ისტორია

ისტორია – (ბერძენ. historia - თხობელუა, ულირ, ორდოიან ამბეეფიშ თხობელუა) — ისტორიას შილებე ჟირ თარი გოთანჯუა უღუდასჷნ:

1. გოვითარაფაშ ირნერი პროცესი ორთას დო ჯარალუას; სამანგ., მოსოფელიშ აკოქიმუნუაშ ისტორია, ზოხოიან მენცარობეფიშ – ფიზიკაშ, მათემატიკაშ, სამართალიშ ისტორია დო თ. უ.;

2. მენცარობა, ნამუთ დჷთმიგურუანს ადამიერეფიშ ჯარალუაშ ულირს ედომუშამი თიში კონკრეტული ფორმეფით დო ანდანერობათ. ჯარალუაშ ისტორია პროცესეფიშ დო მოლინეფიშ, ზოხოიან ინდივიდეფიშ, ადამიერეფიშ კოლექტივეფიშ, ედომუშამი კოჩიშობაშ კონკრეტული დო ანდაკუნთხუამი ქიმინჯალაშ დო რჯებაშ ართობურობა რე.