香港發展中心
香港發展中心係一個已經停止營運嘅香港親中派智庫，2019年5月建立，以分析香港政治形勢，幫助親中派參選區議會同立法會。
香港發展中心曾有7至8個職員，曾經由李浩然擔任董事，但之後改由梁愛詩同埋陸漢德擔任[1]。
2020年，北京未經諮詢或香港人同意強行定立《港版國安法》，去到2021年又強行收緊香港選舉制度，大幅削減直選議席，民主派被北京排除喺選舉制度外。兩大政治陣營分庭抗禮嘅局面不再，親中派選戰危機大減，呢類型對親中派嘅智庫再無價值，香港發展中心亦告停運[2][1]。
參考
[編輯]- ↑ 1.0 1.1 吳仕瑜 (2022-08-04)。〈董建華隱秘「智庫」疑低調停運 知情者：反映一個政治時代的終結〉。《香港01》 (香港中文)。喺2024-01-18搵到。
- ↑ 〈董建華智庫停運 疑因建制無選舉壓力〉。《大紀元時報 香港｜獨立敢言的良心媒體》 (香港中文)。2022-08-04。喺2024-01-18搵到。