譚詠麟
譚詠麟 | |
---|---|
![]() | |
歌手 | |
原名 | 譚詠麟 |
英文名 | Alan Tam |
花名 | 阿倫、譚校長、譚伯、巢皮倫 |
國籍 | ![]() ![]() |
籍貫 | 廣東新會 |
出世 | ![]() | 1950年8月23號
職業 | 歌手、演員 |
配偶 | 楊潔薇、朱穎婷 |
仔女 | 譚曉風 |
音樂類 | 粵語流行音樂、華語流行音樂 |
活躍年代 | 1970年代至今 |
唱片公司 | 環球唱片 |
經紀公司 | 藝能娛樂製作 |
相關團體 | 溫拿 |
前任成員 | |
鍾鎮濤、彭健新、葉智強、陳友 |
譚詠麟,MH(英文:Alan Tam,1950年8月23號—),花名阿倫、阿麟[註 1][註 2]或「譚校長」,係已故足球名宿譚江柏個仔,喺香港出世,廣東新會人,佢係廣東話地區好有影響力嘅香港粵語流行曲歌星同電影演員,亦都係1980至1990年代嘅樂壇巨星,曾經喺1984年到1987年嘅《十大勁歌金曲頒獎典禮》連續四屆攞咗「最受歡迎男歌星」,直到而家仍然喺歌壇同埋娛樂界活躍,當佢講到有關年齡問題時,佢成日話自己「年年都廿五歲」嚟倡導樂觀、開朗嘅年輕心態。阿倫最出名係唱浪漫情歌,同以快歌同埋台風取勝嘅紅星。
2006年,譚詠麟參與903廣播劇黃金少年,又唱埋主題曲,之後重喺2006年十大勁歌金曲頒獎典禮勁歌金曲25週年榮譽金曲獎——愛情陷阱。
生平
[編輯]1950年,譚詠麟響北角健康村平房區度出世,佢屋企有2個家姐同3個妹妹,佢係譚家唯一嘅仔。譚詠麟喺北角官立小學同埋馬伕子弟學校、筲箕灣官立中學讀書,1972年,佢短暂響新加坡義安工藝學院度主修經濟學。
歌唱
[編輯]譚詠麟嘅歌唱事業喺1973年組成嘅溫拿樂隊正式開始。1970年代,陳友、彭健新、鍾鎮濤、葉智強同譚詠麟組成嘅溫拿樂隊,喺嗰年嘅樂隊熱潮紅極一時。譚詠麟嘅歌聲喺溫拿表現出色,並因此而成為溫拿嘅主音歌手。1978年,溫拿樂隊解散,各成員獨立發展,譚詠麟從1979年開始推出個人專輯。佢嘅第一張個人專輯係《反斗星》,而喺早期作品中最成功係1984年推出嘅《愛的根源》、《霧之戀》以及1985年推出嘅《愛情陷阱》,呢三張唱片合稱「愛情三部曲」。
1980年代中期,香港嘅樂壇進入咗「譚張爭霸年代」,即譚詠麟同埋張國榮喺樂壇爭霸嘅時期。其中,譚詠麟喺1984至1987年度《十大勁歌金曲頒獎典禮》連續四屆攞咗「最受歡迎男歌星」;譚詠麟喺1987宣布唔再領獎後,張國榮就喺1988至1989年度《十大勁歌金曲頒獎典禮》連續兩屆攞咗「最受歡迎男歌星」。
雖然佢哋嘅歌迷之間有不和,而佢哋亦喺事業上有所爭鬥,但佢哋之間從未喺傳媒面前表現出同對方不和。1999年,佢哋甚至一齊合唱咗原屬於譚詠麟嘅歌曲《幻影》同埋《霧之戀》嘅混合版[1]。
譚詠麟紅極一時嘅經典歌曲包括《愛的根源》、《愛情陷阱》、《朋友》、《水中花》、《一生中最愛》 等。「譚張爭霸」隨住譚詠麟喺第十屆(1987年度)十大中文金曲頒獎音樂會中宣布唔再領獎後宣告結束。
踏入1990年代,雖然佢唔再領獎,但仍然留守樂壇,並保持每年都出新唱片。
喺1996年度十大中文金曲頒獎典禮獲得「香港樂壇最高榮譽大獎——金針獎」
2003年年初,譚詠麟同李克勤合作演出《左麟右李演唱會》,大受歡迎,喺香港掀起咗「左麟右李」熱潮。此後兩度加場,並喺中國大陸、澳門、東南亞同美加作巡迴演出咗90場。
截至2005年,譚詠麟已推出104張個人唱片(唔包括舊歌精選集),所演繹嘅歌曲超過800首,唱片總於1995年已總共賣咗超過2000萬張。此外,譚詠麟以總場數264場(其中個人演唱會189場)保持著香港本地演唱會嘅場數紀錄。
演員
[編輯]作為一個電影演員,佢演出過好多喜劇,例如《黃飛鴻笑傳》、《黃飛鴻對黃飛鴻》同埋同成龍合演嘅《龍兄虎弟》等。1981年憑《假如我是真的》攞咗金馬獎最佳男主角。
屋企
[編輯]譚詠麟已婚,但一直冇向外界公開,直到佢其中一位岳父楊碧山喺1993年離世,佢個名出現喺訃告上,呢段婚姻先至算半公開([3])。佢另一位「知己」妻子同所生嘅仔喺2006年3月23日香港電台第一台節目,佢首度開腔公開同朱穎婷同埋個仔嘅關係([4])。
音樂年表
[編輯]粵語
[編輯]- 1979年:《反斗星》: 反斗星、勁舞熱辣辣、願你接受、唱一首好歌、可會有明天、愛在陽光空氣中、孩兒、不要囉嗦、玩得開心啲、恩愛盡變、星語、個心立立亂
- 1980年:《愛到你發狂》:愛到你發狂、滿天飛、成功需苦幹、苦戀、還是那一天、我愛Disco Queen、輕鬆碰一碰、相識非偶然、愛嘅熱力、莫說愛情重、張開那心、人生滿希望
- 1981年:《忘不了你》:想將來、天邊一隻雁、山野閒情、情兩牽、我心喜歡你、尋樂真啱數、忘不了您、愛上您、不必伸手給我、愛意怎擋、小風波
- 1982年:《愛人女神》:柔柔河畔、將軍抽車、樣樣做到好、愛人女神、無法不想你、離別酒、雨絲情愁、我愛大自然、Hold On Mary 諗真亦唔遲、請說聲再會、那次到海邊
- 1982年:《精裝譚詠麟》:小生怕怕、雨絲情愁、天邊一隻雁、成功需苦幹、愛在陽光空氣中、孩兒、精工體育'82、忘不了您、愛人女神、雲似是你、相識非偶然、小風波、唱一首好歌、魔與道
- 1983年:《遲來的春天》:遲來的春天、與你心一致、天降財神、影子、幻影、風中勁草、少爺威威、小珊瑚、一於少理、俾我試一次、我心只有你
- 1984年:《霧之戀》:傲骨、愛的替身、亮了紅燈、霧之戀、午夜麗人、創造命運、愛火、幻影、火一般眼波、愛是這樣甜、但願不改變
- 1984年:《愛的根源》:愛的根源、夏日寒風、都市戀歌、愛在深秋、我愛雀斑、誰可改變、捕風的漢子、酒紅色的心、欠了你、觸電舞
- 1985年:《愛情陷阱》:愛情陷阱、幸運星、火美人、愛你太深、我愛世界、恭喜發財、情(是永遠著迷)、此刻你在何處、花仔世界、最愛的你、雨夜的浪漫
- 1985年:《暴風女神Lorelei》:暴風女神、世外情、問、楚河漢界、你要等我、命途戰士、編織、午夜騎士、吻別、冬之寒號、朋友
- 1986年:《第一滴淚》:世界停頓、第一滴淚、的士司機、永不想你、最佳福星、和平之歌、舊信紙、剌客、珍重、夢想的幻彩、衝線、無言感激
- 1987年:《牆上的肖像》:Maggie、無邊的思憶、千面女郎、根、牆上的肖像、計時炸彈、我沒法相信、千年埋藏、情不變、曾經、痴心的廢墟
- 1987年:《再見吧!浪漫》:知心當玩偶、黑色快車、C級愛情、迷痴的心、結他的季節、傾我今生、再見吧! 浪漫、黃昏的聲音、一個永遠不好的傷口、我的背後你的手、Don't Say Goodbye
- 1988年:《迷惑》:玩出火、不見不散、午夜戀人路、PaPa O MaMa、愛的逃兵、偏愛、萬能的你、Baby、假刺激、半夢半醒
- 1988年:《擁抱》:午夜皇后、變奏、千金一刻、同根生、領航燈、水中花、都市獵人、從後趕上、擁抱、80歲後
- 1989年:《愛念》:情義倆心知、命運賭注、再續無盡愛、傷心帶笑者、愛你兩個人、魔鬼之女、愛念、我愛唱機、不可以逃避、微笑革命
- 1989年:《忘情都市》:爭氣、零晨之後、浪漫之後、我心如雷、忘情都市、你知我知、獨醉街頭、應有此報、生命的詩篇、至尊無上
- 1989年:《繼續浪漫》:誰可改變、暴風女神Lorelei、水中花、愛的替身、80歲後、第一滴淚、午夜麗人、Don't Say Goodbye、愛是這樣甜、幸運星、小珊瑚、曾經、癡心的廢墟、不見不散
- 1990年:《夢幻舞台》:藝海浮台、離別心曲、卡拉永遠OK、誰可比親心、怎可忘記、夢仍是一樣、明天仍要繼續、愛情斑馬線、凌晨一吻、冷傲的化妝
- 1990年:《世外桃源》:世外桃源、路疊路、理想與和平、愛莫能助、無盡情結、地獄天使、也曾相識、爵士怨曲、還有愛我的朋友、留住天真
- 1991年:《神話1991》:北風、友誼永在、搖擺神話、一千一個春與冬、昨天的歌、一生中最愛、明天你是否依然愛我、曾到此、今晚情為証、無聲的信箋
- 1991年:《迷情》:星球本色、俗世洪流、失陪、幫我•欺騙我、Hello Goodbye、知不知、我做得到、Elaine、Missy Mona、小說人生
- 1992年:《情人》:情人、珍惜的珍惜、墨西哥情人、這一刻妳可想我?、越獄漢子、Oh Girl!、有淚不輕流、愛•極愛、再等幾天、緣未了
- 1992年:《愛情故事》:夢美人、祇有你、月下戀人、婚禮、離不開的心、月下戀人(Reprise)、太陽精神、這世界已瘋癲、天才白痴夢、夢醒愛更深、令世界變得更暖
- 1992年:《我的生命我的爱》:我的生命我的愛、俗世洪流、情人、祇有你、路疊路、Elaine、幫我•欺騙我、知不知、再等幾天、愛到極、世外桃源、凌晨一吻、滔滔千里心
- 1993年:《情心義膽》:壯志豪情、你是我的女人、無名份的結束、永遠都深愛你、Lawman(執法者)、烈火街頭、豪情夜、仍是任性、決鬥、紅塵歲月
- 1993年:《笑看人生》:一世風雲、笑看人生、漂亮愛心、片刻的無題、呼呼風中痛楚、無邊的沉醉、愛多一次 痛多一次、My Love、還是妳懂得愛我、我永遠都愛妳
- 1994年:《夢幻的笑容》:夢幻的笑容、情憑誰來定錯對、美女與野獸、一段浪漫、狂小子、但願與她相擁、講不出再見、下雨晚上、一首歌一個故事、再見亦是淚
- 1994年:《喜愛》:另結新歡、喜愛、單身一族、在2048年、倘愛是緣、仍在夢裏、緣份有限期、獨來獨往、一心一意、人生基本法
- 1995年:《伴我飛翔》:天地初開情已在、Lucianna、追擊、情緣巴士站、某月某天、伴我飛翔、瘋狂一夜、醒覺、你我之間、避世烈車
- 1995年:《實在男人》:真實的謊話、還我真情、迷香、是你是你、忘不了 停不了 逃不掉、笑笑看一生、情中情 戲中戲、Born Free、大話街、世事無絕對、還我真情(忘情版)
- 1996年:《獨一無二》:情在雪天、網路情迷、獨一無二、門前說、失戀通告、讓我繼續忘記你、創世記、活得瀟洒、夢遊蕩、知道又如何
- 1996年:《思前想後》:善心、正中要害、沒框框的逍遙、醒一醒、從來麻煩自找、感情回歸、再不糾纏、肝膽相照、放縱、天曉得
- 1997年:《永恆的珍》:浪漫舞曲(第一章)雨夜的浪漫~霧之戀~Don't Say Goodbye~幻影、浪漫舞曲(第二章)愛人.女神~天邊一隻雁~酒紅色的心~火美人~反斗星~小風波~理想與和平、Lonely、心經、肝膽相照(實驗版)、天地初開情已在、情中情 戲中戲、紅塵歲月、笑看人生、感情回歸、網路情迷(天網版)、知道又如何、還我情真、情緣巴士站、善心
- 1997年:《我們一起走過的日子》:幾分傷心幾分痴、輕撫你的臉、一起走過的日子、最愛是誰、執迷不悔、再度孤獨、隨想曲、千千闕歌、星、鐵塔凌雲、醉街拍檔
- 1997年:《我們一起唱過的歌》:似水流年、前程錦繡、風繼續吹、每當變幻時、讓一切隨風、笛子姑娘、一生何求、捨不得你、祝福、捕風的漢子
- 1998年:《淨化空間》:天地人、淨化空間、夜、晝
- 1998年:《在乎》:在乎、只想跟你愛一季、無悔一生、人生影画戲、一知半解、矛盾、無限感覺在這天、天堂小說、不要待你這麽好、用去最後那半分溫柔
- 1998年:《飛馬》:一片天、情若冤家一線差、Ole Ole 永不放棄、酒後吐真言、逆流鬥士、電波中年絕食記、背後拍掌、愛到出界、Ole Ole 永不放棄(Team Power)、飛馬
- 1999年:《誰可改變15週年紀念集》:幻影+霧之戀(譚詠麟、張國榮)
- 2000年:《自選角度》:自選角度、依然在、愛的主宰、一千種記憶、約你、不必說廢話、親愛是疼、mmmbop世界大同、祗想你開心、過活、慢鏡重溫
- 2001年:《愛自己》:回贈、愛自己、遙望、浪漫極限、撲朔迷離、日落時份、一雙翅膀、得一伴、愛是風 (國)、愛我多一點
- 2003年:《不一樣的譚詠麟 - 首部曲》:山下的人、只想孤單一個自己、門外門內、絲絲入扣、左鄰右里、難得糊塗
- 2003年:《不一樣的譚詠麟 - 二部曲》:被窩、邂逅 (國)、講不會清楚、浪漫是無道理、不一樣的再見、無需要
- 2003年:《左麟右李》:嗱嗱聲、老友記、仰慕者、自作自受 (李)、有了你世界更美、假如、習慣失戀 (李)、愛與痛的邊緣、獻世 (李)、不應再猶豫、李香蘭 (李)、總有你鼓勵
- 2004年:《天·地》:披著羊皮的狼 (國)、天地無藥、Forever More、愛不是難題 (國)、講不出的告別、重疊震憾、說吧! 你會得到!、歌者戀歌、愛最無敵 (國)、講不出的告別、一輩子的偶像(國)
- 2005年:《星光大道》:星光大道、仍愛著你、舊情復熾、舊名單、等人、Take it easy、我在乎、感激不淺、接受我的愛、家鄉的龍眼樹 (國)
- 2006年:《ALAN‧聽》:Baby、幸運星、迷痴的心、午夜戀人路、世外情、欠了你、離不開的心、愛你兩個人、小珊瑚、大大時代、黑色快車、不見不散、再續無盡愛、千面女郎、C級愛情、影子、你要等我、離別酒、愛火、都市獵人、舊信紙、黃昏的聲音、從後趕上、一個永遠不好的傷口、不必伸手給我、那次到海邊、我心只有你、一世風雲、離別心曲、你是我的女人、幫我, 欺騙我、誰可比親心、這一刻你可想我、無盡情結、昨天的歌、怎可忘記、Oh Girl、有淚不輕流、仍是任性、凌晨一吻、今夜情為証、夢醒愛更深、小說人生、緣未了、被窩、情若寃家一線差、喜愛、單身一族、唱一首好歌、是你是你、狂小子、門外門內、一雙翅膀、緣份有限期、一生何求、下雨晚上、My Love、不一樣的再見、避世烈車、無需要
- 2008年:《The Best Sound Ever Reborn - 愛的根源》:愛的根源2008、夏日寒風2008、都市戀歌2008、愛在深秋2008、我愛雀斑2008、誰可改變2008、捕風的漢子2008、酒紅色的心2008、欠了你2008、觸電舞2008
- 2009年:《Mr. Tam 再度感動》:香港 香港、Mr Tam、讀愛、再問前程錦繡、其實你可以、那些感動過人的歌、上善如水、小悲咒、上次無下次、高低一起
- 2010年:《Rolling Power 滾軸力量》:糖衣陷阱、約翰人生、Go!、六時零十五十六分、月人、事事有天知、智能時代、宅男日記、再難又如何、偷喝酒的故事
- 2012年:《一點光 Shine A Light》:一點光(Shine a Light)、情思中獨困、Forever Young、情海方舟、舊生會派對、理直氣柔、蠶絲、愛未等於擁有、玩不起、何謂愛
- 2012年:《Time After Time》(注:全新發佈粵語歌曲而已):假如、重投再愛、得過不且過
- 2013年:《708090後》:趣味人生、公主大人、循環天地間、點點天地心、開心失樂園、簡單就是愛、相信便可以、7890轉 Medley i) 夢仍是一樣 ii) 愛極愛 iii) 世外桃源 iv) 變 v) 下雨晚上 vi) 小說人生、7890轉 (Medley A) i) 夢仍是一樣 ii) 愛極愛 iii) 世外桃源、7890轉 (Medley B) i) 變奏 ii) 下雨晚上 iii) 小說人生
- 2013年:《左麟右李 男人的歌》:跳啦! 河馬、男人的歌、左顧右盼、全因你、嗱嗱聲、左鄰右里、老友記、仰慕者、唔使驚、有了你世界更美
- 2015年:《銀河歲月》: 銀河歲月、忘不了您、一首歌一個故事、情憑誰來定錯對、披著羊皮的狼、傲骨、愛念、點點天地心、Autumn Romance Medley i) 情兩牽 ii) 無邊的思憶 iii) 吻別 iv) 最愛的你、Summer Breeze Medley i) 黃昏的聲音 ii) 再見亦是淚 iii) 情人 iv) 雨絲 情愁 v) 愛的替身、無言感激
- 2018年:《音樂大本型》:天塌下來也能睡、移動人、回來以後、濁世漩渦、光影約誓、廢青、大大世界小小愛、你不會知、大氣、父親
- 2019年:《音樂夏令型》:男人的浪漫、忘憂吧、千變萬化、自然不是罪名、尋找彼得潘、某月某日会OK
- 2023年:《傾聽好時光》:路過人間、勿忘心安、微笑達人、莫名的淚、等你不等你、畢竟深愛過、揮之不去、我無醉 我無碎、蝶戀花、定風波、水中傳奇
國語
[編輯]- 1980年:《彈起來!唱起來!尋找》
- 1980年:《你的凝望》
- 1988年:《半夢半醒之間》
- 1988年:《心手相連》
- 1989年:《像我這樣的朋友》
- 1990年:《難捨難分》
- 1990年:《我真的和他們不同》
- 1991年:《不烕的愛》
- 1992年:《讓愛繼續》
- 1994年:《青春夢》
- 1995年:《讓我們做得更好》
- 1997年:《把你藏在歌裡面都為了愛》
- 2005年:《披着羊皮的狼》
- 2007年:《最愛笑的人》
英語
[編輯]- 2012年:《Time After Time》:至少還有你(國)、無情的情書(國)、假如(粵)、愛的根源(粵)、Time After Time、(Everything I Do) I Do It For You、I Honestly Love You、Baby It's You、You Make Me Feel Brand New、Wonderful Tonight、重投再愛(粵)、得過不且過(粵)
電影作品
[編輯]- 2006年:《左麟右李之我愛醫家人》
- 1997年:《最佳拍檔之醉街拍檔》
- 1996年:《嫲嫲帆帆》
- 1993年:《黃飛鴻對黃飛鴻》
- 1993年:《廣東五虎之鐵拳無敵孫中山》
- 1991年:《雙城故事》
- 1991年:《驚天十二小時》
- 1990年:《脂粉雙雄》
- 1990年:《至尊計狀元才》
- 1989年:《至尊無上》
- 1989年:《富貴兵團》
- 1988年:《愛的逃兵》
- 1988年:《四眼仔》
- 1988年:《龍之家族》
- 1987年:《江湖情》
- 1987年:《用愛捉伊人》
- 1986年:《龍兄虎弟》
- 1985年:《花仔多情》
- 1984年:《君子好逑》
- 1983年:《少爺威威》
- 1983年:《陰陽錯》
- 1982年:《小生怕怕》
- 1981年:《假如我是真的》 [5]
- 1981年:《鬼馬五福星》(又名:鳥龍行大運)
- 1980年:《一對傻鳥》
- 1979年:《花伴舞春風》
- 1978年:《追趕跑跳碰》
- 1976年:《溫拿與教叔》
- 1975年:《大家樂》
政治立場
[編輯]譚詠麟喺1997年前曾經拍過講述中國文革後政治腐敗嘅台灣電影《假如我是真的》,更加喺1989年《民主歌聲獻中華》錄過為學運打氣嘅片段,片段中嘅佢更加聲言要「剝你棚牙」(雙關語,亦可以解做「剝李鵬牙」,李鵬係當時中國嘅國務院總理,代表支持鎮壓學運嘅強硬派)。
不過後來佢嘅政治立場轉為親中,曾經身為選委嘅佢,就多次提名中共屬意嘅特首候選人;佢亦都多次支持香港政府施政。近年嚟,佢就支持過政府推行國民教育,不過佢即刻畀網民翻舊帳,話佢一邊支持國民教育,另一邊廂居然安排自己個仔去讀國際學校,之後個仔重去埋美國留學。而譚詠麟本人亦都畀傳媒影過佢揸住英國國民(海外)護照(BNO)出境,畀人串佢「講一套,做一套」。
另外喺2019年,譚詠麟同埋佢班藝人朋友,包括陳百祥、鍾鎮濤哋去咗支持警察執法嘅集會,表明撐警察喺反修例運動嘅所為,亦曾經被揭武漢肺炎疫情期間同警隊高層聚會[3]。
佢曾經有份參與一份聯署,支持北京未經諮詢或香港人同意,強行訂立嘅《港版國安法》[4][5],但有關聯署之後被揭發做假,其中名單上嘅張寶華、徐熙媛、李巧靈同蔣志光之後否認有份參與,而陳汝騫就一早離世[6]。
時至今日,網民仍然會攞佢喺八九民運講過嘅說話,同佢近期嘅政治表態做對比,取笑佢覺今是而昨非嘅政治立場。
選舉經歷
[編輯]喺2021年9月,佢經指定團體提名(中國文學藝術界聯合會香港會員總會有限公司)成為香港特别行政區選舉委員會體育、演藝、文化及出版界委員[7]。之後佢喺李家超無提政綱嘅情況下,有份提名李家超參與2022年香港行政長官選舉[8]。
爭議
[編輯]武漢肺炎疫情期間違反限制令
[編輯]2020年2月16號喺武漢肺炎疫情肆虐期間,譚詠麟同一唔同前度或現役嘅警務人員,包括朱經緯警務處處長鄧炳強、總警司謝振中、仲有多名藝人包括成龍、曾志偉、方中信等,出席晨曦明星隊晚宴,違反限制令,而晚宴嘅短片同照片,之後喺網上瘋傳並惹熱議[3]。
桃色醜聞
[編輯]2021年11月,䁥稱「悲伤牛肉面_」嘅微博用户出帖,公開指摘71歲譚詠麟為老不尊,同個23歲後生擁躉,亦即係控訴者嘅女朋友上床。跟住譚詠麟所屬公司藝能製作否認同譴責,然而「悲伤牛肉面_」企硬噉回應,堅持立場。現時雙方已經無再交鋒,「悲伤牛肉面_」嘅所有圖文帖亦都唔見澌,緋聞真偽未有定論。[9]
註釋
[編輯]參考
[編輯]- ↑ [1] 互聯網檔案館嘅歸檔,歸檔日期2008年8月5號,.[2] 互聯網檔案館嘅歸檔,歸檔日期2008年5月18號,., Universal Music Hong Kong, RickyTong.com
- ↑ 〈阿倫囝囝英會考12A 唔准做歌手〉. 原著喺2020年3月28號歸檔. 喺2015年7月15號搵到.
- ↑ 3.0 3.1 〈撐警朱庭萱指藝人9成是「藍」-警察連交友食飯人權都冇嗎〉 (繁體中文). 明報. 2020-02-18. 原著喺2020-02-19歸檔. 喺2021-03-30搵到.
- ↑ 〈文藝界2600人聯署支持立法 - 香港文匯報〉. paper.wenweipo.com. 原著喺2021-05-22歸檔. 喺2022-09-19搵到.
- ↑ 〈文化演藝界3千多人及團體表態支持國安法立法 - 雪花台湾〉. www.xuehua.tw. 原著喺2022-09-20歸檔. 喺2022-09-19搵到.
- ↑ 〈成龍挺港版國安法 聯署聲明驚現死者名字 - 大紀元〉. 《大紀元 www.epochtimes.com》 (繁體中文). 2020-06-01. 喺2022-09-19搵到.
- ↑ 〈一文睇清1448名新選委全名單〉. 《香港文匯網》 (中文). 喺2022-08-11搵到.
- ↑ 〈一文看清李家超786張提名〉. 《信報網站 hkej.com》. 喺2022-09-02搵到.
- ↑ 張嘉敏 (2021-12-07). 〈71歲譚詠麟未受「睡粉」傳聞影響表現風騷 近照回春20年狀態絕佳〉. 《香港01》 (香港中文). 喺2021-12-12搵到.