Zgjedhja e Bozhidar Deliç, nënkryetar i parlamentit të Serbisë, është pritur me reagime të ashpra në Kosovë. Në vitin 1999 Bozhidar Deliç udhëhiqte një brigadë e cila dyshohet se është përgjegjëse për një sërë krimesh gjatë luftës në Kosovë. Sekretari amerikan i Shtetit Antony Blinken tha se Kina nuk duhet të mbajë peng bisedimet për çështje të rëndësishme globale si kriza klimatike. Reagimi vjen pasi Pekini ndërpreu kontaktet me Uashingtonin si hakmarrje ndaj vizitës së kryetares së Dhomës së Përfaqësuesve Nancy Pelosi në Tajvan në fillim të kësaj jave. Rusia dhe Ukraina akuzojnë njëra-tjetrën për sulm ndaj centralit më të madh bërthamor në Evropë, atë të Zaporizhias.