SENIOR CERTIFICATE EXAMINATIONS/

NATIONAL SENIOR CERTIFICATE EXAMINATIONS

ISIZULU ULIMI LWASEKHAYA (HL)

IPHEPHA LESIBILI (P2)

2021

AMAMAKI: 80

ISIKHATHI: Amahora ama-2½

Leli phepha linamakhasi angama-32.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 2 DBE/2021
SC/NSC

IMIYALELO KANYE NOLWAZI KWABAHLOLWAYO

1. Fundisisa kahle imiyalelo ngaphambi kokuba uqale ukuphendula imibuzo.

2. Ungafundi imibuzo yonke yephepha. Qala ubheke uhla lokuqukethwe

olukhonjisiwe bese ukhetha imibhalo oyifundile kulo nyaka. Emuva kwalokho,
funda imibuzo yaleyo mibhalo bese ukhetha imibuzo ozoyiphendula.

3. Leli phepha LINEZIQEPHU EZINTATHU:

ISIQEPHU A: Izinkondlo (30)

ISIQEPHU B: Inoveli/Ubuciko bomlomo (25)
ISIQEPHU C: Umdlalo (25)

4. Phendula imibuzo EMIHLANU isiyonke: ISIQEPHU A: Imibuzo EMITHATHU,

ISIQEPHU B: Umbuzo OWODWA, ISIQEPHU C: Umbuzo OWODWA
njengoba kukhonjisiwe ngezansi.

ISIQEPHU A: IZINKONDLO
IZINKONDLO EZIMISELWE – Phendula noma yimiphi imibuzo EMIBILI.
INKONDLO ENGAMISELWE – UPHOQELEKILE ukuphendula lo mbuzo.

ISIQEPHU B: INOVELI/UBUCIKO BOMLOMO

Phendula umbuzo OWODWA.

ISIQEPHU C: UMDLALO
Phendula umbuzo OWODWA.

5. INDLELA YOKUPHENDULA IMIBUZO YESIQEPHU B (INOVELI/UBUCIKO

BOMLOMO) KANYE NEYESIQEPHU C (UMDLALO).

 Phendula KUPHELA umbuzo wenoveli/ubuciko bomlomo kanye nomdlalo

owufundile.
 Phendula UMBUZO OWODWA OMUDE kanye NOWODWA
OMFUSHANE. Uma ukhetha ukuphendula umbuzo omude
ESIQESHINI B, kufanele uphendule umbuzo omfushane ESIQESHINI C.
Uma ukhetha ukuphendula umbuzo omfushane ESIQESHINI B, kufanele
uphendule umbuzo omude ESIQESHINI C. Sebenzisa uhla oluyinkomba
lokuphendulwa kwemibuzo ukuze lukwelekelele ekukhetheni imibuzo.

6. UBUDE OBULINDELEKILE BEZIMPENDULO

 Impendulo yombuzo omude ezinkondlweni mayibe ngamagama ayi-190

kuya kwangama-240.
 Izimpendulo zemibuzo emide enovelini/ebucikweni bomlomo kanye
nasemdlalweni mazibe ngamagama angama-340 kuya kwangama-390.
 Ubude bezimpendulo zemibuzo emifushane buyolekelelwa amamaki
anikeziwe okuyiwona ayolawula ohlolwayo ukuthi kumele aphendule
kangakanani. Abafundi mabaqaphele ukuthi bangathemelezi kodwa
baphendule okubuziwe.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 3 DBE/2021
SC/NSC

7. Landela ngokucophelela imiyalelo oyinikeziwe ekuqaleni kwaleso naleso

siqephu.

8. Qaphela ukuthi izinombolo ozisebenzise ezimpendulweni zakho

ziyahambisana nalezo ezisetshenziswe abahlolayo emibuzweni.

9. Qalisa ISIQEPHU NGASINYE ekhasini ELISHA.

10. Ukusetshenziswa kwesikhathi kungahlelwa ngale ndlela:

ISIQEPHU A: Imizuzu engama-40

ISIQEPHU B: Imizuzu engama-55
ISIQEPHU C: Imizuzu engama-55

11. Bhala ngobunono nangesandla esibonakalayo.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 4 DBE/2021
SC/NSC

OKUQUKETHWE
Leli khasi liyolekelela abahlolwayo ukuba bakhethe imibuzo abazoyiphendula
ngaphandle kokufunda imibuzo yephepha lonke.
ISIQEPHU A: IZINKONDLO
Izinkondlo ezimiselwe: Phendula noma ngabe yimiphi imibuzo EMIBILI.
INOMBOLO YOMBUZO UMBUZO AMAMAKI INOMBOLO
YEKHASI
1. 'Nyuvesi YakwaZulu' Umbuzo omude 10 6
2. 'Izibongo ZikaKufakezwe' Umbuzo omfushane 10 7
3. 'KwaNdongaziyaduma' Umbuzo omfushane 10 8
4. 'Nkosi Sikelele' i-Afrika' Umbuzo omfushane 10 10
KANYE
Nenkondlo engamiselwe: Uphoqelekile ukuphendula lo mbuzo.
5. 'Ngiyafis' Ukwethembeka' Umbuzo omfushane 10 11
QAPHELA: Phendula UMBUZO OWODWA OMUDE kanye NOWODWA OMFUSHANE. Uma
ukhetha ukuphendula umbuzo omude ESIQESHINI B, kufanele uphendule umbuzo
omfushane ESIQESHINI C. Phendula umbuzo OWODWA ESIQESHINI B kanye
nowodwa ESIQESHINI C.
ISIQEPHU B: INOVELI/UBUCIKO BOMLOMO
INOVELI: Phendula umbuzo OWODWA kule noveli emiselwe.
6. Bengithi Lizokuna Umbuzo omude 25 13
7. Bengithi Lizokuna Umbuzo omfushane 25 13
8. Usumenyezelwe-ke Umcebo Umbuzo omude 25 16
9. Usumenyezelwe-ke Umcebo Umbuzo omfushane 25 16
10. Kunjalo-ke Umbuzo omude 25 18
11. Kunjalo-ke Umbuzo omfushane 25 18
12. Impi Yabomdabu Isethunjini Umbuzo omude 25 20
13. Impi Yabomdabu Isethunjini Umbuzo omfushane 25 20
NOMA
UBUCIKO BOMLOMO: Phendula umbuzo OWODWA kolobu buciko bomlomo obumiselwe.
14. Uju Lwezizukulwane Umbuzo omude 25 22
15. Uju Lwezizukulwane Umbuzo omfushane 25 22
ISIQEPHU C: UMDLALO
Phendula umbuzo OWODWA kule midlalo emiselwe.
16. Kudela Owaziyo Umbuzo omude 25 26
17. Kudela Owaziyo Umbuzo omfushane 25 26
18. Awuwelwa UMngeni Umbuzo omude 25 28
19. Awuwelwa UMngeni Umbuzo omfushane 25 28
20. Ubhuku Lwamanqe Umbuzo omude 25 31
21. Ubhuku Lwamanqe Umbuzo omfushane 25 31
QAPHELA: Phendula UMBUZO OWODWA OMUDE kanye NOWODWA OMFUSHANE
ESIQESHINI B kanye NASESIQESHINI C. Akuvumelekile ukuphendula imibuzo
EMIBILI emide noma EMIBILI emifushane.
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P2 5 DBE/2021
SC/NSC

Uhla oluyinkomba yokuphendulwa kwemibuzo.

Emuva kokuphendula imibuzo yaleli phepha sebenzisa lolu hla oluyinkomba

yokuphendulwa kwemibuzo ukuze ube nesiqiniseko sokuthi uyikhethe ngokufanele
imibuzo okulindeleke uyiphendule.

ISIQEPHU INOMBOLO INANI THIKA

YEMIBUZO LEMIBUZO
EPHENDULIWE
A: IZINKONDLO
(Ezimiselwe) 1–4 2
A: INKONDLO
(Engamiselwe) 5 1
B: INOVELI
(Umbuzo omude NOMA 6–13 1
omfushane)
B: UBUCIKO BOMLOMO
(Umbuzo omude NOMA 14–15 1
omfushane)
C: UMDLALO
(Umbuzo omude NOMA 16–21 1
omfushane)

QAPHELA: ESIQESHINI B no C, qinisekisa ukuthi uphendule umbuzo OWODWA

OMUDE kanye nombuzo OWODWA OMFUSHANE. Awuvumelekile
ukuphendula imibuzo EMIBILI emide noma imibuzo EMIBILI
emifushane.

ESIQESHINI B, khetha phakathi kwenoveli nobuciko bomlomo,

uphendule UMBUZO OWODWA, ungaphenduli ngazo zombili lezi
zinhlobo zemibhalo.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 6 DBE/2021
SC/NSC

ISIQEPHU A: IZINKONDLO

IZINKONDLO EZIMISELWE

Phendula noma yimiphi imibuzo EMIBILI kulena emine ebuziwe elandelayo.

UMBUZO 1: UMBUZO OMUDE

Fundisisa le nkondlo bese uphendula imibuzo elandelayo.

NYUVESI YAKWAZULU – LF Mathenjwa

1 INgqungqul' eshay' amaphiko phezu koMhlathuze

2 UMhlathuze wakhophoza
3 Ukhozi oluvul' amaziphokazi ezintabeni zoNgoye,
4 UNgoye lwesaba nokulwehlela
5 Ubhakubha olungezindlu zinde zishay' ezulwini
6 Inkunz' egweba ngepensela ezinye zigweba ngophondo
7 Indab' engiyizwe ngimncane ngakhula ngayibona ngamehlo.

8 Umzondo abawunyathele KwaZulu ukunuka kwezwakala eXhoseni

9 Kuze kwasa abeSuthu kwaMshweshwe beqaqanjelwa amakhanda
10 Ilangab' elihangul'izikhotha zase-Afrika kwasha amabibi phesheya
11 Ngikhuluma namuhla o-Cambridge no-Oxford abawuval' umlomo
12 0-Fort Hare no-Turfloop bakhwacel'
13 Imisidlan' okwengcanga ibon' ikhonde.

14 Gobhoza njalo mfula wolwazi uphuzis' i-Afrika

15 Ngifike isisu simboqo ngaphuma sesimapaklazana
16 Ngeswele ezinkulungwane ngangihuba ngikuhayele sibani soluntu
17 Izinkulungwane ezidlula kuwe aziwuvali chibi lolwazi
18 Bayingcosan' abaphuza kuwe kungacimeki ukoma.

19 Ngitshele mfazindini zingaki ezakho izimbiza?

20 Ngibuze kwelamaXhosa bangawuval' umlomo
21 KwelikaMabuza kaNgwane uyintokaz' eyisilomo
22 AbakoMshweshwe namanje beswel' imilomo

23 Uyadel' ophuze kuleso sizib' esinzonzo sakoNolwazi

24 Uphuthelwe ongacaphunanga kuleyo mbenge yolwazi.
25 Sizib' esimavivane sikaNomfundo noNompumelelo
26 Ngibe ngiyakugasela ngashaywa uvalo kwafik'isiyezi
27 Ngikubon' unyakazisw' inkanyamb'uNolwazi
28 Intengo yezaqheqhe noju lwakho ingilethel' uhlevane
29 Ngitshele Nhlalamafini wena wakoNomfundo yini imfihlo yakho?

30 Eyalo muz' impilo ingamagquma namathafa

31 Babodwa abakaNokungcebeleka nabakaNomfundo
32 Imini nobusuku kulo muzi kuyazifanela
33 Izinkulungwane ziyimisalela yoMhlathuze nama Semester
34 Ngomzabalazo kufik' abakwasidlodlo kugcwal' ithafa
35 Zigemegeme zomz' omkhulukazi wasoNgoye.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 7 DBE/2021
SC/NSC

36 Ngikuthanda ngokungacwasi ngabala nabuzwe mfazindini

37 Angibonaze ngikuzwe uhlung' ubandlulula
38 Yonkana eye-Afrika ingabadi izalwa nguwe
39 Khul' uzukhokhobe ngqungqulu yakwaNomfundo
40 Yima njalo mondli wezimpofana nezicebi
41 Mana njalo NYUVESI YAKWAZULU.

Xoxa ngamasu anhlobonhlobo asetshenziswe imbongi ukugqamisa indikimba yale

nkondlo okungaba ukukhethwa kwamagama, izifengqo, nezisho.

Impendulo yakho mayibe yi-eseyi ehleleke kahle ibe namagama ayi-190 kuya
kwangama-240. [10]

UMBUZO 2: UMBUZO OMFUSHANE

Fundisisa le nkondlo bese uphendula imibuzo elandelayo.

IZIBONGO ZIKAKUFAKWEZWE – MSS Gcumisa

(Umnewethu inkosi yakwaGcumisa engasekho)

1 Ingqungqulu eyabhul' amaphiko

2 Phezu komuzi esangwen' eTsheni
3 Zonk' izinyoni zakhothamis' amakhanda.
4 Ngimthande ebagax' izinsimbi nanxa
5 Sebecel' intethelelo.
6 Ingulule egijime yeqa izintaba
7 Abesifazane nezingane bapheza
8 Ukulal' ezintabeni,
9 Kwanqamuka nengelezane
10 Yokugeleza kwegazi ezweni.

11 Ithole, elikaLubanjane, elikaSigobhe,

12 ElikaManyosi, elikaSalimani,
13 ElikaMahlomehlathini njengohlanya,
14 Elikhale phezu komfula uMqeku,
15 Kwakhuphuk' indlezane yakoMapholoba
16 Emalangeni yalilabalabela.
17 Kanti izoliphahlaza ngelinomantshu
18 Izolibhakela ngenselw' enodaka.

19 Indaba eyenziwe abafokazana nezinduna,

20 Inkosi abaze bayikhombisa inxeba,
21 Yathi iyalihlaba kanti isiyaphimpiliza.
22 Isibeka luphawu lwesibazi,
23 Esingaseyuphela sishabalale,
24 Kazi nxa amaliba angaqhibuka namuhla
25 Baphume oMbabal' egweb' igijima,
26 NoNomadlikidlikana bangathini?
27 Nxa sebeqhamuk' elab' izwe
28 Seliziduliduli okungath' ezemihlwa
29 Okuthunqa kuzo intuthu,
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P2 8 DBE/2021
SC/NSC

30 Lapho kwashabalala khona

31 Awabo amahlathi ayengashunqi ntuthu.

32 Ukufakwezwe abamethe igama kanti uzolilandela,

33 Bath' ukufakwezwe izwe life ngaye kungabi ndaba zalutho.
34 Umvuli wezicabh' esengaphakathi
35 Wakhab' onobhadul' esengaphakathi
36 Zivalwe amadod' amabili phesheya kweNgoje
37 Enye eyakwaMgwaz' eMthini emide,
38 Enye eyakwaLuthuli eMathulini.
39 UMadondolozela: ngentong' encane
40 Kwezakwabo ekhohlwa
41 Ngob' udondolozela ngomfowabo uMlindeli.
2.1 Nikeza umugqa onesenzasamuntu otholakala ebinzeni loku-1. (1)
2.2 Chaza kafushane ngamaphuzu AMATHATHU umqondo oqukethwe yibinza
lesi-2. (3)
2.3 Chaza umoya oqukethwe umugqa we-19 kuya kowama-22 kule nkondlo. (2)
2.4 Iyini inhloso yembongi ekusebenziseni ukuxhumana okusekugcineni ebinzeni
lesi-4? (2)
2.5 Phawula ngempumelelo yembongi ekusebenziseni umbuzombumbulu
ebinzeni lesi-3. (2)
[10]

UMBUZO 3: UMBUZO OMFUSHANE

Fundisisa le nkondlo bese uphendula imibuzo elandelayo.

KWANDONGAZIYADUMA – EJ Mhlanga

1 Zijiyile ezixoxwa namuhla,

2 Zinohlonze lezi engizizwayo,
3 Zizwakala samthomb' ugobhoza,
4 Yimuphi lowo mthomb' engiwuzwayo,
5 Othombulul' izingqotho ezinginqalile,
6 Uthombulul' amaketang' angiqalangile?
7 Mthombo wakwaNdongaziyaduma gobhoza.

8 Sewazisul' izinyembezi,
9 Ebezizikhunge ethala lesizwe,
10 Yeka lezo zinsizwa zamaqhawe,
11 Ezasal' emaqeleni kwaNgcedomhlophe,
12 Zingabonaze zaphunyuzwa,
13 Nalezo zicoc' ezomela phansi,
14 Zingabonaze zaganwa,
15 Zizam' ukubuyis' isizotha,
16 Sezigodlo zikaZulu,
17 Zinxanel' udumo nezibongo.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 9 DBE/2021
SC/NSC

18 Ubuthe leyo mikhonto,

19 Wayiphons' ethala yagqwala,
20 Izintombi nezinsizwa zosapho,
21 Wazibuthela kwesakh' isigodlo,
22 Yonk' imiqondo wayihlohl' ikhwezi.
23 Waba yinkundl' egiyel' amaqhawe,
24 Ezidla ubhedu lwakwaNgqondonkulu,
25 Kunamuhla ziqholosh' isiqholoshakade,
26 Zikhulum' ulim' oludeph' ulwandle.

27 Namuhla siphezu kwamabhilidi,

28 Izinqanaw' ezikhoth' amayezi phezulu,
29 Sinanel' ilanga nobuhle balo,
30 Sinanel' inkanyezi nobuhle bazo,
31 Konke sikubuka ngeso lokukhanya,
32 Sibong' ukusichathazela kwelakho,
33 Usicakulel' usikisiki olufak' ugqozi,
34 Usihlomis' idlingozi lokulubalubela,
35 Ukuqoph' intaba yakwaNgcebonkulu,
36 Laph' usizo lomuntu lukhona.

37 Noma sisalind' ukuvuleka,

38 Kwalezo zicabha zesigodlo,
39 Lapho zonk' izandla ziyogcwala,
40 Zigcwalis' izinqolobane zesizwe,
41 Lwaze lwamnandi ubisi,
42 Lwezinkomazi zakho,
43 Ezimabelemad' okwensengwakazi,
44 Yezibaya zasendulo,
45 Okungath' ungatshinga naleyo mikhonto,
46 Esagcwel' igazi nehlule,
47 Ilanga liqhakaz' ukuqhakaza,
48 Sithakasel' ukuba munye,
49 Esigodlweni kwaNdongaziyaduma.

3.1 Nikeza umugqa onesifaniso otholakala ebinzeni loku-1. (1)

3.2 Chaza kafushane ngamaphuzu AMATHATHU umqondo oqukethwe yibinza

lesi-2. (3)

3.3 Chaza ukuthi isimo sokukhuluma esibhalwe ngamagama agqamile silekelele

kanjani ukugqamisa indikimba yemfundo yaleli binza. (2)

3.4 Iyini inhloso yembongi ekusebenziseni ukuxhumana okusekuqaleni emgqeni

wama-29 kuya kowama-30 kule nkondlo? (2)

3.5 Xoxa ngekhono lembongi ekusebenziseni ukweqiwa konkamisa ebinzeni

lokugcina kule nkondlo. (2)
[10]

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 10 DBE/2021
SC/NSC

UMBUZO 4: UMBUZO OMFUSHANE

Fundisisa le nkondlo bese uphendula imibuzo elandelayo.
NKOSI SIKELEL' I-AFRIKA – CT Msimang
1 Bathwele bayasisitheka;
2 Ijoka nalo yingcindezi;
3 Ezimbukwini bayabisha;
4 Udondolo lwabo yithemba,
5 Ukholo lwabo luwubhoko,
6 'Nkosi sikelel' i-Afrika!'
7 Inkulu inkolo nethemba,
8 Kukhulu nokukhamelela,
9 Amakhand' agobodisile
10 Okwezimv' ezibala linye,
11 Ezingemelane nelanga,
12 Ilanga elibuka konke!
13 Imilomo iyizigidi,
14 Iphimbo labo lona linye,
15 Izwi labo lingumqukuthu,
16 Abezinhlanga nezilimi
17 Bathandaza ngamoya munye:
18 'Nkosi sikelel' i-Afrika!'
19 Isaho enhlonhlweni yezwe,
20 Senanelwa eziqongweni;
21 Senanelwa ezigodini;
22 Simumethwe nayimifula;
23 Sifukulwa nayimimoya;
24 Sifukulelwa kuy' indlebe.
25 Baphuhle phezu kwendumalo,
26 Nanxa ubusuku bubude;
27 Balindel' indonsa nekhwezi.
28 Nanxa ubusika bubude;
29 Balindel' uMfumfu noLwezi:
30 'Nkosi sikelel' i-Afrika!'
31 Bayahlangana behlakazwa;
32 Bayehlukana behlangene;
33 Bayakluluzana bemunye;
34 Bayahlaselana bemunye;
35 Bamemeza ongabonwayo
36 Ongabenza babe yimbumba.
37 Zoba yisis' izinyembezi,
38 Zohwamukela emafini,
39 Zoshoqongana zibe yifu,
40 Ifu liyophenduk' umvimbi,
41 Kumile ithemba elisha,
42 Izwakale imithandazo:
43 'Nkosi sikelel' i-Afrika!'
Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P2 11 DBE/2021
SC/NSC

4.1 Bhala uhlobo lwesifengqo esiqukethwe umugqa wesi-5 bese usichaza

ngokwenkondlo. (2)

4.2 Chaza kafushane umqondo ogqanyiswa umugqa wesi-7 kuya kowe-10. (2)

4.3 Iyini inhloso yembongi ekusebenziseni i-enjambamenti emgqeni we-16 kuya

kowe-17? (2)

4.4 Chaza umyalezo oqukethwe ibinza lesi-5. (2)

4.5 Hlaziya isigqi esitholakala kule nkondlo. (2)

[10]

KANYE

INKONDLO ENGAMISELWE (Uphoqelekile ukuphendula lo mbuzo)

UMBUZO 5: UMBUZO OMFUSHANE

Fundisisa le nkondlo bese uphendula imibuzo elandelayo.

NGIYAFIS' UKWETHEMBEKA – S Nyembezi

1 Ngiyafis' ukwethembeka
2 Enkulumeni yami;
3 Amagama onke ami
4 Abe ngamaqiniso.

5 Ngiyafis' ukwethembeka
6 Ezenzweni zami;
7 Izenzo engizenzayo
8 Kube ngeziqotho.

9 Ngiyafis' ukwethembeka
10 Emsebenzini wami;
11 Umsebenz' engiwenzayo
12 Ub' obusisekile.

13 Ngiyafis' ukwethembeka
14 Kubazali bami;
15 Ngaso sonke isikhathi
16 Bathokoze ngami.

17 Ngiyafis' ukwethembeka
18 Kuy' uMdali wami;
19 Nabantwana abancane
20 Ngabombuso wakhe.

5.1 Gagula uhlobo lokuxhumana olutholakala ebinzeni loku-1 bese usho

nomsebenzi walo. (2)

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 12 DBE/2021
SC/NSC

5.2 Chaza kafushane umqondo osobala oqukethwe yibinza lesibili. (2)

5.3 Chaza ukuthi imbongi iwugqamise kanjani umoya webinza lesi-3. (2)

5.4 Ngabe ukusetshenziswa kwempindwa kwenze msebenzi muni kule nkondlo?

Sekela impendulo yakho. (2)

5.5 Xoxa ngempumelelo yembongi ekusebenziseni i-enjambamenti ebinzeni

lokugcina. (2)
[10]

AMAMAKI ESIQEPHU A: 30

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 13 DBE/2021
SC/NSC

ISIQEPHU B: INOVELI/UBUCIKO BOMLOMO

Khetha uhlobo OLULODWA lombhalo phakathi KWENOVELI NOBUCIKO BOMLOMO,

uphendule ngokulandela imiyalelo enikiwe.

INOVELI

Phendula umbuzo OWODWA ngencwadi oyifundile.

UMBUZO 6: UMBUZO OMUDE

BENGITHI LIZOKUNA – NG Sibiya

Le noveli ethi, Bengithi Lizokuna inabalingiswa abagqamisa indikimba yothando noma

yethemba. Xoxa ngendikimba yale noveli usebenzise abalingiswa abafanele.

Impendulo yakho mayibe yi-eseyi ehleleke kahle ngokwezigaba ze-eseyi ibe

namagama angama-340 kuya kwangama-390. [25]

UMBUZO 7: UMBUZO OMFUSHANE

BENGITHI LIZOKUNA – NG Sibiya

Fundisisa lesi siqeshana senoveli bese uphendula imibuzo elandelayo.

ISIQESHANA A

Lwamqala phansi uvalo lwamuthi thwansu, nesikhwele savukuzeka manje. Wezwakala

enxapha yedwa ngenkathi eqonda endlini emva kokuba bevalelisane ngaleyo ndlela
nje engenamdlandla otheni benoMahlengi, ehamba eqanganisa ngosizi olumenza
angabi namali.
'Nx, ngizoyithathaphi kodwa imali madoda ngivele ngimlobole kusashisa nje uMahlengi 5
angaze angiphunyuke ngisale ngincela izithupha?' ebalisa ngenhliziyo bakithi,
sekumcacela nje ukuthi into ezomkhulula ukuthola imali ngokukhulu ukushesha lokhu
ukuze aphephe kule ngebhe esisho ukumbulala nya. Yayisambulala nangenkathi
eqethuke phezu kombhede ebambelele esiphundu elwa nesu lokuthola imali. Emva
kokunikina ikhanda lakhe elalizimuka, wazibona eselule isandla wathatha ibhuku 10
lezingcingo kule nqwaba yawo eyayilapha, ewaqoqe ngenkathi ematasa nendaba
yamathenda. Waliphenya, waze wafika engxenyeni eyayinezinombolo zasePort
Shepstone. Waphenya futhi esecinga isibongo sakwaNgidi.
'Ngizokwazi ngani ukuthi nguyena muphi obeshiwo nguS'bu njengoba bebaningi
kangaka nje oNgidi ababhalwe lapha?' Ezibuza efifiyela efunda lolu hla lwezibongo 15
zakwaNgidi ezithi kazibe yikhasi lonke.

Ekugcineni wajumba amagama amahlanu, wawabhala phansi, wathatha ukhiye

wemoto waphuma ngejubane eseqonde ezingcingweni ngaseposini. Wafike wakhipha
ikhadi, washaya inamba ayeyibhale ekuqaleni kohlu lwabantu bakwaNgidi
ayeluphethe. 20
'KukwaNgidi, sawubona 'kubingelela izwi ngenhlonipho.
'Hlomuka, sawubona. Ukhuluma nomuntu ongamazi. Kangizichaze-ke. Mina
nginguMandlakapheli Buthelezi,' esho ngesizotha.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 14 DBE/2021
SC/NSC

'Yebo-ke Sokwalisa. Singamsiza ngani-ke uNgqengelele?'

'KunoHlomuka engifisa ukuxhumana naye, manje ngasuke ngadukelwa 25
yimininingwane yakhe.'
'Awu, baningi nje oHlomuka, uzomthola kanjani lo omfunayo?'
'Inkinga yileyo. Kodwa yena ungusomabhizinisi, unepulazi namabhusha nama …'
'Kanti usho uManqoba?' ebuza ehleka kancane.
'Ngicabanga ukuthi nguyena.' 30
'Ikhona nje inombolo yakwaManqoba Cash and Carry. Kawubathinti ngani
bakuchushise?'
'Ngizo-ke ngizame lokho. Awu, wayilamula Hlomuka,' ebonga enconcoza.
'Kuhle-ke uma kunjalo,' kuvalelisa indoda yabantu ngesizotha.

Wake walugqolozela isikhathi eside ucingo uNdumiso. Ngesikade wadonsa umoya 35

kakhulu, wanikina ikhanda.
'Mh, uthando bakithi!' Umuntu lumenzisa izinto ayesefungile ukuthi usehlukene nazo,'
esho enikina ikhanda futhi eshaya kancane eqonde emotweni yakhe.

Lalilokhu lidume lokho ikhanda kuNgidi. Lalidunyiswa yizinto eziningi: ukucabanga le

ngane yabantu eyayifike ngovivi izomtshela isimanga sokufuna kwayo uMhlengi. 40
Lalidunyiswa ngukucabanga yona indodana yakhe le ewuMhlengi okwase kuphele
iminyaka ethi kayibe mithathu ayigcina, belokhu bagcinana mhla imtshela isimanga
esashiya umgodikazi enhlizyweni yakhe.

Wayephinde wayigqolozela futhi le ntokazi enhle eyayiphambi kwakhe, iphuza ikhofi

elalihambisana nebhulakufesi eliphambili u-anti osiza lapha ekhaya ayemphuthume 45
ngalo.
'Ngiyakwazi ndodakazi. Uyazi kuvele kuzimuke ikhanda nje,' esho elimbambatha
ikhanda lakhe sengathi kuzobohla ukuzimuka kwalo uma lithintwa.

[Isahluko sesi-4]

7.1 Shono ukuthi ludalwa yini udweshu lwangaphakathi olutholakala kuNdumiso

kulesi siqeshana. (2)

7.2 Chaza kafushane izenzo zomlingiswa onguNdumiso ezimveza

njengomlingiswa onobugebengu. Bhekisa impendulo yakho kulesi siqeshana. (2)

7.3 Fingqa ngamaphuzu AMATHATHU izehlakalo ezaholela ekutheni uNdumiso

ayobamba uNgidi inkunzi. (3)

7.4 Chaza ukuvezwa kwesizinda ngokwesikhathi/ngokwenkathi kulesi siqeshana. (3)

7.5 Chaza umphumela wezenzo zikaXolani ezinganeni zakhe. (2)

7.6 Qhathanisa izenzo zikaNkululeko noNdumiso ubhekise impendulo yakho

endikimbeni yothando/yethemba etholakala kule noveli. (3)

7.7 Yini inhloso yombhali yokusebenzisa umlingiswa onguLungile kule noveli? (2)

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 15 DBE/2021
SC/NSC

7.8 Chaza imbangela yesenzo sikaNontobeko sokwala uNkululeko ngaphambi

kosuku olwandulela elomshado. (3)

7.9 Uyavumelana nokuthi le noveli iphela ngovuthondaba? Sekela impendulo

yakho. (2)

7.10 Phawula ngempumelelo yombhali ekwethuleni umyalezo wokuthi akukuhle

ukungayeseki ingane yakho ezinqumeni ezithathayo empilweni. Bhekisa
impendulo yakho kumlingiswa uNgidi. (3)
[25]

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 16 DBE/2021
SC/NSC

UMBUZO 8: UMBUZO OMUDE

USUMENYEZELWE-KE UMCEBO – MJ Mngadi

Le noveli ethi, Usumenyezelwe Umcebo inabalingiswa abagqamisa indikimba

yomcebo. Xoxa ngendikimba yale ndaba usebenzise abalingiswa abafanele.

Impendulo yakho mayibe yi-eseyi ehleleke kahle ngokwezigaba ze-eseyi ibe

namagama angama-340 kuya kwangama-390. [25]

UMBUZO 9: UMBUZO OMFUSHANE

USUMENYEZELWE-KE UMCEBO – MJ Mngadi

Fundisisa lesi siqeshana senoveli bese uphendula imibuzo elandelayo.

ISIQESHANA B

Wanikina ikhanda uGenyeza, waphenduka sengathi unesithuthwana wangena endlini

kaNomvula. Wazivalela wahlala embhedeni ebuka umsakazo ayewushiyelwe etafuleni.
Wabhodlela emswaneni ethi, 'Ngihlezi iminyaka engaka noMiliyemu kanti ngethembe
uboya bentenesha,' ezibamba ngezinkophe izinyembezi. 'Namuhla angilutho.
UMiliyemu ungihlube isithunzi.' Wabutha izinhlonze, amehlo wawathi njo encwajaneni 5
eyayivele ngaphansi komsakazo. Wayihosha wayivula, wayibuka engakwazi
nakuzifundela. Wayifaka ekhukhwini, wasukuma washaya uzamthilili, waphumela
phandle. Kwakungasekho muntu ngaphandle kukaHlulintombi. 'We mfana
wasemaMbatheni! Uphi uMiliyemu?' Weneka izandla uHlulintombi. 'Uzomazi.
Ukhohlakele wena. Udayisa ngoMiliyemu! Uzowukhomba umuzi onotshwala. 10
Ngizokushaya ngikusende lapha eThusini.' Wabuyela endlini kaNomvula, wathatha
umsakazo nezakhe, wasidonsa wasigaklaza isivalo, waphuma ngesango. Ngesikhathi
ebaleka uHlulintombi, watshikoza yena kuhlwile emehlweni, walibangisa
kwaKhambule.
Esezishaye embhedeni kwaKhambule, inhliziyo izibuza iziphendula, kwakwale 15
esezimisa isibindi ngokuthi noma wayengahamba uNomvula wayengagqizi qakala.
Uthando lwamphikisa, inhliziyo yakhamisa njalo ilambele eyayimkhonzile. Wahhema
yedwa njengohlanya, esonga efunga egomela ukuthi wayezoziphendulela
koHlulintombi noDicey ayengaquli ukuthi babenesandla ekuhambeni kukaNomvula.
Waphenduphenduka embhedeni esaba nokuphumela phandle abhekane namehlo 20
abantu. URose Mathaba wawubasela umlilo ngokuba afike azomhlebela ukuthi
wayembonile uHlulintombi elayishisa oChule izimpahla. Wavevezela uGenyeza.
Kwanele kwashaya isikhathi sokubuya kukaDicey, kwathi xhifi, wathatha ezakhe
wanikela khona. Wangena emabaleni ebhamazela, waqonda ngqo endlini
kaHlulintombi afike wamgxavula ngesidlozana waphuma naye ecodama 25
ngamazonzwane, wavula endlini kaNomvula embuza emkhaca ethi, 'Uphi uMiliyemu?
Usho wena, uzomlanda umbeke lapha!' Kwakusashaya umoya endlini. Wamqhuba
wamdudula nesivalo emfaka uDicey naye owethuka wathi lacu, eshiya itafula
nephephandaba ayelifunda.
Wema wambuka ehlahle amehlo aluhlaza cwe. 'Ngibuza kini nobabili ukuhi uphi 30
uMiliyemu?'

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 17 DBE/2021
SC/NSC

Bobabili oDicey noHlulintombi bema bamqhunsulele amehlo okwabantu bebhekene

nendlondlo. NomkaDicey owaqhamuka ngasekhishini waqikileka, waqalaza ngapha
nangapha njengesiphungumangathi.

'Uyabona Ganez,' UDicey ebamba intukuthelo kuqhansa imithambo, 'wena madoda, 35

nami madoda futhi. Asihloniphane.'
Indoda inenkosikazi. Wena Dayisi udlala amadayisi, udayisa ngoMiliyemu, ebhodla
ulaka.
'Mina hhayi thanda biza maphoyisa Ganez. Phuma!' emkhomba phandle. Wagoloza
uGenyeza eshaya phansi ngonyawo emkhomba ngemvubu ethi,' Dayisi, ngithi 40
angiphumi lapha uMiliyemu engekho!'
Wamvikisa izithunzi ngayo uHlulintombi. 'Uwena obubalayishisa impahla.'
'O, kulungile-ke. Ngoba wena bhilitile stereki, mina biza maphoyisa manje.'
Wabamba ucingo uDicey wakwitiza isiNgisi.
Wathula uGenyeza wambuka. Yasanguluka ingqondo ekhumbula okwakumenze 45
ekuseni esevenini yomseshi. Ehlehlela emnyango wathi, 'Kanti unjalo nje uyivaka.
Ugabe ngamaphoyisa. Ngizokuthola wena. Ubelethe ungehli kulo mlungu wakho.'
'Ayeza manje amaphoyisa Ganez,' esho esalubeke endlebeni.

[Isahluko sesi-16]

9.1 Shono ukuthi ludalwa yini udweshu olutholakala kuGenyeza kulesi siqeshana. (2)

9.2 Chaza kafushane izenzo zomlingiswa onguHlulintombi ezibonisa ukuthi

unobugwala. Bhekisa impendulo yakho kulesi siqeshana. (2)

9.3 Fingqa ngamaphuzu AMATHATHU izigameko ezaholela ekuhambeni

kukaNomvula eThusini. (3)

9.4 Chaza ukuvezwa kwesizinda ngokwesikhathi/ngokwenkathi kulesi siqeshana. (3)

9.5 Chaza umphumela wezenzo zikaMaHadebe enganeni yakhe uMahuzu. (2)

9.6 Qhathanisa izenzo zikaBrenda kanye noMeyili ubhekise impendulo yakho

endikimbeni yomcebo etholakala kule noveli. (3)

9.7 Yini inhloso yombhali yokusebenzisa umlingiswa onguMaHadebe kule noveli? (2)

9.8 Chaza imbangela yesenzo sikaChule sokusebenzisa uDaffo kabuhlungu

esitolo sakhe. (3)

9.9 Uyavumelana nokuthi le noveli iphela ngopholavuthondaba? Sekela

impendulo yakho. (2)

9.10 Phawula ngempumelelo yombhali ekwethuleni umyalezo wokuthi akumele

ube nomona nelunga lomndeni wakho uma liphumelela. Bhekisa impendulo
yakho kumlingiswa onguMeyili. (3)
[25]

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 18 DBE/2021
SC/NSC

UMBUZO 10: UMBUZO OMUDE

KUNJALO-KE – ME Wanda

Le noveli ethi, Kunjalo-ke inabalingiswa abagqamisa indikimba yesimilo esixegayo.

Xoxa ngendikimba yale ndaba usebenzise abalingiswa abafanele.

Impendulo yakho mayibe yi-eseyi ehleleke kahle ngokwezigaba ze-eseyi ibe

namagama angama-340 kuya kwangama-390. [25]

UMBUZO 11: UMBUZO OMFUSHANE

KUNJALO-KE – ME Wanda

Fundisisa lesi siqeshana senoveli bese uphendula imibuzo elandelayo.

ISIQESHANA C

'MaNzimande, nami sengibuyile nkosikazi. Ngiyaxolisa kukho konke engikwenzile

okuhlukumeze umphefumulo wakho. Ngiyazi ukuthi bekunzima kangakanani kuwena
ukusala nomuzi. Ngiyakuthembisa ukuthi ngeke ngisakushiya wedwa nkosikazi.'
UMaNzimande wayethule ethatha ebeka:

'Kodwa uyaphi lo sathane onezimpondo? Kade yabhunguka le nto! Engani 5

bekwaziwa ukuthi ngeke esabuyela emzini wakhe, usehambe unomphela uSithole!
Bese ngihlezi kahle kabi engekho. Okwakobani-ke manje ukuzoshayelwa yile nto
umthetho. Nx, hhayi suka mhlawumbe le nto ibuya negciwane lengculaza nje lapho
ivela khona! Awu ngeke!' Wasukuma uMaNzimande wapheka inkowane. Kwathi
ingavuthwa, waphaka uphuthu, inkowane wayithela ngaphezulu njengesishebo. 10
Wanikeza umyeni wakhe ukudla. USithole wathi choko choko, engula yona inkowane,
washiyela umfana wakhe. UMaNzimande naye waziphakela. Kwathi ukuba baqede
ukudla, balungiselela ukuya kolala.

UMaNzimande wayengaqoqile ekamelweni lakhe, kubufihlifihli nje. Kwakukhona

izinqamu zikagwayi nesimehlane sikagavini phezu kwetafula kanye nezimbadada 15
ngaphansi kombhede. Wayibuka le nto uSithole, kodwa wafela phakathi okwebutho
likaZulu. UMaNzimande naye wabona ukuthi uSithole uyabona, kodwa wangagqiza
qakala nje. Wagaba ngokuthi uma eke wambuza nje, kuyobe uyinyathele emsileni.
Bangena engutsheni. Bacisha, balala.

Ngakusasa uSithole wavuka waqonda eSiphingo ukuyofuna umsebenzi. Wafuna 20

wafuna kodwa do ukuwuthola. Wayebasathe uyafika ndawana thile bamlandulele.
Kwezinye izindawo wayefica kubhalwe ngamagama amakhulu: AWUKHO
UMSEBENZI. Kwakuvele kumqede amandla lokho. Kwaze kwathi ntambama, naye
esethi uyalahlela nje, wadlula emahhovisi aphathelene nokuthuthwa kwenkunkuma
elokishini eMlazi. Bambuza ukuthi unazo yini izincwadi ezinkulu zokushayela imoto. 25
Kwabe basho entshweni, wabakhombisa khona manjalo. Bamtshela ukuthi akofika
ngakusasa azoqala umsebenzi. Wabonga wavalelisa, wahamba eseyogibela.

USithole wafika e-Adams esefikile uMaNzimande.

Wayezenamele nje kade ethole umsebenzi.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 19 DBE/2021
SC/NSC

'Sewubuyile MaNzimande? Awu washesha namhlanjena!' 30

UMaNzimande wanganaka nje, waziqhubekela nalokho ayekwenza.

'Eyi nami ngiwutholile umsebenzi wokushayela.' Athi qwebu amehlo uMaNzimande,

wafisa manje ukuzwisisa kahle.

'Uzoshayela ntoni?'

'Ngizoshayela amaloli athutha inkucunkucu elokishini,' Kuthi consololo ukuzwa ukuthi 35

uSithole akasezukuba ngumthwalo nezindleko kuyena. Wayeka yonke into ayeyenza,
walungisa ukudla. Ngakusasa ekuseni uSithole wavukela khona emsebenzini.
Wawuqala-ke umsebenzi wokuthutha inkucunkucu. Babezungeza yonke indawo
elokishini lasaMlazi.

Ngelinye ilanga uSithole esenhlabakhefini, wathatha iloli waqonda ngqo emzini 40

kaDumazile. Wafika wama emgwaqweni ngasenhla komuzi, washaya ihudi. Kwavela
umsebenzi emnyango. USithole wakhiphela ingalo ngaphandle, wamqhweba. Weza
esekhabuzela. Babingelelana, baphilelana.

'Ngingamthola uDumazile?'

'Yebo. Ngizothi ucelwa ngubani?' 45

[Isahluko sesi-8]

11.1 Shono ukuthi ludalwa yini udweshu olutholakala kuMaNzimande kulesi

siqeshana. (2)

Chaza kafushane izenzo zomlingiswa onguSithole ezimveza njengomlingiswa

okwaziyo ukuzibamba. Bhekisa impendulo yakho kulesi siqeshana. (2)

11.3 Fingqa ngamaphuzu AMATHATHU izehlakalo ezaholela ekuhambeni

kukaDumazile emzini wakhe. (3)

11.4 Chaza ukuvezwa kwesizinda ngokwesikhathi/ngokwenkathi kulesi siqeshana. (3)

11.5 Chaza umphumela wezenzo zikaDumazile ezinganeni zakhe. (2)

11.6 Qhathanisa izenzo zikaMoloi noSithole ubhekise impendulo yakho

endikimbeni yesimilo esixegayo etholakala kule noveli. (3)

11.7 Yini inhloso yombhali yokusebenzisa umlingiswa onguLizzy kule noveli? (2)

11.8 Chaza imbangela yesenzo sikaMtalaselwa sokuqhubeka nokushada

noDumazile yize unina uMaShandu emxwayisa ngokuthatha uDumazile. (3)

11.9 Uyavumelana nokuthi le noveli iphela ngopholavuthondaba? Sekela

impendulo yakho. (2)

11.10 Phawula ngempumelelo yombhali ekwethuleni umyalezo wokuthi akumele

ingane yesikole ivumele uthisha ayikhohlise kwezothando. Bhekisa impendulo
yakho kumlingiswa onguDumazile. (3)
[25]

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 20 DBE/2021
SC/NSC

UMBUZO 12: UMBUZO OMUDE

IMPI YABOMDABU ISETHUNJINI – JC Buthelezi

Le ndaba ethi, Impi Yabomdabu Isethunjini inabalingiswa abagqamisa indikimba

yokuba nobuntu nokungabi nobuntu. Xoxa ngendikimba yale ndaba usebenzise
abalingiswa abafanele.

Impendulo yakho mayibe yi-eseyi ehleleke kahle ngokwezigaba ze-eseyi ibe

namagama angama-340 kuya kwangama-390. [25]

UMBUZO 13: UMBUZO OMFUSHANE

IMPI YABOMDABU ISETHUNJINI – JC Buthelezi

Fundisisa lesi siqeshana senoveli bese uphendula imibuzo elandelayo.

ISIQESHANA D

'Cha ungayi Farook. Impahla mayilinde indodana yami. Yiyo ezokuza lapha
izoqedelela umsebenzi wayo. Ngibongile,' kusho uNgubane ephenduka eseyophuma
ngomnyango. Wema uFarook embuka engakholwa ukuthi uphume nebhuku
lamasheke engasalenzanga isheke uNgubane.
Kusihlwa ekhaya uNgubane wayesenabo bonke ubufakazi bokuthi indodana yabo 5
kayigcinanga ngokuntshontsha imoto esikoleni, futhi yayikhwabanisa imali
kaMaXakushe, ukuyothenga ngayo imiswenko. Njengomuntu owayengaphathelene
nemiswenko yezingane, wayexakwa nje uNgubane ukuthi owakwakhe ungenwe yini
ukuthi avumele ingane igqoke kangaka. Wayethi uma ephawula, umkakhe athi eziningi
izinto ingane iziphiwa ngabangani. Wawummangaza uNgubane lo musa walaba 10
bangani bendodana yakhe. Njengoba manje wayesonobufakazi, wafuna ukuba
alwethule lolu daba kowakwakhe.
Ngemuva kokudla ngoLwesithathu, wasukumisa izingane wathi mazigeze izitsha.
Wahhumuzela u-Euthenasia njengokujwayelekile, kodwa uyise wangamnaka wathi
u-Melody uzozibeka izitsha kanti u-Euthenasia uzoziqoqa azifake emshinini azigeze 15
ngomshini. Wathula uMaMthimkhulu emangala ukuthi wenzani umyeni wakhe eguqula
'Ingane yami ayintshontshanga imoto kaMiss Hawkins. UHawkins nguye onike
ingane yami izikhiye zemoto. Wayethi mayenzeni ngezikhiye zemoto ingane? Lokhu
kugabisela izingane zethu ngezimoto bese kuthiwa zintshontsha izimoto, angikuthandi
neze. Uma konke ukwenza kwakho kuncike ekutheni u-Euthenasia wantshontsha 20
imoto ka-Hawkins, kungathi ayikho le nto obambelele kuyo Bafana.'
'MaMthimkhulu ngizocela ukuba ungibize ngoNgubane noma ngoMbomvu. Ukubiza
abantu ngamagama ngokwezingane zethu nabantu abancane. Thina bantu abadala
kuhle sibizane ngezibongo.'

[Isahluko sesi-8]

13.1 Shono ukuthi ludalwa yini udweshu lwangaphakathi olutholakala kuNgubane

kulesi siqeshana. (2)

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 21 DBE/2021
SC/NSC

13.2 Chaza kafushane izenzo zomlingiswa onguPoppie ezibonisa ukuthi

ungumlingiswa ongamhloniphi umyeni wakhe. Bhekisa impendulo yakho
kulesi siqeshana. (2)

13.3 Fingqa ngamaphuzu AMATHATHU isigameko esaholela ekuhambeni

kukaNgubane kwaMaMthunzi. (3)

13.4 Chaza ukuvezwa kwesizinda ngokwesikhathi/ngokwenkathi kulesi siqeshana. (3)

13.5 Chaza umphumela wezenzo zikaMaMthimkhulu enganeni yakhe uMelody. (2)

13.6 Qhathanisa izenzo zikaMadonsela kanye noPoppie ubhekise impendulo

yakho endikimbeni yobuntu etholakala kule noveli. (3)

13.7 Yini inhloso yombhali yokusebenzisa umlingiswa onguHlanganisani kule

noveli? (2)

13.8 Chaza imbangela yesenzo sikaPoppie sokwenqaba ukuthatha oHlanganisani

no-Uzithelile ukuba bazohlala emzini wakhe noBafana. (3)

13.9 Uyavumelana nokuthi le noveli iphela ngopholavuthondaba? Sekela

impendulo yakho. (2)

13.10 Phawula ngempumelelo yombhali ekwethuleni umyalezo wokuthi akufanele

isimo sasekhaya sikuvimbele ukuba uphumelele empilweni. Bhekisa
impendulo yakho kumlingiswa onguHlanganisani. (3)
[25]

NOMA

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 22 DBE/2021
SC/NSC

UBUCIKO BOMLOMO: UJU LWEZIZUKULWANE – KL Makhoba

Phendula umbuzo OWODWA.

UMBUZO 14: UMBUZO OMUDE

'Ubuciko bomlomo obungezansi buwumbhalo odlulisa indikimba yomona. Xoxa

ngendikimba yalobu buciko bomlomo obulandelayo usebenzise abalingiswa abafanele
lapho kudingeka khona.'

(a) Inganekwane: 'Ikhubalo LikaFukwe'

(b) Izibongo: 'Isiqhingi Sase-Robben Island'

Impendulo yakho mayibe yi-eseyi ehleleke kahle ngokwezigaba ze-eseyi ibe

namagama angama-340 kuya kwangama-390 sekuhlangene impendulo
yenganekwane nezibongo. [25]

UMBUZO 15: UMBUZO OMFUSHANE

Fundisisa lezi ziqeshana ezilandelayo, inganekwane nehubo bese uphendula imibuzo

ehambisana nazo.

ISIQESHANA E: INGANEKWANE: ISIBINDI SIKAGALA KANODADE BIYELA

Umxoxi: Kwesukasukela …
Abalaleli: Cosu!

Kwakukhona iqhawe lakwaBiyela, igama lalo kunguGala kaNodade. Leli qhawe kuthiwa
laliphila ngezinsuku zokubusa kwenkosi uShaka. Kuthiwa ngemuva kokukhothama
kweNdlovukazi uNandi, iSilo sakwaDukuza sashaya umthetho esizweni saKwaZulu 5
ukuthi bonke abantu bazile. Eminye yemigomo yokuzila kwathiwa abantu bonke abahlale
emakhaya bangenzi lutho. Lapho-ke kubalwa ukutshala, ukuhlakula ngisho nokusenga
izinkomo imbala. Uma kungatshalwa kusho ukuthi ngeke kuvunwe emasimini. Amasimu
agcina ngokumila ukhula aze aphenduka isikhotha. Ukuganwa, ukuvakashela umakoti,
imisebenzi eyimigubho yesizwe kwavalwa yiSilo uShaka. Kwamiswa ngisho nokugaywa 10
kotshwala esizweni. Kwaqhuma isililo esesabekayo ezweni ngalokhu kuzila isikhathi
eside. 'Isizwe siphelile! Sonke sizowushiya lo mhlaba ngenxa yokubulawa yindlala,' sasho
isililo sabantu.

UGala kaNodade wathi ebona abantu beqhubeka bebulawa yindlala, wamema

umhlangano wabantu bomndeni wakhe kuphela ukuze badle amathambo engqondo 15
ngalolu daba. Kwahlanganelwa emzini wakhe.

'BoBiyela abahle, nginimeme kulo mhlangano ukuze sixoxe mayelana nodaba

lokuzilela iNdlovukazi. Ngibona sengathi sekwanele ukuzilela iNdlovukazi boBiyela
abahle,' uGala endlalela inkulumo yakhe.

Izethameli zomhlangano zatshengisa ukwesaba, zavula imilomo zibabaza la mazwi 20

kaGala. Abaningi babezibuza ukuthi usithathaphi isibindi sokunquma ukuthi sekwanele
ukuzilela iNdlovukazi. Uma le nkulumo ifika ezindlebeni zeSilo uShaka, uzomyisa
kwagoqanyawo uGala.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 23 DBE/2021
SC/NSC

Waqhubeka wakhuluma wenaba uGala ebalisa ngokufa kwabantu, izinja, imfuyo, kanye
nemvelo. Wabalisa nangomkhuba osewuqalile wokuqambelana amanga ezinduneni 25
zenkosi ngokuthi awuzilile nomndeni wakho ngoba nizondana. Uma-ke iSilo uShaka
esezwile ukuthi ukhona umuntu waso ongayizilele iNdlovukazi nomndeni wakhe,
sasithumela amabutho ukuthi ashise muzi agcine ngokubulala konke okudikizaya kulowo
muzi.

15.1 Nikeza isethulo sale nganekwane ethi, 'Isibindi SikaGala kaNodade Biyela'. (2)

15.2 Shono isizathu esenza isimo senhlalo singabi sihle ekuqaleni kwalesi
siqeshana. (2)

15.3 Fingqa ngamaphuzu AMATHATHU okwenziwa umlingiswa onguGala

ukungenelela kulesi simo esingesihle sokufa kwabantu kwaDukuza. (3)

IHUBO: SENZENI?

Igosa: Senzeni na?

Abavumayo: Senzeni na? Senzeni na?

15.4 Qhathanisa le nganekwane ethi, 'Isibindi sikaGala kaNodade Biyela' kanye

nehubo elithi, 'Senzeni na?'. (3)

15.5 Ngokubona kwakho ngabe isenzo sikaGala sokukhuluma nenkosi uShaka

samukelekile kuwe? Sekela impendulo yakho. (2)

15.6 Phawula ngesenzo senkosi uShaka kule nganekwane. (3)

Fundisisa lezi ziqeshana ezilandelayo, izibongo, izithakazelo nesisho bese uphendula

imibuzo ehambisana nazo.

ISIQESHANA F: IZIBONGO: USUKU LWAMAGUGU

USUKU LWAMAGUGU

1 Ngivumele ngisine ngosiko lwakithi,

2 Ngivumele ngigiye ngokugiya engikwaziyo,
3 Ngivumele ngihlobe ngengizigqaja ngakho,
4 Ngizibonakalise ukuthi mina ngingubani.
5 Noma sengaveteza nje
6 Kodwa akubona ubunjalo bami,
7 Ngubani owakutshela okungesikho ngami?
8 Engehlisa izinga ngamamodeli?
9 Ngibe ngizazi kahle
10 Ngingadinge kubalelwa amamodeli.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 24 DBE/2021
SC/NSC

11 Mhlanganisi owehlukanise abantu

12 Baveza ubunjalo babo.
13 UmZulu waba ngumZulu ngemvunulo,
14 INdiya kwaba yiNdiya ngemisubelo,
15 IBhunu kwaba yiBhunu ngokhakhi balo,
16 UmXhosa waba ngumXhosa ngobuhlalu,
17 Isizwe saba sinye ngokwehlukana.
18 Nkosi vikela i-Afrika eseNingizimu.

19 Mkhululi okhulule asebekhululekile,

20 Mhlanganisi ohlanganise izinhlanga,
21 Mandulo ngokwandulela izinyanga,
22 Lukufanel' olwamagugu ayizolo nakuthanga,
23 Lukufanel' olokuhlonza amagagu,
24 Sihlangane ngamagugu ahlukene,
25 Sibe munye ebuningini bethu.

IZITHAKAZELO

DLAMINI
Dlamini!
Nkosi!
Hlubi!
Ludonga lukaMavuso,
Abay’ eMbo babuyelela,
Abesidwaba siluthuli
Singaba ncwaba nonina,
Abengomane yaseMavaneni,
Abaqed’ uBombo ngokuhlehletela,
AbakaSibhahuza
SikaMabhanda eMpondweni,
Inkonekaz’ evele ngobus emgedeni,
USamketh’ esinembav’ emalangani,
UMswazi kaSobhuza,
Mlangeni!
Nina bakakusa nelanga!
Nina bakaWawawa!
Lokothwayo!

ISISHO:

Ukusenga ezimithiyo

INCAZELO: Umuntu okhuluma into engamanga futhi engakholakali ukuthi ingenzeka

noma yenzekile.

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 25 DBE/2021
SC/NSC

15.7 Gagula uhlobo lokuxhumana olutholakala kulezi zithakazelo ezingenhla

bese ubhala phansi imigqa enalokho kuxhumana. (2)

15.8 Chaza kafushane indlela izizwe ezahlukene ezibonakala ngayo kulezi

zibongo. (2)

15.9 Chaza ukuthi imigqa edwetshelwe ilekelele kanjani ukuqonda indikimba

yalezi zibongo. (2)

15.10 Ucabanga ukuthi isisho esinikeziwe sihambelana kanjani nomugqa obhalwe

ngokugqamile osezibongweni ezithi, 'Usuku Lwamagugu'? Sekela
impendulo yakho. (2)

15.11 Hlaziya ngokusetshenziswa kophawu lokubabaza kulezi zithakazelo. (2)

[25]

AMAMAKI ESIQEPHU B: 25

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 26 DBE/2021
SC/NSC

ISIQEPHU C: UMDLALO

Phendula umbuzo OWODWA ngencwadi oyifundile.

UMBUZO 16: UMBUZO OMUDE

KUDELA OWAZIYO – BP Maphumulo

'Umbhali uyaye asebenzise ummeleli ukukhulisa udweshu.'

Xoxa ngokusetshenziswa kommeleli onguMdaluli ukukhulisa udweshu olutholakala

kulo mdlalo.

Impendulo yakho mayibe yi-eseyi ehleleke kahle ngokomgomo wokubhalwa kwe-eseyi

ibe namagama angama-340 kuya kwangama-390. [25]

UMBUZO 17: UMBUZO OMFUSHANE

KUDELA OWAZIYO – BP Maphumulo

Fundisisa lesi siqeshana somdlalo bese uphendula imibuzo elandelayo.

ISIQESHANA G

(Kusihlwa, elawunji lendlu kaMdaluli, itafula selihlobile ngesidlo sakusihlwa. Wonke

olapho useqalile usina uyazibethela ugcwalisa ithumbu lakhe. Kuwo nje lowo mnyama
kungene uMdaluli esethele umzimba phansi njengomuntu okhathele kumbe
okhathazekile, Emizuzwini emibalwa nje umkakhe ebe esewuletha njalo owakhe
uphawini wokuya ngasethunjini) 5

MAMLANDULI: (uyamoyizela) Nakho-ke ukudla baba, usungasijoyina-ke nathi

esesiphakathi nesidlo.
MDALULI: (ngezwi elingenamusa) Angikufuni!
MAMLANDULI: (umangele) Hhayi-ke, kusha-ke lokhu engikuzwayo ngiyakweshwama
mina. Kanti sekukhulunywa kanjalo manje? Uma kuya ngoba wesuthi 10
yise kaLondiwe, ubungebe usakhohlisa nje okungenani, ugwaze
kabili kathathu bese uyabonga? Yini ukwenza kwakho kungisolise
baba?
MDALULI: (ngokufutheka) Kanti uzwa kanjani wena mfazi? Lisho ukuthini kanti
leli gama elithi angifuni? Ngiziphoqe-ke manje ngidle yize noma isimo 15
singangivumeli? Wangifundekela kangaka nje wena?
MAMLANDULI: (usenyukubele ebusweni) Size singakuvumeli nje isimo ngoba
kwenzenjani?
Ngabe uqonde ukungitshela ngezindlela eziphansi yini ukuthi okwami
ukudla sekuyakucika kukwenyanyise ngoba sekukhona okwalabo 20
abakuphekelayo ekuhambeni okuyisilovela esinomsoco nesehla
ngamphimbomunye?
MDALULI: (ngezwi elingancengi) Ungasho okuthandayo mfazi kodwa sengisho
ngishilo ngathi angikufuni ukudla. Okwedlula lapho angiboni ukuthi
usungangifunza ngenkani ngoba nakhu ufuna ngenze lokhu 25
okuthandwa nguwena kodwa kube kuphambene nentando yami?
(uyazamula)

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 27 DBE/2021
SC/NSC

MAMLANDULI: Owami umbuzo uthi yini indaba ungakufuni okwami ukudla ngoba
kade kusile nje futhi ubukeka ulambile unjalo nje? Olunye
lwezimpawu zokulamba ukuzamula lokhu. 30
MDALULI: (ngezwi elinesankahlu) Impendulo emfishane yokuhlangabeza lo
mbuzo wakho izothi inhliziyo imnyama …
MAMLANDULI: (uhwaqile) Ize ibe mnyama nje ngasizathu sini? Yini sengathi
kukhona iqiniso olaziyo nje wena ongigodlela lona?
MDALULI: (uyanxapha) Nx! (ngokufutheka) Ah demed man! 35
Usulokhu ungicefezela into ebhekephi nje wena mfazi ngibe
ngizilandula lapha kuwe? Yini ngisole nje sengathi akusekhona
ukuthi ufuna isizathu sokungakufuni ukudla kodwa usufuna inhliziyo
yami wena? Uyazi ukuthini? Usuzoze uyithole-ke le nto oyifunayo.
Sengikubone kahle wena ukuthi uyayeshela le mpama yami, isizoze 40
ikuqome-ke ngoba nakhu usulokhu uyinakashele.
MAMLANDULI: (usecasukile) Kufihlwa kufihlwani zonke izinto zisobala nje?
Usuqonyiwe wena ekuhambeni nokuyilapho udla khona wesuthe
ufike lapha ungasakufuni okwami ukudla?
MDALULI: (uyanxapha) Nx! (usebuyise izinhlonze, umdonsa ngesikwibhisi 45
sempama umkakhe esiqhakazisa izinsensane ebusweni,
ngokufutheka) Demed man! Yini indaba weyise kangaka wena
mfazi? Ngabe angishongo ukuthi … (angabe esaligwinya nalelo,
uLondiwe asukume khona manjalo lapho ahlezi khona maqedane
aphawule naye esephakathi kwabazali bakhe njengophawu 50
lokulamula)

17.1 Shono isizathu esenza kube nodweshu ekuqaleni kwalesi siqeshana. (2)
17.2 Chaza ithoni etholakala enkulumeni yomlingiswa onguMdaluli kulesi
siqeshana. (2)
17.3 Fingqa ngamaphuzu AMATHATHU isizinda salesi siqeshana. (3)
17.4 Xoxa kafushane ngesigameko esifihlelwe umlingiswa onguHlengiwe
nguChivenga emuva kokuba ecele uthando. (3)
17.5 Qhathanisa ukuvezwa komlingiswa onguMbhebhezeli nomlingiswa
onguManqina ngobunjalo babo kulo mdlalo. (3)
17.6 Ucabanga ukuthi wawuzoba njani umphumela empilweni kaMdaluli ukuba
uLondiwe akalicishanga icala? Sekela impendulo yakho. (2)
17.7 Chaza imbangela yokusetshenziswa kwamagama agqamile atholakala kulesi
siqeshana. (2)
17.8 Ngokwakho ukubona ngabe umlingiswa onguLondiwe kwakufanele yini
angene izindaba zabazali bakhe uma bexabana? Sekela impendulo yakho. (3)
17.9 Uyavumelana yini nokuthi ukuba khona kukaChivenga kuyithuthukisile
indikimba yalo mdlalo? Sekela impendulo yakho. (2)
17.10 Uyazwelana nomlingiswa onguHeshane nesimo abhekana naso
sokuphelelwa ngumsebenzi? Sekela impendulo yakho. Yikuphi
owawungakwenza ukube kwakunguwe obhekene nalesi simo? (3)
[25]

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 28 DBE/2021
SC/NSC

UMBUZO 18: UMBUZO OMUDE

AWUWELWA UMNGENI – M Gcumisa

'Umbhali uyaye asebenzise ummeleli ukukhulisa udweshu.'

Xoxa ngokusetshenziswa kommeleli onguSalimani ukukhulisa udweshu olutholakala

kulo mdlalo.

Impendulo yakho mayibe yi-eseyi ehleleke kahle ngokomgomo wokubhalwa kwe-eseyi

ibe namagama angama-340 kuya kwangama-390. [25]

UMBUZO 19: UMBUZO OMFUSHANE

AWUWELWA UMNGENI – M Gcumisa

Fundisisa lesi siqeshana somdlalo bese uphendula imibuzo elandelayo.

ISIQESHANA H

(Kusehhovisi likaZithulele enkantolo eMshwathi. Ebhentshini phakathi nehhovisi kuhleli

uSalimani. Emaceleni ngapha nangapha kwakhe kuhleli uMbongolo, uNomehlo
noMphiliphili. Esihlalweni phambi kwabo kuhleli uZithulele uhlanganise izandla phezu
kwetafula elibanzi eliphambi kwakhe. UNongejeni uthe phuhle ngaphakathi eduze
nomnyango. Onongqayi badane bethi pheshe emnyango.) 5

ZITHULELE: Ubizwe yimina Salimani. (Ebambelela ezingalweni zesihlalo

ngezandla zombili) Udaba engikubizele lona lunohlonze kakhulu kanti
futhi luyaphuthuma kakhulu.
(Ahlabe ikhefu agqolozele uSalimani ezinhlamvini zamehlo.)
SALIMANI: (Ugqolozele uZithulele kuhle kwemamba, akasathi cwayi.) 10
Qhuba, ngilalele, Mlungu.
ZITHULELE: (Anyokoloze uSalimani kabi maqede abiphe.) Udaba engikubizele
lona udaba lwezwe. (Aphinde ahlabe ikhefu.)
SALIMANI: (avuse izinhlonze)
MBONGOLO
NOMEHLO (babheke uSalimani sakumeba babuye bagqolozele uZithulele) 15
MPHILIPHILI
ZITHULELE: Ake ungichazele ngemingcele yendawo othi eyakho, oyiphathele
uHulumeni, ukuze ngiyiqondisise kahle futhi ngizenelise ukuthi uyazi
kahle.
SALIMANI: Wothi angikuchazele ngemingcele yendawo yami, hhayi okuthiwa
eyami. Empeleni anginandawo mina. Indawo yonke ekaBaba, inkosi 20
uManyosi kaSigobhe kaLubanjana.
(Ahlabe ikhefu. Agqolozele uZithulele angabe esathi cwayi.)
Izwe leli ngiliphathele inkosi uMamonga woSuthu, iSilo uDinuzulu.
ZITHULELE: (Sakunengwa.) Uyihlo unezwe elithathaphi? Wake wakhona umufi
owake waba nezwe? Khona engemufi ukhona 'umuntu' owake waba 25
nezwe? Unezwe wena? (Efutheka.)
Unezwe uDinizulu? Akuzwe likaHulumeni leli?

Akuvumelekile ukukopisha leli phepha Pheqa ikhasi

 IsiZulu Ulimi Lwasekhaya (HL)/P2 29 DBE/2021
SC/NSC

SALIMANI: (Ehleka inhlinini.) Kusobala ukuthi awukabazi abantu wena

Mlungu. Kepha kuthiwa unguNdaba zabo. Kusobala ukuthi
kwakumele ube nguNdaba zabelungu bakini bona mhlawumbe 30
obazi kangcono.
ZITHULELE: (Ngokunganaki.) Anginandaba naMnyuzi, naSigobe naMbanjane
mina. Anginandaba naDinuzulu lowo mina. Mina ngifuna
ungichazele imingcele yezwe likaHulumeni leli ombhasobhele lona.
SALIMANI: Inhlamba! (Ehwaqabala.) Yinhlamba yodwa phela lena 35
oyikhulumayo. Mina angizalwa nguMnyuzi, kaSigobe kaMbanjane!
Kodwa ngizalwa yinkosi uManyosi kaSigobhe kaLubanjana.
Ngukwedelela ukuthi awunandaba nenkosi yami uDinuzulu.
Uyifunelani imingcele yomhlaba kaBaba? Uma sengikuchazele
uzokwenzani? 40
MBONGOLO
NOMEHLO (Bebe uSalimani ngamehlo qede bagqolozele uZithulele.)
MPHILIPHILI
ZITHULELE: UHulumeni ufuna incazelo yemingcele kuwena.
SALIMANI: Uthi izwe ngelakhe nje kanti kwamingcele yalo akayazi?
ZITHULELE: Uyayazi. Kodwa ufuna ukuzenelisa ukuthi wena ombhasobhele
lona imingcele lena uyazi kahle. 45
SALIMANI: Uma esekwazile lokho?
ZITHULELE: UHulumeni akabuzwa kanjalo.
SALIMANI: Uma-ke yena ekwazi ukubuza kanjalo kodwa ebe engabuzwa
kanjalo noSalimani akabuzwa kanjalo.
ZITHU: (Ehwaqabala.) UHulumeni uhlose ukucacisa kahle imingcele 50
emidala nokuklama kahle emisha eyehlukanisa nezokwehlukanisa
kahle kabusha amapulazi abelungu owakhelene nabo oMgqabula,
oMvomvozi noMehlwemamba.
SALIMANI: (eswaca) Akukho migcele ezohlelwa kabusha. OMgqabula
noMvomvozi kanye noMehlwemamba umngcele wabo uyaziwa 55
ukuthi nguMngeni.
ZITHULELE: (Ethi ukwehla.) Kahle Salimani ukuthatha izinto ngokuhluthuka.
Khumbula ukuthi nguHulumeni lona okhuluma naye. Uma
ukhuluma nami ukhuluma noMbusi uqobo lwakhe. UMbusi-ke
unguHulumeni. Ngakho-ke uma ukhuluma naye kumele ukhulume 60
njalo ngenhlonipho. Kuhle ungazilibali ukuthi 'ungumuntu'.
Njengoba ngikhuluma nawe nje ngimele uSomtsewu uqobo.

19.1 Shono isizathu esenza kube nodweshu ekuqaleni kwalesi siqeshana. (2)

19.2 Chaza ithoni etholakala enkulumeni yomlingiswa onguZithulele uma

ekhuluma noSalimani. Bhekisa impendulo yakho kulesi siqeshana. (2)

19.3 Fingqa ngamaphuzu AMATHATHU isizinda salesi siqeshana. (3)

19.4 Xoxa kafushane ngesigameko esifihlelwe umlingiswa onguZithulele

nguSalimani mayelana nokuvota kokuklanywa kwemingcele. (3)

19.5 Qhathanisa ukuvezwa komlingiswa onguSomtsewu nomlingiswa oyijaji

laseMgungundlovu mayelana nokuthetha amacala. (3)

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 30 DBE/2021
SC/NSC

19.6 Ucabanga ukuthi wawuzoba njani umphumela empilweni kaZithulele ukube

icala lemingcele lagcina lingamthethanga uSalimani? Sekela impendulo
yakho. (2)

19.7 Chaza imbangela yokusetshenziswa kwamagama agqamile atholakala kulesi

siqeshana. (2)

19.8 Ngokwakho ukucabanga ngabe umlingiswa onguMphiliphili kwakufanele yini

ajikele inkosi uSalimani? Sekela impendulo yakho. (3)

19.9 Uyavumelana yini nokuthi ukuba khona kukaZithulele kuyithuthukisile

indikimba yalo mdlalo? Sekela impendulo yakho. (2)

19.10 Uyazwelana nomlingiswa onguMphiliphili ngesimo abhekana naso emuva

kokubanjwa ukuthi wayesebenzelana nabelungu bamapulazi? Sekela
impendulo yakho. Yikuphi owawungakwenza ukube kwakunguwe obhekene
nalesi simo? (3)
[25]

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 31 DBE/2021
SC/NSC

UMBUZO 20: UMBUZO OMUDE

UBHUKU LWAMANQE – EJ Mhlanga

'Umbhali uyaye asebenzise ummeleli ukukhulisa udweshu.'

Xoxa ngokusetshenziswa kommeleli onguPhindisiwe ukukhulisa udweshu olutholakala

kulo mdlalo.

Impendulo yakho mayibe yi-eseyi ehleleke kahle ngokomgomo wokubhalwa kwe-eseyi

ibe namagama angama-340 kuya kwangama-390. [25]

UMBUZO 21: UMBUZO OMFUSHANE

UBHUKU LWAMANQE – EJ Mhlanga

Fundisisa lesi siqeshana somdlalo bese uphendula imibuzo elandelayo.

ISIQESHANA I

PHINDISIWE: Ngingakusiza? Kubuza uPhindisiwe ngezwi eliphansi.

NKULULEKO: (Izwi elihoshozayo) Bengicela ukukhuluma noPhindisiwe.
PHINDISIWE: Uyena okhulumayo. Ngingakusiza?
NKULULEKO: (Engapholisi maseko) Kuseyimina futhi s'thandwa sami.
PHINDISIWE: (Ebabaza) Waze wayiphela endlebeni Nkululeko. Ngakutshela ukuthi 5
okwakusihlanganisile sekwashabalala njengamazolo ebona ilanga.
Ufunani manje?
NKULULEKO: (Umoya uthi ukuphakama.) Wakusho kalula lokho.
Usukhohliwe yizimfihlo engizaziyo ngawe? Uyabona-ke Phinidisiwe
njengoba ikhanda lakho liqine liwusimende lizothamba. 10
PHINDISIWE: Lithanjiswe yini? Angithi kawufuni ukuzwa uma ngikutshela?
Sengikhathele yile ndlela.
NKULULEKO: Imali ebengikondla ngayo, isikhathi engisichithe ngawe, ikusasa
lami-ke, konke lokhu uthini ngakho?
PHINDISIWE: Mamo! Yishwa lami phela leli, uyayazi imihlola kaMakhangela yilena 15
ongitshela yona manje. Insumansumane uqobo lwayo. Uyajabula
ngokukhala ngesikhathi, esami sona?
NKULULEKO: Ukukhwela phezu kwendlu njengenja ngeke kukusize, ukwazi kahle
engikhuluma ngakho.
PHINDISIWE: Kwamina ungichithela isikhathi ngeze leze. Sengikhathele, kade 20
ngikhuluma nawe kepha kubonakala ukuthi ngithela amanzi emhlane
wedada nje. Uzongipiklela ngesikhathi siphi sona?
NKULULEKO: Kuhle-ke uma kunjalo. Ulibambe lingashoni.
Usukhohliwe yiminyaka emithathu engiyichithe ejele ngibhecwe
ngobende ngingaludlanga. Ngilahlekelwa yikhona konke ngenxa 25
yakho. Manje usuyangipiklela?
PHINDISIWE: Hhayi, Cha uyisona ngempela esathunywa ugwayi sabuya neboza.
Nkululeko okwakufaka kwezimnyama kungenxa yokuthi kawulaleli.
Ngangingakuphoqile ukuthi uyigqibe indaba, angithi sasithandana,
ufunani manje? 30

Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 32 DBE/2021
SC/NSC

NKULULEKO: Mina ngifuna sibuyelane siqale impilo yethu kabusha ngoba

ngisakuthanda. (Ngephimbo elisakuncenga.)
PHINDISIWE: Isondo lendalo kalimile belu liyaguquka. Iminyaka iyanyathelana.
Nempilo kufanele ingemi ndawonye kepha iqhubeke. Ngalokho-ke
nami ngaqhubeka. Nawe usuyoqhubeka nabanye ngoba 35
kangisenaso isikhala sokugcina uthando lwakho, enginalo lwanele.
Ngakho-ke ncenga nje mfowethu kuzolunga, uzomthola oyokuthanda
futhi.
NKULULEKO: (Ngokufutheka) Kangicabangi ukuthi uyazizwa ukuthi uthini nokuthi
ukhuluma nobani? Ungangihlanyisi Phindisiwe. Ngizokwenza into 40
yamehlo. Ngingamane ngibuyele ngiyodonsa isigwebo sokubulala
wena uma ungangazi kahle.
PHINDISIWE: Angithi yinto oyijwayele yokusoconga abantu, kuyobe kungaqali
ngami. Ngingazi-ke ukuthi ngiyobe ngigoqe izandla yini uma
ungisoconga? Kayikho-ke into engithusayo kulokho. Kufanele wazi 45
ukuthi kuyona yonke imizi kunezibheva zakhona, uma ucabanga
ukuthi nguwe wedwa ushaye phansi.

21.1 Shono isizathu esenza kube nodweshu ekuqaleni kwalesi siqeshana. (2)

21.2 Chaza ithoni etholakala enkulumeni yomlingiswa onguPhindisiwe. Bhekisa

impendulo yakho kulesi siqeshana. (2)

21.3 Fingqa ngamaphuzu AMATHATHU isizinda salesi siqeshana. (3)

21.4 Xoxa kafushane ngesigameko esifihlelwe umlingiswa onguPhindisiwe

nguNkululeko ngokwakuzokwenzeka emuva kokutshontshwa kwemali
yasebhange. (3)

21.5 Qhathanisa ukuvezwa komlingiswa onguMathonsi nomlingiswa

onguThamsanqa ngezenzo zabo zokuphatha amakhosikazi abo. (3)

21.6 Ucabanga ukuthi wawuzoba njani umphumela empilweni kaPhindisiwe ukuba

akagqunywanga ejele? Sekela impendulo yakho. (2)

21.7 Chaza imbangela yokusetshenziswa kwamagama agqamile atholakala kulesi

siqeshana. (2)

21.8 Ngokwakho ukucabanga ngabe umlingiswa onguKholekile kwakufanele yini

ajikele uPhindisiwe? Sekela impendulo yakho. (3)

21.9 Uyavumelana yini nokuthi ukuba khona kukaNkululeko kuyithuthukisile

indikimba yalo mdlalo? Sekela impendulo yakho. (2)

21.10 Uyazwelana nomlingiswa onguSarah mayelana nesimo abhekana naso

sokungenelwa izigebengu zihamba noPhindisiwe? Sekela impendulo yakho.
Yikuphi owawungakwenza ukube kwakunguwe obhekene nalesi simo? (3)
[25]

AMAMAKI ESIQEPHU C: 25
AMAMAKI ESEWONKE: 80

Akuvumelekile ukukopisha leli phepha