Svoboda | Graniru | BBC Russia | Golosameriki | Facebook

Bhàsaich treas neach an dèidh tubaist air an A9

  • Air fhoillseachadh
mapa

Dh'innis Poileas Alba gu bheil treas neach air bàsachadh an dèidh tubaist air an A9 aig Ralia, deas air Baile Ùr an t-Slèibh, air an 10mh den Lùnastal, san robh làraidh agus càr an sàs.

Bhàsaich boireannach, 75, agus fireannach, 45, aig làrach na tubaiste.

Chaidh boireannach, 46, a bha a' dràibheadh a' chàir a thoirt a dh'Ospadal Ninewells ann an Dùn Dè agus i air a fìor dhroch leòn.

Bhàsaich i Là na Sàbaid an 14mh den Lùnastal.

Cha deach dràibhear na làraidh, fear aois 59, a ghoirteachadh.

Thuirt an t-Sairdeant Alasdair MacAoidh: "Tha ar smuaintean le càirdean agus caraidean an fheadhainn a chaill am beatha aig an àm dhuilich seo.

"Tha an sgrùdadh againn a' leantainn feuch dè a dh'adhbhraich an tubaist agus tha sinn ag iarraidh air daoine as urrainn ar cuideachadh thighinn a bhruidhinn rinn."

Ma tha fiosrachadh aig daoine bu chòir dhaibh fònadh gu Poileas Alba air 101.