Հենրի Ֆորդն ասում էր, որ նա, ով դադարում է սովորել, ծեր է՝ քսան թե ութսուն տարեկանում, իսկ նա, ով շարունակում է սովորել, մնում է երիտասարդ։ Երիտասարդ մնալու գաղտնիքներից մեկն է սովորելը և այն կենսակերպ դարձնելը։ Կիսվում ենք Ձեզ հետ մի քանի խորհուրդներով, որոնք կօգնեն Ձեզ սովորելը դարձնել առօրյա կենսակերպի մի մաս։ 📌 Սկսե՛ք մտադրությունից։ Յուրաքանչյուր օր որոշեք նոր բան սովորել։ Դա կարող է լինել նոր հմտություն, փաստ, գաղափար, Ձեր միտքը բաց պահեք զարգացման համար։ ⏰ Հատկացրե՛ք ժամանակ։ Օրվա մեջ որոշակի ժամանակ հատկացրեք սովորելուն. առավոտյան, ընդմիջման ժամին կամ քնելուց առաջ։ Հետևողականությունը կարևոր է։ 📖 Փնտրե՛ք նյութեր։ Առանձնացրեք Ձեզ հետաքրքրող թեմաները և փնտրեք դրանց մասին նյութեր. գրքեր, հոդվածներ, փոդքասթներ, առցանց դասընթացներ և այլն։ Երբ թեման հետաքրքիր է, սովորելը դառնում է հաճույք։ ⏳ «Միկրո-սովորել»։ Ճնշված մի զգացեք ժամեր հատկացնելու սովորելուն, օրական անգամ 15-30 րոպե հատկացնելով՝ ժամանակի ընթացքում բավականին արժեքավոր գիտելիքներ կարող եք կուտակել։ 🗒 Կատարե՛ք գրառումներ։ Գրի առեք կարևոր կետերը կամ Ձեր մտքերը դրանց շուրջ։ Սա նպաստում է սովորելուն և օգնում է մտապահել ինֆորմացիան։ 💡 Կիսվե՛ք պատկերացումներով և մտքերով։ Ձեր ընկերների, ընտանիքի անդամների հետ քննարկեք՝ ինչ սովորել եք։ Այլ մարդկանց սովորեցնելը օգնում է Ձեզ ավելի լավ հասկանալ թեման։ 🎧 Բազմաֆունկցիոնալ ուսուցում։ Լսեք աուդիոգրքեր, փոդքասթեր, երբ որևէ տեղ եք գնում, տնային գործերով եք զբաղված կամ մարզվում եք։ 📅 Շաբաթական թեմաներ որոշե՛ք։ Յուրաքանչյուր շաբաթը նվիրեք Ձեզ հետաքրքող որևէ թեմայի և փորձեք այդ թեման ուսումնասիրել տարբեր աղբյուներով։ 📐 Փորձե՛ք սովորածը կիրառել։ Նոր բան սովորելուց հետո, մտածեք, թե ինչպես այն կարող եք կիրառել Ձեր կյանքում կամ աշխատանքում։ 🏆 Պարգևատրե՛ք ինքներդ Ձեզ։ Սովորելու ճանապարհին՝ տոնեք Ձեր ձեռքբերումները և հպարտացեք Ձեզանով՝ նվիրվածության համար։ 🔎 Մնացե՛ք հետաքրքրասեր։ Մի՛ վախեցեք հարցեր տալ ու լինել հետաքրքրասեր. որքան շատ հարցեր ունեք, այնքան շատ բացահայտումներ կարող եք անել։ Սովորելը միայն ֆորմալ կրթությունը չէ, այն Ձեզ շրջապատող աշխարհը հասկանալն է։ Սովորելը առօրյա կենսակերպ դարձնելով՝ ներդրում եք կատարում անձնական և մասնագիտական աճի մեջ։ #lifelonglearner #knowledgeispower #dailylearning #habits
-
+6