TV

Korrespondetja e Zërit të Amerikës ishte në vendkalimin e Merdarës për të parë nga afër se si po zbatohet marrëveshja mes Kosovës dhe Serbisë për dokumentet e identifikimit, zbatimi i së cilës nisi nga mesnata e sotme. Ish presidenti Ilir Meta paditi sot Autoritetin për Informimin mbi Dokumentet e ish Sigurimit të Shtetit për 6 shkelje ligjore, që sipas tij ka bërë ky institucion, duke ia përmendur emrin në shkresat drejtuar Kuvendit, si i lidhur me Sigurimin e Shtetit gjatë viteve të diktaturës komuniste. Autoriteti i dosjeve i mohoi sot akuzat. Në Shqipëri, prej muajit që vjen konsumatorët familjarë do të përballen me çmime me të larta të energjisë. Me këtë lëvizje qeveria synon të reduktojë koston e lartë të importeve të mëdha të energjisë, si dhe të nxisë kursimin. Zëri i Amerikës bisedoi me ministren e Infrastrukturës dhe Energjisë, Belinda Balluku, e cila thotë se megjithë krizën, nuk do të zbatohen kufizime të energjisë.