Yisiphithiphithi esigabeni seBulilima, eMatabeleland South, lapho okulokhetho lwama by elections okudinga amakhansila amathathu ekuqaleni kwenyanga ezayo.
Kulabamela amabandla ambalwa abazancintisa kulolukhetho begcwalisa izikhundla ezatshiywa ngokhansila beZanu PF oMnu. Tonny Mlotshwa, Ntungamili Dube, kanye lowabhubhayo uMnu. Delani Mabhena.
Lolukhetho lukhangelwe ngeso lokhozi ngabanengi ngoba impumela yalo izatshengisa ukuthi ukhetho lwelizwe jikelele olomnyaka ozayo luzahamba njani esigabeni se Matabeleland South sona esandise ukuthathwa libandla le Zanu PF.
Sixoxe lesikhulumeli sebandla le Citizens Coalition for Change esigabeni se Matabeleland South, uMnu. Ntando Ndlela ukuze sizwe okwenzakalayo esigabeni lesi.
