TV
ཀུན་གླེང་། ༢༠༢༢ ལོའི་ཟླ་༧ ཚེས་༡
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་འཛམ་གླིང་བཟོ་ལས་ཡར་ཐོན་རྒྱལ་ཁབ་བདུན་དང་ནུབ་ཆིངས་དམག་དོན་སྒྲིག་འཛུགས་ཀྱི་ཚོགས་ཆེན་གཉིས་ཀའི་གྲུབ་དོན་དང་། ཧྥེ་ལེ་པིན་གྱི་སྲིད་འཛིན་གསར་པ། ཧོང་ཀོང་གི་ལོ་༢༥ ཡི་དུས་སྟོན་སོགས་ཡོད། དེ་རིང་གི་དྲ་སྣང་གི་བོད་དུ་དྲ་ལམ་འཕྲུལ་དེབ་ཏུ་བྱིས་སྒྲུང་གི་དེབ་གསར་པ་དང་། ༼ བོད་གསར་པ་ ༽ཞེས་པའི་ཆབ་སྲིད་དྲིལ་བསྒྲགས། ལྷ་སའི་ཉིན་གཅིག་ཅེས་པའི་གླུ་གཞས་སོགས་ཡོད། ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་ཆབ་སྲིད་བཙོན་པ་བསྟན་འཛིན་ཆོས་འཕེལ་ལགས་ངོ་སྤྲོད་བྱས་ཡོད། ནག་ཆུ་ཁུལ་ནས་ཡིན་པའི་ཁོར་ཡུག་དང་རིག་གཞུང་སྲུང་སྐྱོབ་ཀྱི་ལས་འགུལ་བ་དང་ཚོང་པ་ཁོང་ལ་མི་ལོ་བཅོ་བརྒྱད་རིང་བཙོན་འཇུག་གི་ཁྲིམས་ཐག་བཅད་པ་རེད། ཀུན་གླེང་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་འབུམ་རམས་པ་ཚེ་དབང་རྡོ་རྗེ་ལགས་དང་ལྷན་དུ་འཕགས་བོད་ས་མཚམས་སུ་ཚོང་ལམ་ཁག་ཅིག་ཡོད་པ་དེ་དག་གི་བོད་དེ་ལོ་རྒྱུས་ཐོག་ནས་རང་བཙན་གྱི་གནས་བབ་ཆགས་ཀྱི་ཡོད་མིན་གྱི་གནས་སྟངས་སྐོར་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།