Smile (張學友專輯)
閱讀設定
Smile | ||||
---|---|---|---|---|
![]() | ||||
張學友嘅錄音室專輯 | ||||
發行日期 | 1985年4月 | |||
類型 | 粵語流行音樂 | |||
唱片公司 | 寶麗金 | |||
監製 | 歐丁玉 | |||
張學友專輯年表 | ||||
|
《Smile》係香港歌手張學友嘅首張粵語專輯,寶麗金唱片公司製作發行。
介紹
[編輯]唱片喺香港推出後大熱,出乎寶麗金唱片公司同張學友本人嘅意料。佢迅速咁開始為人所知,而唱片入面嘅一啲歌曲亦成爲幾十年不朽嘅經典名曲,如《情已逝》、《Smile again 瑪莉亞》等。佢獲得1985年度十大中文金曲,同埋首次設立嘅十大中文金曲獎最有前途新人獎嘅金獎,可以話係一炮而紅[1]。
當時喺錄製唱片同推出唱片後嘅一段時間,佢唔係一個全職歌手,佢因為生活壓力問題都冇辭咗佢喺香港貿易發展局嘅文員工作。但首張唱片即憑藉佢堅實嘅實力,喺寶麗金唱片公司冇重視推廣嘅前提下賣出超過30萬張(六白金),而呢張鐳射唱片較另一天皇級人馬劉德華嘅《袛知道此刻愛你》相差一個月出版。
專輯中嘅主打歌曲之一《Smile Again 瑪莉亞》其中嘅高潮和音部份由當時啱啱過檔寶麗金唱片、佢嘅好友陳慧嫻演唱,當時陳慧嫻都同張學友嘅死黨兼拍檔、音樂人歐丁玉拍拖,由此開始呢個黃金鐵三角幾年嘅合作。
曲目
[編輯]曲序 | 曲目 | 填詞 | 作曲 | 編曲 | 備註 | 時長 |
---|---|---|---|---|---|---|
1. | 輕撫妳的臉 | 卡龍 | 羅大佑 | 盧東尼 | 改編自台灣歌手羅大佑嘅《穿過妳的黑髮的我的手》 國語版係《穿過妳的黑髮的我的手》 | 3:21 |
2. | 愛的卡幫 | 林敏驄 | 盧東尼 | 盧東尼 | 3:28 | |
3. | 絲絲記憶 | 盧永強 | 姚凱祿 | 盧東尼 | 電影《錯點鴛鴦》主題曲 國語版係《每次都想呼喊你的名字》 | 3:01 |
4. | 局外人 | 林振強 | 高中正義 | 盧東尼 | 改編自日本歌手中森明菜嘅《十戒》 | 3:30 |
5. | 懷抱的您 | 文井一 | 林敏怡 | 林敏怡 | 3:36 | |
6. | 甜夢 | 林敏驄 | Dan Hartman | 盧東尼 | 改編自美國歌手Dan Hartman嘅《I Can Dream About You》 華納版本係陳百強遺作《在這孤獨晚上》 | 3:56 |
7. | 情已逝 | 潘源良 | 來生孝夫 | 盧東尼 | 改編自日本歌手來生孝夫嘅《Goodbye Day》 國語版係《情已逝》 | 4:38 |
8. | 造夢者 | 潘源良 | 威林 | 盧東尼 | 國語版係《夢》 | 3:00 |
9. | 溫柔 | 林敏驄 | 林敏怡 | 林敏怡 | 4:30 | |
10. | 交叉算了 | 林敏驄 | 鈴木喜三郎 | 盧東尼 | 改編自日本組合SALLY嘅《バ-ジン・ブル-》 | 3:03 |
11. | Smile Again 瑪莉亞 | 卡龍 | Keith Brown John Stanley | 盧東尼 | 改編自匈牙利組合Neoton Familia嘅《Smile Again》 國語版係《永遠的笑靨》 | 4:57 |
獎項
[編輯]- 「十大勁歌金曲」:《情已逝》
- 「白金唱片」:《Smile》
參考
[編輯]- ↑ 〈張學友最重要十張專輯〉 (簡體中文). ZOL. 2006-08-12. 原著喺2012-03-14歸檔. 喺2009-07-11搵到.