ძირითადი ინფორმაცია
საინფორმაციო სააგენტო „არმენპრესი“ დაარსდა 1918 წლის 18 დეკემბერს, როდესაც სომხეთის პირველი რესპუბლიკის ეროვნული საბჭოს გადაწყვეტილებით შეიქმნა უპრეცედენტო სახელმწიფო საინფორმაციო სომხური სატელეგრაფო სააგენტო. ამჟამად საინფორმაციო სააგენტო „არმენპრესი“ მუშაობს როგორც დახურული სააქციო საზოგადოება, რომლის აქციებს სომხეთის რესპუბლიკა ფლობს. სააგენტო ყველაზე ძველია სომხეთში. ამ დროისთვის მას ახალი ამბების თვრამეტი ფირი აქვს: ოფიციალური, პოლიტიკური, ეკონომიკური, საზოგადოებრივი, რეგიონალური, საერთაშორისო, კულტურული, სპორტული, ინტერვიუები, ფოტო სიახლეები და ა.შ.
„არმენპრესის“ გუნდი ინარჩუნებს სააგენტოს წამყვან როლს სომხურ საინფორმაციო ველზე და სააგენტოს არსებობის უზრუნველყოფისა და განვითარების თვალსაზრისით შექმნილი აქვს მყარი საფუძველი რეგიონულ და საერთაშორისო მედია პლატფორმებზე.
სააგენტო აქტიურად აშუქებდა, ავრცელებდა და წამყვან საერთაშორისო მედიასაშუალებებში წარმოაჩენდა სომხეთის რესპუბლიკისთვის საკვანძო მნიშვნელობის მქონე ყველა მოვლენას, იღებდა საპირისპირო ზომებს აზერბაიჯანული პროპაგანდის წინააღმდეგ, იყო და რჩება სომეხთა გენოციდის საერთაშორისო აღიარებისა, თურქული უარმყოფელობის გამოვლენის წინამორბედად.
ჩვენ ვამაყობთ „არმენპრესის“ მკითხველებითა და გამომწერებით, სიამოვნებით ვაფიქსირებთ სააგენტოს მიერ მიწოდებულ ინფორმაციისადმი ნდობას და გამოყენებას სომხეთისა და დიასპორის პრესაში.
სააგენტო აქტიურად მუშაობს თითქმის ყველა სოციალურ პლატფორმაზე. ის ინდექსირებულია News google.com და Bing news საერთაშორისო სისტემებისა და Yandex-ის ახალი ამბების მიერ.
„არმენპრესს“ უამრავი გამომწერი ჰყავს როგორც სომხეთში, ასევე მის ფარგლებს გარეთ. მედიასაშუალებების გარდა „არმენპრესის“ გამომწერები არიან საელჩოები, საერთაშორისო ორგანიზაციები, ბანკები, ანალიტიკური ცენტრები და ა.შ.
სააგენტო ყოველდღიურად აქვეყნებს 400-მდე სიახლეს სომხურ, რუსულ, ინგლისურ, არაბულ, ფრანგულ, თურქულ და ესპანურ ენებზე.
სააგენტოს ვებგვერდი აკმაყოფილებს თანამედროვე მოთხოვნებს და ხელმისაწვდომია როგორც კომპიუტერებისა, ასევე სმარტფონებისთვის.
საერთაშორისო თანამშრომლობა
„არმენპრესი“ 4 საერთაშორისო მედია ორგანიზაციის წევრია. სააგენტო წარმოადგენს სომხეთს დსთ-ს საინფორმაციო საბჭოში, შავი ზღვის რეგიონის ეროვნული საინფორმაციო სააგენტოების ასოციაციაში, სამხრეთ-აღმოსავლეთ ევროპისა და ბალკანეთის ქვეყნების ეროვნული საინფორმაციო სააგენტოების საბჭოში (დამკვირვებელი) და ახალი ამბების სააგენტოების მსოფლიო კონგრესში. 2014-2016 წლებში „არსენპრესი“ თავმჯდომარეობდა შავი ზღვის რეგიონის ეროვნული საინფორმაციო სააგენტოების ასოციაციას, რომლის და დსთ-ს საინფორმაციო საბჭოს სხდომები 2014 წელს ერევანში გაიმართა.
„არსენპრესს“ 20-ზე მეტ წამყვან საინფორმაციო სააგენტოსთან გაფორმებული აქვს ორმხრივი პარტნიორობის შესახებ ხელშეკრულება. ჩვენს პარტნიორებს შორის არიან TASS, Reuters, Xinhua, IRNA, MENA, BTA, AGERPRES, BELTA, Kazinform და მრავალი სხვა მედია საშუალება, რომლებთანაც ხდება ინფორმაციისა და ფოტოების გაცვლა.
სააგენტოს თანამშრომლები რეგულარულად მონაწილეობენ სხვადასხვა საერთაშორისო კონფერენციებში, საინფორმაციო გამოფენებსა და სასწავლო პროგრამებში.
თანამშრომლობა არცახთან
„არმენპრესი“ ყოვლისმომცველ დახმარებას უწევს არცახის საინფორმაციო სააგენტო „არცახპრესს“ მის განვითარებასა და გაძლიერებაში. „არცახპრესთან“ თანამშრომლობის ხელშეკრულება გაფორმდა, რომელიც გულისხმობს „არმენპრესის“ ინტერნაციონალიზაციას და „არსენპრესის“ არხებით ცნობადობის ამაღლებას არცახის შესახებ.
2016 წლის ოქტომბერში გაფორმდა თანამშრომლობის მემორანდუმი „არმენპრესსა“ და არცახის ჟურნალისტთა კავშირს შორის, რომელიც გამიზნულია არცახის ახალგაზრდა ჟურნალისტებისთვის საგანმანათლებლო პროგრამების ორგანიზებისთვის, როგორც დისტანციური ტრენინგებით, ასევე სომხეთში არცახის ჟურნალისტების ვიზიტებით.
პრესცენტრი
დღეს სომხეთში პრესკონფერენციების ერთ-ერთი ყველაზე აქტიური, თანამედროვე და პოპულარული პლატფორმა „არმენპრესის“ პრეს ცენტრია. პრეს ცენტრში ყოველკვირეულად იმართება 4 ღონისძიებასა ზოგადოების ფართო ჩართულობით.
ფოტომომსახურება
სააგენტო ფოტომომსახურების მოდერნიზებაზე აქტიურ სამუშაოებს ახორციელებს. „არმენპრესის“ ფოტოქრონიკა ყოვლისმომცველ მხარდაჭერას უწევს სახელმწიფო ორგანოებსა და უწყებებს. კერძოდ, ის მხარს უჭერს სომხეთის საგარეო საქმეთა სამინისტროს გამოფენების ორგანიზებით და უცხოურ პრესაში პუბლიკაციების მომზადებით. ფოტომომსახურებას აქვს მდიდარი ფოტო არქივი, რომელიც წარმოადგენს სომხეთისა და რეგიონის უნიკალურ ისტორიას. ფოტოარქივში 100 ათასამდე ფოტო ინახება.
საერთაშორისო მედიის ჩართვა
საერთაშორისო მედიაში „არმენპრესი“ სომხეთის ყველაზე ციტირებად მედიას წარმოადგენს. მედიაპარტნიორების გარდა, „არმენპრესის“ მიერ მომზადებულ სიახლეებს იყენებენ ისეთი საერთაშორისო გიგანტები, როგორიცაა CNN, UPI, BBC, RiaNovosti და ა.შ.
საგანმანათლებლო პროგრამები
2012 წელს „არსენპრესმა“ სააგენტო „როიტერსთან“ თანამშრომლობით სომეხი ფოტოჟურნალისტებისთვის სემინარ-ტრენინგი ჩაატარა, რომლის ფარგლებშიც 20-მდე ფოტორეპორტიორი გადამზადდა.
ყოველწლიურად სააგენტოში სტაჟირებას გადის ერევნის სახელმწიფო უნივერსიტეტის, ერევნის სახელმწიფო ლინგვისტური უნივერსიტეტის, ფიზიკური კულტურისა და სპორტის უნივერსიტეტის 30-ზე მეტი სტუდენტი, რომლებიც ჟურნალისტიკასა და მთარგმნელობით საქმიანობაში სპეციალიზირდებიან.
საქმიანობის სხვა მიმართულებები
ინფორმაციის წარმოებისა და გავრცელების გარდა, სააგენტომ ბოლო წლებში არაერთი სპეციალური პროექტი განახორციელა, რომელთაგან ზოგიერთი განსაკუთრებით წარმატებულად შეიძლება ჩაითვალოს.
- სომეხთა გენოციდის 100 წლისთავისთვის გამოიცა გენოციდის გადარჩენილთა მემუარები, რომლის საფუძველზე იტალიურ-არაბულმა Assadakah ცენტრმა „არმენპრესთან“ ერთად გამოსცა ცალკე ტომი სომხების გენოციდის შესახებ, რამაც ფართო გამოხმაურება გამოიწვია იტალიაში. იტალიური და სხვა საერთაშორისო ტელევიზიების მიერ გადარჩენილთა შესახებ უამრავი სიუჟეტი იქნა წარმოდგენილი.
- დიდი სამამულო ომის გამარჯვების 70 წლის იუბილესთან დაკავშირებით, „არმენპრესის“ ომთან დაკავშირებული პლაკატების არქივი გაციფრულდა და წარმოდგენილ იქნა გამოფენისა და ცალკე ალბომის სახით.
- სააგენტომ მრავალი საგამოფენო პროექტი განახორციელა. სომხეთის რესპუბლიკის დამოუკიდებლობის 25 წლის იუბილესთან დაკავშირებით „არმენპრესმა“ ფონდ „მენქ(ჩვენ)“-თან თანამშრომლობით მოაწყო ფოტოგამოფენების სერია ერევანში, პარიზსა და გლენდეილში.
- ერევნის მსოფლიო წიგნების დედაქალაქად გამოცხადების დღესთან დაკავშირებით საფუძველი ჩაეყარა „ერევნის ბესტსელერი“ პროექტს, რომელიც თითქმის ათი წელია აჯამებს ერევანში ყოველკვირეულად გაყიდული წიგნების რეიტინგებს და ყოველწლიურად დედაენის დღეს (21 თებერვალი) იმართება „ერევნის ბესტსელერის“ დაჯილდოების ცერემონია.
- „არმენპრესმა“ ასევე განახორციელა „ნორამუტ“ ახალგაზრდული პროექტი, რისთვისაც სააგენტოს გადაეცა „ჰაიკიანი“ ყოველწლიური ჯილდო ნომინაციაში „წლის ახალგაზრდული ახალი ამბების პროექტი“.
- 2017 წელს სომხური PR ასოციაციის ყოველწლიური დაჯილდოების ცერემონიის შედეგად სახელმწიფო საინფორმაციო სააგენტო „არმენპრესი“ წლის მასმედიად აღიარეს.
- „არმენპრესმა“ დააარსა პოდკასტის სერვისი, რომლის ფარგლებშიც ხორციელდება სპეციალური პროექტები სხვადასხვა თემატური მიმართულებით.
Facebook https://www.facebook.com/armenpress
Twitter https://twitter.com/armenpress
Instagram https://www.instagram.com/armenpress/
Telegram https://t.me/armenpress