile ukugcizelela ukuthi olwandle kunabantu

abaphethe izigwedlo abazibhukudelayo emagagasini olwandle.

Ukuxhumana sigcino
Umugqa wama -16 kuya kowama -17
Ndamane MV 2023
 51

Ngiyabezwa bekhuluma, woza ungizwise.

Ngiyabathanda, bayangithanda, woz’ uzizwele.

Imbongi isebenzise ukuxhumana siqalo ukugcizelela ukuthi ikhuluma ngayo uqobo

njengoba ingagxilisi igqondo yayo konkwenzekayo kule ndawo futhi nabantu abakule
ndawo abanandaba nokwenziwa ngomunye umuntu yingakho Ibiza isithandwa sayo ukuze
ithokoze naso.
Isikhawu/Isizura
Ngiyabezwa bekhuluma, woza ungizwise
Imbongi isebenzise isizura ukubala imiqondo ehlukene okungukuthi kukhona laba abazwayo
olwandle nokuthi ifisa isithandwa sazyo sizoyizwisa labantu.

Isikhawu/Isizura
Ngiyabathanda, bayangithanda woza uzizwele.
Imbongi isebenzise isizura ukuphumula kancane/ukuveza izinto ezihlukene nokugqamisa
ukuthi labantu iyabathanda ibakhonzile kanti nabo abanankinga nayo.

Imibuzo
1 Shono isigqi etholakala ebinzeni loku-1 bese usekela impendulo yakho. (2)
2 Fingqa ngamaphuzu amathathu umqondo otholakala ebinzeni loku-1. (2)
3 Chaza kafushane umlayezo oqukethwe umugqa wesi-4. (2)
4 Iyini imbangela yokuthi imbongi isebenzise imvumelwano emgqeni we-10 kuya
kowe-11? (2)
5. Hlolisisa okushiwo yimbongi emgqeni we-12. (2)
[10]
Izimpendulo

1. Nakuba kunezimpawu zokuloba ekugcineni kwemigqa eminingi kuleli binza. Isigqi

siyashesha ngenxa yokuthi imbongi ifisa ukuthi yona nesithandwa sayo bayozihlalela
ezihlabathini zolwandle ngoba ikholwa ukuthi lendawo inikezana ukuthula komphefumulo.

2. (a) Imbongi ifisa ukuyoziphumulela nesithandwa sayo eduze kolwandle

(b). Imbongi ikholwa ukuthi le ndawo iyenzwa igcwale injabulo emphefumulweni wayo`
nakunembeza wayo.
(c) Imbongi ithi kule ndawo kunomsindo wenjabulo owenziwa abantu osekela/ojabulisa
umphefumulo wayo izizwe inokuthula.
3. Umlayezo othlakala kulo mugqa ukuthi uma ufuna ukuthula ungahamba uyoziphumulela
olwandle.
4. Imbongi isebenzise imvumelwano ukuletha umgqumo omnandi osamculo nokugqamisa
ukuthi kule ndawo kunabantu abahambayo abazozijabulela abanye bayazibhukudela kanye
nabangasekho abaziveza beyisimo somoya.

5. Imbongi ingumuntu okholelwa kwabangasekho /emadlozini ngoba lezi zilwanyana

ezingamahlengethwa ezisolwandle yona izifanisa nabantu abangasekho kulo mhlaba
abaziveza beyisimo samahlengethwa.

4. IMPI- SRC SHONGWE

Isakhiwo Sangaphakathi

Umqondo wenkondlo
Umqondo yilokho okushiwo yimbongi enkondlweni yayo. Le nkondlo inomqondo osobala
nocashile.

Ndamane MV 2023
 52

Umqondo ocashile
Imbongi ithi abafundi abafunde ngokuzimisela, babekezele uma behlangabezana
nezinkinga ekufundeni kwabo ukuze bezophumelela.

Umqondo osobala
Imbongi ithi amabutho awazinikele empini noma ngabe kunzima kangakanani ukuze
anqobe.
Umoya
Umoya wemkondlo isimo imbongi esuke ikuso ngenkathi ihaya/iqamba inkondlo yayo. Le
nkondlo inomoya wokunxusa/wokukhuthaza. Imbongi inxusa/ikhuthaza abafundi ukuba
bafunde ngokuzimisela futhi
babekezele noma behlangabezana nezinkinga ukuze bezophumelela.
Indikimba
Indikimba ingumongo noma yingqikithi yenkondlo. Ingaba igama elilodwa noma amabili.
Indikimba yale nkondlo imfundo/ yobuqhawe
Umyalezo
Kubalulekile ukuthi uma wenza into uyenze ngokuzimisela nangokwethembeka,
ungadikibali noma kunzima.
Isigqi
Siyanensa ngenxa yomoya wokunxusa futhi nemigqa eminingi ivalekile. Nakuba kukhona
ukweqiwa konkamisa okuningi kepha ngenxa yomoya wokunxusa siyanensa. Imbongi
inxusa ukuba abafundi bafunde ngokuzimisela futhi babekezele noma behlangabezana
nezinkinga ukuze bezophumelela.
Ithoni
Ithoni yokunxusa. Imbongi inxusa abafundi ukuthi bazimisele futhi babekezele ekufundeni
kwabo. Ukuze baphumelele.
Imifanekisomqondo
Imifanekiso mqondo yilawo magama asetshenziswa imbongi ukwakha isithombe
emqondweni wofunda inkondlo. Kungashiwo futhi ukuthi izithombe magama. Sikhuluma
ngezinzwa (inzwa yokubonakalayo, inzwa yokuzwakalayo/yokulalelekayo, inzwa
yokuhogelekayo, inzwa yokunambithekayo nenzwa yokuthinta), izimo zokukhuluma
(izifengqo, izaga nezisho) namagama acebile.
Izinzwa
Umfanekisomqondo wokubonakalayo ngamaviyoviyo - Imbongi ithi abafundi
abaphuma ezindaweni ezahlukahlukene abenza izifundo ezahlukene (Sekela nangempi)
Kudedangendlale wenkundla – Umfanekisomqondo wokubonakalayo. Imbongi
igqamisa ubukhulu balesi khungo semfundo nokuthi sikwazi ukuthatha isibalo esikhulu
sabafundi. (Sekela nangempi)
Namanxebakazi – Umfanekisomqondo wokubonakalayo. Imbongi igqamisa
ukukhandleka kwemizimba nezinhliziyo zabafundi ngenxa yezinkinga abanazo. (Sekela
nangempi)
Nemikhontshwana – Umfanekisomqondo wokubonakalayo. Imbongi igqamisa ulwazi
oluncane abafundi abafika benalo ngenkathi bezoqala ukufunda kulesi khungo. (Sekela
nangempi)
Lopha – Umfanekisomqondo wokubonakalayo. Imbongi igqamisa ubuhlungu
obuzwiwa abafundi ngabodwana/omunye umuntu ongakwazi ukububona ngenxa yokuthi
bayaziqinisa. (Sekela nangempi)
Isihlangwana - Umfanekisomqondo wokubonakalayo. Imbongi igqamisa ukuthi
nakuba isafunda/isekhona kulesi sikhungo yingenxa yokuphumelela ngengciciyela kwayo
ezifundweni. (Sekela nangempi)
Seyigwaza bukhona – Umfanekisomqondo wokubonakalayo (isisho) Imbongi
igcizelela isikhathi esinzima lapho isuke isibhala izivivinyo ezilukhuni/ezinzima.
Amavak’amb’ambulula – Umfanekisomqondo wokubonakalayo. Imbongi igcizelela
ukuthi labo abanga mavila / abahlulwa ukubekezela bayeka phansi ukufunda. (Sekela
nangempi)
Ndamane MV 2023
 53

Ukugadla – Umfanekisomqondo wokubonakalayo. Imbongi igcizelela ukuzisola kwabo

ngokungafundi ngokuzikhandla. (Sekela nangempi)
Izikhali zikusinda – Umfanekisomqondo wokubonakalayo/ wokuthintekayo. Imbongi
igcizelela ukunxusa kwayo kubafundi ukuba babekezele bafunde noma
sebehlangabezana nobunzima. (Sekela nangempi)
Yimiyocu – Umfanekisomqondo wokubonakalayo. Imbongi igcizela ukuthi bengakunaki
ubunzima abahlangabezane nabo ekufundeni, baqhubeke bafunde. (Sekela nangempi)

Isakhiwo Sangaphandle
Imvumelwano sigcino
Emgqeni wesi – 9 kuya kowe – 10
Ngimi nowami umkhontshwana
Ngimi nesam’isihlangwana
Imbongi isebenzise imvumelwano sigcino ukuletha umgqumo osamculo omnandi
28 nokuveza ukuthi nakuba isafunda yingenxa yokuphumelela ezifundweni zayo
ngengciciyela.
Emgqeni we – 12 kuya kowe – 13
Amavak’amb’ambulula
Kunamuhla kubus’ukuzisola
Imbongi isebenzise imvumelwano sigcino ukuletha umgqumo osamculo omnandi
nokuveza ukuthi lapho abahluleka ukubekezela bayeka ukufunda sebeyazisola.
Emgqeni we – 19 kuya kowama – 20
Yilw’ imini nobusuku
Nom’ izikhali zikusinda
Imbongi isebenzise imvumelwano maphakathi ukuletha umgqumo osamculo omnandi
nokukhombisa ukunxusa kwayo ukuthi babekezele bafunde zikhathi zonke noma
behlangabezana nezinkinga.
Ukuxhumana
Emgqeni wesi – 3 kuya kowesi – 5
Amaviyo nezingeqiwa ntwala
Amaviyo namanxebakazi
Amaviyo nemikhontshwana
Imbongi isebenzise ukuxhumana siqalo ukugcizelela ukuthi la bafundi bafika
bekhandlekile emzimbeni nasezinhliziyweni zabo ngenxa yezinkinga abanazo.
Emgqeni we – 14 kuya kowe – 15
Ngokwesab’ukugadla kule mpi
Ungebizelwe muntu kule mpi
Mfowethu yilwa le mpi
Imbongi isebenzise ukuxhumana sigcino ukugcizelela ukunxusa kwayo abafundi ukuthi
abazimisele bafunde ngokuzikhandla ngoba akekho ozobalandela ngemuva.
Emgqeni wama – 22 kuya kowama – 23
Khohlwa yimiyocu
Khohlw’udumo

Imbongi isebenzise ukuxhumana siqalo ukugcizelela ukuthi abafundi bengabe

besabunaka/besagxila ubunzima asebedlule kubo futhi bengenzi izinto ezingeke zibasize
ngalutho ngoba befuna ukujabulisa abanye. Ithi abafunde.

Ukuxhumana okutshekile

Yilwa usenesikhathi
Nami ngayilwa ngayinqoba
Imbongi isebenzise ukuxhumana okutshekile ukugcizelela ukukhuthaza abafundi ukuthi
bafunde ngokuzimisela isikhathi sisavuma nayo uqobo yake yaba umfundi yafunda
yaphumelela.
Ndamane MV 2023
 54

Ifanankamisa
Emgqeni we – 12
Amavak’amb’ambulula
Imbongi isebenzise ifanankamisa ukuletha umgqumo osamculo omnandi njengoba ithi
abafundi abehlulwa ukubekezela bashiya phansi ukufunda
Ifanangwaqa
Emgqeni we – 13
Kunamuhla kubus’ukuzisola
Imbongi isebenzise ifanangwaqa ukuletha umgqumo osamculo omnandi njengoba ithi
sebeyazisola/sebeyazigxeka ukuthi baphikelani nobuvila.

Impindwa

‘Yilwa le mpi’
Imbongi isebenzise impindwa ‘yilwa le mpi’ ukugcizelela ukukhuthaza abafundi ukuthi
bafunde ngokuzimisela okukhulu baqondane ngqo nemfundo baze baphumelele.

Imibuzo

1.Gagula indikimba etholakala kule nkondla bese usekela impendulo yakho. (2)
2. Xoxa kafushane ngomoya oqukethwe yile nkondlo. (2)
3. Ucabanga ukuthi kungani imbongi isebenzise impindwa kule nkondlo. (2)
4. Ngabe ukusetshenziswa kwefanamsindo kukwelekelele kanjani ekuqondeni umqondo
waleli binza lesi-3? (2)
5. Phawula ngesigqi sebinza lokugcina. (2)
[10]
Izimpendulo
1.Indikimba yemfundo Imbongi inxusa abafundi ukuthi bafunde ngokuzimisela ukuze
bengeke bazisole emva kwesikhathi/
Indikimba yobuqhawe imbongi inxusa/ikhuthaza amabutho ukuthi uma esempini kumele
azimisele ukuze ezonqoba, lokho kuyodala ukuthi engazisoli ngelinye ilanga.
2. Le nkondlo iqukethe umoya wokunxusa /wokukhuthaza imbongi inxusa abafundi ukuthi
bafunde ngokuzimisela noma kunzima kangakanani bengaphonsi ithawula ukuze
bengazisoli ngelinye ilanga/
Le nkondlo iqukethe umoya wokukhuthaza imbongi ikhuthaza amabutho ukuthi noma
kunzima kangakanami uma esempini alwe ngokuzimisela ukuze ezonqoba.
3. Imbongi isebenzise impindwa ‘yilwa le mpi’ ukugcizelela ukukhuthaza abafundi ukuthi
bafunde ngokuzimisela okukhulu baqondane ngqo nemfundo baze baphumelele.

4.Imbongi isebenzise ifanamsindo eliyifanankamisa,’ Amavak’amb’ambulula’ ukuletha

umgqumo omnandi osamculo njengoba ithi abafundi abehlulwa ukubekezela bashiya
phansi ukufunda.
5.Isigqi sebinza lokugcina siyanensa ngoba imbongi inxusa/iyakhuthaza abafundi ukuthi
abafunde besenesikhathi nayo yafunda yaphumelela noma kunzima kangaknani
ababekezele bakhohlwe ezinye izinkinga. (10)

5. Idwala LikaShaka- JM Sikakane

Isakhiwo Sangaphakthi

Umqondo wenkondlo
Umqondo yilokho inkondlo ekushoyo noma okushiwo imbongi enkondlweni. Kule nkondlo
imbongi ithi iNkosi uShaka yayihlala kule ndawo yaseSibubulungu osebeni lolwandle
Ndamane MV 2023
 55

elinde ukubhekana nokufika kwabelungu namabutho akhe okwakungaMaqaqasi futhi

wayenesigodlo sakwaDakuza kule ndawo.
Umoya
Umoya wenkondlo umuzwa noma isimo imbongi esuke ikuso uma iqamba/ ihaya inkondlo.
Le nkondlo inomoya wokuncoma nowokukhathazeka. Imbongi incoma/itusa ubuhlakani
beNkosi
uShaka ngokungabayekeli abelungu ukuthi bavele bazifikile ezweni ngaphandle kokudlula
kuyena. Iphinde ibe nnomoya wokubalisa njengoba imbongi ithi nakuba kwakuhle ukulinda
olwandle kepha kunamabutho emuka ethathwa ngamagagasi olwandle. Ekugcineni inkondlo
iphinde inomoya wokutusa ubuqhawe beNkosi uShaka okusakhulunywa ngakho.
Indikimba
Indikimba ummongo/ ingikithi yenkondlo. Yilokho inkondlo emayelana nakho ngegama
elilodwa noma ibinzana lamagama. Indikimba yale nkondlo ubuqhawe/umlando/ukudabuka
kwezinto njengoba iNkosi uShaka yakwazi ukuvikela isizwe sayo ihlale ilindele phakathi
nolwandle ukufika kwabelungu.
Umyalezo
Umyalezo yilokho imbongi efisa ukukudlulisa ngokuhaya/ngokubhala inkondlo. Kubalulekile
ukuzinikela uma wenza into njengoba iNkosi uShaka yazinikela, yaba yiNkosi ekwaziyo
ukubhekana nabelungu ukuze bangazenzile endaweni yayo.
Isigqi
Isigqi siyashesha ngenxa yomoya wokuncoma nakuba kukhonyana nowokubalisa. Imigqa
mifishane inamagma amabili, namabinza ayalingana eminingi inezimpawu zokuloba kodwa
lokho akusenzi isigqi sinense ngenxa yomoya wokuncoma.
Ithoni
Ithoni iveza ukujabula indlela iNkosi uShaka azinikela ngayo namabutho egade ukufika
kwabelungu okusaxoxwa ngakho nanamuhla.
Imifanekiso mqondo.
Imifanekiso mqondo yilawo magama asetshenziswa imbongi ukwakha imifanekiso
emqondweni walowo ofunda inkondlo. Kungashiwo futhi ukuthi izithombe magama.
Sikhuluma ngezinzwa (inzwa yokubonakalayo, inzwa yokuzwakalayo/ yokulalelekayo, inzwa
yokuhogelayo, inzwa yokunambithekayo nenzwa yokuthintekayo), izimo zokukhuluma
(izifengqo, izaga nezisho) namagama acebile.

Ukuliqhephula - inzwa yokuthintekayo.

Imbongi iyisebenzisele ukugqamisa ukuthi akekho owakwazi ukuhlukanisa itshe /umbuso
elalihlala iNkosi uShaka.
Elengamele - Inzwa yokubonakalayo
Imbongi iyisebenzisele ukugqamisa ukuthi kukuleli dwala lapho amabutho ayehlala eduze
kwalo azungeze/agade iNkosi uShaka.
Elebikezela - Inzwa yokuzwakalayo
Imbongi iyisebenzisele ukugqamisa ukuthi iNkosi uShaka yayikule ndawo ngenkathi itshela
abantu bayo ukuthi kuzofika abelungu beqhamuka khona lapha olwandle.
Elalibuka - Inzwa yokubonakalayo
Imbongi iyisebenzisele ukugqamisa ukuthi iNkosi uShaka wayehlala kulo abuke amabutho
akhe uma ezilungiselela ngokuhlabelela ukubhekana nempi.
Elaligezwa - Inzwa yokubonakalayo/yokuthintekayo
Imbongi iyisebenzisele ukugqamisa ukuthi leli dwala laliphakathi nolwandlwe, amagagasi
aphakama athatha ibutho leNkosi uShaka.iNkosi uShaka.
Izifenqo
Umugqa wesi -7- isifaniso
‘Kuhle kwenkos’ imele…’
Imbongi ifanisa leli tshe nokuma kweNkosi uma ime phambi kwamabutho eya empini.
Umugqa wama-23 -isingathekiso
‘Liseyisizekelo’- Ingathekisa idwala nendaba exoxwayo ingapheli.

Ndamane MV 2023
 56

Umugqa we-11-Isenzukuthi
…lungu…isenzukuthi
Isakhiwo Sangaphandle

Enjambamenti
Umugqa woku-1 kuya kowesi-2.
Umqondo uqala emgqeni woku-1 uphelela emgqeni wesi-2
Imbongi isebenzise le enjambamenti ukuveza ukuthi leli tshe likuyiphi indawo nolwandle.
Impindwa
Yidwala likaShaka
Le mpindwa iqukethe umqondo wokugcizelela umlando omkhulu wokufika kwabelungu
befikela eNkosini uShaka owayevikela isizwe samaZulu.
Imvumelwano
Umugqa wesi-2 kuya kowesi-3
EliseSibubulungu,
Elahlul’ abelungu
Imbongi isebenzise imvumelwano-siqalo ukuletha umgqumo osamculo ukugcizelela ukuthi
itshe likuyiphi indawo nokuthi abaphumelelanga abelungu ukulihlukanisa/ ukuliphihliza
Umugqa wesi-2 kuya kowesi-3
EliseSibubulungu,
Elahlul’ abelungu
Imbongi isebenzise imvumelwano-sigcino ukuletha umgqumo osamculo ukugcizelela ukuthi
leli tshe likuyiphi indawo nokuthi abaphumelelanga abelungu ukuliphihliza/ukulihlukanisa
Umugqa we-10 kuya kowe-11
Elabikezel’ umLungu,
Nempela wathi lungu

Imbongi isebenzise imvumelwano-sigcino ukuletha umgqumo osamculo ukugcizelela ukuthi

lokwakumenyezelwe yiNkosi uShaka ngokufika kwabelungu kwenzeka ngoba bavele
baqhamuka njengoba base belindiwe.
Umugqa we-14 kuya kowe-15
Elalibuk’ amabutho
Ezam’ ukwenz’ ufutho
Imbongi isebenzise imvumelwano-sigcino ukuletha umgqumo osamculo ukugcizelela
nokuthi iiNkosi uShaka wayehlala abukele amabutho ezilungiselela ukulwa/ukuvikela
umbuso wakhe.
Umugqa we-14 kuya kowe-15
Elalibuk’ amabutho
Ezam’ ukwenz’ ufutho
Imbongi isebenzise imvumelwano-siqalo ukuletha umgqumo osamculo ukugcizelela nokuthi
iiNkosi uShaka wayehlala abukele amabutho ezilolonga
Umugqa we-18 kuya kowe-19
Eligezw’ amagagasi,
Won’ adl’ aMaqaqasi
Imbongi isebenzise imvumelwano-sigcino ukuletha umgqumo osamculo ukugcizelela
nokuthi ukuzilungiselela kwamabutho phakathi nolwandlwe kwaba nobungozi bokuthi
amanye agwinye yilo ulwandle ngenza yokuthathwa ngamagagasi.
Umugqa wama-22 kuya kowama-23
Eliseyisisekelo.
Liseyisizekelo
Imbongi isebenzise imvumelwano-sigcino ukuletha umgqumo osamculo nokugcizelela
umlando wokufika kwabelungu nobuqhawe obakhonnjiswa yiNkosi uShaka ezinikele
ngokuvikela umbuso wayo kubelungu.

Ndamane MV 2023
 57

Imibuzo

1.Tomula isifengqo esisebinzeni lesi-2 bese usho uhlobo lwaso. (2)

2. Xoxa kafushane ngethoni equkethwe yile nkondlo. (2)
3. Yini umthelela wokuthi imbongi isebenzise imvumelwano emgqeni wesi-2 nowesi-3. (2)
4. Ngabe ukusetshenziswa kwempindwa kukwelekelele kanjani ukuqonda umqondo wale
nkondlo (2)
5. Phawula ngokusetshenziswa kwesenzukuthi esisemgqeni we-11. (2)
[10]
Izimpendulo

1. Kuhle kwenkos’ imele

Isifaniso
2. Ithoni iveza ithoni yokujabula/yokuncoma/yokutusa indlela iNkosi uShaka azinikela ngayo
namabutho egade ukufika kwabelungu abaqhamuka okwandle okusaxoxwa ngakho
nanamuhla.
3. Imbongi isebenzise imvumelwano-siqalo ukuletha umgqumo omnandi osamculo
ukugcizelela ukuthi itshe likuyiphi indawo nokuthi abaphumelelanga abelungu
ukulihlukanisa/ ukuliphihliza.
4. Le mpindwa ethi ‘Idwala likaShaka’ ingelekelele ukuba ngiqonde ukuthi imbongi
ibigcizelela umlando omkhulu wokufika kwabelungu, befikela eNkosini uShaka owayevikela
isizwe samaZulu ehlala kuleli dwala eliseSibubulungu.
5.Imbongi iphumelele kahle ukusebenzisa isenzukuthi esithi ‘lungu’ ukugqamisa ukufika
kwabelungu/ukuvela kwabelungu bevela emanzini olwandle inkosi uShaka ibabuka
isesigodlweni sayo KwaDukuza. [10]

6. Zingqwele Ze-Afrika (Sankomota)-Imbongi Ayaziwa

Isakhiwo sangaphakathi
Umqondo wenkondlo ngamafuphi
Kule nkondlo imbongi ikhuthaza iqembu lomculo iSankomota ukuthi lingapheli amandla
liqhubeke lijabulise abantu. Imbongi ifanisa leli qembu neZingqwele uma iliqhathanisa
nabanye ngokunqoba ngomculo walo ongena ugxile ezinhliziyweni zabantu. Imbongi ithi
umculo weSankomota uqeda ukudumalo nenzondo kube nenjabulo nothando.
Umoya wenkondlo
Le nkondlo inomoya wokuncoma/wokukhuthaza, imbongi incoma iqembu leSankomota
ngomculo walo oqeda indumalo nenzondo kube nothando kuphele nezinsizi.
Indikimba
Kule nkondlo sithola indikimba yobuqhawe. Imbongi iqhakambisa ubuqhawe beSankomota
ngomculo othokozisayo odedisa izinsizi nenzondo kube nenjabulo nothando abantu
bajabule uma bewulalele.
Umlayezo
Umculo uyamthokozisa umuntu odabukileyo futhi uqeda nokuzondana kubantu. (Miningi
imilayezo engatholwa abafundi kuzoya ngokuthi kubuzwe ngayiphi imigqa.)
Imifanekisomqondo
Imifanekisomqondo yilayo magama esithi uma siwasho kwakheke isithombe esithile
emqondweni. Sinemfanekisomqondo ebonakalayo, ethintekayo, enambithekayo,
ezwakalayo nehogelekayo. Sibe nezifengqo izaga nezisho (Izimo zokukhuluma zonke
ziyimifanekiso mqondo).

Ndamane MV 2023
 58

Umhlaba uzolile- umfanekiso-mqondo obonakalayo oyisifengqo esiyisenzasamuntu.

Umhlaba uzohloba ngengubo yothando-Umfanekisomqondo obonakalayo oyisifengqo
esiyisenzasamuntu, imbongi igqugquzela iqembu leSankomota ukuthi liqhubeke liqophe
izingoma zothando ukuze kuzokwanda uthando emhlabeni wonke.
Uhlonipha izingqwele- umfanekisomqondo obonakalayo oyisifengqo esiysenzasamuntu
esichaza ukuthi abantu emhlabeni bayalizothela /bayalihlonipha iqembu lesankomote
AbakwaNdumalo babophe imithwalo-Umfanekiso-mqondo obonakalayo oisifengqo
esiyisenzasamuntu esichaza ukuthi ukudumalo/jabha kuyaphela nya.
Kukikizwe kuchwaze – Umfanekiso mqondo ozwakalayo ochaza ukubanga umsindo
okwenziwa abesifazane uma bejabule. Imbongi ikhuthaza iqembu leSankomota ukuthi
aliqhubeke liphakamise izinga lomculo ukuze kujatshulwe.
Bashaye bashantshule. Umfanekiso mqondo oyisisho. Lesi sisho sichaza ukuhamba
ungabe usabheka emuva. Kubhekiswe kulabo abanomona abangathandi ukuhalalisela leli
qembu lomculo njengoba lenza kahle futhi lithandwa umhlaba wonke noma sichaza ukuthi
usizi luyaphela unomphela uma ulale umculo omnandi weSankomota.
Ngizw’ amaphimbo avuma kamnandi- Umfanekisomqondo ozwakalayo imbongi incoma
ubumnandi bomculo weSankomota.
Zahlekis’ umhlaba- Umfanekisomqondo obonakalayo/ozwakalayo ochaza ukuthi
iSankomoto sijabulisa abantu ngmculo waso.
Zasholo phansi kamnandi- Umfanekisomqondo ozwakalayo/obonakalayo imbongi incoma
iSankomota uma sesiculela phansi kamnandi sehlisa amaphimbo kujabule abantu ngenxa
yobumnandi bomculo waso.
Umzwangedwa wangival’ isamuku- Umfanekisomqondo wokubonakalayo ochaza ukuthi
uma imbongi ilalele umculo weSankomota uvukwa umzwangedwa agcine esethule
engakhulumi ngenxa yokujuiswa umculo.
Iphunga lothando lwagcwal’ umhlaba- Umfanekisomqondo ohogelekayo ochaza ukuthi
umculo weSankomota ufafaza umoya wothando emhlabeni wonke.
Nenhliziy’ edabukil’ ithinteke, - umfanekisomqondo othintekayo. Lapha imbongi
isebenzise umfanekisomqondo wokuthintekayo. Kepha ibhekise ekuthintekeni kwenhliziyo
ngenxa yomculo omnandi osuke uculwa yileli qembu leSankomota.
Nazo sezikhophozel’ izingqwele-Umfanekisomqondo wokubonakalayo lapho kubonakala
leli qembu licula lidlisela esiteji abantu bebukela.
Isigqi senkondlo
Isigqi sale nkondlo siyashesha ngoba imbongi iyancoma, incoma iqembu leSankomota
ngomculo walo ohamba phambili ofafaza uthando.

Isakhiwo Sangaphandle
Isakhiwo sangaphandle ukubumbeka kwenkondlo uma sibheka imigqa, amabinza,
imvumelwano, impindwa, ukuxhumana, i-enjambamenti, ifanamsindo, ifuzamsindo, isizura
nezimpawu zokuloba.
Amabinza
Le nkondlo inamabinza amane, wonke anemigqa eyisikhombisa ngalinye. Lokuhleka
kwemigqa kungakhoba into enhle njengoba sizwa nje ukuthi kule nkondlo imbongi incoma
iqembu leSankomota ngomculo walo omtoti.
Imigqa
Kule nkondlo kukhona imigqa emide kanye nemifushane. Yonke imigqa ivalekile ngaphandle
komugqa ngaphandle komugqa weshumi nesithupha. Nakuba imigqa yalenkondlo ivalekile
ngobuningi isigqi sale nkondlo siyashesha ngenxa yokuthi lenkondlo inomoya
wokutusa/wokuncoma.
I-enjambamenti

Ndamane MV 2023
 59

Lolu hlobo lobuciko lwethulwa umugqa ovulekile kanye novalekile. Kule nkondlo sithola i-
enjambamenti emgqeni we-16 kuya emgqeni we-17.
Ngizw’ amaphimb’ avuma kamnandi
Amagod’ okuzibamb’ agqabuka,
Le- enjambamenti ikhombisa ukuthi umqondo oqale emgqeni we-16 uphelela emgqeni we-
17 nokuveza ukuthi imbongi uma uzwa uculo omnandi weSankomota ihluleka nokuzibamba
nayo izithole isicula naleli qembu.
Ukuxhumana okutshekile
Khuphulani leyo nhlokomo!
Ehlokoma namahlokohlok’ ehlobo,
Imbogi isebenzise ukuxhumana okutshekile ukugcizelela ukunxusa noma ukugqugquzela
kwayo iSankomota ukuthi siqhubeka nokunyusa izinga lomculo waso omnandi ojabulisa
abantu.
Imvumelwano
Ukuvumelana kusho ukufana kwamalunga emigqeni elandelanayo. Ngasekuqaleni
kwegama unkamisa angaba yilunga kanti ngeke akwazi ukuba yilunga ngasekugcineni
kwegama. Imbongi isebenzisa imvumelwano umsebenzi wayo ukuletha umgqumo omnandi
osamculo nokuveza lokhu okusuke kuqukethwe yileyo migqa esuke inemvumelwano
okusuke kumele umfundi ayihumushe uma ephendula.
Imvumelwano siqalo
Umhlaba uzolile,
Uhloniph’ izingqwele,
Imbongi isebenzise imvumelwano siqalo ukuletha umgqumo omnandi osamculo nokuveza
ukuthi abantu emhlabeni banokuthula nokwazisa iqembu leSankomota elihamba phambili
elibapha umculo omnandi.
Umzwangedwa wangival’ isamuku!
Umphefumulo wami washwibashwiba,
Imbongi isebenzise imvumelwano siqalo ukuletha umgqumo omnandi nokuveza ubuhlungu
ebuzwa ebuzwa yodwa ngaphakathi enhliziyweni obuyenza ingabe isakhuluma Inhliziyo
ibophane izulazule ngemicabango.
Zasholo phansi kamnandi,
Zahlekis’ umhlab’ ongahleki,
Imbongi isebenzise imvumelwano siqalo ukuletha umgqumo omnandi osamculo nokuveza
ukuncoma kwayo iSankomoto uma sesiculela phansi (sehlise amaphimbo) kujabule abantu
emhlabeni ngenxa yomculo omnandi.
Imvumelwano maphakathi
Oludonsel’ ezinzulwini zomphefumulo,
Nenhliziy’ edabukil’ ithinteke,
Imbongi isebenzise imvumelwano-maphakathi ukuletha umgqumo omnandi noveza ukuthi
umculo weSankomota uthintana ekujuleni komphefumulo/kwenhliziyo nomuntu
ongaphathekile kahle avuseleleke athinteke enhliziyweni.

Umzwangedwa wangival’ isamuku!

Umphefumulo wami washwibashwiba,
Imbongi isebenzise imvumelwano maphakathi ukuletha umgqumo omnandi nokuveza
ubuhlungu ebuzwa ebuzwa yodwa ngaphakathi enhliziyweni obuyenza ingabe isakhuluma
Inhliziyo ibophane izulazule ngemicabango.
Zahlekis’ umhlab’ ongahleki,
Kwavunguz’ umoya wothando,
Ndamane MV 2023
 60

Imbongi isebenzise imvumelwano maphakathi ukuletha umgqumo omnandi nokuveza ukuthi

umculo weSankomota ujabulisa abantu kube nomoya wokuzwana phakathi kwabo.
Imvumelwano sigcino
Umhlaba uzolile,
Uhloniph’ izingqwele,
Imbongi isebenzise imvumelwano sigcino ukuletha umgqumo omnandi osamculo nokuveza
ukuthi abantu emhlabeni banokuthula nokwazisa iqembu leSankomota elihamba phambili
elibapha umculo omnandi.
Ifanamsindo
Ifanamsindo lisho ukufana komsindo okutholakala emugqeni. Ifanamsindo lingaba
ifanangwaqa lapho kusuke kufana ongwaqa noma ifanankamisa lapho kusuke kufana
onkamisa emgqeni.
Ifanankamisa
Ningamuki zingqwele ze-Afrika,
Imbongi isebenzise ifanankamisa ukuletha umgqumo omnandi nokuveza
ukunxusa/uukhuthaza kwayo iqembu leSankomota ukuthi lingapheli lingashabalali.
Ifanangwaqa
Kukikizwe kuchwaze,
Imbongi isebenzise ifanangwaqa ukuletha umgqumo omnandi/umuzwa wenjabulo
okhonjiswa abantu besifazane uma bejabulela umculo weSankomoto uyalikhuthaza leli
qembu ukuthi liqhubeke okukhula.
Ehlokoma namahlokohlok’ ehlobo
Imbongi isebenzise ifanangqwaqa ukuletha umgqumo omnandi nokukhuthaza leli qembu
ukuthi liqhubeke nokujabulisa abantu.

Imibuzo
1 Tomula imvumelwano ebinzeni lokuqala bese usho uhlobo lwayo. (2)
2.Chaza kafushane umoya otholakala emgqeni wama-22 kuya kowama-25. (2)
3.Iyini inhloso yembongi yokusebenzisa ukuxhumana ebinzeni lesi-2? (2)
4. Ucabanga ukuthi kungani imbongi isebenzise i-enjambamenti ebinzeni lesi-3? (2)
5.Phawula ngekhono lembongi lokwethula isigqi esitholakala ebinzeni lesi-4? (2)
[10]
Izimpendulo
1. Umhlaba uzolile,
Uhloniph’ izingqwele
Imvumelwano siqalo /
Umhlaba uzolile,
Uhloniph’ izingqwele
Imvumelwano sigcino /
Oludonsel’ ezinzulwini zomphefumulo,
Nenhliziy’ edabukil’ ithinteke,
Imvumelwano maphakathi
2. Umoya wokuncoma. Imbongi incoma iqembu leSankomota licula lidlisela esiteji selibheke
phansi, liculela phansi lijabulisa bonke abantu ababukelayo kunomoya wokuzwana
kwizethameli.

Ndamane MV 2023
 61

3. Imbogi isebenzise ukuxhumana okutshekile ukugcizelela ukunxusa noma ukugqugquzela

kwayo iSankomota ukuthi siqhubeka nokunyusa izinga lomculo waso nokujabulisa abantu
ngomculo omnandi.
4. Imbongi isebenzise i-enjambamenti ukukhombisa ukuthi umqondo oqale emgqeni we-16
uphelela emgqeni we-17, nokuveza ukuthi imbongi uma uzwa uculo omnandi weSankomota
ihluleka nokuzibamba nayo izithole isicula kanye nalo leliqembu.
5.Imbongi iphumelele kahle ukwethula isigqi esisheshayo. Nakuba kunezimpawu zokuloba
ekugcineni kwemigqa kodwa ngenxa yomoya wokuncoma isigqi siyashesha.

Isibonelo sombuzo omude wenkondlo

Impi-SRC Shongwe

Umbuzo
Ngokubhekisisa ukukhethwa kwamagama anjengemifanekisomqondo/
izithombemagama kule nkondlo, xoxa ngomqondo oqukethwe yile
nkondlo.
Impendulo yakho mayibe yi-eseyi ehleleke kahle ibe namagama ayi-190 kuya
kwangama-240. [10]

Impendulo

Imifanekiso mqondo yilawo magama asetshenziswa imbongi ukwakha imifanekiso

emqondweni walowo ofunda inkondlo. Kungashiwo futhi ukuthi izithombemagama.
Sikhuluma ngezinzwa (inzwa yokubonakalayo, inzwa yokuzwakalayo/ yokulalelekayo,
inzwa yokuhogelayo, inzwa yokunambithekayo nenzwa yrokuthintekayo), izimo
zokukhuluma (izifengqo, izaga nezisho) namagama acebile. Umqondo wenkondlo yilokho
okushiwo yimbongi enkondlweni yayo. Inkondlo inomqondo osobala kanye nomqondo
ocashile. Le mpendulo igxile emqondweni ocashile wale nkondlo.

Imbongi isebenzise umfanekisomqondo wokubonakalayo othi ‘ngamaviyoviyo’ ukuveza

umqondo wokuthi abafundi abaphuma ezindaweni ezahlukahlukene abenza izifundo
ezahlukene bafunda ndawonye esikhungweni semfundo ephakeme. Iphinde yasebenzisa
umfanekisomqondo wokubonakalayo othi ‘Kudedangendlale wenkundla’ ukugqamisa
ubukhulu balesi sikhungo semfundo nokuthi sikwazi ukuthatha isibalo esikhulu
sabafundi. ‘Nezingeqiwa ntwala’ umfanekisomqondo wokubonakalayo(oyisisho) ochaza
ukukhandleka abafundi ababhekana nakho ngenxa yemfundo. ‘Namanxebakazi’ lona
umfanekisomqondo wokubonakalayo, imbongi igqamisa ukukhandleka kwemizimba
nezinhliziyo zabafundi ngenxa yezinkinga ababhekana nazo uma besempini yemfundo.
Imbongi isebenzise umfanekisomqondo wokubonakalayo ‘Nemikhontshwana’ ukugqamisa
ulwazi oluncane abafundi abafika benalo ngenkathi bezoqala ukufunda kulesi khungo.
Imbongi igqamisa ubuhlungu obuzwiwa abafundi ngabodwana omunye umuntu angakwazi
ukububona ngenxa yokuthi bayaziqinisa kuzo zonke izinkinga ngokusebenzisa
umfanekisomqondo wokubonakalayo othi ‘lopha ngaphakathi’. ‘Isihlangwana’ ngalo
mfanekisomqondo wokubonakalayo imbongi igqamisa umqondo wokuthi nakuba
isafunda/isekhona kulesi sikhungo yingenxa yokuphumelela ngolwazana enalo lokubhekana
nezivivinyo ezibhalayo.’Seyigwaza bukhona’ umfanekisomqondo wokubonakalayo oyisisho
oveza umqondo ogcizelela isikhathi esinzima lapho isuke isibhala izivivinyo ezinzima.

‘Amavak’amb’ambulula’ lona umfanekisomqondo wokubonakalayo, imbongi igcizelela ukuthi

labo abangamagwala / abahlulwa ukubekezela bayeka phansi ukufunda. ‘Izikhali zikusinda’
ngalo mfanekisomqondo wokubonakalayo/ wokuthintekayo, imbongi igcizelela ukunxusa
Ndamane MV 2023
 62

kwayo abafundi ukuba babekezele bafunde noma sebehlangabezana nobunzima

bangapheli amandla. Imbongi isebenzise isingathekiso esithi ‘Mfowethu yilwa le mpi imbongi
inxusa/ikhuthaza abafundi ukuthi makafunde ingathekisa imfundo ngempi.

Imbongi iphumelele kahle ukusebenzisa amagama anjengemifanekisomqondo ukugqamisa

umqondo wokuthi abafundi abafunde ngokuzimisela bengapheli amandla ukuze bengazisoli
kusasa. (205)

Imbuzo eminingi ithathwe njengoba injalo emaphepheni eminyaka edlule yebanga le-12 kanti eminye ihlelwe kabusha

IZINCWADI EZIFUNDIWE

Mahaye NH & Sithole ZE.; 2015. Uju Lwezinkondlo. Midrand: Marang Publishers
Mbuyisa AM; Nxumalo TF; Thango SG & Zikhali CN.; 2023. Mind the Gap-Izinkondlo
IsiZulu Ulimi Lwasekhaya. Pretoria: Umnyango Wezemfundo.
Mhlanga, EJ.; Ubhuku Lwamanqe. Alberton North: Lectio Publishers.
Sibiya, NG.;2008. Bengithi Lizokuna. Petermaritzburg: Nutrend Publishers.
Umnyango wezemfundo.2011. Isitatimende soHlelo lweZifundo lukaZwelonke
(UTAFUZWE) Ulimi Lwasekhaya Amabanga (10-12). Pretoria: Umnyango
Wezemfundo.
Siyahluza 2023 Isifundazwe SakwaZulu Natali Umhlahlandlela Wokuhluza
Izinkondlo Ezimiselwe Ukufundwa IsiZulu Ulimi Lwasekhaya
www.education.gov.za Accessed 14/02/2023

Eminye imibuzo nezimpendulo eziningi zithathwe emaphepheni eminyaka edlule yephepha

lesi-2 lebanga le-12 yahlelwa kabusha eminye yabuyiswa injalo.

Ndamane MV 2023