Wikipedia:唔啱維基百科嘅嘢
呢篇文或者呢段要 翻譯(或者由 en:Wikipedia:What Wikipedia is not加料)。 |
呢頁喺英文維基百科嘅對應頁係一項正式政策,但粵語維基百科重未達成共識。所以內容只供參考。 請參照英文版嘅對應頁或討論頁以進一步完善內容,提議同參與討論佢係唔係可以成為粵語維基百科嘅正式政策同指引。 |
呢頁啱啱由唔知邊度翻譯過嚟。 |
維基百科係一部網上嘅百科大全,就係咁多。用網上社群形式畀一啲希望有一部高質數百科大全嘅人合作去搞。要合作搞得成呢部百科大全,就需要參與者嘅互相尊重,所以有幾樣嘢喺維基百科係唔啱做嘅。
維基百科嘅政策 |
---|
文章嘅標準 |
同維基友合作 |
有乜嘢唔啱維基百科?
[編輯]維基百科唔係一本印好嘅書
[編輯]維基百科唔係一本印出嚟嘅書,喺呢度完全無限定只可以寫幾多個題目或者只可以開幾多頁,只要合乎編輯要求,任何人都可以加嘢減嘢。
維基百科對每篇文章大細有可行嘅限制,取決於網頁下載大細畀撥號,微型瀏覽器讀者同埋為所有人嘅可讀性考慮。重有,將一篇文分拆成幾篇並留低充足嘅總結係文章成長嘅一部份。部份文章喺百科全書只佔好小篇幅,但係維基百科唔需要紙,可以提供更多嘅嘢,包括更多嘅適當連結。
噉即係話你唔使將一個範疇跳轉到局部相似而又多啲人睇嘅範疇。整一個「睇埋」節指明範疇嘅更多資料可以喺其他差唔多範疇嘅頁睇到可能更加好。
維基百科唔係字典
[編輯]維基百科唔係字典,唔係文法指引,維基百科嘅文唔係:
- 字典:維基百科唔係字典或者辭典,唔好只係去定義一樣嘢,一篇文唔應該單單只係去定義呢樣係乜呢樣係物噉,而係要概括各種資訊令篇文更合乎百科大全嘅準則。除非個字係有文化意義噉都可以勉強接受。
- 定義一覽:除非係搞清楚頁用嚟闡明返相關嘅文。
- 俗語字典:維基百科唔係用嚟教人點樣用字,唔係用嚟教人點樣講嘢講得有型夠格,除非句嘢本身涉及有唔同意義嘅解釋,噉就可以接受。
維基媒體另設維基詞典(另外喺孵化器都搞咗個粵文維基辭典),對呢方面有興趣可以去嗰度貢獻。
維基百科唔係用嚟發表原創意念
[編輯]維基百科唔係畀人發表個人思想同分析,或者發表一啲新思想,唔該唔好用維基百科嚟做以下呢啲嘢:
- 原創研究:例如提出理論同解決方案、原創主意、定義術語、杜撰新詞等。如果你做一個文章嘅原創研究,然後喺其他地方例如同行評議刊物,其他印刷形式或者受尊重嘅網站發佈你嘅論點,一旦你嘅嘢成為可接受知識嘅一部份,維基百科就會將佢納入。唔係所有加入維基百科嘅資訊要係源自同行評議刊物,但係請確保所有資訊都係可靠同查證得到。例如,引用書本、印刷、或者可靠嘅網站資源表明資料係查證得到,而唔係只係編輯者嘅意見。
- 獨家發明:如果你發明一個新字 frindle 或者一個新嘅足球腳法,喺有另一手資料講佢之前佢都唔應該係文章內容。維基百科唔係用來畀一樣喺一日喺學校做到嘅嘢!
- 個人文學:指說明你對一對某個話題嘅感想(並非專家嘅共識)。維基百科係要編譯人類嘅智慧。佢唔係一個令個人意見成為一樣人類知識嘅媒介。喺異常情況下如果一個人嘅意見係夠重要去討論,最好都係畀其他人寫。關於維基百科嘅個人文章可以發佈到你嘅用戶空間或者元維基。Wikinfo有一個維基百科福克提倡喺文章發表個人意見。
- 時事政論:係一個特殊情況。雖然時事可能煽動激情同埋誘使人去「攀登肥皂箱」(例如:熱情地鼓吹佢哋嘅不悅觀點),維基百科唔係呢類嘅媒介。文章需要平衡觀點,令時事可以喺一個合理嘅角度輸入。而且,維基百科作者應該努力去寫文章,咁樣先唔會好快過時。
- 討論區:請盡量繼續幫百科加料。你可以喺討論頁同人傾同維基百科有關嘅文章,同埋喺討論頁解決同文章有關嘅問題,但請唔好將討論帶入文章。重有,你要記住討論頁嘅存在係用來討論點樣美化一篇文;而唔係用嚟作同文章主題有關嘅一般討論。嗰度有好多早期階段嘅項目試圖用維基來討論同辯論。
- 新聞報告:維基百科唔應該提供第一手新聞報告。維基百科唔係第一手資料。不過我哋嘅姊妹計劃維基新聞就啱啱相反,係有義務去做第一手資料。而家維基百科有好多有歷史意義嘅百科文章係有新聞講,兼可以用查證到嘅呢類資料更新。
維基百科唔係用嚟畀人發高見
[編輯]維基百科唔係用嚟畀人大發高見、唔係用嚟爭論、傳教或者賣廣告。所以,喺維基百科嘅文入面唔應該有以下啲嘢:
- 宣道、傳教或招聘:呢度係講任何形式嘅嘢,包括商業上、政治上、宗教或者任何嘢,啲文係應該客觀咁去講呢啲嘢,無論點都要喺中立觀點原則之下去寫,而宣道呀、傳教呀、請人呀咁,呢啲嘢呢,最好自己開返個 Blog,或者去合適嘅新聞組度搞啦。
- 發表評論:雖然一啲社會事件或者政治事件,會激起好多人有唔同諗法,相關嘅文好容變成畀人用嚟大發高見,但維基百科並唔係咁樣用,如果係涉及緊一啲時事觀點,最好可以平衡返各種唔同觀點,儘量交代返唔同人嘅睇法,令篇文合乎返中立觀點原則。
- 個人宣傳:你當然可以寫關於你自己或者你做緊嘅嘢,但要留意確保寫嘅嘢係合乎百科大全標準,同其他所有文嘅準則都一樣,至少都要有根據同中立觀點呢啲原則。
- 賣廣告:如果篇文係同一間公司、產品有關,你寫嘅嘢一定要合乎中立觀點政策,即係話,至少要有第三者媒介嘅資料做根據,而一啲濕碎或者一啲唔多人識無乜代表性嘅公司仔都唔太啱寫。而一啲商業機構嘅連結最好係啲有代表性嘅公司,同埋要同篇文嘅內容有關。記住記住記住,維基百科唔係用嚟支援任何生意或者扶持一啲新公司或者計劃,請參考值得注意或有顯著成就嘅公司或者組織睇下乜嘢公司係值得寫。