齊秦

  呢篇文講臺灣嘅歌手。想搵內蒙古嘅舞蹈家嘅話，請睇齊秦 (舞蹈家)。

齊秦
男歌手
英文名	Chyi Chin
花名	小哥、狼
國籍	中華民國
籍貫	松江省東寧縣（現屬中國內地黑龍江）
出世	(1960-01-12) 1960年1月12號 臺灣台中
語言	國語、台語、英語
教育程度	懷恩中學 台中二中 世界新聞專科學校畢業
配偶	孫麗雅（2010年結婚）
仔女	仔：齊家（原名方偉）（36歲） 女：齊心（13歲） 仔：齊恩（10歲）
演奏樂器	結他、低音結他、口琴
出道作品	《又見溜溜的她》
代表作品	《狼》、《無情的雨無情的你》、《原來的我》、《不讓我的眼淚陪我過夜》、《夜夜夜夜》、《往事隨風》、《懸崖》、《外面的世界》、《大約在冬季》
活躍年代	1981年－
網路電影資料庫（IMDb）資訊

齊秦（粵拼：cai4 ceon4，英文：Chyi Chin；1960年1月12號—）係臺灣唱作人，祖籍山東，籍貫松江省東寧縣。阿爸係中華民國國大代表齊濟。齊秦係屋企嘅么仔，阿哥叫齊魯，家姐係齊豫，都係知名歌手。佢喺台灣台中出世，喺懷恩中學、台中二中、世界新專（依家嘅世新大學）讀過書。直到依家佢出過128首自己嘅詞曲創作作品，代表作有《狼》、《無情的雨無情的你》、《原來的我》、《不讓我的眼淚陪我過夜》、《夜夜夜夜》、《往事隨風》、《懸崖》、《外面的世界》同《大約在冬季》等，以音色高亮而出名。作品曾經被張國榮、關正傑、蔡齡齡、黃凱芹同蔡濟文等人改編，亦對中國大陸好多音樂人，如張亞東、沙寶亮、李健、胡海泉等形成深遠嘅影響。佢曾4次入圍金曲獎最佳男演唱人獎，同埋喺1997年第8屆金曲獎攞咗嗰個獎。

生平

佢中學時因交朋友唔小心，喺16歲飲完酒後鬧事，入咗感化院3年幾。期間齊豫成日去探佢，同埋喺佢出獄後以自己參加《金韻獎》攞咗嘅8000台幣獎金幫佢買咗第一把結他，佢亦因此行咗自己嘅音樂道路。

1981年，喺餐廳駐唱嗰時，被經紀人夏春湧發掘加入綜一唱片，同年出咗首張唱片《又見溜溜的她》，唱片入面《又見溜溜的她》啱啱出咗就喺排行榜首位。之後冇耐齊秦入隊。從中華民國海軍退役後，佢持續喺餐廳駐唱，同方美芳相識同開始交往。分手後齊秦知道方美芳同佢生咗個仔方偉，之後重因而打官司。和解後方偉改名做齊家。1985年，佢以長髮，皮衣皮褲，外加一副大墨鏡嘅造型，出第2張唱片，亦係首張創作專輯《狼的專輯》，其中《狼》、《原來的我》係齊秦代表作，《太陽雨》、《不必勉強》傳唱度都好高。1986年，出咗《出沒》。1987年，出《冬雨》，其中《大約在冬季》、《外面的世界》、《冬雨》都成為齊秦流傳最廣嘅作品。同年拍攝電影處女作芳草碧連天，同台灣女演員王祖賢相識相戀。由齊秦、黃大軍作詞，由齊秦本人作曲嘅電影片尾曲《花祭》亦收錄喺同年發行嘅第4張唱片《狼II》之中。同年同張艾嘉合作，出演台灣首創音樂歌舞劇「棋王」，重同黃桂志、鄭麗絲、林文俊、曾道雄合作出版同名原聲帶。1988年，同鼓手徐德昌、結他手江建民、鍵盤手涂惠源、貝斯手劉天健成立「虹」工作室，加入滾石唱片。同年同齊豫一齊舉辦「天使與狼」演唱會，原本計劃喺台北中華體育館舉辦3場演出，每場平均大約1萬人；結果演出前一日中華體育館火燭，只能臨時喺戶外將3場演出集中喺一場，創下單場演唱會最高觀眾數嘅紀錄，首開國內藝人舉辦戶外大型演唱會嘅風氣。1989年，同虹樂團製作出《紀念日》。同年代替齊豫代表台灣去英國倫敦Albert館，參加「亞洲流行音樂會」，現場重演唱《虹》。

1990年，出咗《愛情宣言》，出任EMI國際唱片公司台灣分公司國內部總經理。1991年，出咗《柔情主義》，同年首次受邀去大陸舉辦《齊秦CHINA TOUR大陸巡迴演唱會》，係首位喺大陸開辦演唱會嘅台灣歌手。1992年，出咗狂飆系列演唱會現場錄音帶《狂飆 China Tour Live》，「91狂飆」亦被叫做「比錄音棚還完美的現場」。1993年，加盟東方唱片，暫時退居幕後。同年同王祖賢分手，之後為尋求創作靈感，去新疆揾音樂新元素。

1994年，出咗《邊界》，同出版首本自傳類書籍《邊界手記》，係新疆之行嘅隨筆。同年出版首張台語專輯《暗淡的月》，翻唱1940年代至70年代嘅台灣歌謠，專輯喺1996年入圍第7屆金曲獎最佳演唱專輯獎。

1995年，出咗《痛並快樂著》，首次中美連線跨國音樂合作。其中單曲《往事隨風》獲選Channel V中文TOP20榜中榜最佳年度歌曲；單曲《痛並快樂著》入圍1996年第7屆金曲獎最佳單曲歌唱錄影帶影片獎。同年參演電影《命運的深淵》，同出電影原聲帶《去年冬天》。同年喺新加坡舉行「相約在冬季」演唱會。同其兄齊魯同好友開設麻辣火鍋餐廳「齊辣」。

1996年，出咗《純情歌》（台語）、《絲路》（國語）兩張唱片。公開同王祖賢復合，重將蓄留多年嘅長髮剪短30公分。《純情歌》同《絲路》2場唱片喺1997年入圍第8屆金曲獎幾個獎項：前者《純情歌》入圍最佳流行音樂演唱唱片獎、最佳唱片製作人獎（徐德昌）同最佳方言男演唱人獎（齊秦）；後者《絲路》入圍最佳流行音樂演唱唱片獎、 最佳作曲人獎（熊天平／火柴天堂）、最佳作詞人獎（熊天平、趙俊傑／火柴天堂）、最佳國語男演唱人獎（齊秦），最後攞咗第8屆金曲獎最佳國語男演唱人獎。

1997年，出《齊秦'97狼黃金自選輯》，專輯喺1998年入圍第9屆金曲獎最佳國語男演唱人獎。同年，同虹樂團原班人馬製作發行首張英文翻唱專輯《Longer》，作為虹樂團成軍10週年紀念，其中《Windflowers》係齊豫同佢嘅首次跨公司合作。同年同虹樂團返返去首次上台嘅台北遠東外貿做紀念演出。喺7月1號至7月31號主持MTV嘅《倒視鏡》節目。

1998年，出咗《我拿什麼愛你》，同王祖賢《與世隔絕》同年同月同日發片，同聯袂舉辦記者招待會。專輯入圍第10屆金曲獎最佳國語男演唱人獎。同年再去大陸舉行「98齊秦CHINA TOUR大陸巡迴演唱會」。同齊豫、王祖賢同去西藏喺西藏拉薩體育館舉辦「齊秦西藏行演唱會」（即「雪域光芒」），王祖賢亦首次做齊秦嘅特別來賓，同演唱《擁抱》（即《你是霧我是酒館》）。

1999年，出翻唱專輯《世紀情歌之謎》。佢喺該唱片入面重新演繹嘅鄧麗君經典作品《月亮代表我的心》，至依家被認為係20世紀最成功嘅翻唱作品之一。

2000年，同季忠平喺台灣合組數字蓮花音樂製作公司。同年4月，去中國大陸舉辦「2000齊秦CHINA TOUR大陸巡迴演唱會」。6月，喺天津體育館舉辦「2000年齊秦天津演唱會」。10月，喺北京成立「虹之美夢成真」工作室 。11月，喺上海體育場參加「激情2000」港台群星演唱會。2001年，攞咗首屆《音樂風雲榜》跨越世紀傑出音樂獎。5月，喺北京工人體育場參加「新北京新奧運」大型演唱會。7月，參加央視幫慶祝北京申奧成功而推出嘅大型綜藝晚會「奧林匹克情」。9月，同齊豫、王祖賢參加央視同台灣東森電視合作嘅中秋特別節目「同一首歌走進台灣」。

2002年，同王祖賢分手。同年出咗《呼喚》，其中王祖賢喺分手後重出演該專輯入面《少了自己》嘅MTV，同叫呢首歌係佢同齊秦最適當嘅詮釋，唔在意人哋係唔係話呢個係為齊秦做宣傳。2003年，錄製央視節目《藝術人生》嘅原來的我。同年舉辦「2003春分首體演唱會」，係嗰年唯一一場倖免於「非典」嘅個人演唱會。同年年底喺上海舉行「過年演唱會」。2004年，參加央視春晚，同莫文蔚一齊演唱《外面的世界》。2005年，喺全國各地舉辦「秦歌齊唱黃金20年」個人演唱會。2007年，出咗單曲《河流如血》。11月18號、12月22號分別喺常州、成都舉辦個人演唱會。

2008年，出咗《揚帆遠航》、《愛的直航》同《像瘋了一樣》等單曲。同年，同齊豫為紀念「天使與狼」20週年一齊舉辦「2008天使與狼」演唱會，分別喺台北、台中、台南、高雄同北京演出。同年，同齊豫一齊錄製《藝術人生》嘅齊秦齊豫成長嘅選擇，同喺大陸推出限量版自傳《我心狂野》。12月31號喺杭州杭州舉辦跨年演唱會。2009年，出咗數碼專輯《柒年—柒個音樂故事》。5月，喺昆明舉行「我心狂野」演唱會。12月25號，喺南京五台山體育館舉辦「我心狂野」個人演唱會。

2010年1月，喺北京工人體育館舉辦個人演唱會 。為紀念中國愛樂樂團成立10週年同佢嘅合作。3月18號，齊秦同成都人孫麗雅喺美國登記結婚，2人相差24歲。到依家孫麗雅幫齊秦生咗一女齊心，一仔齊恩。喺7月17號，出翻唱專輯《美麗境界》，嗰個唱片喺第2年入圍第22屆金曲獎最佳專輯製作人獎（齊秦、史大維）同最佳國語男歌手獎。8月27號，同齊豫、朋友陳昇錄製湖南衛視《天天向上》。7月27號，齊秦喺北京梅蘭芳劇院舉辦「美麗境界」首唱會，好多歌壇好友嚟支持。同年12月參加慈善中華行巨星演唱會。

2011年，攞咗第18屆中國歌曲排行榜華語歌壇傑出成就獎。同年4月，舉辦「狂飆二十年齊秦2011北京個人演唱會」。6月，舉辦「齊秦—原因重現北京2011演唱會」。同年9月，佢喺北京屋企進行拔罐保健時，唔小心造成深二度燒傷。佢已經喺同年參加「上海跨年晚會」正式好返復出。

2013年1月，加盟湖南衛視《我是歌手》第一季、為首發歌手，因家庭原因喺第5期同第6期暫時退賽，第7期因喺美國登機時查出患上咗洛杉磯流感被禁止登機，因而延誤咗錄製時間，因此正式退賽。同年10月，同齊豫一齊參加央視大型音樂公益節目中國夢·夢之藍「為了孩子」《夢想星搭檔》第一季節目錄製，攞咗第2場單元賽冠軍，開啟關愛兒童「成長」嘅公益項目。最終姐弟組合獲得《夢想星搭檔》第一季亞軍。

2014年7月，替補好朋友羅大佑，同那英、汪峰、楊坤一齊做中國好聲音第三季導師，比賽期間幾位學員揀佢嘅歌曲同佢致敬。佢嘅戰隊冠軍秦宇子日前都已簽約齊秦公司。同年10月，開啟《2014 CHIN WORLD TOUR飛行魚世界巡演》，分別喺長春、深圳、諸暨、青島、廣州開唱，期間齊秦公司小師妹許藝娜、楊丹、莫龍丹，好聲音戰隊學員秦宇子、南瑪子呷、申鈺林都作為演唱會嘉賓上台。12月，帶埋被叫做「最美和聲」嘅彝族音樂人組合太陽部落組合參加「叫醒耳朵一起唱」《夢想星搭檔》第二季，喺2月16號年度總決賽攞咗季軍。

2016年5月1號，參加浙江衛視大型音樂推理節目《誰是大歌神》，係第9期大歌神。

音樂作品

大碟

發行日期	專輯名	曲 目
1981年	《又見溜溜的她》	曲 目 這首歌 遠方的故鄉 歌不唱心不爽 尋找一個你 長髮溜溜的姑娘 我彈我唱 乘著彩雲來 來跟著我 河 又見溜溜的她
1985年	《狼的專輯》	曲 目 狼 原來的我 太陽雨 曾幾何時 被遺忘的 埡口 不必勉強 異鄉遊子 歲月的休止符 狂想
1986年	《出沒》	曲 目 九個太陽 蜉蝣 寄旅 朋友 冷月 出沒 讓我孤獨的時候還能夠想著你 門與窗 火車快開 今天明天
1987年	《冬雨》	曲 目 冬雨 獨行 外面的世界 黑暗的沉思 戀的冥想 空白 感 大約在冬季 也許...就足夠 請你別對我說再見
1987年	《狼 II》	曲 目 狼 II（巡行） 花祭 狂流 離家的路 心中的鳳凰城 狼 II（蟄伏） 昨天的太陽 自己的沙場 尋 價值
1989年	《紀念日》	曲 目 紀念日 你是天上最遠的那顆星星 遙遠的天空底下 荒 虹 給未來的孩子 思念是一種病 飛行魚 自己的心情自己感受 戰鼓
1990年	《愛情宣言》	曲 目 愛情宣言 別在窗前等我 異鄉遊子 原來的我 珍重我愛 撕裂的愛 窗外 不必勉強 別對我寄望太多 如果真的不要 沒有淚水的分離 愛情宣言（音樂篇）
1991年	《柔情主義》	曲 目 柔情主義—羅曼史 殘酷的溫柔 一面湖水 九個太陽 飛揚的夢 終於放手 大約在冬季 玻璃心 牽著 外面的世界
1994年	《無情的雨無情的你》	曲 目 邊界 無情的雨無情的你 直到世界末日 水岸 南方天空 追逐 紫雨 四季 野馬 邊界城市
1994年	《暗淡的月》	曲 目 港都夜雨 為什麼 暗淡的月 溫泉鄉的吉他 望春風 秋風夜雨 舊情綿綿 思慕的人 望你早歸 補破網 鑼聲若響
1995年	《痛並快樂着》	曲 目 痛並快樂著 I 往事隨風 暴雨將至 袖手旁觀 放任分離 不如這樣吧 背影 盡頭 貝多芬聽不見自己的歌 痛並快樂著 II
1996年	《純情歌》	曲 目 序曲 淡水河邊 放浪人生 雨夜花 一粒流星 再會夜都市 懷念的播音員 青蚵仔嫂 恨世生 可憐戀花再會吧 黃昏的故鄉 純情歌
1996年	《絲路》	曲 目 沉默 不讓我的眼淚陪我過夜 夜夜夜夜 寒雨 回來 擁擠 絲路 塵 火柴天堂 想念 懸崖 不讓我的眼淚陪我過夜（KALA）
1997年	《Longer》	曲 目 Windflowers Run To Me Fragile Wonderful Tonight Desperado Longer Goodbye Girl The Turn Of A Friendly Card If Hotel California
1998年	《我拿什麼愛你》	曲 目 讓我讓你崩潰 我拿什麼愛你 海和天空 朦朧 結局 末日前一秒 貓眼看人 缺口 和愛無關的故事 多少 流浪者之歌 煙囪
1999年	《齊秦的世紀情歌之迷》	曲 目 一無所有 月亮代表我的心 情人的眼淚 戀曲1990 寂寞難耐 如果雲知道 走在雨中 一場遊戲一場夢 我願意 魂縈舊夢 我是一片雲 情網 我找到自己 告別
2002年	《呼喚》	曲 目 真的是我 Sophia 呼喚 其實都是一樣 少了自己 野衣裳 協議分手 受保護 1945 七匹狼 在第六對相遇 呼喚（Additional Version）
2010年	《美麗境界》	曲 目 偶然 城裡的月光 像瘋了一樣 張三的歌 你的樣子 離開我 棋子 不要告別 我多麼羨慕你 長恨苦短 愛的箴言
2017年	《穿樂》	曲 目 願 乖 玻璃心 可惜了 我在夜裡偷看過一顆星星 借根煙 鼓聲若響 模糊 迷路 我在未來等你

精選集

發行日期	專輯名	曲 目
1989年	《讓我孤獨的時候還能夠想著你》	曲 目 原來的我 空白 太陽雨 狂想 蜉蝣 火車快開 請你別對我說再見 門與窗 曾幾何時 讓我孤獨的時候還能夠想著你 今天明天 被遺忘的...
1989年	《新曲與經典精選》	曲 目 撕裂的愛 大約在冬季 價值 黑暗的沉思 冬雨 狂流 阿拉丁的故事 外面的世界 狼 異鄉遊子 花祭 也許...就足夠
1990年	《齊秦精選》	曲 目 大約在冬季 冬雨 獨行 外面的世界 埡口 狼II（巡行） 空白 太陽雨 狼 原來的我 花祭 九個太陽 感 讓我孤獨的時候還能夠想著你 不必勉強
1990年	《齊秦精選 狼的故事》	曲 目 狼 原來的我 埡口 九個太陽 蜉蝣 心中的鳳凰城 狼II（巡行） 花祭 狂流 讓我孤獨的時候還能夠想著你 太陽雨 不必勉強
1994年	《原來的我原來的齊秦精選》	曲 目 冬雨 外面的世界 請你別對我說再見 黑暗的沉思 蜉蝣 九個太陽 太陽雨 埡口 狼 原來的我 大約在冬季 空白 讓我孤獨的時候還能夠想著你 花祭 不必勉強
1994年	《黃金十年 1981-1990 China Tour Live精選集》	曲 目 序曲 九個太陽 埡口 自己的心情自己感受 外面的世界 冬雨 狼（I） 荒 原來的我 殘酷的溫柔 不必勉強 大約在冬季
1997年	《狼'97黃金自選輯》	曲 目 狼（'97年新版） 這一次我絕不放手 懸崖 不讓我的眼淚陪我過夜 無情的雨無情的你 大約在冬季 命運的深淵 '97愛情宣言 Windflowers（齊秦+齊豫） 港都夜雨 往事隨風 不如這樣吧 夜夜夜夜 懷念的播音員
2000年	《流金十載》	曲 目 這一次我絕不放手 朦朧 狼（97版） 去年冬天 不讓我的眼淚陪我過夜 海和天空 往事隨風 絲路 Windflowers 我拿什麼愛你 愛情宣言 懸崖 袖手旁觀 夜夜夜夜 水岸 回來
2000年	《曠世情歌全紀錄 1985-2000》	曲 目 無情的雨無情的你 往事隨風 袖手旁觀 絲路 夜夜夜夜 懸崖 火柴天堂 這一次我絕不放手 我拿什麼愛你 缺口 月亮代表我的心 愛情宣言 狼 大約在冬季 冬雨 埡口 原來的我 殘酷的溫柔 不必勉強 外面的世界
2007年	《永遠的朋友 聲影相隨永恆系列》	曲 目 這一次我絕不放手 朦朧 狼（97版） 去年冬天 不讓我的眼淚陪我過夜 海和天空 往事隨風 絲路 Windflowers 我拿什麼愛妳 愛情宣言 懸崖 袖手旁觀 夜夜夜夜 水岸 回來

現場專輯

發行日期	專輯名	曲 目
1992年	《狂飆 CHINA TOUR 1991 LIVE》	曲 目 Introduction 九個太陽 埡口 自己的心情自己感受 外面的世界 遙遠的天空底下 冬雨 花祭 狼（I） 狼（II） 荒 原來的我 殘酷的溫柔 不必勉強 請你別對我說再見 大約在冬季

電影原聲帶

發行日期	專輯名	曲 目
1995年	《命運的深淵》	曲 目 序幕曲 命運的深淵（結他演奏） 口白 把夢燒光（清唱） 把夢燒光（演奏版） 口白 命運的深淵 演唱版） 口白 去年冬天（結他清唱） 命運的深淵（完整版） 去年冬天（完整版） 我和你（完整版） 把夢燒光（完整版） 口白

《我是歌手》第一季

2013年1月，加盟湖南衛視《我是歌手》第一季、為首發歌手，因家庭原因喺第5期同第6期暫時退賽，第7期因喺美國登機時查出患上咗洛杉磯流感被禁止登機，因而延誤咗錄製時間，因此正式退賽。

我是歌手第一季 齊秦競演排名
期數	輪數	播出日期	演唱歌曲	原唱	歌曲介紹	排名	得票率	出場序	備註
1	第一輪排位賽	1月18號	《夜夜夜夜》	齊　秦	詞／曲：熊天平 編曲：江建民	1	不詳	7	個人最高排名
2	第一輪淘汰賽	1月25號	《用心良苦》	張　宇	詞：十一郎 曲：張　宇 編曲：鍾宗豪	5	不詳	2	兩場總成績第2名、總得票數492票、總得票率16.46%
3	第二輪排位賽	2月1號	《張三的歌》	李壽全	詞／曲：張子石 編曲：江建民	2	16.40%	5	個人最高得票率
4	第二輪淘汰賽	2月8號	《如果雲知道》	許茹芸	詞：季忠平、許常德 曲：季忠平 編曲：鍾興民	7	7.41%	1	個人最低排名同得票率 兩場總成績第6名
10	第五輪淘汰賽	3月22號	《我只在乎你》	鄧麗君	詞：慎　芝 曲：三木剛 編曲：江建民	返場表演		8	—
13	總決賽返場表演	4月12號	《夢田》	齊　豫、潘越雲	詞：三　毛 曲：翁孝良 編曲：梁翹柏	返場表演		5	以組合形式同齊豫演出

演影作品

上映年份	片名	角色	合作演員
1987年	芳草碧連天	周永健	王祖賢、陳松勇、石英

過往情事

• 方美芳
• 王祖賢（1987年－1993年，1995年－2002年）

出面網頁

• 齊秦嘅新浪微博
• 齊秦嘅新浪博客頁面
• 齊秦嘅QQ空間
• 齊秦喺香港影庫嘅資料（香港繁體）
• 齊秦喺豆瓣電影嘅資料（簡體中文）
• 齊秦喺時光網嘅資料（大陸簡體）
• 齊秦喺互聯網電影資料庫嘅資料（英文） （英文）