Mtisambebi.ge საქართველოში მაღალმთიან რეგიონებზე ფოკუსირებული ერთადერთი მედია რესურსია.

პროექტის მიზანია ისეთი დასახლებებიდან, როგორიცაა თუშეთი, ხევსურეთი, ფშავი, მთიულეთი, ხევი, თრიალეთი, სამცხე – ჯავახეთი, მთიანი აჭარა, რაჭა – ლეჩხუმი და სვანეთი ახალი ამბების მომზადება და გავრცელება.

გამოცემა განსაკუთრებულ ყურადღებას უთმობს მთიან რეგიონებში არსებული პრობლემების გადაწყვეტის ხელშეწყობას.

ამ მიზნის მისაღწევად Mtisambebi.ge

• ინტენსიურად აშუქებს მაღალმთიან რეგიონებში მოსახლეობისთვის მნიშვნელოვან პრობლემებს მულტიმედიური ახალი ამბებისა და სიღრმისეული რეპორტაჟების საშუალებით;
• ქმნის მოქალაქე – რეპორტიორების ქსელს და სათემო აქტივისტებთან ერთად, ცალკეული პრობლემების გადაწყვეტის მიზნით, აწარმოებს ადვოკატირების კამპანიებს;
• მონიტორინგს უწევს ადგილობრივი თვითმმართველობისა და ცენტრალური ხელისუფლების საქმიანობას;
• ცდილობს მთიანი რეგიონების მიმართ ნაციონალური მასშტაბით მედიისა და საზოგადოების ყურადღების გაზრდას;

პროექტს მართავს საინფორმაციო ცენტრების ქსელი (ICN).

ICN დამოუკიდებელი ორგანიზაციაა, რომელიც ამუშავებს ვებგვერდებს: www.Reginfo.ge; www.Radioway.ge; www.Regmarket.ge;

საინფორმაციო ცენტრების ქსელს მიღებული აქვს:

• ტოლერანტობის ქომაგის წოდება – საქართველოში ტოლერანტობის კულტურის განვითარებაში შეტანილი გამორჩეული წვლილისთვის;
• ევროკავშირის პრიზი – ნომინაციაში – ყველაზე ინფორმაციული სააგენტო;
• ჯოშუა ფრიდმანისა და ევროპული ჟურნალისტიკის ცენტრის პრიზი [EJC] – ექსტრემიზმის საკითხების გაშუქებისთვის.
• გაეროს ბავშვთა ფონდისა [UNICEF] და საქართველოს ჟურნალისტური ეთიკის ქარტიის პრიზი - ბავშვთა საკითხების სიღრმისეულად გაშუქებისთვის.