Qesira Sipî ragihand ku Serok Joe Biden wê heta ku testa wî ya vîrusa korona negatîf derkeve, di karantînê de bimîne.
Berdevika Qesira Sipî Karine Jean-Pierre roja Pêncşemê da zanîn ku doktorê Biden, Kevin O’Connor dê biryarê bide ka bo qedandina karantînê du testên negatîf hewce ne yan ne.
O’Connor do Pêncşemê da zanîn ku testa vîrûsa korona ya Biden careke din pozîtîf derketiye.
Wî dîyar kir ku tevî testa Biden pozîtîf derketiye jî rewişa wî pir baş e.
Biden yê 79 salî di 21’ê Tîrmehê de cara pêşî bi vîrusa korona ketibû.
Karantîna Serok Biden Didome
