椰棗
![]() | ||||||||||||||||
---|---|---|---|---|---|---|---|---|---|---|---|---|---|---|---|---|
![]() | ||||||||||||||||
物種分類 | ||||||||||||||||
| ||||||||||||||||
Phoenix dactylifera Linn. | ||||||||||||||||
![]() |
椰棗(粵拼:je4 zou2;學名:Phoenix dactylifera)係棕櫚科刺葵屬嘅常綠喬木,原產地喺西亞同北非地區,而家喺澳洲、西班牙、北非加拿列群島、馬德拉群島、佛得角、毛里求斯、留尼旺、沙地阿剌伯、伊拉克、伊朗、阿富汗、巴基斯坦、印度、以色列、伊朗;中國嘅福建、廣東、廣西、雲南、海南;斐濟、新喀里多尼亞;美國嘅加利福尼亞州、內華達州、阿利桑那州、佛羅里達州;波多黎各、墨西哥北邊、薩爾瓦多,開曼群島同多米尼加共和國入面都可以搵到佢。呢種植物喺大部分嘅西亞同北非嗰邊話佢係「沙漠嘅面包」,而伊拉克嗰邊就話佢做「綠金」。佢喺阿剌伯國家入面有住緊要嘅地位。
形態
[編輯]呢種樹一般有35m高,莖部有宿存嘅葉柄基,上邊啲葉係斜升上去,下邊啲葉係沊落嚟,搞出過比較疏嘅頭狀樹冠。而樹幹係高大挺直;而樹葉方面,一般有6米長;葉柄長而纖細,大多數係扁平;樹葉係披針形,羽狀複葉品種,叢生喺樹頂嗰度;頂部係短而逐漸變尖噉,葉色係灰綠色。而花嘅方面,佢係密集嘅圓錐花序,花公同花乸唔單止唔同樹,甚至連個樣都唔同:花公係白色嘅長圓形或蛋形兼有短柄品種,質地比較脆;而花萼好似個杯噉,花頂有3條镼嘅齒響度;而花瓣係3嚿斜嘅蛋形品種,有6條雄蕊出嚟,而花絲比較短;花乸嘅樣差唔多好似嗰波噉加咗個短柄上去;花萼同花公差唔多樣,但花後邊比較大,係花冠嘅½——⅓長度,而花瓣係圓形,有6條雌蕊出嚟,好似啲鱗片噉;佢嘅開花時間係每年嘅3、4月份。而佢嘅果方面,個樣係長嘅圓形或橢圓形,好似個棗噉,熟咗嗰時係深橙黃色,果肉比較多、味道亦都比較甜。果實入面有1粒中間扁平兩邊尖嘅核。佢一般喺9、10月份結果。
適應能力
[編輯]椰棗有比較禁(kam1)旱同熱、潮濕嘅天氣,甚至都幾禁(kam1)堿性泥地。而佢嘅樹齡可以去到成1個世紀都有。而佢啲核喺合適嘅環境,八成可以發芽。
用途
[編輯]可以用嚟做公園或庭院、綠籬嘅觀景植物同埋行道樹。佢嘅果實都係叫椰棗,可以整成各種糖果、蜜餞、高級糖漿、餅乾同菜,唔單止食得,更可以整成醋同酒精。佢嘅樹枝可以整凳同床、筐。而葉可以用嚟整掃把、被鋪、甚至整托盤、燃料都得;樹幹可以用嚟整農舍同橋樑;而佢嘅核可以用嚟做飼料;而質素差嘅椰棗會用嚟整肥料或飼料。
藥用價值
[編輯]維基百科嘅醫學類文章只係提供參考,並唔係醫療意見。 閣下如果有任何關於健康嘅問題,請諮詢專業醫護人員。 |
椰棗嘅果重可以用嚟做藥,佢有止痰、止咳、補虛損,消食嘅功效。
相
[編輯]植物形態
[編輯]用途
[編輯]
|
有關嘅書
[編輯]- Nasrallah, Nawal. Delights from the Garden of Eden. First Books Library, 2003.
- Salloum, Habeeb. Classic Vegetarian Cooking from the Middle East and North Africa. Interlink, 2000, Brooklyn, NY, USA.
- Simon, Hilda. The Date Palm: Bread of the Desert. New York: Dodd Mead, 1978.
出面網頁
[編輯]- 昆明植物研究所. 〈海枣〉. 《《中国高等植物数据库全库》》. 中国科学院微生物研究所. 喺2009-02-24搵到.
- 枣椰树 山东花网-专业花卉花木网站
- 美容减肥者的福音:椰枣的营养价值与食用功效 中华素食网
- 海枣——枣椰树 文水人大网
- 海枣 中国植物志
- 海枣 Phoenix dactylifera L. 中国植物物种信息数据库
- 椰棗 中文百科在線
- 椰枣的营养价值 椰枣怎么吃及食疗功效 三九养生网