波同埋窿
打波入窿
哥爾夫球(英文:Golf),或者就咁叫哥爾夫,大陸依家譯做高爾夫球或者高球,做係一種運動。目的係將一個波,用支桿打一次或幾次入波地一啲窿入便,而打嘅次數越少為之贏。哥爾夫球無標準球場,個個波地都有自己設計,多數都係草地。波地通常有九或者十八個窿。
哥爾夫球賽,家下留低最早紀錄,係1456年喺蘇格蘭愛丁堡度。呢個玩法由蘇格蘭傳到英倫,再傳到世界各地。
哥爾夫球响1900年巴黎奧運同埋1904年聖路易斯奧運做咗比賽項目,直到112年後嘅2016年里約奧運先至再次返嚟奧運項目大家庭。