一個虧格係3嘅曲面
曲面係一種二維嘅幾何物體。
喺拓樸學同微分幾何入面,曲面係由一咋二維嘅「patch」透過同胚或者係微分同胚黐埋一齊;而喺代數幾何嘅世界入面,幾何物體係用多項式嚟定義嘅,所以用好粗略嘅講法嚟講,喺n維空間上面用n-2條多項式嚟定義嘅話,就會得到一個曲面。當然呢個講法唔係好準確,因為要考慮到啲多項式係咪完全相交(complete intersection)嘅問題。一個好啲嘅定義嘅方法係用維度,但係喺代數嘅世界入面有幾種維度嘅定義,例如投影維度、深度、Koszul序列等等,要視乎邊一種喺嗰個情況好用啲。