Tlws John a Ceridwen Hughes i Menna Williams

Menna Williams o Langernyw yn Sir Conwy yw enillydd Tlws John a Ceridwen Hughes eleni.

Mae'r tlws yn cael ei gyflwyno'n flynyddol yn ystod wythnos Eisteddfod yr Urdd am gyfraniad sylweddol i fywyd ieuenctid Cymru.

Aeth y gyflwynwraig Heledd Cynwal draw i gyhoeddi'r wobr o flaen neuadd o blant Ysgol Bro Cernyw, a hynny ar ddiwrnod pen-blwydd Menna yn 80 ddydd Llun.

Mae ei hymroddiad yn cael ei ddisgrifio fel "amhrisiadwy" i blant a phobl ifanc yr ardal.