1972年夏季奧林匹克運動會

1972年夏季奧林匹克運動會係第20屆現代奧林匹克運動會，1972年8月26號到9月10號喺西德慕尼黑搞。

雖然運動會原定9月8號閉幕，但就快結束前爆出震驚全球嘅慕尼黑慘案，事發後奧組委宣佈暫停比賽兩日，閉幕日子亦因而順延兩日。

賽事焦點

• 美國游水運動選手馬克·史畢茲攞到7面金牌，重打破7個世界紀錄。
• 時年16歲嘅西德女子跳高選手烏里姬·美法特贏得金牌，係奧運史上最後生嘅個人項目金牌得主，12年後（1984年）又贏得一面金牌，成為年紀最大嘅跳高項目金牌得主。