油椰子
閱讀設定
![]() | ||||||||||||||||
---|---|---|---|---|---|---|---|---|---|---|---|---|---|---|---|---|
![]() 喺西非地區街頭種嘅油椰子
| ||||||||||||||||
物種分類 | ||||||||||||||||
| ||||||||||||||||
Elaeis guineensis Jacq., 1763 | ||||||||||||||||
![]() 油椰子嘅主要出產國
| ||||||||||||||||
油椰子(粵拼:jau4 je4 zi2;學名:Elaeis guineensis),又叫油棕(jau4 zung1),係棕櫚科油椰屬嘅常綠直立喬木,原產地喺西非地區。而家喺熱帶同亞熱帶地區入面可以搵到。呢種植物既係世界綠色油庫嘅其一成員,又係名副其實嘅「搖錢樹」。呢種植物重係世界上單位面積產量最高嘅一種木本油科植物。
發現史
[編輯]呢種植物喺19世紀或之前,一直匿埋喺西非嘅熱帶雨林地區,直到20世紀初先至俾人發現同關注。
形態
[編輯]植株一般有10m高到,樹徑30cm,樹幹有宿存嘅葉基響度。葉長3~6m,一般簇生喺莖頂,裂片有50~60條,樣係帶狀嘅披針,羽狀葉。花一般係單性,公乸同樹兼肉穗花序,而且一年四季都開花。果係正立或倒立蛋形嘅聚合果,每個大穗結1000~3000隻果,最大嘅果有20kg咁重。果實初期綠,長大中期轉紫黑,好實兼難掹落 ; 熟時轉橙紅先至識甩落嚟。果肉同果仁超過15kg,有60%嘅油響度。
適應環境
[編輯]呢種植物鍾意暖而濕嘅氣候,既唔禁凍,又唔禁旱。要喺上層比較深而厚、兼疏松又肥嘅酸性土或重土度種。
用途
[編輯]呢種植物嘅果同果仁都可以榨食用油,重可以整成高級奶油同朱古力糖、雪糕。喺工業嗰邊可以整靚嘅番梘。果重可以提取CH3COOH同HCOOCH3嚟整活性炭同纖維板。油椰餅可以做飼料。另外,喺熟咗嘅花序流出嘅汁重可以用嚟整酒。
藥用價值
[編輯]維基百科嘅醫學類文章只係提供參考,並唔係醫療意見。 閣下如果有任何關於健康嘅問題,請諮詢專業醫護人員。 |
油椰子嘅根可以做藥,有祛瘀消腫嘅功效。
世界上單位面積產量最高嘅一種木本油科植物
[編輯]油椰子之所以做咗世界上單位面積產量最高嘅一種木本油科植物,係因為佢一般生產椰油200kg/畝,重多過花生嘅出油量成5~6倍,甚至重多過大豆嘅出油量成差唔多10倍,所以佢有「世界油王」嘅名。
有關嘅書
[編輯]- 中国少年儿童百科全书 自然·环境 第396页 浙江教育出版社 ISBN 7-5338-1946-2/G·1942
出面網頁
[編輯]- 油棕 儿童资源网
- 油棕 Elaeis guineensis Jacq. 中国植物志
- 油椰子 認識植物
- 油棕 台灣環境資訊協會-環境資訊中心
- 油棕 植物网