Kum 23 Issue No.23 Missionary Tlngau November 2011 Editor Asst. Editor Cir.Manager Member : HS.

Lalhmingthanga 2342250 (O) 9615344234(M) : H.Zadingliana 2342294 (R) 9436157190(M) : K.Lalremsanga 9436370298(M) : Rev.Dr.K.Lalrinthanga 9436158852 (M) : L.H.Liandinga 2342667 (O)

Email Address : [email protected] Address Baptist Church of Mizoram Office Serkawn, P.O. Zotlang - 796691 Lunglei, Mizoram Ph.Off - 2342250 A man kum khatah - Rs 40

Thuchhuah rng rng hi a ziaktu mawhphurhna a ni a, Editor leh BCM ngaihdn a ni vek kher lo. A CHHUNGA THU AWM TE

Sl.No Phk 1. Editorial 1 2. Ka hlawhtlinna Lalpa 2 3. BCM Mission thlirna 4. Isua tello chuan 5. An chanchin nghilh loh nan 6. Kauchhuah Camping 7. Tlabung Non-Mizo Inkhawmpui 8. Pu H.C.Nghinga Lalpa hnenah 9. Chakma te khawsak dan leh an zinga BCM 1

Editorial Editorial TIAM CHIN LAM PAN

Krista Isuaa Pathian chung lam koh chhan lawmman hmu turin, tiam chin lam chu ka pan talh talh a ni. Philippi 3:14. Tirhkoh Paula chuan Lal Isua a rin avangin, Pathian hmaah thiam a chang a. Amah hmangaih a, a aia krawsa inpe a Lalpa chu hmangaih let vein, a thihna, a thawhlehna leh a tuarnaah te Isua nun chu tawmpuiin, ni tin hrechiang lehzual zel turin tan a la a. Lal Isuan Jentail-te zinga Chanchin Tha hril tura a kohna chu (Tirhkohte 9:15) chhangin, a Lalpa lawmzawnga rawngbawl a, a hnen a thlen huna lawmman hmu ngei turin, theih tawp chhuahin a bei a, hmalam a pan talh talh tih min hrilh a ni. Kristian nih nawmna, Lal Isua kohna chhanga Chanchin Tha hril hnathawh phurawmna chu Lal Isuan lawmman pek min tiam hi a ni. Ka lo kal thuai dawn e; mi tin an thiltih ang zela pek turin ka lawmman ka hnenah a awm a, (Thu Puan 22:12) a ti a. Hebrai Lehkhathawn ziaktu chuan Pathian chu a awm a, amah zawngtute hnena lawmman pek hmang a ni (Hebrai 11:6) tih min hrilh bawk. Isuan, Pe rawh u, chutichuan pekin in awm ang, thahnemngai taka teh a, beng muk a, sawi muk a, liam zawih zawihin, in mal chungah an pe ang che u, (Luka 6:38) tiin min tiam a ni. Hla phuahtu chuan, Vanglai ni, thiamna te, Tlantu tana hlan hi, Engtiangin nge a lo lawm dawn le ? tiin thalaite, an vanglai hun hlu, an thiamna leh chakna te Lal Isua leh Chanchin Tha avanga phal taka Pathian hnena lo hlantute inpekna hlutzia a lo phuah a. Ni e, Lal Isua an hmangaih 2

avanga thalai rual, an hmel thatna, an in leh lo leh thenrual tha- an ngaih ngawih ngawih vui liamtute tan chuan, lunglen leh khawhar vawng vawng te, rilru mitthla leh tawnmang lama TKP-a hlim taka an tel lai hmuh thin te, an mahni hringa duat taka lo chawi liantu an nu leh pate enkawl phak lo leh a then phei chuan dawm hlum thei lova thlarau bote Lalpa zema sengkhawm hna buaipui chu Lalpa kohna an chhanna kal kawng, Kraws Kawng, peh hel theih loh a ni tlat si a. Paula hian helai thu hi hman lai Greek infiam mite, Olympic lawmman Olive tang a hnah tela kual khum ngei tura an theihna zawng zawnga an in tlansiak a, hah tawh chung pawha hma lama an pen talh talh dan hre chunga a ziak a ni. Chanchin Tha hril tura Lalpa kohna chhangtute pawh hian chung infiam mite ang chuan, chu aia nasa zawk mahin, kan hmabak rawngbawlna hlen turin (II Timothea 4:5) kan beih fat fat a tul a ni. Sikul Headmaster ni chunga Ziro phaizawla kohhran 7 enkawl a, mawngvawmba ang maia ka vir tawn zak zak lai ka hre chhuak thin. Zing atanga zan thlengin chawlh awm hman lovin kan tul a, mahse a hreawm lo ! Lalpan Thlarau Thianghlima min thawhpui tlat avangin kan thawhrim loh rah kan seng a, lawm avanga bianga mittui a luan ni a tam a ni. Hna thawh mai a ni lo, chhung lam leh pawn lam atanga dodalna hma chhawn a, rilru hah taka thingthit rap rap zan a tam bawk si ! Lalpa chakna azarah a hmaa kan kun apiangin hnehtu niin kan tho leh a, Apatani hnam zingah a ram a zau lo thei lo anih kha. Pathian thuin Tirhkoh Paula tlan dan min hrilh chu hnung lama thil awmte chu theihnghilhin hma lama thil awmte chu a ban thu a ni. Hnunglama awm chu a tha pawh, tha lo pawh, buaipui hman a ni tawh lo va; hma lama rinna in tlan siakna a tlan tur, tiamchin lam a thlenna tur chauh chu ding taka enin, dinglam leh vei lam pawh hawi hman lovin a tlan ngat ngat a. A tlansiakna kawng a hlen chhuah thu pawh min hrilh a ni (II Timothea 4:7). Hemi zawm chiah chang 8-ah hian Lal Isuan felna lallukhum a pek 3

tur thu a sawi thei nghal a ni. Kan hmaa mi huai kal ta te khan hreawm tuar an lo va chhel em ! An lo va entawn tlak em ! An awm dan, an rin dan, Pathian chaknaa innghat tlat chunga rinna in tihsiakna an beih dan kha i zir ve ang u. Harsatna chi hrang hrangten kan rawngbawlna min dal tum mahse, huaisen taka Isua en tlatin, chhel takin tiamchin lam i pan zel ang u. Rei lote chu Setana hi nui thin mahse, a tawpah hnehin a awm a, Lalpa a ropui a, a ram a zau nge nge thin tih i hria ang u. Van ram panin kan kal laiin, Chhumte a lo zing thin ang; Kan hmaa lawmman um zelin, A mawina kan thlir thuai ang; Lungmantam kawngkaa lutin, Rangkachak tual kan leng ang.

*********************************

KA HLAWHTLINNA LALPA Esther Zothansangi, Warden, Mt.Olive School, Debitola Missionary te hian thla khat chhunga kan thawh dan chanchin hi thlatin reports kan Field Director hnenah kan pe thin a. Kan report form ah chuan Missionary Tlangau ah thu chhuah tur kan ziah leh ziah loh zawhna a awm a, chhan a ngai thin a. Kum nga chhung chu ziak lo tiin inthlahrung rilru takin ka lo chhang tawh thin a. Hotute hnen atangin thu ziak tura fuihna kan dawng thin a, mahse thuziak thiam ka ni bawk si lo, mahni insitna avangte in ka la ziak ngai lo. Amaherawhchu Krista hmangaihna chuan atana nung ve tura min tir lui angin ka Furlough chhunga Pathian ropui zia ka hmuh te leh Kohhran hote hmangaihna ka dawn zawng 4

zawngte hian he thu hi ziak lo thei lo in min tir lui ve ta a ni. Monthly reports ka pek leh hmasak berah chuan thu ziah leh ziah loh chhanna tur atan a vawi khatna atan ziak tiin lawm takin ka chhang ve thei tawh ngei ang. Kum 2005 November thla atang khan ramthim rawngbawlna-ah hian ka lo zuang lut ve tan a, kan BCM hotute kal tlangin Pathian in Rabha hnam zingah, Mount Olive School Girls Hostel Warden ni tur in min thlang ve a, chu hna chu vawiin thleng in Pathian khawngaihna a zarah ka la chelh ve a ni. Ka luh thlak atangin kum 5 alo vei ve ta reng mai a, Furlough turin hotuten min phalsak a, kumin April thlatir khan Furlough Programme hmang turin Mizoram- ah ka lo chhuak chho ve ta a ni. Furlough Programme ka hmang tur hi ka chakna leh huphurhna a in zat reng mai, Mizorama min tawngtai puitu Kohhran hote hmel hmuh a rawngbawlho ka chak hle rualin tih tur leh mawhphurhna lian tak ka kovah a innghat a ni tih ka hriatin ka huphurh hle bawk si a. Tin, appea neia chhuak tur ka ni a, Mizoram Kohhran ho ten Missionary Furlough leh tlawhtu an lo nei fo tawh a, an tan phurrit mai ka ni ang tih ka hlau hle bawk a. Mahse kan mamawhna a san em avangin appeal nei lo thei kan ni bawk si lo, inthlahrung takin kan Girls Hostel tui pump set leina tur appeal neiin ka chhuak chho ve ta tawp mai a ni. Headquarter ah in report in ka Bial fan tur Mamit, Thingfal leh Electric Pastor Bial te a ni tih ka hriat chuan Mamit leh Thingfal Bial chu vawi khat mah ka la kal ngai lohna khuate vek an ni si a, huphurh a zual duh ngei mai. Dt 4.5.2011 atanga Programme hmang tan tura tih ka ni a, a ni a hnai tual tual a, ka zam tulh tulh a, mahse huphurh leh zamna avang chuan ka tih tur, ka mawhphurhna hlen tur chu a bo thei chuang si lova, tawngtaina a Pathian hnena thlen bak tih theih a awm si lo. Pathian chu ka beisei leh innghahna a ni a, a takin ka ring tawp mai a ni. A rinawmzia min hmuhtir dawn ani tiin Pathian thlamuanna aw ka dawng thin. 5

Pathian chuan a chunga rinna leh beiseina nei tlat te chu a ti thlawn ngai lo a ni tih chiang takin min hriattir a ni. MAMIT PASTOR BIAL :- Dt 3.5.2011- ah Mamit Pastor Biala Furlough Programme hmang tan turin Lunglei ka chhuahsan a, ka nu leh ka u fapa in min zui bawk a. A tuk Dt 4.5.2011- ah Dapchhuah thleng in kan BCM Missionary Pu Zela leh BCM Dapchhuah hruaitute leh Bial Mission Hruaitu ten min lo hmuak a. Sumo atanga kan chhuk chu kan Upa pakhat chuan min chibai pahin, Enga ti nge keimahni BCM Motor-in in lo kal loh? ti in min lo zawt leh nghal a. Baptist thinlung an pu hle a ni tih a lang a, thla an ti muang sawt mai. Mamit Bialah hian BCM Dapchhuah, BCM Nalzawl, BCM Mamit, BCM Emmanuel leh BCM Darlak ah te hun hmangin Kohhran hote nen hlim taka inkawm hona hun kan nei thei a a nuam hle a ni. Kohhran hote an felin an inpekna a ropui a hun nuam tak hmang ho in kham lo takin kan in thlah a ni. Nalzawl kal tur hian Darlak atangin ke in kan kal a, Pathian hminga feh chhuak ke ngei a kan han kal te hi ka tan chuan a hlu in a chin chhiah tlak hle mai. Tin, Nalzawl Kohhranten, Kan Kohhrana Missionary tlawhtu kan neih hmasak ber i ni, min han ti te chuan thinlung a ti lawm leh zual. Darlak khua- a ka pi te kha in va ngaihawm em. Thlahna chibai min buk pah a, Khawvela kan awm chhung chuan kan in hmu leh awm tawh si lova aw.. in han ti vawng vawng te khan ngaihtuah a ti thui hle mai. Ni e, khawvelah chuan in hmu leh tawh lo mah ila Isua zara kan chan, Van hmun nuamah chuan kan la in chibai leh ngei ang. Mamit Bial Mission Hruaituten Programme tin ah min tawiawm vek a, ke a kal a tul pawhin mahni hna tul kalsan in min zui thei zel a, an inpekna a thukin an chungah ka lawm tak zet a ni. THINGAL PASTOR BIAL :- Mamit Bial Kohhran hote ngai tak chungin kan hawng a, Thingfal Bial- a kal turin kan in puahchah leh nghal a. Ka hun hman tawh ah Pathian min hruaina leh a rinawmzia hmu tawh mah ila huphurhna hi a bo tak tak thei lo. Huphurh tizual 6

turin BCM Thingfal Kohhran in Mission Convention an neih turah Speaker tur ka ni tih Thingfal Bialtu Pastor in min han hrilh leh nghal phei chu ka te chem chem a ni ber mai. Ka hmel an hmuh hunah chuan aw min sitin an inchhir ngawt ang tih ka ngaihtuah nghal a. Mahse Kohhran hruaitute aw chu Pathian aw a ni a, ka hnial ngam bawk si lo a, Pathian a innghah tawp mai loh chu tih ngaihna pawh ka hre lo. Thingfal Bial ah chuan Dt 18-25.5.2011 chhungin BCM Zion, BCM Thingfal, BCM Mamte T , BCM Thlengang, BCM Mamte Biak-in ah te Kohhran hote nen hun hlimawm tak kan hmang a. Tin, Dt 20-22.5.2011 chhungin BCM Thingfal Kohhran ah Mission Convention kan nei a. Sermon vawi 4 lai sawi a ngai si, kei ve tehlul hi Speaker atan min ti ve chu a ni a, Kohhran hote hnenah Pathian thu engtin nge ka sawi ang le? tiin ka zam hle a. Mahse, mahni intum chawp thin Pathian chuan a rinawmzia min hmuh tir a, mualpho lo in hlawhtling takin Kohhran hote nen hun kan hmang zo thei a ni. BCM Zion, BCM Thingfal, BCM Mamte ah te phu loh chawimawina parthi ka awrh sen loh min awrhtir a, hmel pawh lang thei lo lekin Pathian avanga ka chan hi a zah thlakin a va ropui si em! BCM Shalom, Mamte ah hian khawtlang chhiat tawh avangin Biak-In ah inkhawm hun kan hmang thei lo a. Mahse Pathian remruat zel a ni ang chu thlan thut ni ah khawhar inah reports pe turin Kohhran hoten min tir lui tlat mai a. Khawhar in a hun lo hman ve ngawt mai chu ka zak hle mai a, mahse hnial ngam chi an ni bawk si lo. Vanduaina avanga mipui tam tak lo pungkhawm hma ah reports leh testimony te min sawi tir a, thil dangdai tak kan tawng in ka in hria. Khawhar in a Missionary reports pe chu sawi tur an vang ngawt ang. Bial chhunga Programme ka hman chhungin Bialtu Pastor Rev K.Lalbiakchhawna leh Bial hruaitu ten min tawiawm chhuak vek a, an chungah ka lawm em em a ni.

ELECTRIC PASTOR BIAL : Thingfal Bial-ah tluang taka hun kan hman zawh hnu in Dt 1-5.6.2011 chhungin Electric Pastor Bial, Lunglei ah hun ka hmang leh a. Ka awmna Bial a ni bawk a, inti neitu takin hun ka hmanga a hlimawm hle mai. BCM Electric Veng ah hun ka hmang tan a, BCM Farm Veng, BCM Chanmari Vengthlang leh BCM Gosen ah te hun ka hmang a, Kohhran hote an felin hun hman a nuam thin hle mai. Kal hnu hnunna apiang a nuam ber zel ni mai in ka hria. Kohhran hote an ngaihawm thei hle mai. Electric Bial a hun ka hman chhungin Bial Mission Hruaitute leh ka lawina Kohhran (BCM Farm Veng) ten min tawiawm tha thei hle mai a, an chungah ka lawm tak zet a ni. Furlough Programme ka hman na ah hian Kohhran pakhat ah tih loh chuan Biak-In a inkhawm zawhah inpawlhona hun hlimawm tak kan hmang thin a, a hlawkpui awm in a tangkai hle in ka hria. Mizorama thla 3 hun ka hman chhung hian Pathian hnathawh ropui tak tak ka nunah ka chang a, ka hlawkpuiin rawngbawl leh zelna tur ah pawh phurna leh chakna thar min pe a ni. Ka Furlough Programme te bakah Kohhran hote duhsakna in Pathian thuchah sawina hun avaiin vawi 30 lai ka chang a. Kei ve mai hian engtin nge reports ka pek ang a Pathian thuchah eng nge ka sawi ang le? tiin huphurh takin ka in buatsaih thin a. Mahse keimah ni lo in Pathian zawk a che a, Amahin a Kohhran, a fate hnenah an mamawh thu a sawi zel a, kei mi tling lo hi hmanrua ah min hmangin ka inbuatsaihna piah lamah hna a thawk a, a fate tan ei tur min pe thin a ni. Keimah atang chuan chhuak tur a awm lo, Pathian tih a ni tih min hriat nawn tir leh thin a. Rin tlak Pathian a van ni tehlul em ! LAWMTHU SAWINA :- Lawmthu sawina tur ka ngah lutuk a, ka sawi kim seng lo ang tih ka hlau. A hmasa berin a ropuina min hmuh tir tu Pathian chungah lawmthu ka sawi a. Hun ka hmanna Kohhran zawng zawng te min hmangaihna leh duhsakna ka dawn zawng zawng ah lawmthu ka sawi a ni. BCM Farm Veng a ka TKP Member pui te leh Kohhran Member, Thingfal Mission Convention 8

a min tawiawm tu te leh Electric Bial chhunga min tawiawmtu te zawng zawng chungah ka lawm em em a ni. Zaia rawng min bawlpui thintu Maengi chungah ka lawm tak zet bawk. Ka pu Upa H. Kaphnuna (Rahsiveng) in min tawiawm theih avangin ka lawm a. Ka nu, kum upa lam tawh, kum 60 chuang a ni tawh chung pawh a ka Programme a bul atanga a tawp thlengin ka zinna zawng zawngah min tawiawm a, min thlamuan thin avangin ka lawm tak zet a ni. Tin, ka unaute leh ka chhungte zawng zawng an theihna apianga min tawiawm tu leh tanpuitute chungah lawmthu ka sawi bawk. Programme hlawhtling taka ka hman theih nana Pathian Thlarau hruaina leh awmpuina min dil sak thintu Field a ka thawhpui te, Mizoram Kohhran, mimal leh chhungkua zawng zawngte chungah lawmthu ka sawi mawlh mawlh a ni. A tawp berah chuan mimal, chhungkua leh Kohhrante thilpeka Pathian rawng min bawlpui tute zawng zawng chungah lawmthu ka sawi a. Heng in thatna, in mi tawngtaipuina leh thilpek ka dawn zawng zawng ah hian rul let thei lo che u mah ila, Pathian in a let tam takin malsawmna in a vur ngei ang che u. Thilpek ka dawnte chipchiar zawkin ka han tarlang ang e. Hmun a heh loh nan FOD, mimal leh chhungkua- a min pe tute ka tarlang vek lo mai ang a, Kohhranah a hlawmin ka ti lang mai ang. MAMIT PASTOR BIAL BCM Darlak BCM Nalzawl BCM Mamit BCM Emanuel BCM Darlak Bial Mission Total THINGFAL BIAL BCM Zion BCM Mamte T

Rs 2,102 Rs 2,740 Rs 10,800 Rs 3,000 Rs 3,800 Rs 6,000 Rs 28,442

Rs 2,200 Rs 2,000 9

BCM Thingfal BCM Thlengang BCM Shalom, Mamte BCM Mamte Bial TKP Bial Mission Total ELECTRIC BIAL BCM Electric Veng BCM Farm Veng BCM Chanmari Vengthlang BCM Gosen Total

Rs 7,500 Rs 1,500 Rs 3,000 Rs 2,900 Rs 500 Rs 1,000 Rs 20,600

Rs 3,000 Rs 6,500 Rs 5,000 Rs 6,000 Rs 20,500

Programme ka neihna ni lo, Bial dang ami, mi thahnem ngaite hnen atangin Appeal atan Rs 3,458 ka dawng bawk a. Appeal atana ka hmuh zawng zawng hi Rs 78,000/- a ni bawk. Tin, keima mimal pual atan Mamit, Thingfal leh Electric Pastor Bial chhunga Kohhran, FOD leh mimal hnen atangin in thilpek Rs 40,000/- ka dawng bawk a ni. Ka Furlough Programme min hlawhtlin tir tu Pathian hi ropui ber rawh se. Chhiartu te Pathian in malsawm che u rawh se. (Nl. Esther Zothansangi Furlough reports ngaihnawm tak hi a Furlough vawi khatna reports a ni tih hre chungin i chhiar ang u. Mi Pathiana a inpek a, kohhranten kan tawngtaipui phawt chuan Lalpa hi a hun takah a inpuang chhuak mai thin reng a ni. Tling intite rawngbawlna ai chuan, tling lo inti, insit tak, mahse Pathiana innghat te rawngbawlna hi a hlawhtling fo thin. Esther-i, kan lawm e. Editor)

10

**********************

BCM MISSION THLIRNA H.S. Lalhmingthanga, BCM Mission Promoter (He thu hi MTKP Mission Consultation July 6, 2011 a BCM Venglai, Lunglei Biak ina Mission Promoter thusawi tlangpui a ni) 1. THU HMA : Mizoram (kha tih laia Lushai Hills) hian January 11, 1894 khan Missionary hmasate F.W. Savidge (Sap Upa) leh J.H. Lorrain (Pu Buanga) kal tlangin Chanchin Tha kan dawng tan a. Kum 3 hnua hawng thlain, March 8, 1903 khan Mizoram chhim lam Tlabung tuna Missionary Kai kan tih takah khuan an lo thleng chho leh a. Hemi hma 1900-1902 vel khan Mizoram chhim lamah Kristian tlemte an lo awm tawh a. Pukpui lalin a khuaa Kristiante chu a hnawt chhuak a, chung Kristian tlemte te chuan Sethlunah sawn Pathian Khua dinin maurap biak in te reuhte an lo sa tawh a. A thlalak pawh BCM Archive-ah dah a ni. Ti hian Mizoram Baptist kohhran chu kum 110 chuanga upa a lo ni ve ta a ni. Mizoram Baptist kohhran (Baptist Church of Mizoram BCM) hi a tirte atanga mahni insengsova Chanchin Tha hril ngai pawimawh kohhran a ni. 1902 kuma an buh thar Sawma Pakhat chu Biak inah chhung khawmin zemah liang tawngin an dah a. Sap Upa leh Pu Buangan 1903 a an va tlawh chuan, an Buh thawhlawm chu, Evangelist 2 rawih nan an hmang ta a ni. Kha tih lai atanga vawiin thleng hian BCM chuan mihring, pawisa leh tawngtaina hmangin Lal Isua la hre lote hnenah Chanchin Tha a hril a, Lal Isua Thupek Ropui(Mt. 28:19; Mk. 16:15; Lk. 24:47; Jn. 20:21; Tirh. 1:8) hi a la zawm zel a ni. 2. BCM MISSION FIELD LEH MISSIONARY ZAT : BCM chuan tunah hian (July 1, 2011) Mission Field 21 (sawmhnih 11

pakhat) kan nei : Mizoram chhungah Chakma Mission, Bru Baptist Church leh Non-Mizo Evangelism. India ramah Tripura, Upper Assam, Lower Assam, West Bengal-Sikkim-Jharkhand, MP & MS, North India Mission, Arunachal West, Arunachal East, Arunachal Far-East leh Andaman-Nicobar Islands. Foreign-ah Thailand, China, Bangladesh, Bhutan, Nepal, W. Africa (Ghana), E. Africa (Kenya) leh Indonesia. Heng ram hrang hranga hnam 40 vel hnenah Chanchin Tha kan hril mek a ni (BCM Mission Field Map). India ram chhunga Field 4 Upper Assam, Lower Assam, Arunachal Far East leh W. Bengal-Sikkim-Jharkhand te hi 2011 BCM Assembly-in Mission Plan a pawm tawh, mahse Mission Board committee-in a rel huna la function tur an ni. BCM Missionaries : i) Substantive 122, Temporary 35, Contract 76, Volunteer 41, Recognised Missionary 15 leh Missionary nupui/ pasal 97 : an vaiin 386; Native Workers : i) Substantive 8, Temporary 7, Contract 283, Volunteer 10, Private Support 51 : an vaiin 359 awmin, BCM Mission Worker zawng zawng chu Missionary 386 + Native Woker 359 = 745 an ni. 3. BCM MISSION SUM HMAN : 2011-2012 hian BCM Mission Budget chu Ramchhung Mission Rs 37,062,000 + Rampawn Mission Rs 63,063,000 = Rs 100,125,000/- (cheng nuai sang khat pakhat singhnih sangnga) chiah a ni a. Kum hmasa aia a punna chu Rs 20,151,230/- (cheng nuai zahnih pakhat singnga sang khat zahnih sawmthum) chiah a ni. Kumina kan Budget hi BCM Budget pumpui atanga chhut chuan 32.32 % (za zela sawmthum pahnih point pathum pahnih) a ni. BCM Central Budget 2011-2012 chu Rs 105,407,000/- (34 %) a ni a; Service Budget chu Rs 104,171,050/(33 %) a ni. BCM Hqrs. Budget bakah hian kohhran, pawlho leh mimal thahnemngaiten Mission Field tlawhin Work Camp, thu leh hlaa 12

rawngbawlna, etc. an nei a. Missionary Furlough lo tanpuina leh an Appeal atan te, Missionary dam lo tanpui nan te, Biak in, sikul, etc. sak nan te sum leh pai tam tham tak hman a ni bawk. Kum khat chhunga Mission Field-a feh chhuak hi pawl 50 chu an tling ziah niin a lang a, an senso belh khawm chu a tam tham viau awm e. Hemi piah lamah hian Mission hming thovin Para-Church chi hrang hrang rawngbawlna atan, entir nan- SEAMS, Pathian ram veituten an sum leh pai an pe chhuak reng bawk a. BCM Assembly-ah BCM Budget zatve (za zela 50) tal Mission atana hman rawtna a awm zauh zauh a, mahse a la tlang zo rih lo a ni. Mission rawngbawlna atana BCM Budget hi kohhran member engemawzat chuan tlem deuvin an ngai a. Hetiang hian kal ta zel ila, BCM inpumkhatna hi a tih chak loh hun a la thleng thei ang em ? tih hi thil chhut mite ngaihtuahna luahtu a ni. Eng nge kan ngaih dan ni ve le ? 4. BCM MISSION FIELD THLIRNA : Lal Isuan, Dak ulang, lote en rawh u, tun apangin seng turin a eng a ni, (Johana 4:35) a ti a. Lal Isuan a thuhretute kan nihna tur hmun thum Jerusalem (mahni hnam zingah), Judai leh Samari ram khaw tin (kan chheh vel hnam sakhaw nghet nei lo, ramhuai hlauva inthawi thinte zingah) leh Kawlkil thleng (hmun hla zawk, sakhua leh hnamze nghet tak neite zingah) min hrilh a. Heng hmun te hi BCM Mission chuan kan sum leh thawktute tlin ang tawkin kan thleng ve mek a, hnam hrang hrang 40 vel lai hnenah Chanchin Tha kan hril a, Pathian ram kan din mek a ni. Kum 70 chuang Mission rawng kan bawl chhung hian hlawhtlinna ropui tak leh la hlawhtlin vak lohna te kan nei a. Hnamzia leh sakhaw nghet nei zinga kan la hlawhtlin vak theih loh laiin, keimahni anga Mongolia thlah, kan pi pute anga sakhaw nghet nei lo, ramhuai hlauh vanga inthawi thinte zingah chuan ringthar tam tak siamin kohhran pawh kan din tam tawh hle a. 2010 khan Tripura, Arunachal West, Chakma Mission, Assam Guwahati bawr vela Muslim zingah leh Arunachal East-ah te kan thawk hlawhtling hle a ni. Kan inpekna leh theih tawk kan chhuahna 13

hmanga Lalpan min hman tangkai zualna hmun chu a hriat viau mai. Hei hi hria a, kan thawktute leh sum leh pai neih chhun pawh rah tha tak chhuaha rawng kan bawl theihna tur hmuna kan hman daihzai thiam a ngai dawn niin a lang. Sakhua leh hnamze nghet nei ramthim tak takah te pawh kan Mission Partner-te nen tanghova hma kan lak chhunzawm zel pawh a tul bawk ang. Korku hnam te, Jharkhand-a Santali hnam te, Afica-a Somali-Muslim te, China leh Thailand leh Indonesia-a Buddhist leh Muslim te pawh hi Chanchin Tha meichher nen kan luhchilh ve zel a tul dawn a ni. Amaherawhchu heng hmunah te hian keimahni puala Field hawnga thawktu tam tak tir tur chuan kan la tlin meuh lo tih pawh kan pawm thiam a tha awm e. Kan tih theih tawk bei tham hle rih mahse Lalpan Thlarau Thianghlimin min thawhpui a, kan la hlawhtling viau zel hi a lawmawm tak zet a ni. Kan rawngbawlnain rah a chhuah thatna chhan langsar deuh deuh te chu hengte hi an ni : - (i) Thlarau Thianghlim tihchakna leh hruaina (ii) Kohhran, pawlho leh mimal thahnemngai taka kan tawngtaina Lalpan min chhang thin (iii) Mission Field-a kan ai awha kan tirhten hreawm pawisa lovin, ni tin kraws puin Thu an hril a, Isua hmingin damlote tidamin ramhuaite an hnawt chhuak a, nung takin rawng an bawl (iv) Chhungkua, kohhran leh pawlhoten Pathian ram zau nan buhfaitham, thawhlawm leh keimahni phal takin kan la insengso zel (v) BCM Mission hruaituten Krista rilru pu chungin Hmathlir fel tak neiin Mission rawngbawlna min neihpui (vi) BCM Hqrs. hma lakna bakah tual chhung kohhran leh mi thahnemngaiten sum, thahrui, hun leh mittui sengin Chanchin Tha hrilin an la insawr chhuak zel. Hetih laia kan thlir hmaih hauh loh tur chu tunlai huna Mission-a min chotu (challenges) lian zualte hi an ni. Chanchin tha hril tura min chotu lian zualte chu : (i) Naupangte (ii) Thalaite (iii) Nuho (iv) Lehkha thiamte an ni. BCM hian Mission school 54 vel neiin ni tin zirlai 6000 zet hnenah zirna hmangin Chanchin Tha kan hril reng a. Evangelist Teacher te hian BCM thiltum ringthar 14

siama Baptist a, kohhran din tura tirh kan nih kan chian a, hemi tihlawhtling tura sikul leh zirna te hi buatsaih kan nih kan hriat a, Football khelho ang deuha midfield chauhva buai lo va, goal a tilut ngei tura tawngtaina nen theih tawp chhuaha kan thawh a tul a ni. Thalaite hi Music leh Pathian fakna hla hmangin kan hui khawm mek a. Music Teacher te bakah Missionary dangte pawhin Pathian ram chanchin hi kan hrila hlaa kan kaihharh nghal zel a tul tak zet a ni. Thalaite hip thei thil dang pawh Chanchin Tha hril nan i hmang tangkai zel ang u. Chhungkaw nu ber kan hmin chuan chhungkaw pum kan hneh dawn tih hriain in tlawh leh nuho thleng phaka Chanchin Tha hril kawngah thahnem i ngai ang u. An ngaihtuahna khawvel luh chilh dank an thiam chuan nuho hi hneh an har lutuk lo tlat a ni. Mithiamte hi thuziak leh Pathian thiltihtheihna hnathawh tuma phat rual loh hmangin hneh theih an ni a. Thiana siam a, zawi zawia Lal Isua lama hruai theih an ni. An hming lama ni tin tawngtaisak chung a, an hnena Chanchin Tha hrilna remchang zawn chuan Thlarau Thianghlimin kawng min kawh hmuh a, kan hlawhtling fo thin a ni. Eng hna pawh hi thawk dawn ila, hmalak dan tur Ruahmanna fel tak siama, a taka bawhzui hi hlawhtlinna a ni tih i hria ang u. 5. THALAITE LEH MISSION : BCM Mission kan thlir lai hian Lal Isua thupek awiha Mission rawngbawlnaa Thalai Kristian Pawl (TKP) te tangkai theih dan tur sawi tel a tha awm e. i) Missionary-a Kal chhuak atan - Pathian thu sawi angin (Joela 2:28; Tirhkohte 2:17) thalaite- taksa leh rilru chak vanglaite hi Missionary-a kal a Chanchin Tha hril turin an tha ber a ni. Hei vang hian Isua zirtirte, Tirhkoh Paula leh Missionary zawng zawng deuh thaw hi thalai an ni. Puitu ang leh Field tlawha hna thawk leh thu leh hlaa rawngbawl tur pawhin thalaite hi thawh hlawk ber an ni. ii) Kan Kohhran Thupui - BCM Thupui (Motto) chu Chanchin Tha mi tin tan (Gospel for all) tih a ni a. Tin, BCM Constitution-a BCM thiltum (Mission Statement) pawh Pathian ram a lo zau va, 15

a lo din ngheh a, a lo lan fiah deuh deuh theih nan tih a ni. Hemi ti hlawhtling tur hian BCM hi a ding a ni. BCM-a Fellowship pawimawh tak TKP pawhin hei hi ti hlawhtling tura ro a rel a, a bawhzui thin a tul a ni. iii) TKP Thutiam : TKP chuan Krista leh Kohhran tan dingin, member-ten Thutiam awmze nei tak kan nei a. Kan Thutiam point 4 zinga a tawp ber chu - Krista hnenah mi dangte hruai ka tum tlat ang, tih a ni. Pathian thu chuan kan thutiam chu Lalpa hmaa hlen ngei turin min zirtir a. Chuvangin TKP te chuan kan tual chhung kohhranah leh pawn lamah Mission Field thlengin thlarau bote Krista hnena hruai kan tum tlat a tul a ni. Aizawla Ramhlun (tuna Ramhlun N) Unit TKP President ka nih laiin Pathianin min kohna ka hria a (Isaia 42:6-7). Lalpa hmaa thu ka lo tiam tawh ti hlawhtling turin, ka Sorkar hna thawh lai bansanin, Mission Field lam panin kan chhung pem ta a ni. iv) Lalber Thupek : Chanchin Tha hril tura thupek hi Isua Kristalei leh vana thuneihna zawng zawng neitu thupek a ni. Sakeibaknei a rum a, tuin nge hlau lo vang? Lalpa Pathian chuan thu a sawi a, tuin nge hril lo thei ang? (Amosa 3:8). Zawlnei Isaia aw hriat chu, Tunge ka tirh ang a, tunge kan tan kal ang? tih a ni a. Ani chuan, Kei heta hi ka awm, mi tir ta che, tiin a chhang a ni (Isaia 6:8-9). Lalberin kal a, Chanchin Tha hril turin thu min pe a, TKP te hian eng tin nge kan chhan dawn le? v) Lalpa aw ngaih thlak : Isua hrilh lawk angin Zirtirte chuan Isuan tlang a ruatsakah thihna hneha tho leh an Lalpa Isua chu an hmu a, a thupek an dawng a ni. Thalaite pawh hian Missionary-a kal tura Pathian kohna aw kan ngaih thlak a ngai. Thinlung leh tihtak zetin, Lalpa, .. min ko em? tiin Pathian i zawt ngam ang u. Buh Neitupa chuan a buh seng tura thawktu turte chu Thlarauvin min tirh chhuahsak ngei ang. Isua hi kan hnena Pathian awm, amah hmangaihtute hnena inlar thin Pathian a ni tih i hria ang u (Johana 14:21). 16

vi) Talent hmanga Chanchin Tha hril : An nuten an pai lai atanga Pathianin finna, theihna leh thiamna talent a pek lehkha, music, zai, carpentry, craft, puanthui, tawng, etc. an thiamna hmangin thalaite chuan tangkai takin Chanchin Tha an hril thei a ni. Lalpan a ram zau nan a hmang duh che a, a hman theiha i inpek erawhchu a ngai a ni. 6. TLANG KAWMNA : BCM Mission kan thlirhona chu lo zial fel dawn tawh mai ila. A thua a tiam angin Chanchin Tha hriltute chu Lalpan a Thlarauvin a awmpui a (Matthaia 28:20), thiltihtheihna nen a thawhpui a (Marka 16:20), an thu hril chu chhinchhiahnatein a tinghet zel a ni. Pathian kohna chhangtute hian lei lawmna aia lawmna ropui van lawmna an chang fo va, Krista an hmangaih avangin lungawina leh muanna an chang thin a ni. Heng Kristiante hi khawvel tiengtute (Philippi 2:15) an ni a, an nun, thusawi leh thiltihin Chanchin Tha chu an puang chhuak a, Setana kulh thiatin he khawvelah hian Pathian ram an zauh a, an din thar zel a ni. Van khawpui an thlen hunah chuan Isuan lawmman a la pe ang a; lallukhum khumin an Pa ramah ni angin an eng tawh dawn a ni. An hmabak a va eng em! Saptawng takin an future a va bright em! (Daniela 12:3; Matthaia 13:43). A fingte chu van eng angin an eng ang a, Mi tam tak felnaa hawikirtirtute chu; Arsi angin kumkhaw tlai tluanin an eng ang a, Van thlen thlengin an eng reng ang a.

********************* ISUA TELLO CHUAN Upa H.Biakchhunga Gilgal, Theiriat. 17

Tun tum chu kan nu, C. Lalhmingthangi 24.11.2009 a Lalpa hnena min hawnsan ta hriat reng nan, Isua tello chuan tih hmangin article ka han thawh ve leh teh ang. Khawvelah kan awm a, chhungkaw then khat an kal tluan viau laiin then khat erawh chu kan bet ang reng hle a.Harsatna leh manganna in min chim fo thin a. Pa ber, chhungkaw ei bel ber, natna khirh khan takin a tlak buak a vanga lungngai taka awm mek te pawh kan tam awm e. Dam duh a, phai lam pan fo, tun thlenga dam tha thei chuang si lo, phai lam pawh pan thei lova mahni in chhung luma tuar mek te pawh kan awm nual mai. Nu ber, kal mai thei din hmuna ding pawh han in kawm nikhua hian kan awm nual mai. Kei ni chhung pawh harsatna hrang hrang, thihna, ke tliak, stroke leh Lung lam harsatna ten min han tlak buak a, mihring thlirna atang chuan eng nge maw kan tih sual bik a, he ti taka a zawn zawna thil a lo thlen aw, han tih hi a awl fu mai. Joba damlo kantu, Elifaza pawh khan a thianpa hnenah khan, Han ngaihtuah vang vang teh, pawi khawih lo tu nge boral?(Joba 4:7) a tih ang deuhva pawi lian tak kan khawih a, kan tuar ta emaw tih palh a awl hle. Mahse chutiang chu a ni thei hian ka hre lo. Kan tih sual leh tih dik loh ang ang hian Pathianin min thungrul nghal zel sela, Pathian thianghlimna hma ah hian tunge ding thei ang? Heng avang tak hian a ni Isua hi kan tan a hlut em ni. Isua tel lo chuan heng harsatna leh manganna te hi tawrh chi a ni lo. Kan lungngaih min hnemtu, mahni chauh pawh a, hlim taka min awm tirtu, natna khuma mut reng lai pawh a hlim taka min awm tirtu a ni a. Mihringte hian thildangah rilru hahdamna kan zawng thin a. Kan thian pakhat pawh a fapa tlangval thalai a han thi chu a tuar khawp a, a in hnem nan zu a in vak vak a, mahse a sawt si lo, tunah chuan a harh chhuak leh tawh. Hla phuahtu chuan, Retheih, pachhiat pawh hi Isua tello chuan, tuar thiam dan a awm lo, lungawi tawk a har, a ti a ni. Kan tunlai chhungkaw boruakah pawh hian natna in ro a rel a, kan nau Tlana kal (Kidney) thlak tumin mi 3 an liam a, an tithei lova,midang an liam leh a, a theilo leh a. Tunah he thu ka ziah lai 18

hian pakhat dang a liam thla ve leh a, investigation an ti mek a, eng tak ang maw? Tumahin pe thei ta lo se engtin nge ni zel ang tih chu rilru luahtu reng a ni. Heng manganna leh harsatna in min chim mek lai hian Isua avanga kan chan hi a ropuiin a lawmawm hle a ni.Kan naute kal pe tura an kal dawn zana kan rawngbawlpuite rawn lengte atangin thil pek kan han dawng tan a, tumah kut ruaka leng an awm lo. Hun a han kal leh deuhva Kohhran hrang hrang atang te TKP leh BKHP Bial leh Unit atang te, mimal atang te in thilpek kan dawng nasa a, a lawmawm hle mai. Chan han chhe deuh mahse Kohhranho tlang hrang hrang ami te leh mimal, pawl leh team te atangin tawngtai puina kan dawng nasa a. Hetiang em em hian midang dam lovin an dawn ve pawh ka ring lo. Tuarna phena malsawmna hi kan dawng nasa a, Pathian kohhrante zinga tel ve hi a va hlu em ka ti a ni.Amah erawh chu mahni chunga harsatna a lo thlen hian tuar bik ni a in hriat hi a awl khawp mai. Keimah ni anga tuar ve te, keini aia nasa zawka tuar te dinhmun hi thlir tel ve a tha khawp mai.Mi pakhat dam lo ka kan chuan, Damchhung mi hmuak apiang te, Lalpa i tirh ni zel rawh se, a ti a, a dinhmunah khan a lungawi a, a lawmpui awm khawp mai. A ni, Isua neitute chu chu tiang chu an ni. Isua hi kan mamawh tin reng min petu, kan hausakna, kan thianghlimna kan felna kan damna a ni.. Hla phuahtu in Isua telo chuan nun reng a sawt lo a ti a. Chuvangin tuna tuar mek leh la tuar ve tur te pawh in Isua lam en in kan hmabak kawng i zawh ang u. Isua tel lo chuan tuar hi hrehawm tak a ni a, hrehawm mahse kan tuar tho tho mai. Kan pumpelh thei lova, Isua nena tuartu kan nih hi a pawimawh a, a zia awm ber zawk a ni. Isua kan rinna siamtu leh ti famkimtu lam chu en in i kal zel ang u. Lalpan malsawm rawh se. (Upa H. Biakchhunga hi Gilgal kohhran, Theiriat hruaitu a ni a, Nepal-a kan Missionary Pu H. Laltlankima, tuna Kal thlak ngaia dam lo, Vellore-a awm mek u a ni. A nupui duh tak a sun zo chauhva, a nau Tlana te nupa an dam lo leh a. Heti chunga 19

Testimony ropui tak a la rawn puang chhuak thei hi a va lawmawm em! An chhungkua hi Lalpan thlamuan zel rawh se. Editor)

************************ AN CHANCHIN NGHILH LOH NAN Rev. V. Lalzawnga, BCM Venghlui, Aizawl THU HMAHRUAI : Bangladesh-a Mire hnam zingah khuan hman lai atangin Mizo Kristiante hian Chanchin Tha hrilin hna kan lo thawk tawh a. Thawktu kan hriat te chu Pu Kuaichika, Pu Siama, Pu Kawha leh Pu Liandanga te an ni. Kum 1926 atanga 1936 vel thlengin an thawk a, an mahni tirtu Mission Board-in an enkawl theih tak loh avangin Mizoramah an lo chhuak leh ta a ni. Pu Kuaichika chanchin hi kan hre tam lo va. Mizorama a lo chhuah hnuin Chawngte velah khuan a awm thin a ni awm e. A fapa Tuikhurliana chu Mizoramin District Council kan neih tirh khan Executive Member-ah a tang a. Pu Siama pawh hian Compounder hna a thawk awm e. Tuna an chanchin kan chhui tur hi Pu Kawha leh Pu Liandanga chanchin a ni a. An ni chanchin pawh hi kan hre tam lo va, kan hriat chhun tlem kan han tarlang dawn a ni. TIRHKOH KAWHA : (Hemi thu hi a fapa T. Lalhnema, tuna Aizawla awm ziak atanga lak a ni. Ph. 943650532) Kawha hi a hming tak chu Sapkunga a ni a, a naupan laia an kohna thin hming chu a pu hlen ta a ni awm e. Kum 1906-ah a piang a, Thangluah hnam a ni. Kum 20 mi a n ihin North East India General Mission (NEIGM) tirhin Mire ramah Tirhkoh hna a thawk a, kum 1926 atanga 1936 emaw thleng Mire hnam zingah hian rawng a bawl a ni. Hetih lai hian Mizoram chhung Sirte tlangdung leh Uiphum tlangdung te leh Tripura-a Zampui tlangdung te hi NEIG Mission thawhna a ni a; tin, Bangladesh-a Mire hnam zingah an thawk 20

bawk. An hmunpui chu Imphal, Manipur a ni a. Pu T. Lalhnema pawh hi Mire rama piang a ni. Phur tak leh thatho taka rawng an bawl laiin NEIG Mission hmunpui lam chu an buai ta chiam mai a. An mi rawihte pawh chu an enkawl zui thei ta lo va, an Mission hna chu a tawp zui ta a. Thawktute pawh Mizoramah an lo chhuak ta a ni. Mire rama a thawhna a tawp hnu hian Kawha chu Mizoram Baptist kohhranin 1939 April thla atang khan Tuikuk-Takam (tuna Bru leh Chakma kan tih) zinga Tirhkoh atan a ruai leh ta a, Sirte khuaah a awm a. Kum 7 vel a thawk hman tihin khawvel a chhuahsan ta a ni. Rawngbawlin Chakma khuaah a kal a, a dam lo ta hlauh mai a. Ni 3 emaw Chakma hovin an enkawl a. A dam theih loh avangin Chakma-ho chuan Sirte khuaah an la chho va. A chhungten ni 4 emaw vel an enkawl hman chauh a, April, 1945 khan hmangaih taka a rawng a lo bawl thin Lalpa hnenah a chawl hlen ta a ni. TIRHKOH LIANDANGA : (Hemi thu hi a fanu Zaizami leh a makpa Buatsaiha ten 2002-ah Hnahthiala an sawi a ni) Tirhkoh Liandanga hi kum 1911-a Mau a tam khan kum 20 mi a ni tawh a, chuvangin kum 1891 vela piang a ni ang. Fanu hlir 5 a nei a, kum 1923 khan Mire rama a kal hmain a fanu upa ber Hmangaihi chu a piang a, a dawttu Lalsangi chu Mire rama piang a ni. Lalsangi hi Aizawl Executive Secretary Office-a Choukidar Ruala (L) nu kha a ni. Amah hi Chhakchhuak hnam a ni a. Mire rama a kal kum chiah leh a thawh rei zawng hi kan hre lo va, a fate pawhin an hre chiang lo. Mizorama an lo chhuah kum chu 1936 emaw 1937 emaw a ni ang. Kawha nen kal tlang leh lo haw rual an nih a rinawm. NEIG Mission buai vang bawka lo chhuak a ni a. He Mission keh phel lehlam lehlam hian an lama tang turin an duh a, an hlawh tur pawisa an neih tur thu an rawn sawi thin a. Rilru put thiam a harsa an ti hle a ni awm e. A eng lam mahin pawisa an pek theih tak loh avangin an lo chhuak ta a ni. 21

An lo chhuah hnuin Perilung khuaah an lo pem a, kum 1941-ah Kohhran Upaa thlan a ni a. Pathian thu lamah leh zai lamah a tui em em thin a ni. Kum 1942-ah Keltan khuaah an pem leh a. Kum 1960 Favang lai khan Chatuan ram a pan ve ta a ni. Amah hi pa lian tak chu a ni lo va, pa vantlang chu a tling ve a. A ke a te a, a te zual lam a awm nghe nghe a, tiang rinawm tak nen lo chuan a kal thei mang lo. A ban tha erawhchu a chak a, thingler sang tak takah pawh a lawn thei. A tawng a fiah hle bawk. Sakhaw lama mi duhtui tak a ni. Kum 1949 khan Mire rama kal leh kan tum deuh a. Ani hian an tawng pawh a lo thiam tawh a. Mahse kawng mumal lova thui tak kal a tul dawn avangin a huphurh leh deuh va, kan thulh leh ta a. A hnen atang hian Mire-ho khawsak dan, an incheina leh an sakhaw chanchin tam tak kan hria a ni. Aizawla Pathian thu ka zir hlanin a lo thi a. Kan chhuti laia an ina ka han kal chuan ka hrilhhai hle nghe nghe a ni. Engpawh nise Pu Liandanga hian a tawp thlengin Pathian rawng a bawl a ni. (Mire rama Krista Pasalthate chanchin ngaihnawm tak rawn ziaktu Rev. V.L. Zawnga hi BCM Pastor pension tawh, tuna Venghlui, Aizawla awm a ni. Kan Pastor-te zinga ziak lama thawh hlawk mi tlemte zinga mi a ni. Mizo Kristian hmasaten Pathian ram veia Mire ram thleng thlenga an lo rammut dan min rawn hrilh hi a lawmawm tak zet a ni. Editor)

********************** KAUCHHUAH CAMPING Upa B. Roliana, Treasurer, Bazar Pastor Bial Mission Committee, Edenthar CAMP KAN BUATSAIH : Lunglei Bazar Bial Mission committee chuan Chakma Mission Tuichawng Circle-a 22

Kauchhuahah April 6-9, 2011 khan Salvation Camp kan buatsaih a. Lunglei atangin eirawng bawl turin heng mite hi kan kal a, kan Bial Mission committee Chairman Upa RC Hualhnunan Kauchhuah thlengin min thlah a ni : 1. Upa B. Roliana - Edenthar kohhran 2. Rbt. C. Biakmuana - Edenthar kohhran 3. Rbt. Lalhmingliana sailo - Venglai kohhran 4. Pu J. Lalrinliana - Venglai kohhran 5. Pu V. Lalzirtluanga - Venglai kohhran Chakma tawng kan thiam lo va; Zawlnei Elija riltam Pathianin choak hmanga a chawm ang khan, he Kauchhuah Camp-a lutte ei leh in siamsak tura Lalpan min hmang duh hi a va lawmawm em! Lalpa chu fakin awm rawh se. Kauchhuaha kan Missionary Pi H. Darrimawii te nupa leh Putlungasiha kan Missionary 2 ten min pui bawk a. Tuichawng Circle i/c Pu ZD Lallungmuana chu Tuichawng atanga lo kalin min uap tha hle a; April 8, 2011 (Zirtawpni) khan Rev. R. Lalrintluanga, BCM Mission Coordinator pawhin min rawn tlawh a, kan lawm hle a ni. THLARAU INDONA : Kauchhuah Camp-ah hian Tuichawng Circle Chakma Evan. Team kan ruai a, an Speaker Pu Rupendro Lal hovin mi 10 an rawn thawk chhuak a. Campers chu 53 an lo lut a. He Camp hi Chakma Buddhist-ten an dodal nasa hle a. An Puithiam (Bante) 8 lai mai min dodal turin an lo kal a. Kauchhuah lei atanga Buddhist Mandir chu km. a hla a ni a. Lei atanga Mandir thlengin an kalna turin puan an phah a, a ropui thei ang berin an rawn thawk a. Kan lam hawia Aurinna tar chhuakin Puithiam-te chuan a in chhawkin, Chakma-te tan chuan Buddhist sakhua hi a tha a ni. Kan pi leh pute atanga kan lo awmna a ni a; Puithiamte inthawina avangin damlote tihdamin an awm .. tiin kawng hrang hrangin an sakhua chu an rawn fak a. Speaker Rupendro Lal chuan Aurinna veka chhangin, Chakma-te tan chuan Kristiana awm hi a tha ber. Kristiante chuan ei thiang lo engmah kan nei ve lo va. In Buddhist 23

Puithiamten rannung reng reng thah a thiang lo tia zirtir siin, sangha, arsa, etc. in pek an ngen leh si che u a, dawt sawi hmang tak an ni! Puithiam tan nupui neih a thiang lo an ti a, mahse Mandir atangin nula an ru a, an Puithiam kawr te thingkakah an bang a. In Puithiam te leh in sakhua hi hur tak a ni tiin a au let a. Khaw chhunga Buddhist sakhaw bia lo ngai thlatute thinlung a hneh hle a ni. Thlarau Indona a nasat em avangin Team leh keiniho pawh tawngtaiin kan tang em em a; kan Biala kohhran 4 Bazar, Kikawn, Edenthar leh Venglai te bakah mimal, chhungkua leh kohhran kan Camp siam lo hretuten tawngtainain min pui a. Lungsen Mahanaim kohhrana Mission Convention Speaker-a tang mek Pu H.S. Lalhmingthanga, BCM Mission Promoter-in a puang a, Lungsena kohhrante pawh thahnemngai takin an lo tawngtai a. A mite dilna chhangin Lalpan hnehna ropui tak min pe ta a ni. Camp-a lo lut zawng zawngte hian Lal Isua Krista Chhandamna an chang vek a. April 9, 2011 Inrinni khan an sakhaw vawn lai Buddhism kalsana Kristiana inpe thar mi 12 bakah, Presbyterian kohhran member 5 leh Baptist kohhran member 2, an vaiin mi 19 lai te chu Zawlpui Bialtu Pro. Pastor Lalramngheta Chhangtein urhsun takin Baptisma a chantir ta a ni. Luia Baptisma an chan lai hian kan Speaker leh Team, Missionary-te, keiniho leh Camper-te chuan Kristian Hlabu no. 173-na Immanuela thizaman thisen lui a luang chhuak, Chu thisen lui misualte tan sual tlenfaina a ni, tih hla hi urhsun takin kan lo saho a, thinlung a khawhin mittui kan sum zo lo! Kan rawngbawlna tlawmte Lalpan mal min sawm a, ringthar hmel duhawm tak tak heti zat lai min pe hi a va lawmawm tak em, Lalpa chu fakin awm rawh se! TLANG KAWMNMA : Chakma Buddhist sakhaw biate hian Kristiante thusawi ngaih thlak te, an Camp-a luhte hi chu an haw lutuk lo va. Mahse Isua ringa Baptisma chan meuh hi chu an sakhua leh hnamzia ramri pela inthawina, an hnam phatsannaah an ngai a, an duh lo hle a ni. Hei vang hian Kauchhuah Camp dodal tur hian 24

an Puithiam heti zat zet hi an rawn thawk chhuak a ni. An sakhua leh an mi leh sate humhalh tumin beihpui rawn thlak mahse, Lalpan a ropuina a puan khum ta a ni. Indona chu Lalpa indona a ni a, hnehna chu Lalpa ta a ni si a. A thiltihtheihna hmangin BCM hian Chakma Buddhist kulhpui kan thiat mek a, kohhranhote thilpek leh tawngtainain i tang sauh sauih zel ang u.

**********************

TLABUNG NON-MIZO INKHAWMPUI K. Lalmuanawma, Evangelist, Non-Mizo Evangelism, Ramzotlang, Lunglei September 22-25, 2011 khan BCM Tlabungah Non-Mizo inkhawmpui kan nei a. Thupui chu, Tho la, i Pathian ko rawh, (Jona 1:6) a ni a, Rev. Vanlalhruaia, Non-Mizo i/c Pastor (rtd.) Speaker a ni. Hmun hrang hrang atanga kan member lo kal khawm Pathian fak chak tak tak te nen Lalpa kan han fakho chu nuam tak a ni. Zaipawl pawh tualchhung BCM Tlabung, Immanuel, Zodin, BKHP leh Tlabung Bial bakah Prabhu Samachar Samiti, Lunglawn leh Bazar Pastor Bial te an lo kal a, an hlarem a nungin a mawi hlawm hle. Edenthar kohhran, College veng, Lunglei nula C. Lalmuanpuii pawhin Hindi hla mawi tak takin min awi bawk a, beng a tlai hle a ni. Speaker thuchah sawi pawh a ngaihnawm thei hle. Khawmpuia lo kalten malsawmna ropui tak kan dawng a ni. Kan inkhawmpui hian rah a chhuah nghal a, September 25, 2011 Pathianni khan ring thar mipa pali (Chakma 2 leh Santali 2) chu kan Speaker hian Baptisma a chantir a ni. Lawmthu i sawi ang u. 25

Kan tih dan pangngaiin kan inkhawmpui tawp zan chu tlaivar zan a ni a. Pathian fak hla saa lama Lalpa chawimawiin, hlim takin tlaivar thakin kan lengkhawm a. Zan a rei telh telh a, khuang a rang tawlh tawlh mai a. Mahni hna thawhna hmun thlen veleha bawngtuthlawh leh suahdur nena inhai berh leh tur kan member-ten duh thawh taka an taksa hmang ngeia Lalpa an fak a, an lam zak zak kha a va hmuhnawm em! Lalpa hi zawng a ropui a, chawimawi a phu hliah hliah a, kan theih tawpa kan fak hi a awm reng a ni. Min lo tawngtaipuitute chungah lawmthu kan sawi e.

*********************

Pu HC Nghinga Lalpa hnenah

Pu HC Nghinga hi a hming pum chu Chhannghingluaia a ni a, HC Nghinga tiin a lar zawk a ni. Pa te lam deuh, ngo vak lo, hmel fel tak a ni. A pa chu Tiallinga Hauheng, a nu chu Hniangcheri Khenglawt a ni a, Vartek khuaah an awm thin a, unau 7 zinga 4 na a ni. November 2, 1950 ah Vartekah a piang a, kum 1973, June 26 khan Thlansiami nen kohhran Danpuitlingin Rev. F. Hrangkhuman a inneihtir a, fapa 2 leh fanu 1 an nei a, tu 5 an nei tawh bawk. Lehkha lam hi a zir thui vak lova, P.U (Class XII) thleng a zir a, Kum 1974 ah Matric a pass a, Lungtian H/S ah Teacher cum Clerk in a thawk a. He School atanga Matric Pass hmasa ber anih avangin a thawk a ni. Kum 1979 ah Vartek Primary school-ah kum khat a thawk a. Kum 1980 ah Serkawnah an lo pem a. Kohhran (BCM) Office-ah 1980 September-ah Sunday School Clerk hna a thawk tan a. Kum 1986 ah Book Keeping and Accountancy Training-in a kal a, kum 1987 July thla khan Senior Clerk-ah dah a ni a. 1996 January thla atang khan Voluntary 26

Pension-in a kal a, a hna hi a chawlhsan ta a ni. Kohhrana a thawh chhungin thahnemngai tak leh taima takin a thawk thin a. Hotute pawhin an duhsak viau thin a ni. Kohhrana a thawh kum 15 chhung khan sulhnu eng emaw zat a nei a, a hna a ulukin a fel thei hle thin. File enkawl chungchangah phei chuan a thiltih danah zir tur tam tak kan nei a. Tuna Archive Library kan neih theihna turin hotuten tlawmngai turin an sawm a, a bul tantu pawimawh takah a tang a ni. Hna pending duh lo mi, tihfel zel duh thin a ni a, hna pawh a thiam a, a taimain a hnu a fel mam thin hle. Kohhrana a thawh tawh loh hnuah pawh a tul dan angin rawngbawlna lamah inhmang mi a ni a, Serkawn BMP leh Ramzotlang BMP-ah pawh hruaitu chanvo pawimawh tak tak a chelh thin. Tin, Sunday Schoool leh KNP lamah te pawh sulhnu tlam tam a nei bawk. Zai lamah leh Music lamah Pathianin talent tha tak a pe a, a thiam viau mai a, zai a hruai chuan zai a nuam thei em em thin. Phawngpui Bial zaipawlah leh Zotlang Pastor Bial Zaipawlah te Conductor leh Secretary hna a chelh thin. Sunday School lamah kum 25 thawk tawh Chawimawina pawh a dawng bawk. BCM Serkawnah KNP hruaitu leh Sunday school zirtirtuah pawh hun engngemaw chen a tang tawh bawk. Ramzotlang tualchhung BMP bul tantute zingah a tel a, Unit Secretary pawh a ni tawh bawk. Kohhranah Sr. B zirtirtu a ni a, zirtir pawh a thiamin a tui hle thin. Committee-ah te hian ngaihtuahna fim tha tak a nei a, thu lakkhawm leh khaikhawm te, sawifiah te a thiam viau thin. Lehkha lama a zir thui loh ngaihtuahin lehkhathiam zawkte rawn laih laih a ni thei hi a danglamna tak a ni. Kan ram tan, khawtlang leh Politics lamah pawh mamawhna avangin an sawm a, helamah pawh Block level khaipa te zingah a tel phak hial a ni. A phak ang tawkah Pathian leh kohhran tan theih tawp a chhuah thin a, a kova tih tur awm reng reng hi fel taka tih puitlin tum tlat mi a ni. Then rual kawm thiam leh mi biang biak thiam tak a ni a, hotute biak a tul chang pawhin hmahruaitu pawimawhah a tang zel thin a ni. A fate a enkawlna kawngah pawh a patling em em thin. Kohhrana a thawh chhungin hotute hnung zuiin kohhranhote zingah rawngbawlin a zin chhuak reng thin. 27

Pathian rawngbawla kohhrante zinga awm hi nuam a ti thin hle. Amahah hian hruaitu nihna (tlinna) hi a pianpui ve hrim hrim niin a lang. Miten chhungkaw buai leh harsatna hmunah pawh an auh reng leh koh reng a ni a. Nupui pasal chung changah palaia tirh tam pawl tak a ni a, amah avanga chhungkaw bul tan leh chhungkaw din pawh engemaw zat an awm tawh nghe nghe a ni. Pu HC Nghinga hian ziak lamah pawh a thawh hlawk hle a. Missionary Tlangau ah Asst. Editor-in hun engemaw chen a lo thawk tawh a ni. A hun tam ber hi kohhran tan leh Pathian rawngbawlna atana hmang thin mi a ni a, mi uihawm tak a ni. A nunah zir tur tam tak kan neiin ka hria. Kei mah tak pawh hian ka ui em em a, BCM-ah full time-a thawk turin kan lut dun a, kan inkawp tlat thin a, then khat phei chuan ani nen hian min koh pawlh fo a, min hre chiang lo te chuan Nghinga tiin min ko sual fo a ni. Office kan kal rual a, kan hawng rual leh a. Unau piang hmun ang maiin kan inkawp a, Vawklu leh Bawnglu te kan puah dun a, Vawk pawh kan talh dun fo va, a bula awm hi a fel avangin a hahdam thlak hle thin a ni. Beisei loh leh rin loh takin khawvel a chhuahsan ta thut mai chu a mak tih loh rual a ni lo. Ni 21.2.2011 Thawhtanni khan Lungleiah khawtlang tan leh thil tul pawimawh tak ti turin a kal a, dam takin tlaiah a lo hawng a, a tute pawh a awm thei a. Zanriah ei kham chuan a BP san avangin a chau ta a, Serkawn Damdawiinah hruai nghal a ni a, biak theih lohvin a awm zui ta a ni. Zan lai pelh hnu deuh khan, rin loh takin natna leh lungngaihna awm tawh reng reng lohna hmunah, a rawng a lo bawlsak thin Lalpa hnenah min lo kal san ta a. Kei pawh a boral lai hian a kiangah ka awm a, khawvel chhuahsan mai tur chuan ka phal thei lova, mak ka ti a, ka hrilhhai tak meuh a ni. A taksa an sawngbawl zawh chuan kan tawngtai a, a chenna in Ramzotlangah tlangval tlawmngai(YMA) ten an la chho ta a. He mi zana Khawtlanga Information Au thawm chuan mi tin min barakhaih tak meuh mai a ni. Zualko thu, thupuan chuan khawtlang a ti hrilhhai tak zet a ni. A hria apiangin zan lai pawh sawi lovin an in lamah an lo tlankhawm a, khawtlang mipuite chu rang takin an lo pung khawm zel a, thil tihfel ngai awm apiang an tifelin buaipui ngai leh tul apiang an ti fel zung zung a. Hetah tak 28

hian Pu HC Nghinga hi Pathian hian a lo va hmangaihin a lo va hre chiang tak em tih chu ka thinlungah a awm tlat. Pathian mi hriat ni lo sela, khatah khan a va han buaithlak dawn em! Mahse, thihna, hlim kawr ruamah pawh Lalpa hi a va lo tha tak em, a thiannu Pi Thlansiami leh a fate pawh hmuh hrehawm an awm lo. Na chu an ti, mihring lamah chuan an hre thiam thei lo. Mahse Lalpa hriatpui lohvin an chungah a thleng thei bawk si lo. Lalpan khatah tak khan thlamuanna, chunglam chhawkna, Thlarau Thianghlim thlamuanna, khawvel pek ang ni lo a lo pe reng mai a ni tih ka hmu thei a ni. Lalpa a ropui tawp mai hian ka hria a ni. An pa an hmangaihna mittui karah anmahni tuarpui tura lo kalte min lo dawnsawn dante kha a mak tih loh rual a ni lo. Lalpa mihriat chhungkua an ni tih a hai theih loh a ni. Pu HC Nghinga chanchin hria apiang an chhung leh khatte Saiha, Vartek, Lawngtlai, Aizawl lam atangte leh hmun hrang hrang atangin an lo tlan khawm a, Pu HC Nghinga hian lainattu a va lo ngah tak em, an chenna ina leng lo, thenawmte in leh bul velah pawh mi tam takin Pu HC Nghinga an thlah liam nite kha ropui ka ti . A mak tawp mai a ni. Lalpa rawngbawltu te khawvel chhuahsan niah hian Lalpa hi a va ropui thin tak em tih chu mite thinlung luahtu a ni tlat mai. Ni 22.2.2011 ah Rev. PC Liandula, Bialtu Pastor-in a vui liam ta a ni. Thlanmual thlengin mipui tam takin kan thlah liam a, Pu HC Nginga thihna hmang hian Pathianin a ropuina a puang chhuak a ni ber mai. Mipuite thinlungah uina leh chawimawina rilru leh thinlung taka tuarpuitu hmel chu, a kalsan tak a chhungte, nupui fanau, tu leh fate tan a hahdam thlak hle a ni. Ringtu nih hlutna te, kohhran mi nihna ropuinate, duhawmnate hi kan tawpna ni, khawvel kan chhuahsan niah hian a lo lang thin a ni. Khawvelah hian Pu HC Nghinga anga chawimawina hlawh phak lo tur mi tam tak kan awm ang. A chanchin ziaktu ngei pawh hian ka hlawh phak hauh lo vang tih ka ring a ni. A hmun ruak luah turin tumah kan tling si lo, A kalsan tak a nupui fanau, tu leh fate tan phei chuan a kaw rawng rawng mai dawnin a hriat a, Amaherawhchu, a hmun ruak hnawh khat turin mihring tumah kan awm thei tak tak lo vang. Kohhrana a aiawh tur te, khawtlang leh ram tana a aiawh tur 29

pawhin , Thlamuantu Pathian, Pa neilote tana Pa (Pa tak tak,) chuan a hmun ruak hi a luah zawh ber dawn avangin, a chhungte tan pawhin a thlaphan awm lo vang. Lalpa a awm tlat a lawm. Kan Lalpa hi, fahrahte, retheite Lal , Pa leh Pathian a ni si. Chu chuan a chen chilh tlat dawn a ni. Tunah in then rih mah ila, nakinah vanah kan la in tawk khawm leh dawn a ni. Chu lamah chuan rilru nghat zel turin a kalsan tak a chhungte pawh Lalpan awmpui zel rawh se tih hi kan tawngtaina leh duhsakna a ni. BCM Pensioner anih avangin WCS (Workers Condolence Scheme) hmingin amah ralna hun Dt. 4.3.2011 chawhnuah ama chenna inah Ralna programme hi hman a ni a, Chairman Upa JT Kima, Thuchah Rev. H. Lianngai, Gen. Secy BCM, Chhungkaw tana tawngtaisakna Rev. C. Sangkama, Ralna thilpek hlantu Pi H. Hrangthangpuii Nursing Supdt. ten hun an hmang thei a. Kum 2011 a BCM thawktu khawvel chhuahsan hmasa ber a ni a, WCS memberte mi 50 kan thlah liamna a lo ni ta a ni. Kan kohhran Dan angin a pension hlawh pawh a nupui duh tak hnenah pek chhunzawm zel tur a ni a, kohhran leh kan thawktu chatuan ram pan ta te chhungkua hi nghet takin kan la inzawm reng a ni. A chanchin kimchang, a nuna thil tha tam tak entawn tur leh zir tur awm a ni a, kan ziak kim seng lo a ni e. A kalsan tak a chhungte Lalpan awmpuiin hruai zel sela, tiin duhsakna kan hlan a ni.

*********************

CHAKMA TE KHAWSAK DAN LEH AN ZINGA BCM RAWNGBAWLNA - FH Lalfala, Evan.Teacher, Ukdasuri Thu hma : Mizoram chhunga Chakma Mission-ah hian kum 10 lai ka lo bung ve ta a. Chakma te khawsak dan leh an zinga BCM 30

rawngbawlna chungchang ka hmuh dan tlem han tarlan ve ka duh a, keima mimal ngaihdan ziak ka ni tih min lo hriatsak dawn nia. BCM chuan 1939 atang daih tawh khan Chakma hnam zingah hian Chanchin Tha hril hna kan lo thawk tawh a, kum 70 zet chu a lo tling ve ta reng mai. Kohhran mi tam tak chuan kan thawk rei tawk tawh alawm, an mahniin an ding ve thei tawh mai lawm ni ? an ti thin a. An mizia leh kohhran lama an din hmun ka sawi atang hian mahni ngaihdan theuh kan siam theih ka beisei. Sakhuana lam : Chakma te hi a hming chuan Buddhist sakhaw bia an ni a. Myanmar atanga lo kal Mokh Buddhist puithiam (bante) hovin Buddist sakhaw zirtirna hi an hrilh a; an awm dan thlak danglam teh chiam lovin hahdam takin Buddhist an nih tir mai a. Hei hi an rilru mil zawng leh an duh tawk niin a lang. An sakhaw vawn zirtirna pawh an hre lem lo va, an ngaihsak lutuk lem hlei lo va, an vuan ve tawp mai a ni ber. Tun hnaiah hian Buddhist sakhaw hruaitu leh Chakma Autonomous District Council (CADC) hruaitute kaihhruainain Buddhist sakhuaa awm nghehtir tumin beihpui thlak a ni ta a, tlem chuan an sakhaw chanchin chu an hre ve tawh deuh mai thei. Mokh hnam puithiamte chauh ni lovin Chakma hnam pawh puithiam (bante) an awm belh ve ta zel a. An Mandir-a thuchham Pali tawnga zir ngai chu an zir ve a, mahse a awmze hre mumal lo an tam zawk ang. A tam zawk te hi chuan thawh tur an mamawh a, ei hmuh nan an ti ve mai mai niin a lang. An hnamzia : Chakma te hi taima leh fel tak tak chu tlem awm ve mahse, a tam zawk hi chu thatchhe tak, mawl leh awlsam thei ang bera khawsa mai mai an ni. An lo neihna hmun apiangah an pem kual zel a, khaw hmun ngheta inbengbel lo an lam tam hle a ni. A huhova khawsak an thiam vak lo va, pawl pawisa an kawl him hlei thei lo va, an puk darh zawh vek chang a tam hle a ni. Hei vang hian eng pawl pawh din se a hlawhtling mawh hle a ni. Kristian nun ze ropui rinawmna an zir a la ngai hle mai. 31

Khaw chhungah chuan an rinawm thawkhat a, ram lamah erawhchuan mi huan thlai leh lova mi a neitute dil lova lak hi an inthlahrung miah lo. Pawisa leh buhfai te hi a pung awm lo chuan an in puksak thei meuh lo. An ngaih a sam a, vawiina ei tur an neih chuan an lungawi mai a, a tuk lam an lungkham thui lo tlangpui hle ! Kawng lehlamah chuan mikhualte tan an inphal hle a, an neih chhun pawh an hlui phal thin a ni. Retheiin tla chham hle mahse tan lak tumna an nei ngai meuh lo. Puithuna atthlak leh thil serh an ngah hle a. Hlauh apui an la nei tam mai ! Mizo pi pute ang khan an khaw chhung leh ramngawah te hian ramhuai tam tak awma ngaiin, inthawi an la uar viau a ni. A tawi zawnga sawiin an thinlung hi a la thim a ni ber e. Khawvel Entu Isua an mamawh ngawih ngawih a ni. Nupui-pasal an innei hma hle a. Kum an la tling tha thum lo tih hian an innei deuh zel a. An inneih hnuah hmeichhiat-mipatnaah an rinawm vak lo. Uire leh hetiang lam pang thubuai hlabuai hi an nei zing hle a, thiam loh chang chuan vawk an chawi a, puithiam leh a duh duhin an eiho thin. Hmeichhia leh mipa a fala inzui te, in len pawh zing deuhte chu an ring hlel nghal zel a, hei hian chhungkua leh khawtlang inpum khatna a ti chhe fo a ni. Pathian thutak zirtirna anga Kristian inneihna leh Lal Isua thupek thar inhmangaih tawnna zirtir an mamawh hle a ni. Kristianna lam : Chakma te nunzia leh Kristianna hi a inhmeh em aw ? tiin ka ngaihtruah fo thin. An hnamzia an paih hleih theih loh avangin Kristianah rawn inlet mahse a hminga ni ve mai mai an tam ber a. Kohhran hming ziakna bua ziak si, kum tluana bo ta vang vang pawh an tam a ni. Chhiatna leh harsatna an tawh nikhua erawh chuan tanpui an ngai a, kohhran an rawn bel thin. Buddhist sakhawbia an nih lai pawhin an taima lo va, Kristian an nih hnuah pawh a tha zawnga danglamna leh hma sawnna hmuh tur a tlem viau thin. Bei an tihdawn rum rum chang a tam mai ! 32

Hetih lai hian Chakma Kristian tlemte hi chu an rinawmin an taima hle a. An mahni en hi chuan rilru a lawmin beiseina thar min neihtir thin. Piangthar, Thlarau Thianghlimin an nun a hruai, nun duhawm tak nei pawh hmuh tur an awm ve zauh zauh bawk. Hetiang Kristian rinawm hi kan neih pun zel theih nan Thlarau Thianghlim hnathawh tawngtaiin i dil ang u. An Hnamze mila rawngbawl : Chakma te Pathian rama hip khawm tur chuan an Hnamze milin an zingah Chanchin Tha hrilin kohhran din ta ila kan hlawhtlin ka beisei. Hengte hi ngai pawimawh thei ila a tha awm e : i) Hnam ngaihsam, hahdam tak leh zalen taka khawsak ngaina an nih avangin Isua Krista hi ring nghet tlat a, chumi hnu chuan an phak ang tawk tawka a Thupekte zawm tura tan la tura fuih tum ila. Kristianna hi tih tur tam tak, pawisa senso ngai, tihsual hlauhawm tak anga zirtir lovin, Isua an rin phawt chuan an awm dan pangngai anga tha taka awm zui zel tura kan hrilh a, kan en theih deuh a thain ka ring. ii) Chakma Mission-a thawktuten Chakma tawng hi thiam ngei ngei tum theuh ila. An hnamze mila an pianpui tawng ngeia kan zirtir chuan an bengkhawn deuh ngei ang. Kan hotuten Chakma tawng zir tura min fuihna hi i zawm tlang ang u. iii) Puithuna atthlak leh ramhuai hlauhnain a la bawih hneh em avang hian Pathian thiltihtheihna leh Setana thuneihna intawksir (Power-Encounter) hi hmang tangkai a Missionary-ten Thlarau thiltihtheihnaa rawngbawl ngei tumin Lalpa hi a thuah, tawngtainain ni tin taima takin i pawl ang u. Amaha kan awm a, a Thu keimahnia a awm reng phawt chuan kan dilna chu min hlawhtlintir ngei ang. iv) Chakma Kristiante hi Thlarau Thianghlimin a la khawih mumal loh avangin an zinga Thlarau Thianghlim harhna a lo thlen theih nan nasa takin Pathian dil ila (Luka 11:13). Missionary-te leh min tir chhuaktu kohhranten tih tak zeta kan dil chuan Lalpan min 33

tiharhin kan Chakma Kristiante pawh hi a siamthar ngei ang tih i ring ang u. v) Chakma sakhaw pawm dan leh an Hnamziaah hian Kristiannaa sengluh tlak thil tha tam tak a awm a. Thu awih tur te, an awmna hmun apianga Lalpa be tur te, Pathian Thutak darthlalanga hmanga an nun siamtha tur te, an Biju Kut a lo her chhuaha Pathian hnena tawngtai a, lawmthu sawia, zuruih, hmeichhiat-mipatna hman khawloh, Mandir-a milem biak, etc. tel lova, hlim taka Kut lawma zai leh lama, eia inho tur tein fuihin kaihruai tai la a sawt ngei ang. vi) Pathian thu min zirtir anga fai, thianghlim leh mawi taka nung turin zirtirin kaihruai ila. Mimal, chhungkua leh an khawtlang pumpui in pumkhat a, in ring tawn a, hlim taka khawsakho zirtir ila a tha ang. (Pu Fala thuziak hi kan la tawi a. Rawtna pawh kan han belh ta nual a nih hi. Chakma hnam chanchin ngaihnawm tak a rawn thawh a, a lawmawm tak zet a ni. Editor)

34