Drejtori i Policisë së Kosovës, Samedin Mehmeti, jep dorëheqjen, një ditë pas publikimit të rastit të përdhunimit të një 11 vjeçareje në Prishtinë. Në Shqipëri, policia arreston 28 vjeçarin turk Faruk Ozer, i shpallur në kërkim ndërkombëtar nën dyshimet për mashtrim me kriptomonedha. Instituti i Studimeve Politike në Tiranë bën të ditur se një pjesë e madhe e mediave online po shkelin të drejtat e njeriut, duke ushtruar veprimtarinë e tyre në informalitet.